Ngoeˇ dawˬ 4:20 - Akha

²⁰ Muiˇ-eu deuˬ guiˇ deuˆ uˇ laꞈ gaˇ, nga maꞈ-ahˇ haw piˇ-eu gʼaˇ duˬ, Sahˬpaˬ Miˬyehˇ neh tseˇ doˆ-euˬ, nga maꞈ-euˬ saꞈ gʼawˇ kahˬ pyeuꞈ-eu, nga maꞈ tsawˇ jeuˬ-euˬ sahˬ paˬ-ahˇ, aˬ yawꞈ maꞈ neh nyehꞈ mi-euˬ meh.

Ngoeˇ dawˬ 4:20 ပူးပေါင်းရင်းမြစ်များ

Aˇ dahˬ 2:7

Kʼoeˇ ngeh, Miˬyehˇ pyeuꞈ-eu Sahˬpaˬ Miˬyehˇ miˇ tsaˬ-ahˇ shaˬ jehˆ ui cuiˆ tsuˆ doˆ-awˇ, tsawˇ haˬ mawˇ kawˇ tehˆ-euˬ meh. Kʼoeˇ naˇ, naˇ mehˇ laꞈ kʼoeˇ dehꞈ-eu saꞈ laˇ baw ahˇ nehˬ ngeh, tsawˇ haˬ kʼoeˇ gʼaˬ yaw dehꞈ dehꞈ laˇ-euˬ meh.

Aˇ dahˬ 44:30

“Kʼoeˇ miˇ neh Sahˬ paˬ-oˇ, ngaˬ ha mehˇ nmˇ-euˬ aˬ da yaw dehꞈ dehꞈ-eu jeˬ-aˬ, aˬ nyiˇ nyiˇ saˬ gʼaˬ-euˬ kʼoeˇ taˆ jaˆ-eu miˇ neh, aˬ nyiˇ nyiˇ saˬ gʼaˬ maˬ ahˇ ni ngaˬ da jawˇ gaˇ ngaˬ ha mehˇ nmˇ aˬ joˆ-ehˇ gʼoꞈ leˇ peuˬ nmˇ.

2 Saˬmeuˬlaˆ 1:14

“Sahˬpaˬ Miˬyehˇ neh tseˇ doˆ taˬ-euˬ sahˬ paˬ tiˬ gʼaˬ-ahˇ nawˇ aˬ joˆ-ehˇ sehꞈ peuˬ-eu nya” lehˇ, zaˬ guˬ kʼoeˇ gʼaˬ-ahˇ Daˬbiˇ ehˇ nehˬ-euˬ meh.

2 Saˬmeuˬlaˆ 1:21

Giˇlaˬbaoˬ gawˬ jawˬ deuˬ kʼoeˇ taˆ, uˬ yehˇ hawˇ-eu ceuˬ maˬ jaˆ-ehˇ, sahˬ lahˬ maˬ dehꞈ ni jaˆ luꞈ-uˇ. Aˬ jeˬ miˇ neh nga lehˇ ehˇ naˇ, baoˬ huiˬ dui dui-eu yehˇ pyeuꞈ-eu, Sawˇluˆ neh baꞈ-euˬ dehˬ daˬ duˬ, shmˇ kaw tehꞈ-ehˇ kʼoeˇ gaˇ ga-eu, aˇ naˆ ni daˬ ga-eu jeˬ nga.

