Ngoeˇ dawˬ 3:39 - Akha

³⁹ Iˬ baˇ baˬ da kʼehˬ nehˬ laꞈ gaˇ, aˬ dui aˬ jeˬ ja-eu loˬ ta.

Ngoeˇ dawˬ 3:39 ပူးပေါင်းရင်းမြစ်များ

2 Sahˬpaˬ 3:13

Iˇsaˬleˬlaˆ sahˬ paˬ-ahˇ Eˇliˇshehˇ ehˇ nehˬ-eu, “Ngaˇ nawˬ-ahˇ aˬ jeˬ miˇ neh ya caw ba ta. Nawˬ da nawˬ ma gʼoe-euˬ miˬ yehˇ gʼaˇ duˬ ngehˬ dah-eu kʼoeˇ deuˬ jawˇ gaˇ iˇ-awˬ tawˇ.” Yoˇlamˬ ehˇ-eu, “Toˆ-ehˇ maˬ ngeuˇ-a. Mawˇbaˆ sahˬ paˬ-euˬ aˬ laꞈ laꞈ kʼoeˇ a nehˬ-eu lehˇ, ngaˬ ha sahˬ paˬ smˇ gʼaˬ-ahˇ kuˇ dzoeˇ nehˬ laꞈ-euˬ gʼaˬ-aˬ, Sahˬpaˬ Miˬyehˇ meh.”

2 Sahˬpaˬ 6:32

Eˇliˇshehˇ-aˬ, aˬ yawꞈ jawˇ gaˇ dawˬ deh gʼa le-euˬ tsawˇ mawˬ tsawˇ kʼaˆ deuˬ nehˬ-ehˇ, nymˇ laꞈ kʼoeˇ nuiˇ luꞈ-eu meh. Kʼoeˇ ngeh, sahˬ paˬ neh tsawˇ haˬ tiˬ gʼaˬ pyehˬ gʼeh leꞈ-euˬ meh. Ehˇ kʼawꞈ, tsawˇ haˬ kʼoeˇ gʼaˬ maˬ oe keuˆ mi naˆ-ehˇ, tsawˇ mawˬ tsawˇ kʼaˆ kʼoeˇ deuˬ-ahˇ Eˇliˇshehˇ ehˇ nehˬ-eu, “Tsawˇ haˬ-ahˇ sehꞈ-eu kʼoeˇ gʼaˬ tsawˇ haˬ tiˬ gʼaˬ pyehˬ leꞈ-awˇ, ngaˬ-ahˇ bi sehꞈ le-eu lehˇ bi oe luꞈ meh. Aˬ yawꞈ heu gaˇ oe keuˆ naˇ, maˬ bi uˇ laˇ ni laˇ gʼoˆ piˬ tehˬ-awˬ. Sahˬ paˬ kʼawꞈ aˬ yawꞈ-euˬ mehˬ nah caw teh leꞈ tehꞈ-a.”

2 Sahˬpaˬ 6:33

Aˬ yawꞈ kʼoeˇ loꞈ-ehˇ ehˇ gʼaˬ-eu maˬ dah ni, sahˬ paˬ oe keuˆ-awˇ ehˇ-eu, “Nga maꞈ kʼoeˇ taˆ shaˬ-eu zahˬ-eu heu bi keuˆ le-euˬ gʼaˬ Sahˬpaˬ Miˬyehˇ meh loˇ. Aˬ yawꞈ tiˬ jeˬ paˬ jahˇ nehˬ laꞈ gaˇ ngaˇ dawˬ dawˬ-ehˇ maˬ paˇ jawˇ ma.”

Eˇzaˬlaˬ 9:13

Nga maꞈ-euˬ iˬ baˇ baˬ da neh nawˇ nga maꞈ-ahˇ kʼehˬ nehˬ kʼaˆ nehˬ laꞈ-eu laꞈ kʼoeˇ nga maꞈ ya daˬ dzeuˇ laꞈ-euˬ jeˬ-ahˇ haw ngeh jawˇ, nga maꞈ-ahˇ geuˇ-eu kʼehˬ-eu kʼaˆ-eu jeˬ naˆ maˬ tseˇ teˬ dui nyiˇ dui dui-eu kʼehˬ-eu kʼaˆ-eu jeˬ nawˇ nga maꞈ kʼoeˇ taˆ bi keuˆ le-awˇ, nga maꞈ-ahˇ heu loꞈ-ehˇ bi dehꞈ bi jawˇ dzeuˇ laꞈ-euˬ meh.

