Ngoeˇ dawˬ 5:14 - Akha

¹⁴ Meuˬ-euˬ lahˇ kʼehˬ laˇ gʼoˆ dawˬ peh, tsawˇ mawˬ jawˇ zaˇ maˬ paˇ mawˇ-ehˇ, zaˬ guˬ dawˬ caˇ maˬ ya gaˬ-a.

Ngoeˇ dawˬ 5:14 ပူးပေါင်းရင်းမြစ်များ

Yawˇbaˆ 30:1

Ehˇ kʼawꞈ, ngaˇ naˆ-ehˇ aˇ kʼoꞈ maˬ kʼawˆ-eu tsawˇ haˬ deuˬ nymˬ-mˇ ngaˬ-ahˇ naˬ gʼa-eu meh. Aˬ yawꞈ maꞈ-euˬ aˬ da deuˬ gaˇ dahˇ tiˬ pawꞈ-iˬ maˬ tsoeˬ-ehˇ, yawˇ bo-eu ngaˬ-euˬ aˬ kuiˬ maˬ tawˬ-a.

Yawˇbaˆ 30:31

Dzeuˇ laˇ ngeh naˇ haˬ muiˬ-eu caˇ dawˬ ya gaˬ gaˇ, tsawˇ ngoeˇ ngoeˇ-eu teˇ saˇ tehꞈ-ehˇ gaˬ laˇ miˇ-a.

Yeˬlaˬmiˇ 16:9

Baoˬ huiˬ-eu Sahˬpaˬ Miˬyehˇ Iˇsaˬleˬlaˆ-euˬ Miˬyehˇ pyeuꞈ-eu ngaˇ ehˇ gaˇ naˇ haˬ sheˇ. Laˬ kʼaˬ cehˇ-awˇ byawˬ gʼa muˆ gʼa-eu teˇ saˇ deuˬ hawˇ-eu, oeˇ mˇ baˇ gaˇ cehˇ gʼa-eu teˇ saˇ deuˬ-ahˇ, ngaˇ ciˬ cuˇ ni bi pyeuꞈ-iˇ ma. Heu gaˇ jawˇ-eu tsawˇ haˬ deuˬ kʼoeˇ loꞈ-ehˇ pyeuꞈ laˇ gaˇ ya mawˇ tehꞈ-a.

Yeˬlaˬmiˇ 25:10

Aˬ yawꞈ maꞈ laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ deuˬ-ahˇ ciˬ cuˇ ni bi pyeuꞈ-iˇ ma. Tsiˇ kʼmˬ doꞈ-eu tsiˇ maˬ jaˆ-ehˇ pyeuꞈ-iˇ-awˇ, hawˬ dzaˬ-eu cehˇ maˬ ahˇ-ehˇ bi shaˬ ma.

Yeˬlaˬmiˇ 7:34

Miˇ kʼahˬ heu kʼahˬ kʼaˇ shuiꞈ deh ga pyeuꞈ jiˇ tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ lehˆ kawˆ doe ni, byawˬ gʼa-eu teˇ saˇ hawˇ-eu, jiˇ cehˇ gʼeh-awˇ laˬ kʼaˬ cehˇ luꞈ-eu teˇ saˇ deuˬ-ahˇ, ngaˇ bi byoˆ-iˇ jiˇ ma.

Ngoeˇ dawˬ 1:19

“Nui ma gm-euˬ deuˬ-ahˇ kuˇ kʼawꞈ, ngaˬ-ahˇ byehˇ dzeh nehˬ laꞈ-euˬ meh. Piˇ ma deuˬ hawˇ-eu aˬ yuiꞈ deuˬ, yawˬ ha maˬ shiˇ tiˬ pyaˬ jeuˬ-awˇ, dzaˬ-eu dawˇ-eu jeˬ poˆ poˆ-ehˇ, meuˬ-euˬ laꞈ kʼoeˇ shiˇ jiˇ-euˬ meh.

Ngoeˇ dawˬ 1:4

Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Ngoeˇ dawˬ 2:10

Ziˇoˬ meuˬ-euˬ tsawˇ mawˬ tsawˇ kʼaˆ, uˬ duˬ kʼaˬ lehˇ jehˆ daˆ taˬ-awˇ, guˬ daˇ pehˇ zeuˇ mehˬ tsoeˬ dm-awˇ, miˇ tsa ciˬ cuˇ ni dzuˇ-eu meh. Ziˇoˬ-euˬ aˬ buˇ miˬ daꞈ deuˬ, miˇ tsa uˬ duˬ tahˬ moꞈ-eu meh.

Yeˬsaˬgeˬlaˇ 26:13

Nawˬ-euˬ caˇ dawˬ ciˬ cuˇ ni bi pyeuꞈ-iˇ-awˇ, nawˬ-euˬ deuˇ-mˬ diˬ-eu teˇ saˇ bi byoˆ-iˇ ma.

Hawˇseˬ 2:13

Baˬlaˇ miˬ yehˇ-ahˇ bawˬ-iˬ gʼeh-awˇ, yaw saw jeˬ doꞈ damˬ-euˬ uˬ taꞈ, myawˬ guˇ geuꞈ-awˇ jahˇ gʼeh haw-awˇ, zaˬ kʼaˬ deuˬ nehˬ-ehˇ cah cah-ehˇ, ngaˬ-ahˇ aˬ yawꞈ ngehˇ-euˬ miˇ neh, aˬ yawꞈ-ahˇ ngaˇ kʼehˬ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Dawˬmehˬ 16:18

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ meuˬ yawˬ meuˬ na luꞈ laꞈ kʼoeˇ, yaˇ kʼaˬ daˇ-eu tsawˇ haˬ deuˬ hawˇ-eu yaw huiˬ yaw mahˇ geuꞈ-eu deuˬ ya tseˇ doˆ meh. Tsawˇ haˬ kʼoeˇ deuˬ-aˬ, myaˆ pyawˬ huiˬ nyiˇ maˬ tseˇ ni yaˇ kʼaˬ ya daˇ meh.

Panmaeq 18:22

deuˇ-mˬ, bawˬ law, daˇ heh teˇ saˇ, tiˬ jawˇ-iˬ maˬ paˇ ya gaˬ-aˇ, Gaꞈ-eu ka-eu, laꞈ myawˬ laꞈ muˆ, tiˬ jawˇ-iˬ maˬ paˇ ya mawˇ-aˇ.