2 Saˬmeuˬlaˆ 18:3

Ehˇ kʼawꞈ, aˬ yawꞈ maꞈ ehˇ-eu, “Nawˇ nga maꞈ nehˬ-ehˇ maˬ iˇ nya-a. Nga maꞈ guiˇ deuˆ-eu maˬ gʼaˬ leˇ-ehˇ cehˆ byaˆ kʼawꞈ, aˬ yawꞈ maꞈ gʼaˇ duˬ ehˇ nyaꞈ maˬ nyeuˆ-a. Nga maꞈ tiˬ paˆ paˆ bi sehꞈ jiˇ gaˇ keuˆ kʼawꞈ, aˬ yawꞈ maꞈ gʼaˇ duˬ jiˇ jeuˬ maˬ ahˇ-a. Ehˇ kʼawꞈ, nawˇ-aˬ, nga maꞈ tiˬ muiˇ gʼaˬ tawˬ-eu meh. Teu miˇ neh, meuˬ heu meuˬ laꞈ kʼoeˇ nawˇ jawˇ yaꞈ-awˇ, nga maꞈ-ahˇ caw jaw nehˬ laꞈ naˇ muiˬ dzehˬ tehꞈ-a.”

2 Saˬmeuˬlaˆ 19:21

Zeˬluˇyaˆ-euˬ aˬ li Aˬbiˇshaiˇ ehˇ-eu, “Shiˇmiˇ-ahˇ sehꞈ-eu tsaˬ meh. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ sahˬ paˬ Miˬyehˇ neh tseˇ doˆ taˬ-euˬ gʼaˬ-ahˇ aˬ yawꞈ yaˬ kʼehˇ yaˬ-euˬ meh.”

2 Laˬsaˬbaˬ 35:25

Miˬyehˇ gʼaˇ duˬ ngehˬ dah-eu Yeˬlaˬmiˇ neh, sahˬ paˬ Yawˇshiˆ shiˇ-euˬ gaˇ tsawˇ ngoeˇ ngoeˇ nehˬ-eu caˇ dawˬ tiˬ bymˇ yuˇ doˆ-euˬ meh. Aˬ yawꞈ gʼaˇ duˬ tsawˇ ngoeˇ kʼaˇ ngoeˇ ngeh, caˇ dawˬ caˇ-eu Iˇsaˬleˬlaˆ tsawˇ haˬ kʼaˬ dzeˇ zaˬ zaˬ miˬ zaˬ dawˬ tawˆ luꞈ, tsawˇ ngoeˇ caˇ dawˬ heu bymˇ caˇ-eu zahˇ pyeuꞈ-iˇ-euˬ meh. Tsawˇ ngoeˇ ngoeˇ-eu caˇ dawˬ deuˬ boꞈ ahˇ taˬ-euˬ sahˬ boꞈ laꞈ kʼoeˇ, caˇ dawˬ heu bymˇ ahˇ-eu meh.

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Yeˬlaˬmiˇ 39:5

Ehˇ kʼawꞈ, Baˬbuˇloˬ guiˇ maꞈ deuˬ aˬ yawꞈ maꞈ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ, Zeˬdaˬkiˇ-ahˇ nyehꞈ-euˬ meh. Kʼoeˇ naˇ, Haˬmaˆ gahˬ kaˬ-ahˇ jaˆ-eu Yiˇbaˬlahˬ meuˬ-ahˇ jawˇ luꞈ-eu sahˬ paˬ Neˬbuˬkaˬneˬzaˬ jawˇ gaˇ aˬ yawꞈ-ahˇ nyehꞈ gʼeh-euˬ meh. Kʼoeˇ gaˇ, Neˬbuˬkaˬneˬzaˬ neh aˬ yawꞈ-ahˇ yaˇ kʼaˬ daˇ nehˬ-euˬ meh.

Yeˬlaˬmiˇ 52:8

Ehˇ kʼawꞈ, Baˬbuˇloˬ guiˇ maꞈ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ nyehꞈ mi-euˬ meh. Kʼoeˇ ngeh, aˬ yawꞈ-euˬ yehˇ dawˬ tawˆ luꞈ, aˬ yawꞈ-ahˇ byehˇ dzeh-awˇ cehˆ-euˬ meh.

