Panmaeq 1:7 - Akha

⁷ Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Panmaeq 1:7 ပူးပေါင်းရင်းမြစ်များ

Yawˇbaˆ 33:26

Aˬ yawꞈ guiˬ lahˬ shaˇ ngeh, Miˬyehˇ naˇ haˬ nehˬ-awˇ, laˬ kʼaˬ cehˇ taˆ ni Miˬyehˇ-ahˇ aˬ yawꞈ uˬ duˬ tahˬ tehꞈ-a. Aˬ yawꞈ-euˬ gaˇ ma-ahˇ Miˬyehˇ paˇ laˆ saˆ nehˬ tehꞈ-a.

Jaceuq 22:16

Aˬkuiˬ ga jawˬle-eu loꞈ-ehˇ, haiˬ-eu tsawˇhaˬ tiˬjawˬoe-awˇ, ngaˬ-euˬ aˬkuiˇaˬlaꞈdawˬtawˆ, cehˬpyaˬcehˬshaˇjiˇ-euˬmiˇ-a.

Jaceuq 68:1

Miˬyehˇ tsawˬ tuˇ laˇ-awˇ, aˬ yawꞈ-ahˇ muiˇ-eu deuˬ-ahˇ teh byaˆ-eu meh. Aˬ yawꞈ-ahˇ bye-eu tsawˇ haˬ deuˬ aˬ yawꞈ mehˬ shi cehˆ byaˆ jiˇ-eu meh.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Daˬyeˬlaˇ 7:13

Uˬ ciꞈ paw yaw sahˇ laꞈ kʼoeˇ ngaˇ kʼoeˇ loꞈ-ehˇ ya mawˇ luꞈ ngeh, tsawˇ haˬ zaˬ-ahˇ duˇ-eu tiˬ gʼaˬ ngaˇ mawˇ-euˬ ma. Aˬ yawꞈ-euˬ tiˬ jawˬ mˬ dmˇ tsahˇ lahˇ taˬ-awˇ oe-awˇ, mˬ bymˬ miˇ bymˬ bymˬ ngeh neh jawˇ luꞈ-eu gʼaˬ-euˬ mehˬ shi yawꞈ leˇ-euˬ meh.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Zaˬkaˬliˇ 12:10

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Zaˬkaˬliˇ 12:11

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ laꞈ kʼoeˇ tsawˇ ngoeˇ ngoeˇ-euˬ kʼoeˇ-aˬ, Meˬgiˇdoˬ deh ga-ahˇ jaˆ-eu Haˬdaˬleˬmoˬ-ahˇ tsawˇ ngoeˇ ngoeˇ nehˬ-eu loꞈ-ehˇ teˇ saˇ kʼaˆ dui dui tehꞈ-a.

Bawˇtsahˬ 24:17

Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ, Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma. Yaw shehꞈ bya-eu aˬ guiˇ loꞈ-ehˇ, aˬ yawꞈ maꞈ-euˬ tsawˇ jeuˬ laꞈ kʼoeˇ, sahˬpaˬ tiˬ gʼaˬ doˆ laˇ tehꞈ-a. Aˬ guiˇ smˇ miˇ iˇ-eu loꞈ-ehˇ, Iˇsaˬleˬlaˆ tsawˇ jeuˬ laꞈ kʼoeˇ, ja pyuˬ ni ga keuˆ le tehꞈ-a. Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ, Seˬtaˆ tsawˇ haˬ dawˬ tawˆ luꞈ-ahˇ aˬ yawꞈ dawꞈ lah nehˬ jiˇ tehꞈ-a.

Maꞈtehˬ 16:27

Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.

Maꞈtehˬ 16:28

Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Tsawˇhaˬ-euˬ Zaˬmaˇ sahˬ paˬ geuꞈ-awˇ oe gaˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 24:30

Kʼoeˇ ngeh, Tsawˇhaˬ-euˬ Zaˬmaˇ oe luꞈ-eu gaˇ kawˆ mˬ kʼoeˇ taˆ bi siˬ bi mawˇ tehꞈ-a. Tsawˇhaˬ-euˬ Zaˬmaˇ mˬ dmˇ dziˬ-awˇ, baoˬ hawˇ-eu yaw shehꞈ kʼahˬ sehˇ tiˬ byah ni oe luꞈ gaˇ ya mawˇ ngeh, miˇ tsaˬ zaˬ deuˬ ngoeˇ tehꞈ-a.

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Maꞈtehˬ 26:64

Yeˬsuˇ ehˇ-eu, “Nawˇ ehˇ luꞈ ngaˇ tawˇ. Ehˇ kʼawꞈ, naw maꞈ dawˬ tawˆ luꞈ-ahˇ ngaˇ heu loꞈ-ehˇ ehˇ-eu ma. Aˬ kaˇ naˇ, Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ taˆ mˬ dmˇ dziˬ-awˇ oe gaˇ maˬ ehˇ, naw maꞈ ya mawˇ tehꞈ-a.”

Maˬkuˆ 13:26

Kʼoeˇ naˇ, Tsawˇhaˬ-euˬ Zaˬ maˇ mˬ dmˇ dziˬ-awˇ, baoˬ yaw shehꞈ kʼahˬ sehˇ tiˬ byah ni oe gaˇ ya mawˇ tehꞈ-a.

Maˬkuˆ 14:62

Yeˬsuˇ ehˇ-eu, “Ngeuˇ ma. Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ dmˇ dziˬ-awˇ zaꞈ ka le gaˇ maˬ ehˇ, naw maꞈ yawˬ gʼaˬ na luꞈ ya mawˇ tehꞈ-a.”

