Ngoeˇ dawˬ 3:32 - Akha

³² Tsawˇ haˬ zaˬ-ahˇ bi noeˬ shaˬ kʼawꞈ, aˬ yawꞈ gaˬ-eu gʼaˬ kʼaˆ luꞈ meh.

Ngoeˇ dawˬ 3:32 ပူးပေါင်းရင်းမြစ်များ

2 Sahˬpaˬ 13:23

Ehˇ kʼawꞈ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ-eu laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh dzaˬ taˬ-euˬ dawˬ ma saˇ jaˇ baˬ da neh, aˬ yawꞈ-euˬ tsawˇ jeuˬ-ahˇ aˬ yawꞈ maˬ ngehˇ leˇ coeˇ-ehˇ, cawˆ-iˇ jiˇ gaˇ maˬ bi keuˆ ni caw ba nehˬ-euˬ meh.

Jaceuq 103:11

Aˬ yawꞈ-ahˇ taˬ huiˬ-euˬ tsawˇ haˬ-ahˇ aˬ yawꞈ gaˬ-eu jeˬ mˬ naˆ ni goˇ-eu meh.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Doˆ-iˇ 2:23

Aˇ kʼoꞈ aˇ la myahˇ laˇ ngeh jawˇ, Iˇjiˇtuˆ miˇ kʼahˬ-ahˇ uˆ lahˇ-eu sahˬ paˬ ziˇ jiˇ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ shaˬ dui zahˬ dui dui-eu laꞈ kʼoeˇ, aˬ cawˬ zaˬ kʼaˆ ya geuꞈ luꞈ-awˇ, caw ba le-awˬ lehˇ guˇ guˇ-ehˇ ngoeˇ luꞈ-eu meh. Aˬ yawꞈ maꞈ ngoeˇ luꞈ-eu teˇ saˇ Miˬyehˇ-ahˇ gaˬ leˇ-euˬ meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Iˇsaˬyaˇ 27:8

Aˬ cawˬ-euˬ miˇ kʼahˬ-ahˇ bi nyehꞈ gʼeh-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-euˬ meh. Guˆ laˇ paˬ-ehˇ gʼeh-eu nahˇ ma doˆ kʼehˬ jaˬ lehˇ kʼoeˇ neh, aˬ yawꞈ maꞈ-ahˇ bi hehˇ dzaˬ gʼeh-euˬ meh.

Iˇsaˬyaˇ 54:7

“Nawˬ-ahˇ ngaˇ tiˬ kʼehˇ laˇ kʼehˬ byehˇ dzeh-euˬ tehꞈ ma. Gaˬ dui dui-eu laꞈ kʼoeˇ nawˬ-ahˇ ngaˇ paˇ sheuˬ kʼoꞈ geuꞈ ma.

Yeˬlaˬmiˇ 31:20

“Iˇsaˬleˬlaˆ nawˇ ngaˇ gaˬ dzehˬ-eu aˬ li ma. Aˬ cawˬ naˆ maˬ tseˇ gaˬ-euˬ gʼaˬ nawˇ ma. Nawˬ-euˬ tsawˇ myahˇ ngaˇ kʼaˇ kuˇ ngeh, nawˬ-ahˇ gaˬ-eu maˬ jiˇ leˇ-ehˇ, nawˬ-ahˇ noeˬ-eu maˬ byoˆ-iˇ nya. Nawˬ-ahˇ ngaˇ gʼawˬ shaˬ aˬ diˇ gaˬ nehˬ ma.

Ngoeˇ dawˬ 3:22

Sahˬpaˬ Miˬyehˇ gʼoeˇ-eu gaˬ-eu, tiˬ jawˇ-iˬ maˬ tsehˆ leˇ nya-ehˇ, aˬ yawꞈ-euˬ gʼawˬ shaˬ gaˬ-eu jeˬ, tiˬ jawˇ-iˬ maˬ tsiˇ leˇ nya-ehˇ,

Hawˇseˬ 11:8

“Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ gʼeh-awˇ byehˇ coeˇ nmˇ. Aˬdaˬmaˬ-ahˇ kʼehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ kʼehˬ nmˇ. Zeˬbymˬ-ahˇ jahˇ nehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ jahˇ nmˇ. Nawˬ-ahˇ gaˬ dui dui-eu miˇ neh, kʼoeˇ loꞈ-ehˇ jahˇ nehˬ-eu gʼaˇ duˬ, ngaˬ-euˬ nui ma maˬ gʼaˬ leˇ nya.

Naˬhmˬ 1:12

Sahˬpaˬ Miˬyehˇ ehˇ leꞈ-euˬ-aˬ, “Aˬshuˇliˆ tsawˇ haˬ gʼaˬ kʼaˆ-awˇ, tsawˇhaˬ myaˬ dui behˇ dui dui kʼawꞈ, bi laˆ cawˆ-awˇ byoˆ jiˇ tehꞈ-a. Naw maꞈ-ahˇ ngaˇ kʼehˬ dzeuˇ-euˬ kʼawꞈ, mehˬ hu paw maˬ paˇ kʼehˬ nehˬ ma.

Luˇkaꞈ 15:20

Kʼoeˇ naˇ, aˬ yawꞈ tsawˬ tuˇ laˇ-awˇ, aˬ yawꞈ-euˬ aˬ da jawˇ gaˇ gʼoꞈ leˇ-euˬ meh. “Aˬ yawꞈ gaˇ mahˇ kaˬ gaˇ gʼoꞈ laˇ luꞈ ngeh neh, aˬ yawꞈ-euˬ aˬ da aˬ yawꞈ-ahˇ haw mawˇ-awˇ, gʼawˬ shaˬ gaˬ dui dui-eu miˇ neh cehˆ coeˬ coeˬ gʼeh-awˇ, aˬ yawꞈ-ahˇ byaˇ cuꞈ-awˇ ha-eu laꞈ kʼoeˇ, mehˬ cuˇ cuˇ nehˬ-euˬ meh.

Yaˇ kʼaˬ daˇ 10:16

Kʼoeˇ naˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ aˬ yawꞈ maꞈ byehˇ dzeh-awˇ, Sahˬpaˬ Miˬyehˇ-ahˇ uˬ duˬ tahˬ ngeh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ haw gaˬ-euˬ meh.