Ngoeˇ dawˬ 3:53 - Akha

⁵³ Duˬ kʼahˬ-ahˇ dzeh ahˇ nehˬ laꞈ-awˇ, kʼaˬ lo ngawˬ tehˬ nehˬ laꞈ-euˬ meh.

Ngoeˇ dawˬ 3:53 ပူးပေါင်းရင်းမြစ်များ

Yeˬlaˬmiˇ 37:16

Miˇ tsaˬ dawˬ dah jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ, gʼawˬ myahˇ ni bi jawˇ nehˬ laꞈ-euˬ meh.

Yeˬlaˬmiˇ 37:20

Sahˬ paˬ-oˇ, ngaˇ ehˇ gaˇ naˇ haˬ-awˇ, ngaˬ neh kʼaˇ ehˇ-euˬ loꞈ-ehˇ mˇ-awˬ lehˇ, nymˬ-mˇ nawˬ-ahˇ ngaˇ shaˇ-eu ma. Tiˬ jeˬ gʼeh-awˇ neh-iˬ, Yawˇnaˆshaˬ-euˬ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ taˬ paˇ nyehꞈ-ahˇ poˆ nehˬ laꞈ. Kʼoeˇ gaˇ nyehꞈ ahˇ poˆ nehˬ laꞈ naˇ, maˇ maˇ ni shiˇ-eu miˇ-a” lehˇ ehˇ nehˬ-euˬ ma.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Yeˬlaˬmiˇ 38:9

“Sahˬ paˬ-oˇ, tsawˇ haˬ kʼoeˇ deuˬ neh mˇ-euˬ jeˬ maˬ tsaˬ maˬ dawˇ-a. Yeˬlaˬmiˇ-ahˇ lah duˬ laꞈ kʼoeˇ aˬ yawꞈ maꞈ nyehꞈ ahˇ-euˬ meh. Meuˬ laꞈ kʼoeˇ dzaˬ dzaˬ dawˇ dawˇ nym laˇ taˬ-euˬ miˇ neh, Yeˬlaˬmiˇ ya shiˇ-eu yaw duˬ baw meh.”

Daˬyeˬlaˇ 6:17

Aˇ laˬ jaˬ shiˇ kuˆ-euˬ duˬ kʼahˬ mehˬ kʼehˬ-ahˇ, sahˬ paˬ-euˬ jmˬ hawˇ-eu sahˬ paˬ-euˬ gaˇ mˇ-euˬ sahˬ paˬ sahˬ ma deuˬ-euˬ jmˬ diˬ taˬ-euˬ kʼaˬ lo tiˬ siˬ baꞈ taˬ-euˬ meh. Daˬyeˬlaˇ-ahˇ tsawˇ haˬ tiˬ gʼaˬ-iˬ maˬ bi ka kʼoꞈ-euˬ gʼaˇ duˬ, kʼoeˇ loꞈ-ehˇ baꞈ taˬ-euˬ jeˬ pyeuꞈ-eu meh.

Daˬyeˬlaˇ 6:18

Kʼoeˇ naˇ, sahˬ paˬ-euˬ hawˇ nymˇ-ahˇ sahˬ paˬ gʼoꞈ leˇ-awˇ, tiˬ jeˬ-iˬ maˬ dzaˬ maˬ dawˇ-eu uˬ taꞈ, aˬ yawꞈ byawˬ gʼa-eu jeˬ tiˬ jeˬ-iˬ maˬ bi jahˇ ni, uˬ ciꞈ maˬ yuꞈ kʼaˆ leˇ-ehˇ shaˬ bya-euˬ meh.

Yawˇnaˆ 2:1

Ngaˬ shaˬ-euˬ uˬ maˆ laꞈ kʼoeˇ uˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ Yawˇnaˆ heu loꞈ-ehˇ guiˬ lahˬ shaˇ-euˬ meh.

Maꞈtehˬ 27:60

Kʼoeˇ naˇ, shuiꞈ teˇ poˬ ni gʼeh-eu aˬ yawꞈ-euˬ lmˬ bymˇ lo kʼahˬ-ahˇ baꞈ ahˇ-awˇ, lmˬ bymˇ mehˬ kʼehˬ-ahˇ kʼaˬ lo lo ma ngawˬ tsoeˬ yaꞈ-awˇ gʼoꞈ leˇ-euˬ meh. Lmˬ bymˇ kʼoeˇ-aˬ, aˬ yawꞈ neh lo guˇ-ahˇ taꞈ byoe-awˇ jahˇ taˬ-euˬ meh.

Maꞈtehˬ 27:66

Kʼoeˇ naˇ, aˬ yawꞈ maꞈ gʼoꞈ-iˇ-awˇ, lmˬ bymˇ-ahˇ ngawˬ tsoeˬ taˬ-euˬ kʼaˬ lo lo ma-ahˇ jmˬ diˬ-awˇ, yaw muiˬ-ehˇ bi loꞈ piˇ-euˬ meh.