Yawˇbaˆ 11:6

Zaˬ siˬ nui gahˇ-ahˇ taꞈ leˇ-awˇ gʼawˬ mya pyawˬ jaˆ-eu gaˇ kawˆ aˬ yawꞈ nawˬ-ahˇ ehˇ tehꞈ-a. Tsawˇ haˬ zaˬ-euˬ nui gahˇ maˬ teh miˇ coeˇ gaˇ keuˆ ni naꞈ dui dui-eu gʼawˬ mya jeˬ jaˆ meh. Nawˇ ya daˬ geuˇ-eu naˆ maˬ tseˇ sawˇ teˬ-eu laꞈ kʼoeˇ, Miˬyehˇ nawˬ-ahˇ kʼehˬ-euˬ meh lehˇ nawˇ siˬ nya-awˬ.

Yawˇbaˆ 15:13

Nawˇ Miˬyehˇ-ahˇ nui ma pehˇ laˇ taˬ-awˇ, aˬ yawꞈ-ahˇ zaw leˇ-eu dawˬ ngehˬ-eu meh.

Jaceuq 107:17

Tiˬ paˆ na deuˬ iˬ baˇ baˬ da neh tsawˇ uˬ uˬ-iˇ-awˇ, yaw haiˬ jeˬ mˇ-euˬ baˬ da neh ya shaˬ ya zahˬ-eu meh.

Dawqdaq 19:3

Bawˬ toˆ maˬ nya shaˬ le ngeh jawˇ, Sahˬpaˬ Miˬyehˇ-ahˇ iˬ baˇ taˬ-eu.

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Yeˬlaˬmiˇ 10:19

Yeˬluˇsaˬlehˬ meuˬ laꞈ kʼoeˇ jawˇ-eu deuˬ ngoeˇ-awˇ ehˇ-eu, “Nga maꞈ-ahˇ coeˬ dui dui laˇ nya. Nga maꞈ-euˬ naˇ gawˇ maˬ paˇ taˬ leˇ nya miˇ-a. Nga maꞈ maˬ daˬ coeˇ gaˇ keuˆ ni maˬ pyeuꞈ laˇ-aˇ lehˇ noeˬ-euˬ ma.

Yeˬlaˬmiˇ 30:15

Naw maꞈ maˇ kʼehˬ maˇ naˇ gaˇ kawˆ taˬ toˇ. Taˬ leˇ nya-eu gaˇ ma maˬ paˇ dahˇ meh. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ heu loꞈ-ehˇ kʼehˬ-eu ma.

Ngoeˇ dawˬ 3:22

Sahˬpaˬ Miˬyehˇ gʼoeˇ-eu gaˬ-eu, tiˬ jawˇ-iˬ maˬ tsehˆ leˇ nya-ehˇ, aˬ yawꞈ-euˬ gʼawˬ shaˬ gaˬ-eu jeˬ, tiˬ jawˇ-iˬ maˬ tsiˇ leˇ nya-ehˇ,

Uˬ duˬ 26:41

Aꞈ yawꞈ maꞈ-euˬ aˬ poeˬ aˬ bawˇ deuˬ kʼoeˇ loꞈ-ehˇ mˇ-euˬ miˇ neh, ngaˬ neh aˬ yawꞈ maꞈ-ahˇ, muiˇ-eu deuˬ-euˬ miˇ kʼahˬ-ahˇ bi nyehꞈ gʼeh-euˬ gaˇ kawˆ, aˬ yawꞈ maꞈ ehˇ doˆ tehꞈ-a. Aˇ saˬ saˬ laˇ ngeh, naw maꞈ-euˬ zaˬ deuˬ uˆ deuˬ nui ma nahˬ yu ni taˬ-awˇ, aˬ yawꞈ maꞈ-euˬ iˬ baˇ aˇ poeˬ hawˇ-eu, ngaˬ-ahˇ puiˬ-euˬ aˇ poeˬ biꞈ tsoeˬ gʼaˬ ngeh,