Luˇkaꞈ 21:27

Kʼoeˇ naˇ, Tsawˇhaˬ-euˬ Zaˬmaˇ mˬ dmˇ dziˬ-awˇ, baoˬ hawˇ-eu yaw shehꞈ kʼahˬ sehˇ huiˬ dui dui-eu laꞈ kʼoeˇ oe gaˇ ya mawˇ tehꞈ-a.

Yoˇhaˬ 19:34

ehˇ kʼawꞈ, yehˇ tiˬ gʼaˬ neh Yeˬsuˇ-euˬ byaˇ gʼaˇ-ahˇ gahˬ tsawˆ-awˇ, shiˬ hawˇ-eu iˇ cuꞈ tiˬ poˆ tehꞈ-ehˇ yoeˇ doˆ le-euˬ meh.

Yoˇhaˬ 19:37

Jaˇliꞈ laꞈ kʼoeˇ tiˬ tsahˇ paˇ ehˇ taˬ-euˬ, “Aˬ yawꞈ maꞈ neh gahˬ tsawˆ byoe-euˬ tsawˇ haˬ kʼoeˇ gʼaˬ-ahˇ aˬ cawˬ haw tehꞈ-a.”

1 Teˇsaˬloˇni 1:10

Miˬyehˇ neh shiˇ-euˬ gaˇ bi gʼoꞈ dehꞈ laˇ-euˬ gʼaˬ pyeuꞈ-awˇ, aˬ dui kʼoeˇ taˆ keuˆ le-eu lehˇ gʼeh-eu Miˬyehˇ-euˬ nui ma pehˇ-eu jeˬ laꞈ kʼoeˇ aˬ dui-ahˇ ka kʼoꞈ nehˬ laꞈ-euˬ gʼaˬ pyeuꞈ-eu aˬ yawꞈ -euˬ Zaˬmaˇ Yeˬsuˇ mˬ kʼoeˇ taˆ neh zaꞈ ka le gaˇ naw maꞈ aˬ joˆ-ehˇ noeˬ tmˬ luꞈ-eu gaˇ kawˆ, aꞈ yawꞈ maꞈ ja luꞈ-eu meh.

1 Teˇsaˬloˇni 4:17

Kʼoeˇ naˇ, kʼoeˇ ngeh dehꞈ luꞈ-eu aˬ dui maꞈ kʼawꞈ, aˬ yawꞈ maꞈ nehˬ-ehˇ mˬ dmˇ laꞈ kʼoeˇ tiˬ kawˆ loꞈ-ehˇ uiˬ leˇ-awˇ, mˬ taˆ yaw goˇ-ahˇ Sahˬpaˬ Yeˬsuˇ-ahˇ ya tahˬ puˬ leˇ tehꞈ-a. Kʼoeˇ naˇ, aˬ myah luꞈ Sahˬpaˬ Yeˬsuˇ nehˬ-ehˇ ya jawˇ tehꞈ-a.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

HeˬByehˇ 6:6

Kʼoeˇ sawˇ miˇ tsa, jah-eu jeˬ-ahˇ aˬ yawꞈ maꞈ byehˇ dzeh-euˬ meh. Iˬ baˇ noeˬ poˆ-eu tsahˇ-ahˇ aˬ yawꞈ maꞈ-ahˇ paˇ bi gʼoꞈ poˆ laˇ-eu gʼaˇ duˬ maˬ paˇ awˬ meh. Aˬ jeˬ miˇ neh ehˇ naˇ, aˬ yawꞈ maꞈ Miˬyehˇ-euˬ Zaˬmaˇ-ahˇ laꞈ yaꞈ kʼoeˇ taˆ paˇ taꞈ tehˬ poˆ-awˇ, miˇ kʼahˬ zaˬ mehˬ shi paˇ bi shaꞈ dawˇ poˆ-eu jeˬ mˇ luꞈ-eu meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.

Yuˇdaˆ 1:14

Aˇ hu ba, Aˬdaˬ-ahˇ neh shiꞈ tsuiꞈ tiˬ tsuiꞈ-ahˇ dehꞈ yaꞈ-euˬ Iˇnawˆ neh, aˬ yawꞈ maꞈ-euˬ gaˇ kawˆ heu loꞈ-ehˇ ngehˬ dah yaꞈ-euˬ jaˆ-eu meh. “Sahˬpaˬ Miˬyehˇ-aˬ, muiˬ-eu shawˇ-eu mˬ taˆ gʼaˬ kʼehˇ aˇ muiˇ aˇ seh nehˬ-ehˇ oe tehꞈ-a.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.

Panmaeq 22:4

Aˬ yawꞈ-euˬ myaˆ pyawˬ-ahˇ aˬ yawꞈ maꞈ ya mawˇ-awˇ, aˬ yawꞈ maꞈ-euˬ naˇ kʼawˇ-ahˇ aˬ yawꞈ-euˬ tsawˇ myahˇ boꞈ taˬ tehꞈ-a.

Yaˇ kʼaˬ daˇ 5:31

Sahˬpaˬ Miˬyehˇ-oˇ, nawˬ-ahˇ muiˇ-eu deuˬ dawˬ tawˆ luꞈ, kʼoeˇ loꞈ-ehˇ shiˇ luꞈ-uˇ. Ehˇ kʼawꞈ, nawˬ-eu cawˬ deuˬ-aˬ, doˆ laˇ luꞈ-eu nahˇ ma loꞈ-ehˇ bya luꞈ-uˇ.” Kʼoeˇ naˇ, miˇ kʼahˬ kʼoeˇ kʼahˬ laꞈ kʼoeˇ, oeˬ tseˇ kʼoꞈ byah ni guiˇ maˬ deuˆ-ehˇ nui saˇ oꞈ-eu jeˬ jaˆ-euˬ meh.