Ngoeˇ dawˬ 4:2 - Akha

² Ziˇoˬ-euˬ aˬ li zaˬ guˬ deuˬ, shuiˇ loꞈ-ehˇ poeˬ-euˬ lawˬ-euˬ kʼawꞈ, shaˬ jehˆ tehˆ-euˬ miˇ tsaˬ oeˬ lahˬ, poeˬ sawˇ lawˬ maˬ baw gaˇ duˇ meh.

Ngoeˇ dawˬ 4:2 ပူးပေါင်းရင်းမြစ်များ

Iˇsaˬyaˇ 30:14

Mui duiˇ oeˬ lahˬ ga meuˇ jiˇ ngeh, miˬ jiˆ pehˆ ahˇ-eu kuˬ cuˇ luˇ pyehˬ maˬ dzeˇ-ehˇ, iˇ cuꞈ kuˬ-eu ni tseuˆ tseuˆ pyehˬ maˬ oꞈ-eu loꞈ-ehˇ, naw maꞈ guiˬ lahˬ doeˇ tehꞈ-a.”

Iˇsaˬyaˇ 51:18

Nawˬ-ahˇ sheuˬ hehˇ nehˬ-eu tiˬ gʼaˬ-iˬ maˬ jawˇ-a. Nawˬ-euˬ tsawˇ haˬ heu myaˆ gʼeh-eu laꞈ kʼoeˇ, nawˬ-euˬ aˬ laꞈ-ahˇ tsahˇ nehˬ-eu tiˬ gʼaˬ-iˬ maˬ jawˇ-a.

Yeˬlaˬmiˇ 19:1

“Ciˬ cuˇ tiˬ siˬ zeuˇ laˬ-iˇ-awˬ” lehˇ Sahˬpaˬ Miˬyehˇ ngaˬ-ahˇ ehˇ-eu meh. “Aˬ yuiꞈ aˬ tsu geuꞈ-eu tiˬ paˆ na deuˬ hawˇ-eu, aˇ kʼoꞈ kʼawˆ laˇ-euˬ piˇ ma tiˬ paˆ na deuˬ kʼawꞈ sheuˬ-awˇ,

Yeˬlaˬmiˇ 19:11

Kʼoeˇ naˇ, “Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ” lehˇ ehˇ-eu meh. “Tsawˇ haˬ heu deuˬ hawˇ-eu meuˬ heu meuˬ-ahˇ ngaˇ heu loꞈ-ehˇ bi ga paˆ ma. Ciˬ cuˇ heu siˬ paˆ-iˇ shaˆ-iˇ-euˬ loꞈ-ehˇ, maˬ paˇ tsoꞈ tsaꞈ leˇ nya ni pyeuꞈ-iˇ tehꞈ-a. Tawˇpehˆ lehˇ kuˇ-eu jawˇ duˬ kʼoeˇ tsahˇ-ahˇ kʼawꞈ, aˬ yawꞈ maꞈ tsawˇ shiˇ ya baꞈ pahˬ gaˇ keuˆ tehꞈ-a. Aˬ jeˬ miˇ neh ehˇ naˇ, nui gaˇ baꞈ pahˬ kʼaˇ maˬ za ni tsawˇ shiˇ myaˬ dui dui tehꞈ-a.

Yeˬlaˬmiˇ 22:28

Aˬ cawˬ maˬ haw nahˇ-eu paˆ-iˇ taˬ-euˬ mui deuˇ oeˬ lahˬ, aˬ cawˬ maˬ geuꞈ nahˇ-eu mˇ myawˬ, Yeˬhawˇyaˬciˬ ehˇ-eu heu gʼaˬ meh loˇ. Aˬ jeˬ miˇ neh aˬ yawꞈ-euˬ zaˬ deuˬ-ahˇ, aˬ yawꞈ maˬ siˬ-eu miˇ kʼahˬ-ahˇ biˬ ahˇ nehˬ taˬ.

Ngoeˇ dawˬ 2:21

Tsawˇ mawˬ zaˬ guˬ tiˬ gaˇ shiˇ-awˇ, meuˬ-euˬ gʼahˇ ceh gaˇ ma doe ni, kʼaˬ lehˇ tsahˬ-ahˇ ga luꞈ-eu meh. Aˬ li zaˬ guˬ aˬ buˇ zaˬ guˬ, mi cehˇ neh bi sehꞈ dzeh-euˬ meh. Nawˬ-euˬ nui ma pehˇ laˇ ngeh nah, gʼawˬ shaˬ gaˬ-eu jeˬ maˬ ahˇ ni, aˬ yawꞈ maꞈ-ahˇ sehꞈ dzeh-euˬ meh.

Ngoeˇ dawˬ 5:12

Sahˬ paˬ sahˬ ma-ahˇ paꞈ gʼeu-awˇ, tsawˇ mawˬ tsawˇ kʼaˆ-ahˇ maˬ zeu-a.

Hawˇseˬ 8:8

Iˇsaˬleˬlaˆ-euˬ miˇ kʼahˬ kʼawꞈ, aˬ cawˬ-euˬ miˇ kʼahˬ deuˬ loꞈ-ehˇ, saˇ baoˬ yaw pehꞈ-ahˇ duˇ-eu meh.

Zaˬkaˬliˇ 9:13

Yuˇdaˆ miˇ kʼahˬ kaˆ poˆ geuꞈ-awˇ, Iˇsaˬleˬlaˆ kaˆ myaˬ geuꞈ ma. Ziˇoˬ tsawˇ haˬ mi cehˇ geuꞈ-awˇ, Heˬlaˬshaˆ tsawˇ jeuˬ-ahˇ deuˆ ma.”

2 Gawˇliˬtu 4:7

Ehˇ kʼawꞈ, huiˬ dui dui-eu baoˬ-aˬ, nga maꞈ-euˬ maˬ ngeuˇ-ehˇ, Miˬyehˇ-euˬ pyeuꞈ-eu gaˇ kawˆ siˬ duˬ mawˇ duˬ laˇ ni, nga maꞈ-aˬ, saꞈ laˇ paw taꞈ leˇ-eu poeˬ dui dui-eu pyuˇ shuiˇ myawˬ gahˬ heu deuˬ dawˆ ahˇ taˬ-euˬ miˇ tsaˬ oeˬ lahˬ loˆ ni tehꞈ ma.

2 Tiˆmoˇseˬ 2:20

Nymˇ nymˇ ma tiˬ nymˇ laꞈ kʼoeˇ kʼmˬ maˬ oeˬ tsaꞈ gʼawˬ mya ni jaˆ-eu meh. Tiˬ deuˬ na-aˬ, pyuˇ hawˇ-eu shuiˇ neh tehˆ taˬ-awˇ, tiˬ deuˬ na-aˬ, daˇ kawˬ hawˇ-eu miˇ tsaˬ neh jahˇ taˬ-euˬ meh. Tiˬ deuˬ na-aˬ, bawˬ-iˬ gʼeh ngeh zmˬ-eu gʼaˇ duˬ pyeuꞈ-awˇ, tiˬ deuˬ na-aˬ, aˬ myah myah zmˬ-eu gʼaˇ duˬ pyeuꞈ-eu meh.