Panmaeq 11:10 - Akha

¹⁰ Aˬ yawꞈ nyaꞈ shiˇ-euˬ baˬ da neh miˇ tsaˬ zaˬ deuˬ laˬ kʼaˬ cehˇ tehꞈ-a. Aˬ yawꞈ maꞈ bawˬ-iˬ gʼeh-awˇ, tiˬ gʼaˬ tiˇ gʼaˬ laꞈ sawˬ biꞈ ha tehꞈ-a. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu kʼoeˇ nyiˬ gʼaˬ neh miˇ tsaˬ zaˬ deuˬ kʼoeˇ taˆ shaˬ dui zahˬ dui dui-eu jeˬ bi keuˆ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Heu nyiq ghaq shir-euq mirnae, mirtsaq-euq khoertav jawr-eu tsawrhaq deuq laqkhaqcaer duidui-eu lafkhoer yawbui bui-awr, tiqghaq tirghaq lafsawq bif taef-a. Aqjeq mirnae aernar-aq, Miqyaer gharduq ngaeqdan-eu tsawrhaq heu nyiq ghaq-aq, mirtsaq-euq khoertav jawr-eu tsawrhaq deuq-anr khaeqnaeq khavnaeq-euq mae.

Panmaeq 11:10 ပူးပေါင်းရင်းမြစ်များ

1 Sahˬpaˬ 18:17

Eˇliˇyaˆ-ahˇ aˬ yawꞈ tahˬ puˬ ngeh, “Iˇsaˬleˬlaˆ miˇ kʼahˬ-ahˇ laˆ suˬ saˬ-eu nawˇ heu gaˇ jawˇ law hawˇ ngaˬ tawˇ laˬ” lehˇ ehˇ nehˬ-euˬ meh.

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

1 Sahˬpaˬ 22:18

Yeˬhawˇshaˬpaˇ-ahˇ Aˬhaˆ ehˇ nehˬ-eu, “Tsawˇ haˬ heu gʼaˬ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-a lehˇ, ngaˇ nawˬ-ahˇ ehˇ-euˬ maˬ tsaˬ nga loˇ. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah-eu meh.”

1 Sahˬpaˬ 22:8

Aˬhaˆ ehˇ-eu, “Ymˇlahˬ-euˬ aˬ li Miˇkaˬyaˇ lehˇ myahˇ-euˬ tiˬ gʼaˬ jawˇ-a siˬ. Ehˇ kʼawꞈ, aˬ yawꞈ ngaˬ-euˬ gʼaˇ duˬ yaw muiˬ tiˬ jeˬ-iˬ maˬ ngehˬ dah nehˬ laꞈ-eu miˇ neh, aˬ yawꞈ-ahˇ ngaˇ bye dui dui nya. Aˬ myah luꞈ maˬ muiˬ-eu jeˬ tehꞈ-ehˇ ngehˬ dah nehˬ laꞈ-eu meh.” Yeˬhawˇshaˬpaˇ ehˇ-eu, “Nawˇ teu loꞈ-ehˇ ehˇ-eu maˬ tsaˬ-eu paˬ.”

Jaceuq 13:4

“Aˬyawꞈ-ahˇgʼaˬleˇ-euˬma” lehˇ, muiˇ-eu deuˬneh taˬbi ehˇlaꞈ. Ngaˇcoˬ-iˇgaˇbi haw mawˇ-awˇ, muiˇ-eu deuˬ laˬkʼaˬtaˬbi cehˇ.

Jaceuq 35:19

Ngaˬ-ahˇmuiˇ-eu mehˇshuiˇkʼoeˇdeuˬ ngaˇshaˬgaˇlaˬkʼaˬtaˬbi cehˇ. Diˇdaˬ-ehˇngaˬ-ahˇbye-eu deuˬ, myaˆtehˆtehˆ-awˇtaˬbi uiˇlaꞈ.

Jaceuq 89:42

Muiˇ-eu deuˬ neh aˬ yawꞈ-ahˇ nawˇ bi gʼaˬ leˇ-awˇ, kʼoeˇ deuˬ-ahˇ nawˇ laˬ kʼaˬ bi cehˇ-euˬ meh.

Dawqdaq 24:17

Nawˬ-ahˇ muiˇ-eu deuˬ kʼoeˇ taˆ guˆ-eu gaˆ-eu jeˬ keuˆ le ngeh laˬ kʼaˬ taˬ cehˇ. Aˬ yawꞈ sahˬ tiꞈ tiꞈ gaˇ laꞈ kʼawˆ taˬ tehˆ caw.

