Ngoeˇ dawˬ 3:38 - Akha

³⁸ Muiˬ muiˬ doeˇ doeˇ kʼaˇ pyeuꞈ laˇ-euˬ, yawꞈ-euˬ dawˬ-ahˇ doˆ le-euˬ meh.

Ngoeˇ dawˬ 3:38 ပူးပေါင်းရင်းမြစ်များ

2 Saˬmeuˬlaˆ 16:10

Aˬbiˇshaiˇ hawˇ-eu aˬ yawꞈ-euˬ aˇ doˆ Yoˇbaˬ aˬ nyaꞈ-ahˇ sahˬ paˬ ehˇ nehˬ-eu, “Heu-aˬ, naw nyaꞈ-ahˇ taꞈ-euˬ gaˇ maˬ ngeuˇ-a. Sahˬpaˬ Miˬyehˇ neh aˬ yawꞈ-ahˇ kʼehˇ-awˇ, ngaˬ-ahˇ yaˬ kʼehˇ bi yaˬ le-euˬ jeˬ pyeuꞈ lawˬ naˇ, aˬ dui aˬ jeˬ ehˇ kʼaˇ paˇ za ta.”

Yawˇbaˆ 2:10

Yawˇbaˆ ehˇ-eu, “Nawˇ tsawˇ uˬ-euˬ dawˬ ngehˬ luꞈ te loˇ. Miˬyehˇ aˬ dui-ahˇ muiˬ-eu jeˬ biꞈ laꞈ ngeh aˬ dui ha geuꞈ-euˬ maˬ ngeuˇ loˇ. Shaˬ-eu zahˬ-eu jeˬ bi keuˆ le ngeh jawˇ tehꞈ-ehˇ aˬ dui maˬ ha geuꞈ ni byehˇ nya ta loˇ.” Yawˇbaˆ-aˬ, kʼoeˇ naˆ naˆ-ehˇ gʼeh-eu jeˬ-ahˇ ya daˬ luꞈ kʼawꞈ, Miˬyehˇ-ahˇ iˬ baˇ taˬ-eu dawˬ tiˬ dawˬ-iˬ maˬ ngehˬ-a.

Jaceuq 75:7

Yaˇ kʼaˬ daˇ-euˬ gʼaˬ Miˬyehˇ pyeuꞈ-awˇ, tiˬ deuˬ-ahˇ nawˬ awˆ-awˇ, tiˬ deuˬ-ahˇ gʼeu tuˇ nehˬ-eu meh.

Dawqdaq 29:26

Sahˬ paˬ sahˬ ma deuˬ neh gʼawˬ shaˬ bi haw gaˬ-eu jeˬ-ahˇ yawˬ gʼaˬ na luꞈ geuꞈ mawꞈ-eu meh. Ehˇ kʼawꞈ, yaˇ kʼaˬ daˇ nehˬ-eu gʼaˬ Sahˬpaˬ Miˬyehˇ meh.

Dawˬ tsoˆ 7:14

Guiˬ lahˬ baw ngeh laˬ kʼaˬ cehˇ-awˇ, guiˬ lahˬ doeˇ ngeh yehˬ cehˬ cehˬ-awˬ. Nyiˬ jeˬ luꞈ Miˬyehˇ beh-euˬ meh. Ni shawˬ gaˇ kawˆ siˬ duˬ nya-eu, tsawˇ haˬ tiˬ gʼaˬ-iˬ maˬ jawˇ-a.

Iˇsaˬyaˇ 45:7

Yaw shehꞈ hawˇ-eu yaw zahˇ nyiˬ jeˬ luꞈ-ahˇ, ngaˬ neh beh taˬ-euˬ ma. Lahˬ hawˇ-eu dawˇ nyiˬ jeˬ luꞈ-ahˇ, ngaˇ bi keuˆ le-eu ma. Sahˬpaˬ Miˬyehˇ pyeuꞈ-eu ngaˇ-aˬ, heu dawˬ tawˆ luꞈ mˇ jiˇ-eu yaw sahˇ ma.

Yeˬlaˬmiˇ 32:42

“Tsawˇ haˬ heu deuˬ kʼoeˇ taˆ guˆ-eu gaˆ-eu jeˬ heu, ngaˬ neh bi keuˆ le-euˬ loꞈ-ehˇ, ngaˬ neh saˇ jaˇ kʼaˇ dzaˬ taˬ-euˬ yaw muiˬ jeˬ dawˬ tawˆ luꞈ, aˬ yawꞈ maꞈ-ahˇ ngaˇ biꞈ ma.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.