Ngoeˇ dawˬ 5:18 - Akha

¹⁸ Ziˇoˬ gawˬ jawˬ ciˬ cuˇ jaˆ-awˇ, bawˇ tsahˬ kʼaˬ yehˇ gaˆ dzaˬ luꞈ meh.

Ngoeˇ dawˬ 5:18 ပူးပေါင်းရင်းမြစ်များ

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Neˬhaˬmiˇ 4:3

Aˬmoˬ tsawˇ jeuˬ pyeuꞈ-eu Tawˇbyaˬ gʼaˬ aˬ yawꞈ-euˬ dawˬ peh yawꞈ-awˇ, heu loꞈ-ehˇ naˬ gʼa-eu meh. “Aˬ yawꞈ maꞈ neh gawˬ-euˬ meuˬ lahˇ kʼoeˇ-aˬ kʼaˬ yehˇ tiˬ mawˇ tsawˬ daˆ leˇ naˇ ga byaˆ jiˇ tehꞈ-a.”

Jaceuq 63:10

Aˬ yawꞈ maꞈ guiˇ deuˆ gaˇ bi deuˆ sehꞈ-awˇ, kʼaˬ yehˇ neh bi dzaˬ jiˇ tehꞈ-a.

Iˇsaˬyaˇ 64:9

Kʼoeˇ baˬ da neh nui ma pehˇ-eu aˇ dzehˬ taˬ dzeuˇ nehˬ laꞈ. Nga maꞈ-euˬ iˬ baˇ-ahˇ mˬ maˬ maˬ byaˆ zaˇ ziˇ taˬ paꞈ tawꞈ laꞈ. Nga maꞈ nawˬ-euˬ tsawˇ haˬ pyeuꞈ-eu miˇ neh, nga maꞈ-ahˇ gʼawˬ shaˬ gaˬ nehˬ laꞈ.

Yeˬlaˬmiˇ 17:3

deh ga-ahˇ jaˆ-eu gawˬ jawˬ deuˬ kʼoeˇ taˆ maˬ ehˇ, ka tuˇ gahˬ taˬ-euˬ meh. Naw maꞈ-euˬ miˇ kʼahˬ doe ni naw maꞈ neh mˇ byah taˬ-euˬ iˬ baˇ baˬ da neh, naw maꞈ-ahˇ muiˇ-eu deuˬ neh naw maꞈ-euˬ pyuˇ shuiˇ myawˬ gahˬ bi yuˇ geuꞈ jiˇ ma.

Yeˬlaˬmiˇ 26:9

“Nawˇ-aˬ, ya bi diˬ sehꞈ gaˇ keuˆ-eu ngaˇ. Uˬ duˬ tahˬ nymˇ nymˇ ma heu Shiˇloˬ meuˬ loꞈ-ehˇ ya pyeuꞈ-iˇ-awˇ, meuˬ heu meuˬ tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ gaˇ keuˆ ni bi laˆ cawˆ tehꞈ-a lehˇ, Sahˬpaˬ Miˬyehˇ -euˬ tsawˇ myahˇ uˬ moˆ aˬ jeˬ miˇ neh nawˇ dawˬ ngehˬ te” lehˇ guˇ-eu meh. Kʼoeˇ naˇ, tsawˇ haˬ dawˬ tawˆ luꞈ, ngaˬ-euˬ dawˬ peh ga uiˬ laˇ-euˬ meh.

Yeˬlaˬmiˇ 44:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ kʼoeˇ taˆ, ngaˬ neh bi keuˆ le-euˬ luˬ-iˇ seˇ-iˇ-eu jeˬ-ahˇ naw maꞈ ya mawˇ gʼaˬ-euˬ meh. Nymˬ-mˇ keuˆ ni meuˬ kʼoeˇ deuˬ yaw cawˆ-ehˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 44:6

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni, ngaˇ nui ma pehˇ dui dui-eu jeˬ tahˬ kʼaˇ daˆ nehˬ-awˇ, miˬ dzaˬ bi doˆ laˇ-euˬ ma. Meuˬ kʼoeˇ deuˬ cawˆ-iˇ jiˇ-awˇ, iˬ nah kʼaˇ ya mawˇ-eu loꞈ-ehˇ, guˆ laˇ paˬ-ehˇ pyeuꞈ-iˇ-euˬ meh.

Yeˬlaˬmiˇ 52:13

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, nymˇ yaw muiˬ dawˬ tawˆ luꞈ-ahˇ maˬ ehˇ, aˬ yawꞈ miˬ dzaˬ keuˬ dzeh-euˬ meh.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Yeˬsaˬgeˬlaˇ 13:4

Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ Miˬyehˇ gʼaˇ duˬ ngehˬ dah nehˬ-eu deuˬ-aˬ, meuˬ meuˬ tsoeˬ-ahˇ jawˇ-eu bawˇ tsahˬ aˬ kuiˬ loꞈ-ehˇ tiˬ jeˬ-iˬ gaˇ dahˇ maˬ tsoeˬ-a.

Daˬyeˬlaˇ 9:17

Miˬyehˇ-oˇ, ngaˇ guiˬ lahˬ shaˇ gaˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ naˬ bawˇ ciˬ kʼmˇ nehˬ laꞈ. Nawˇ Miˬyehˇ pyeuꞈ-eu gaˇ kawˆ tsawˇ haˬ yawˬ gʼaˬ na luꞈ-ahˇ siˬ duˬ leˇ ni, cawˆ-iˇ taˬ-euˬ Uˬ duˬ tahˬ nymˇ nymˇ ma paˇ laˆ muiˬ kʼoꞈ nehˬ laꞈ.

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.