Yeˬlaˬmiˇ 52:9

Haˬmaˆ gahˬ kaˬ-ahˇ jaˆ-eu Yiˇbaˬlahˬ meuˬ-ahˇ jawˇ luꞈ-eu sahˬ paˬ Neˬbuˬkaˬneˬzaˬ jawˇ gaˇ, Zeˬdaˬkiˇ-ahˇ nyehꞈ gʼeh-awˇ, Neˬbuˬkaˬneˬzaˬ neh aˬ yawꞈ-ahˇ kʼoeˇ gaˇ yaˇ kʼaˬ daˇ nehˬ-euˬ meh.

Ngoeˇ dawˬ 2:9

Lahˇ kʼehˬ laˇ gʼoˆ miˇ tsa pahˬ-awˇ, gʼoˆ bahˬ dawˬ tawˆ kʼehꞈ jiˇ-euˬ meh. Sahˬ paˬ sahˬ ma deuˬ dawˬ tawˆ luꞈ, aˬ cawˬ neh nyehꞈ byoˆ jiˇ-euˬ meh. Zahˇ dawˬ kʼoꞈ dawˬ maˬ paˇ baw-ehˇ, Miˬyehˇ dawˬ ngehˬ dah-eu deuˬ kʼawꞈ, Sahˬpaˬ Miˬyehˇ maˬ pah mehˬ-ehˇ, Miˬyehˇ-euˬ dawˬ maˬ ngehˬ nya-a.

Yeˬsaˬgeˬlaˇ 12:13

Ehˇ kʼawꞈ, ngaˇ baw gʼaꞈ kʼmˇ-awˇ, aˬ yawꞈ-ahˇ kʼmˇ paꞈ ma. Kʼoeˇ naˇ, aˬ yawꞈ-ahˇ ngaˇ Baˬbuˇloˬ meuˬ-ahˇ sheuˬ gʼeh-awˇ, meuˬ kʼoeˇ meuˬ-ahˇ maˬ ya mawˇ-ehˇ ya shiˇ tehꞈ-a.

Yeˬsaˬgeˬlaˇ 17:18

Aˬ yawꞈ neh kamˬ taˬ-euˬ dawˬ hawˇ-eu, aˬ yawꞈ neh dzaˬ taˬ-euˬ saˇ jaˇ-ahˇ aˬ yawꞈ puiˬ-euˬ meh. Heu deuˬ dawˬ tawˆ luꞈ-ahˇ aˬ yawꞈ mˇ-euˬ miˇ neh, nymˬ-mˇ aˬ yawꞈ maˬ paˇ law-iˇ nya meh.”

Yeˬsaˬgeˬlaˇ 31:17

Shiˇ-eu miˇ kʼahˬ-ahˇ iˇ keuˆ dzeuˇ taˬ-euˬ deuˬ jawˇ gaˇ, aˬ yawꞈ maꞈ aˬ yawꞈ nehꞈ-ehˇ tiˬ kawˆ loꞈ-ehˇ iˇ gʼeh tehꞈ-a. Kʼoeˇ naˇ, aˬ yawꞈ-euˬ naˇ shmˇ uˬ moˆ kʼaˇ jawˇ-euˬ deuˬ dawˬ tawˆ luꞈ, miˇ kʼahˬ tsawˇ jeuˬ deuˬ yaw kaˬ-ahˇ jawˇ byoˆ jiˇ tehꞈ-a.

Daˬyeˬlaˇ 4:12

Aˇ bawˇ kʼoeˇ bawˇ-euˬ aˇ paꞈ haw muiˬ dui dui-eu uˬ taꞈ, aˇ siˬ siˬ dui dui-awˇ, miˇ tsaˬ zaˬ dawˬ tawˆ luꞈ dzaˬ loꞈ-eu meh. Bawˇ tsahˬ jeˬ zaˬ deuˬ aˇ bawˇ naˇ shmˇ uˬ moˆ gʼaˬ naˬ naˬ-awˇ, aˇ jiˇ deuˬ uˬ pyaˬ uˬ laꞈ doe ni bahˬ bahˬ-eu uˬ taꞈ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ, aˇ bawˇ kʼoeˇ-euˬ aˇ siˬ dzaˬ-eu meh.

