Panmaeq 10:11 - Akha

¹¹ Kʼoeˇ naˇ, “Miˇ tsaˬ tsawˇ jeuˬ tsawˇ ca dawˬ tawˆ luꞈ gaˇ kawˆ, Miˬyehˇ gʼaˇ duˬ nawˇ paˇ ya ngehˬ dah meh” lehˇ, ngaˬ-ahˇ ehˇ nehˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoernar-aq, mqtav ghaqkhaer khoerghaq, ngaq-anr aernaeq-eu, “Nawr, ghawqmya jeq-euq tsawrhaq, tsawrjeuq tsawrca, dawqngaeq dawqbav hawr-eu sanqpaq ghawqmya ghaq-euq garkawv, Miqyaer gharduq parya ngaeqdan taef-a.”

Panmaeq 10:11 ပူးပေါင်းရင်းမြစ်များ

Yeˬlaˬmiˇ 25:13

Yeˬlaˬmiˇ-ahˇ gʼoe-awˇ ngaˬ neh ehˇ taˬ-euˬ jeˬ pyeuꞈ-eu, sahˬ boꞈ heu dmˬ laꞈ kʼoeˇ kʼaˇ boꞈ ahˇ taˬ-euˬ shaˬ-eu zahˬ-euˬ guˆ-eu gaˆ-eu jeˬ dawˬ tawˆ luꞈ, Baˬbuˇloˬ miˇ kʼahˬ kʼoeˇ taˆ ngaˇ bi keuˆ le-eu laꞈ kʼoeˇ, kʼehˬ nehˬ kʼaˆ nehˬ ma.

Yeˬsaˬgeˬlaˇ 37:4

Aˬ yawꞈ ngaˬ-ahˇ heu loꞈ-ehˇ paˇ ehˇ-eu meh. “Shaˬ yoeˬ heu deuˬ-ahˇ ngaˬ-euˬ gʼaˇ duˬ ngehˬ dah nehˬ-awˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ lehˇ ehˇ nehˬ-awˬ.

Yeˬsaˬgeˬlaˇ 37:9

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, jaˬ lehˇ-ahˇ ngaˬ-euˬ gʼaˇ duˬ ngehˬ dah nehˬ-awˬ. Oeˬ paw oeˬ coeˇ luꞈ jaˬ lehˇ baw ahˇ laꞈ-awˇ, shiˇ taˬ-euˬ gʼawˇ mawˇ heu deuˬ bi dehꞈ laˇ-awˬ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dawˬ biꞈ-eu meh lehˇ jaˬ lehˇ-ahˇ ehˇ nehˬ-awˬ.”

Panmaeq 10:10

Aˬ yawꞈ-euˬ aˬ laꞈ-ahˇ ahˇ-eu sahˬ boꞈ paˇ yoˆ yoˆ zaˬ kʼoeˇ yoˆ ngaˇ yuˇ-awˇ dzaˬ ngeh, ngaˬ-euˬ kʼaˬ meh-ahˇ byaˬ byaˬ uiˇ loꞈ-ehˇ coeˇ-eu meh. Ehˇ kʼawꞈ, ngaˇ myoꞈ ahˇ gʼaˬ ngeh, uˬ maˆ laꞈ kʼoeˇ cehˇ myawˆ ni pyeuꞈ-iˇ-euˬ meh.

Panmaeq 11:1

Kʼoeˇ naˇ, daˇ dza-ahˇ duˇ-eu daˇ kawˬ tiˬ kawˬ ngaˬ-ahˇ biꞈ laꞈ-awˇ, heu loꞈ-ehˇ ehˇ nehˬ laꞈ-euˬ meh. “Miˬyehˇ-euˬ uˬ duˬ tahˬ nymˇ nymˇ ma hawˇ-eu lawˇ duˬ-ahˇ dza haw-iˇ-awˇ, uˬ duˬ tahˬ nymˇ nymˇ ma laꞈ kʼoeˇ uˬ duˬ tahˬ luꞈ-eu tsawˇ haˬ deuˬ-ahˇ gui haw-awˬ.

Panmaeq 11:9

Miˇ kʼahˬ tsawˇ jeuˬ tsawˇ ca dawˬ tawˆ luꞈ, smˬ nah uˬ taꞈ nah kʼoeˆ tiˬ kʼoeˆ byah ni aˬ yawꞈ nyaꞈ shiˇ taˬ-awˇ ga gaˇ haw-awˇ, maˬ bi baꞈ pahˬ ni bi jaˆ tehꞈ-a.

Panmaeq 14:6

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-euˬ gʼahˇ ceh zaw gaˇ ngaˇ ya mawˇ-euˬ ma. Aˬ yawꞈ-aˬ, miˇ kʼahˬ tsawˇ jeuˬ tsawˇ ca dawˬ tawˆ luꞈ-ahˇ ja ceuˬ-eu gʼaˇ duˬ mˬ maˬ maˬ byaˆ zaˇ ziˇ Laˬ kʼaˬ cehˇ-eu Guiˬ lahˬ dawˬ pi luꞈ-eu meh.

Panmaeq 17:10

Ngaˬ gʼaˬ ga-iˇ-awˇ, tiˬ gʼaˬ uˆ lahˇ luꞈ-a siˬ. Tiˬ gʼaˬ-aˬ, maˬ doˆ le-aˬ siˬ. Aˬ yawꞈ doˆ le ngeh, tiˬ kʼehˬ tiˬ yamˬ tehꞈ-ehˇ ya uˆ lahˇ tehꞈ-a.

Panmaeq 17:12

“Nawˬ neh mawˇ-euˬ uˬ coeˇ tseˇ coeˇ kʼoeˇ-aˬ, nymˬ-mˇ maˬ uˆ lahˇ le dah-euˬ sahˬ paˬ deuˬ pyeuꞈ-eu meh. Ehˇ kʼawꞈ, aˬ yawꞈ maꞈ-ahˇ jeˬ zaˬ yaw haiˬ kʼoeˇ mawˇ nehˬ-ehˇ tiˬ kawˆ loꞈ-ehˇ sahˬ paˬ geuꞈ-awˇ, tiˬ naˬ liˬ byah ni bi uˆ lahˇ-eu a kawˬ-aˬ biꞈ tehꞈ-a.

Panmaeq 17:15

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ paˇ ehˇ-eu meh. “Nawˬ neh ya mawˇ-euˬ meh maˬ laˇ kʼoeˇ gʼaˬ nuiˇ luꞈ-eu iˇ cuꞈ kʼoeˇ deuˬ-aˬ, miˇ tsaˬ tsawˇ jeuˬ tsawˇ ca deuˬ pyeuꞈ-eu meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.