Ngoeˇ dawˬ 3:30 - Akha

³⁰ Naˬ tehˆ tehˆ-awˇ kʼehˬ nehˬ laꞈ kʼawꞈ, dawˬ gʼoꞈ maˬ doˆ ni ciˬ daˬ-awˬ.

Ngoeˇ dawˬ 3:30 ပူးပေါင်းရင်းမြစ်များ

Yawˇbaˆ 16:10

Aˬ cawˬ ngaˬ-ahˇ naˬ gʼa-eu jeˬ-ehˇ uiˇ cawˬ laˇ-eu meh. Aˬ yawꞈ maꞈ ngaˬ-euˬ tiˬ jawˬ oe-awˇ ngaˬ-euˬ baˬ ba-ahˇ tehˆ laˇ-eu meh.

Yawˇbaˆ 30:10

Aˬ yawꞈ maꞈ ngaˬ-ahˇ nui daˆ daˆ-eu meh. Aˬ yawꞈ maꞈ ngaˇ naˆ maˬ tseˇ muiˬ dzehˬ ma lehˇ noeˬ-awˇ, ngaˬ-euˬ myaˆ pyawˬ-ahˇ duˬ kʼaˬ kʼa shehˬ laˇ-eu meh.

Jaceuq 123:3

Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ-ahˇ gʼawˬ shaˬ gaˬ nehˬ laꞈ-awˬ. Aˬ cawˬ ja bu ja doeˇ-eu dawˬ-ahˇ, nga maꞈ maˬ daˬ coeˇ nya.

Jaceuq 69:20

Aˬ cawˬ-euˬ dawˬ doeˇ ngaˬ-euˬ nui ma-ahˇ zaw dui dui laˇ-awˇ, nui ma cawˆ dui dui luꞈ-eu ma. Ngaˬ-ahˇ gʼawˬ shaˬ gaˬ nehˬ laꞈ gaˇ noeˬ tmˬ kʼawꞈ, gʼawˬ shaˬ gaˬ nehˬ laꞈ-eu tiˬ gʼaˬ-iˬ maˬ jawˇ-a. Gʼaˬ biꞈ nehˬ laꞈ gaˇ noeˬ tmˬ kʼawꞈ, gʼaˬ biꞈ nehˬ laꞈ-eu tiˬ gʼaˬ-iˬ maˬ jawˇ-a.

Jaceuq 69:9

Nawˬ-euˬ Uˬ duˬ tahˬ nymˇ nymˇ ma-ahˇ nui ma keuˆ-awˇ uˬ duˬ tahˬ-eu jeˬ, ngaˬ-euˬ nui ma laꞈ kʼoeˇ miˬ dzaˬ doꞈ-eu loꞈ-ehˇ jaˆ-awˇ, nawˬ-euˬ dah zaˇ ngaˇ dawˬ doeˇ daˬ luꞈ-eu ma.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.

Maꞈtehˬ 26:67

Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Maꞈtehˬ 5:39

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Tsawˇ haˬ tiˬ gʼaˬ na nawˬ-euˬ baˬ ba aˇ maˇ paw pyawˬ-ahˇ tehˆ laˇ naˇ, aˇ caˇ pyawˬ paˇ ciˬ daˬ nehˬ-awˬ.

Luˇkaꞈ 6:29

Nawˬ-euˬ baˬ ba-ahˇ tehˆ laˇ-eu tsawˇ haˬ-ahˇ, baˬ ba yawˬ pyawˬ yawˬ paˇ ciˬ daˬ nehˬ-awˬ. Kʼoeˇ taˆ dm daˆ taˬ-eu pehˇ kʼahˬ yuˇ geuꞈ laˇ-eu tsawˇ haˬ-ahˇ, laꞈ kʼoeˇ dm ahˇ taˬ-euˬ kahˇ kʼawꞈ bi yuˇ geuꞈ-awˬ.

2 Gawˇliˬtu 11:20

Aˬ cawˬ naw maꞈ-ahˇ kʼehˇ dzaˬ laˇ gaˇ maˬ ehˇ, nawˬ dzaˬ kʼaˆ dzaˬ laˇ gaˇ maˬ ehˇ, zuiˆ laˇ gaˇ maˬ ehˇ, daˆ dziˬ laˇ gaˇ maˬ ehˇ, baˬ ba-ahˇ tehˆ laˇ gaˇ maˬ ehˇ, naw maꞈ daˬ coeˇ meh ehˇ lawˬ laˬ.