Hawˇseˬ 13:10

Sahˬpaˬ hawˇ-eu aˬ yuiꞈ aˬ tsu, bi laꞈ lehˇ naw maꞈ shaˇ-eu meh. Ehˇ kʼawꞈ, naw maꞈ-euˬ tsawˇ jeuˬ-ahˇ, yawꞈ maꞈ ka kʼoꞈ nehˬ nya nmˇ loˇ.

Yaˇ kʼaˬ daˇ 9:15

Aˬ gah baw duˆ ehˇ-eu, ‘Naw maꞈ ngaˬ-ahˇ naw maꞈ-eu sahˬ paˬ aˬ diˇ aˬ maˇ bi geuꞈ mawꞈ te lehˇ ngeuˇ naˇ, ngaˇ jawˇ gaˇ naˇ shmˇ awˆ laˇ-awˬ. Naw maꞈ naˇ shmˇ maˬ awˆ laˇ naˇ, aˬ gah tsoꞈ-eu ngaˬ-eu uˬ pyaˬ uˬ laꞈ deuˬ-ahˇ miˬ dzaˬ doꞈ doˆ laˇ-awˇ, Leˬbaˬnoˬ-ahˇ jaˆ-eu miˬ shuˬ aˇ bawˇ deuˬ-ahˇ puiˆ dzaˬ tehꞈ-a’ lehˇ ehˇ-eu meh.

1 Saˬmeuˬlaˆ 12:3

Nymˬ-mˇ ngaˇ heu gaˇ yawꞈ luꞈ-eu ma. Ngaˬ neh mˇ lehˬ taˬ-euˬ tiˬ jeˬ paˬ jaˆ naˇ, Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ mehˬ shi nymˬ-mˇ ehˇ doˆ-awˬ. Aˬ cawˬ-euˬ mawˇ neˇ hawˇ-eu aˬ cawˬ-euˬ mahˬ tahˬ laˆ-ahˇ ngaˬ neh yuˇ geuꞈ taˬ-euˬ jaˆ ta loˇ. Ngaˬ neh aˬ cawˬ-ahˇ myawꞈ dzaˬ kʼaˆ dzaˬ-euˬ jaˆ ta loˇ. Aˬ cawˬ neh laꞈ nmꞈ nmꞈ nehˬ laꞈ-euˬ jeˬ-ahˇ ngaˬ neh ha geuꞈ-euˬ jaˆ ta loˇ. Heu loꞈ-ehˇ gʼeh-eu jeˬ ngaˬ neh mˇ taˬ-euˬ jaˆ naˇ, ngaˬ neh kʼaˇ yuˇ-euˬ jeˬ ngaˇ biꞈ kʼoꞈ ma.”

1 Saˬmeuˬlaˆ 12:5

Saˬmeuˬlaˆ ehˇ-eu, “Sahˬpaˬ Miˬyehˇ hawˇ-eu aˬ yawꞈ neh tseˇ doˆ taˬ-euˬ sahˬ paˬ heu gʼaˬ-aˬ, ngaˬ neh mˇ lehˬ taˬ-euˬ tiˬ jeˬ-iˬ maˬ jaˆ-a lehˇ iˬ nah naw maꞈ ehˇ-eu dawˬ heu dawˬ-euˬ saˇ kiˇ pyeuꞈ-eu ma.” Aˬ yawꞈ maꞈ ehˇ-eu, “Ngeuˇ meh. Sahˬpaˬ Miˬyehˇ-aˬ, aˬ dui maꞈ-euˬ saˇ kiˇ pyeuꞈ-eu ma.”

