Ngoeˇ dawˬ 5:7 - Akha

⁷ Aˬ poeˬ ziˇ-ahˇ mˇ-euˬ iˬ baˇ, nga maꞈ kʼoeˇ taˆ keuˆ le-euˬ meh.

Ngoeˇ dawˬ 5:7 ပူးပေါင်းရင်းမြစ်များ

Aˇ dahˬ 42:13

Aˬ ha mehˇ nmˇ ehˇ-eu, “Ngaˬ ha mehˇ nmˇ tseˇ nyiꞈ gʼaˬ jawˇ-awˇ, dawˬ tawˆ luꞈ Kaˬnaˬ miˇ kʼahˬ-ahˇ jawˇ-eu tsawˇ haˬ tiˬ gʼaˬ-euˬ zaˬ tehꞈ ma. Ngaˬ ha mehˇ nmˇ-euˬ aˬ nyiˇ tiˬ gʼaˬ shiˇ dzeuˇ-awˇ, aˬ nyiˇ nyiˇ saˬ gʼaˬ aˬ da nehˬ-ehˇ jawˇ yaꞈ-euˬ meh.”

Aˇ dahˬ 42:36

Aˬ ha mehˇ nmˇ-ahˇ Yaˬkoˆ ehˇ nehˬ-eu, “Naw maꞈ ngaˬ-euˬ zaˬ dawˬ tawˆ luꞈ sheuˬ byoˆ jiˇ-eu gʼeh te loˇ. Yoˇsehˆ gʼaˬ maˬ paˇ jawˇ-eu uˬ taꞈ, Suˇmoˬ gʼaˬ gʼeh maˬ paˇ jawˇ ngaˇ. Nymˬ-mˇ poˆ jawˇ-aˬ Beˬyaˬmiˬ-ahˇ gʼeh paˇ sheuˬ byoˆ-eu lehˇ gʼeh te loˇ. Shaˬ zahˬ kʼaˇ ngeuˇ-eu dawˬ tawˆ luꞈ, ngaˬ-euˬ kʼoeˇ taˆ kaꞈ dzahˬ-awˇ keuˆ le-euˬ miˇ-a.”

Yawˇbaˆ 7:21

Ngaˬ-euˬ iˬ baˇ-ahˇ nawˇ maˬ pyehˬ nehˬ nya nya loˇ. Ngaˬ neh mˇ lehˬ-euˬ jeˬ-ahˇ maˬ taˬ nehˬ nya-a loˇ. Gʼawˬ myahˇ maˬ gʼeh-ehˇ ngaˇ lmˬ bymˇ-ahˇ ya yuꞈ-awˇ, nawˇ ngaˬ-ahˇ poˆ le ngeh-aˬ, ngaˇ maˬ paˇ dehꞈ-aˇ.”

Yawˇbaˆ 7:8

Nymˬ-mˇ nawˇ ngaˬ-ahˇ mawˇ luꞈ kʼawꞈ, aˬ kaˇ tiˬ jawˇ-iˬ maˬ paˇ ya mawˇ-aˇ. Nawˇ ngaˬ-ahˇ poˆ le ngeh, ngaˇ maˬ paˇ jawˇ-aˇ.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Yeˬlaˬmiˇ 14:20

Sahˬpaˬ Miˬyehˇ nawˬ-ahˇ nga maꞈ mˇ bahˬ-euˬ ma. Nga maꞈ mˇ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, lehˬ-eu miˇ-a lehˇ nga maꞈ ehˇ-eu ma.

Yeˬlaˬmiˇ 16:11

Kʼoeˇ naˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ ehˇ nehˬ-awˬ. Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ uˬ duˬ tahˬ-awˇ, miˬ yehˇ kʼoeˇ deuˬ-euˬ nui kʼahˇ mˇ-euˬ meh. Aˬ yawꞈ maꞈ ngaˬ-ahˇ byehˇ-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ maˬ naˇ haˬ geuꞈ-a.

Yeˬlaˬmiˇ 16:12

Ehˇ kʼawꞈ, naw maꞈ-aˬ, naw maꞈ-euˬ aˬ poeˬ aˬ bawˇ kʼoeˇ deuˬ naˆ maˬ tseˇ dehꞈ doeˇ-euˬ meh. Naw maꞈ dawˬ tawˆ luꞈ nui ma gʼahˇ dui dui-awˇ, yaw haiˬ jeˬ mˇ-eu laꞈ kʼoeˇ, ngaˬ-euˬ ehˇ dawˬ maˬ naˇ haˬ geuꞈ-a.

Yeˬlaˬmiˇ 31:15

Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”

Yeˬlaˬmiˇ 31:29

Aˇ yamˬ kʼoeˇ yamˬ keuˆ laˇ ngeh, ‘Aˬ da aˬ gaꞈ yaw cehˇ dzaˬ-euˬ, zaˬ-ahˇ seuˬ kmˬ kmˬ leˇ-mˇ jeˇ’ lehˇ aˬ yawꞈ maꞈ dawˬ daˬ maˬ paˇ daˬ-aˇ.

Yeˬsaˬgeˬlaˇ 16:58

Nawˬ neh dehꞈ cawˆ dehꞈ doeˇ-euˬ aˇ poeˬ nawˇ ya daˬ poˆ tehꞈ-a” lehˇ Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 18:2

Aˬ yawꞈ ehˇ-eu, “Iˇsaˬleˬlaˆ miˇ kʼahˬ laꞈ kʼoeˇ tiˬ jawˇ-iˬ maˬ byehˇ ni daˬ luꞈ-eu dawˬ daˬ pyeuꞈ-eu, ‘Aˬ da aˬ gaꞈ siˬ cehˇ dzaˬ-euˬ zaˬ seuˬ kmˬ ya kmˬ-mˇ jeˇ’ lehˇ ehˇ-eu dawˬ daˬ teu aˬ jeˬ-ahˇ ehˇ mawꞈ ta.”

Zaˬkaˬliˇ 1:5

Naw maꞈ-euˬ aˬ poeˬ aˬ bawˇ kʼoeˇ deuˬ hawˇ-eu, Miˬyehˇ gʼaˇ duˬ ngehˬ dah-eu kʼoeˇ deuˬ iˬ nah maˬ paˇ dehꞈ meh.

Bawˇtsahˬ 14:18

‘Sahˬpaˬ Miˬyehˇ pyeuꞈ-eu ngaˇ-aˬ, yaw awˇ laꞈ-ehˇ nui ma maˬ pehˇ. Ngaˇ-aˬ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu uˬ taꞈ, iˬ baˇ ahˇ-eu tsawˇ haˬ deuˬ hawˇ-eu ngaˬ-ahˇ puiˬ-eu tsawˇ haˬ deuˬ-ahˇ iˬ baˇ pyehˬ nehˬ-eu ma. Ehˇ kʼawꞈ, aˬ ma aˬ da aˬ piˬ aˬ bawˇ deuˬ-euˬ iˬ baˇ baˬ da neh, aˬ yawꞈ maꞈ-euˬ aˬ buˇ aˬ li hawˇ-eu oeˬ paˬ oeˬ maˬ deuˬ-ahˇ, smˬ ziˇ oeˬ ziˇ keuˆ ni maˬ bi dzeuˇ-iˇ ni ngaˇ kʼehˬ nehˬ ma’ lehˇ nawˇ ehˇ taˬ-euˬ jaˆ-eu meh.