Panmaeq 1:13 - Akha

¹³ Kʼoeˇ-euˬ gʼahˇ ceh, aˬ kuiˇ pehˬ zaˬ-ahˇ keuˆ-eu pehˇ kʼahˬ pehˇ mahˇ dm-awˇ kʼahˬ-ahˇ shuiˇ joꞈ paꞈ paꞈ taˬ-euˬ, tsawˇ haˬ-ahˇ duˇ-eu tiˬ gʼaˬ mawˇ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Shuir nae janr-euq tsirkhmq dofdavduq khoer shif hmq-euq ghanrcae, aqkuir-anr keuvni paerkhanq paermanr dmghoeq-awr, khanq-anr shuir jofpaf paftaq-euq Tsawrhaq-euq Zaqyo lof-aer dur-eu tiq ghaq jawr-eu mae.

Panmaeq 1:13 ပူးပေါင်းရင်းမြစ်များ

Doˆ-iˇ 39:5

Sahˬpaˬ Miˬyehˇ neh Moˇseˬ-ahˇ dawˬ biꞈ taˬ-euˬ loꞈ-ehˇ, pehˇ kʼahˬ pehˇ nymˇ guꞈ-eu saˬ paˇ hawˇ-eu saˬ kahˇ kʼoeˇ jeˬ neh, joꞈ paꞈ tiꞈ kahˇ zaꞈ-awˇ, pehˇ kʼahˬ aˬ yawꞈ-ahˇ guꞈ tsoꞈ-euˬ meh.

Iˇsaˬyaˇ 11:5

Yaw tsaˬ yaw dawˇ jeˬ-ahˇ aˬ yawꞈ joꞈ paꞈ paꞈ-awˇ, saˇ jaˇ ziꞈ-eu jeˬ joꞈ-ahˇ lahˇ tehꞈ-a.

Daˬyeˬlaˇ 10:16

Kʼoeˇ ngeh, tsawˇ haˬ zaˬ-ahˇ duˇ leˇ-eu mˬ taˆ gʼaˬ kʼehˇ kʼoeˇ gʼaˬ, aˬ laꞈ cawˬ ja leꞈ-awˇ, ngaˬ-euˬ mehˬ luꞈ-ahˇ toeˬ ciˆ-euˬ meh. Kʼoeˇ naˇ, ngaˬ-euˬ kʼaˬ meh mˇ nga-awˇ dawˬ ngehˬ dahˬ beh-awˇ, aˬ yawꞈ-ahˇ heu loꞈ-ehˇ ehˇ nehˬ-euˬ ma. “Yaw huiˬ yaw mahˇ gʼaˬ-oˇ, yaw sahˇ laꞈ kʼoeˇ ya siˬ ya mawˇ-euˬ heu ngaˬ-ahˇ gʼaˬ baˬ dui dui-iˇ-awˇ, yaw dzuˬ dzuˬ-eu maˬ naˬ leˇ nya.

Daˬyeˬlaˇ 7:13

Uˬ ciꞈ paw yaw sahˇ laꞈ kʼoeˇ ngaˇ kʼoeˇ loꞈ-ehˇ ya mawˇ luꞈ ngeh, tsawˇ haˬ zaˬ-ahˇ duˇ-eu tiˬ gʼaˬ ngaˇ mawˇ-euˬ ma. Aˬ yawꞈ-euˬ tiˬ jawˬ mˬ dmˇ tsahˇ lahˇ taˬ-awˇ oe-awˇ, mˬ bymˬ miˇ bymˬ bymˬ ngeh neh jawˇ luꞈ-eu gʼaˬ-euˬ mehˬ shi yawꞈ leˇ-euˬ meh.

Daˬyeˬlaˇ 7:9

Ngaˇ haw haw-ehˇ jawˇ ngeh, dzoeˬ dzaˬ nuiˇ mahˬ ciˬ taˬ le-euˬ meh. Mˬ bymˬ miˇ bymˬ bymˬ ngeh neh dehꞈ luꞈ-eu gʼaˬ, dzoeˬ dzaˬ nuiˇ mahˬ tiˬ mahˬ kʼoeˇ taˆ nuiˇ le-euˬ meh. Aˬ yawꞈ dm luꞈ-eu mehˬ tsoeˬ saˬ laˬ loꞈ-ehˇ pyuˇ deuˬ ni gʼeh-awˇ, aˬ yawꞈ-euˬ uˬ duˬ tsehˇ kahˇ shawˇ jehˆ ni gʼeh-eu yawˇ caꞈ hm-ahˇ duˇ-eu meh. Aˬ yawꞈ-euˬ dzoeˬ dzaˬ nuiˇ mahˬ miˬ dzaˬ doꞈ luꞈ-eu daˇ jawˇ kʼoeˇ taˆ jaˆ-awˇ, miˬ lmˇ nyehˆ oˬ ni jaˆ-eu meh.

Uˬ duˬ 8:7

Aˬloˬ-ahˇ, pehˇ kʼahˬ hawˇ-eu pehˇ kʼahˬ pehˇ mahˇ bi dm-awˇ, joꞈ-ahˇ joꞈ tsiˬ bi paꞈ-euˬ meh. Pehˇ kʼahˬ pehˇ nymˇ kʼawꞈ bi dm-awˇ, pehˇ kʼahˬ pehˇ nymˇ-ahˇ tsoꞈ-eu joꞈ paꞈ bi paꞈ ziꞈ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

Panmaeq 14:14

Kʼoeˇ naˇ, ngaˇ haw gʼeh ngeh, pyuˇ deuˬ ni gʼeh-eu mˬ dmˇ mawˇ-euˬ ma. Tsawˇ haˬ-ahˇ duˇ-eu tiˬ gʼaˬ uˬ duˬ-ahˇ shuiˇ uˬ kʼoˆ kʼoˆ-awˇ, aˬ laꞈ-ahˇ taˆ dui dui-eu yehˬ kʼoꞈ yuˇ-awˇ, mˬ dmˇ kʼoeˇ-euˬ kʼoeˇ taˆ nuiˇ luꞈ-eu meh.

Panmaeq 15:6

Kʼehˬ-eu kʼaˆ-eu shiꞈ jeˬ ahˇ-eu mˬ taˆ gʼaˬ kʼehˇ shiꞈ gʼaˬ, uˬ duˬ tahˬ nymˇ nymˇ ma laꞈ kʼoeˇ neh doˆ le-euˬ meh. Aˬ yawꞈ maꞈ-aˬ, yaw shehꞈ bya-eu shawˇ jehˆ ni gʼeh-eu saˬ paˇ paˇ pyuˇ dm-awˇ, kʼahˬ-ahˇ shuiˇ joꞈ paꞈ paꞈ luꞈ-eu meh.

Panmaeq 2:1

Eˇpeˇsu meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-euˬ gʼahˇ ceh cah luꞈ-eu gʼaˬ-euˬ dawˬ meh.