Uˬ duˬ 26:43

Ehˇ kʼawꞈ, miˇ kʼahˬ kʼoeˇ kʼahˬ laꞈ kʼoeˇ tsawˇ haˬ maˬ jawˇ ni, miˇ tsaˬ-ahˇ gʼaˬ naˬ ya bi naˬ meh. Aˬ yawꞈ maꞈ ngaˬ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni ngaˬ-ahˇ puiˬ-euˬ miˇ neh, iˬ baˇ aˇ poeˬ dziˇ dzoˆ tiˬ byah tiˬ loꞈ ya tsoeˬ meh.

Miˇkaˬ 7:9

Sahˬpaˬ Miˬyehˇ-ahˇ aˬ dui mˇ lehˬ taˬ-euˬ miˇ neh, aˬ yawꞈ nui ma pehˇ-eu jeˬ-ahˇ tiˬ kʼehˬ ya daˬ tehꞈ-a. Ehˇ kʼawꞈ, aˇ saˬ saˬ laˇ ngeh, aˬ yawꞈ aˬ dui gʼaˇ duˬ yaˇ kʼaˬ ja gʼaˬ-eu laꞈ kʼoeˇ, aˬ dui-ahˇ aˬ cawˬ neh mˇ taˬ-euˬ yaw lehˬ jeˬ-ahˇ laˆ tsaˬ nehˬ laꞈ tehꞈ-a. Aˬ dui-ahˇ yaw shehꞈ jaˆ gaˇ sheuˬ doˆ gʼeh-awˇ ka kʼoꞈ nehˬ laꞈ gaˇ aˬ dui ya mawˇ tehꞈ-a.

Bawˇtsahˬ 11:11

Sahˬpaˬ Miˬyehˇ-ahˇ aˬ yawꞈ ehˇ nehˬ-eu, “Aˬ jeˬ miˇ neh nawˇ ngaˬ-ahˇ heu naˆ naˆ-ehˇ bi shaˬ nehˬ laꞈ te. Aˬ jeˬ miˇ neh nawˇ ngaˬ-ahˇ nui ma maˬ saˇ te. Aˬ jeˬ miˇ neh tsawˇ haˬ heu deuˬ dawˬ tawˆ luꞈ-ahˇ haw-eu pyaˆ-eu gaˇ heu nawˇ ngaˬ-ahˇ ciˬ pi nehˬ laꞈ te.

Bawˇtsahˬ 16:41

Yawˬ nah yawˬ, Iˇsaˬleˬlaˆ tsawˇ haˬ aˇ maꞈ deuˬ Moˇseˬ hawˇ-eu Aˬloˬ-ahˇ iˬ baˇ taˬ-awˇ, “Sahˬpaˬ Miˬyehˇ-euˬ tsawˇ haˬ tiˬ paˆ na deuˬ-ahˇ naw nyaꞈ sehꞈ-euˬ meh” lehˇ ehˇ-eu meh.

Bawˇtsahˬ 17:12

Iˇsaˬleˬlaˆ tsawˇ haˬ deuˬ Moˇseˬ-ahˇ ehˇ-eu, “Nga maꞈ heu loꞈ-ehˇ ziˇ ya jiˇ meh loˇ.

Panmaeq 16:9

Aˬ yawꞈ maꞈ-aˬ, lahˇ dui dui-eu miˬ dzaˬ kʼoeˇ neh bi lahˇ-awˇ, kʼehˬ-eu kʼaˆ-eu kʼoeˇ deuˬ kʼoeˇ taˆ baoˬ jaˆ-eu gʼaˬ pyeuꞈ-eu Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Ehˇ kʼawꞈ, aˬ yawꞈ maꞈ iˬ baˇ maˬ noeˬ poˆ-ehˇ, aˬ yawꞈ huiˬ dui mahˇ dui dui gaˇ maˬ ja ceuˬ-a.