1 Saˬmeuˬlaˆ 16:6

Aˬ yawꞈ maꞈ laˇ keuˆ ngeh, Yeˬshehˇ-euˬ aˬ li Eˇliˇbaˆ-ahˇ Saˬmeuˬlaˆ ya mawˇ-awˇ, “Heu gaˇ Sahˬpaˬ Miˬyehˇ-euˬ mehˬ shi yawꞈ luꞈ-eu heu gʼaˬ-aˬ, aˬ diˇ aˬ maˇ aˬ yawꞈ neh tseˇ doˆ-euˬ gʼaˬ ngeuˇ-eu jeˬ nga” lehˇ aˬ yawˇ yawꞈ shaˇ noeˬ-euˬ meh.

1 Saˬmeuˬlaˆ 24:10

Nymˬ-mˇ tseuˆ tseuˆ ni, lo kʼahˬ heu kʼahˬ laꞈ kʼoeˇ, Sahˬpaˬ Miˬyehˇ neh nawˬ-euˬ gʼawˇ mawˇ ngaˬ-euˬ aˬ laꞈ laꞈ kʼoeˇ a nehˬ laꞈ gʼaˬ-euˬ gaˇ, nawˇ ya mawˇ-euˬ meh. Nawˬ-ahˇ sehꞈ-awˬ lehˇ ngaˬ-euˬ tsawˇ haˬ tiˬ paˆ na deuˬ ngaˬ-ahˇ ehˇ-eu meh. Ehˇ kʼawꞈ, nawˇ sahˬ paˬ geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tseˇ doˆ taˬ-euˬ miˇ neh, nawˬ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ maˬ laˆ naˇ nehˬ lehˇ, aˬ yawꞈ maꞈ-ahˇ ngaˇ ehˇ nehˬ-euˬ ma.

1 Saˬmeuˬlaˆ 24:6

Daˬbiˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-euˬ, “Sahˬpaˬ Miˬyehˇ neh tseˇ doˆ-euˬ sahˬ paˬ pyeuꞈ-eu ngaˬ-euˬ sahˬ paˬ-ahˇ ngaˇ maˬ ya laˆ tahˬ, maˬ ya laˆ naˇ ni, Sahˬpaˬ Miˬyehˇ ngaˬ-ahˇ haw piˇ luꞈ-uˇ. Aˬ yawꞈ-ahˇ ngaˇ ui cuiˆ tehꞈ-ehˇ kʼawꞈ maˬ laˆ tahˬ kʼmˬ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh aˬ yawꞈ-ahˇ tsiˇ shehˆ daˆ-awˇ tseˇ doˆ taˬ-euˬ meh.”

1 Saˬmeuˬlaˆ 26:16

Nawˇ nawˬ-euˬ gaˇ-ahˇ yaw muiˬ paˬ-ehˇ maˬ mˇ nga. Sahˬpaˬ Miˬyehˇ neh dzoeˬ dzaˬ biꞈ nehˬ taˬ-euˬ naw maꞈ-euˬ sahˬ paˬ-ahˇ yaw muiˬ paˬ-ehˇ maˬ loꞈ piˇ-eu miˇ neh, naw maꞈ yawˬ gʼaˬ na luꞈ shiˇ-eu geuˇ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ ehˇ tsehˆ peuˬ ma. Sahˬ paˬ-euˬ gahˬ aˬ gaˇ iˇ ta. Sahˬ paˬ-euˬ uˬ duˬ dawˬ peh ciˬ taˬ-euˬ iˇ puˬ kʼoeˇ siˬ aˬ gaˇ jaˆ taˬ.”

1 Saˬmeuˬlaˆ 26:9

Ehˇ kʼawꞈ, Daˬbiˇ ehˇ-eu, “Aˬ yawꞈ-ahˇ laˆ tahˬ laˆ naˇ-eu jeˬ maˬ mˇ kʼmˬ-a. Sahˬpaˬ Miˬyehˇ neh tseˇ doˆ-euˬ sahˬ paˬ-ahˇ laˆ tahˬ laˆ naˇ-eu jeˬ mˇ-eu tsawˇ haˬ-ahˇ, Sahˬpaˬ Miˬyehˇ kʼehˬ nehˬ kʼaˆ nehˬ tehꞈ-a.”