Yeˬlaˬmiˇ 38:4

Kʼoeˇ naˇ, yaw huiˬ yaw mahˇ kʼoeˇ deuˬ sahˬ paˬ-ahˇ heu loꞈ-ehˇ ehˇ nehˬ leˇ-euˬ meh. “Tsawˇ haˬ heu gʼaˬ-ahˇ maˬ sehꞈ-ehˇ maˬ gʼeh nya luꞈ-a. Aˬ yawꞈ kʼoeˇ loꞈ-ehˇ ja ja-ehˇ cah-eu laꞈ kʼoeˇ, meuˬ laꞈ kʼoeˇ jawˇ-eu yehˇ deuˬ nui ma baˬ-iˇ ni jahˇ luꞈ-eu meh. Meuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ dzawˇ nehˬ-euˬ meh. Aˬ yawꞈ-aˬ, miˇ kʼahˬ zaˬ deuˬ gʼaˇ duˬ yaw muiˬ jeˬ mˇ-eu maˬ ngeuˇ nga. Yaw cawˆ jeˬ mˇ-eu nga.”

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Aaˇbaˬdiˇ 1:12

Nawˬ-euˬ aˬ yuiꞈ aˬ nyiˇ pyeuꞈ-eu, Yuˇdaˆ miˇ kʼahˬ shaˬ zahˬ mˇ gaˇ, nawˇ nui kʼahˇ shiˇ-eu maˬ tsaˬ-a. Aˬ yawꞈ maꞈ luˬ-iˇ seˇ-iˇ ngeh, nawˇ laˬ kʼaˬ cehˇ-eu maˬ tsaˬ-a. Aˬ yawꞈ maꞈ noeˬ dui noeˬ duiˇ ngeh, nawˇ uiˇ haw nehˬ-eu maˬ tsaˬ-a.

Miˇkaˬ 7:8

Muiˇ-eu deuˬ aˬ dui-ahˇ aˬ jaꞈ maˬ paˇ jaꞈ nya meh. Aˬ dui coˬ-iˇ gʼaˬ-euˬ kʼawꞈ tiˬ poˆ paˇ tuˇ laˇ tehꞈ-a. Nymˬ-mˇ aˬ dui yaw zahˇ laꞈ kʼoeˇ ya jawˇ kʼawꞈ, Sahˬpaˬ Miˬyehˇ aˬ dui-ahˇ yaw shehꞈ biꞈ laꞈ tehꞈ-a.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Gʼaˬkʼehˇ 5:33

Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

1 Gawˇliˬtu 13:6

Gʼoeˇ-eu gaˬ-eu jeˬ-aˬ, maˬ tsaˬ maˬ dawˇ-eu jeˬ-ahˇ laˬ kʼaˬ maˬ cehˇ-a. Yaw tsaˬ yaw dawˇ jeˬ-ahˇ laˬ kʼaˬ cehˇ-eu meh.

Panmaeq 12:13

Byaˆ yahˬ kʼoeˇ mawˇ-aˬ, aˬ yawꞈ-ahˇ miˇ tsaˬ kʼoeˇ taˆ biˬ ka nehˬ-euˬ siˬ leˇ ngeh, aˬ li zaˬ nahˬ ciˬ taˬ-euˬ zaˬ miˬ zaˬ kʼoeˇ gʼaˬ-euˬ mehˬ nah teh-eu meh.

Panmaeq 13:14

Jeˬ zaˬ yaw beh mawˇ-euˬ mehˬ shi zahˬ leˇ paˬ-ehˇ gʼeh-eu gʼawˬ mya jeˬ mˇ mehˬ-eu aˬ kawˬ-aˬ za taˬ-euˬ gaˇ gʼoe-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ-ahˇ aˬ yawꞈ sheuˬ bahˬ gʼeh-euˬ meh. Mi cehˇ neh bi deuˆ naˇ-awˇ, maˬ shiˇ-ehˇ dehꞈ luꞈ-eu jeˬ zaˬ kʼoeˇ mawˇ-ahˇ taˬ huiˬ taˬ mahˇ-eu laꞈ kʼoeˇ tahˬ pahˬ aˬ ma mawˇ kawˇ tehˆ-awˇ ka tuˇ-eu gʼaˇ duˬ, tsawˇ haˬ kʼoeˇ deuˬ-ahˇ aˬ yawꞈ dawˬ biꞈ-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Panmaeq 16:10

Kʼoeˇ naˇ, mˬ taˆ gʼaˬ kʼehˇ koꞈ gʼaˬ tiˬ gʼaˬ aˬ yawꞈ-euˬ naˬ bo jeˬ zaˬ yaw haiˬ kʼoeˇ mawˇ-euˬ dzoeˬ dzaˬ nuiˇ mahˬ kʼoeˇ taˆ shehˆ daˆ nehˬ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ-euˬ miˇ kʼahˬ zahˇ tsui ni pyeuꞈ-iˇ-awˇ, tsawˇ haˬ zaˬ deuˬ gawˇ dui dui-eu miˇ neh mehˬ laˇ tsehꞈ tehˬ-euˬ meh.

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.