Ngoeˇ dawˬ 3:26 - Akha

²⁶ Sahˬpaˬ Miˬyehˇ ka kʼoꞈ le gaˇ, ciˬ cuˇ ni oˇ-awˇ dawˬ-eu-aˬ, aˬ dui gʼaˇ duˬ muiˬ dzehˬ-eu meh.

Ngoeˇ dawˬ 3:26 ပူးပေါင်းရင်းမြစ်များ

Aˇ dahˬ 49:18

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ loꞈ luꞈ-eu ma.

2 Laˬsaˬbaˬ 20:17

Guiˇ heu naw maꞈ maˬ ya deuˆ-a. Jawˇ duˬ yuˇ-awˇ loꞈ tawˬ-awˬ. Sahˬpaˬ Miˬyehˇ naw maꞈ-ahˇ bi gʼaˬ leˇ nehˬ laꞈ gaˇ naw maꞈ ya mawˇ tehꞈ-a. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, gʼaˬ byehˆ maˬ byehˆ-ehˇ maˬ guˆ ni jawˇ-awˬ. Ni shawˬ nah aˬ yawꞈ maꞈ-ahˇ guiˇ deuˆ-iˇ-awˬ. Sahˬpaˬ Miˬyehˇ naw maꞈ nehˬ-ehˇ jawˇ tehꞈ-a.”

Jaceuq 119:166

Sahˬpaˬ Miˬyehˇ-oˇ, nawˇ ka kʼoꞈ laꞈ gaˇ ngaˇ dawˬ luꞈ-awˇ, nawˬ neh mehˬ-euˬ loꞈ-ehˇ dehꞈ luꞈ-eu ma.

Jaceuq 119:174

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ noeˬ tmˬ dui dui-eu ma. Nawˬ-euˬ zahˇ dawˬ kʼoꞈ dawˬ laꞈ kʼoeˇ ngaˇ laˬ kʼaˬ cehˇ-eu ma.

Jaceuq 130:5

Sahˬpaˬ Miˬyehˇ ngehˬ gʼeh nehˬ laꞈ gaˇ ngaˇ noeˬ tsoˆ taˬ-awˇ, aˬ yawꞈ-euˬ dawˬ-ahˇ ngaˇ gʼoe-eu ma.

Jaceuq 37:34

SahˬpaˬMiˬyehˇ-ahˇ noeˬtmˬ-awˇ, aˬyawꞈ-euˬ ehˇdawˬnaˇhaˬ-awˬ. Aˬyawꞈnawˬ-ahˇ miˇkʼahˬbiꞈ-awˇ, taˬhuiˬtaˬmahˇnehˬ-eu uˬtaꞈ, haiˬ-eu tsawˇhaˬbi teh dzeh gaˇ, nawˬ-euˬmyaˆnuiˆya mawˇtehꞈ-a.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

Jaceuq 52:9

Miˬyehˇ-oˇ, nawˬ neh mˇ-euˬ gaˇ deuˬ baˬ da neh, nawˬ-euˬ guiˬ lahˬ-ahˇ aˬ myah luꞈ ja ceuˬ ma. Nawˬ-euˬ tsawˇ haˬ deuˬ jawˇ-eu mehˬ shi, nawˇ muiˬ-eu gaˇ kawˆ ngaˇ ja mehˬ ma.

Jaceuq 54:6

Sahˬpaˬ Miˬyehˇ-oˇ, nawˬ-ahˇ ngaˇ laˬ kʼaˬ tiˬ cehˇ lawˇ nehˬ shehˇ nehˬ ma. Nawˇ muiˬ-eu gʼaˬ pyeuꞈ-eu miˇ neh, nawˬ-euˬ guiˬ lahˬ-ahˇ ngaˇ ja ceuˬ ma.

Jaceuq 62:2

Aˬ yawꞈ tehꞈ-ehˇ ngaˬ-ahˇ haw piˇ-awˇ ka kʼoꞈ nehˬ laꞈ-eu meh. Aˬ yawꞈ-aˬ, ngaˬ-euˬ gʼoe duˬ lo guˇ meh. Aˬ cawˬ ngaˬ-ahˇ guiˇ maˬ deuˆ gʼaˬ nya-a.

Jaceuq 73:28

Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Jaceuq 92:1

Sahˬpaˬ Miˬyehˇ-oˇ, nawˬ-euˬ guiˬ lahˬ-ahˇ ja ceuˬ-eu jeˬ aˇ naˆ ni muiˬ-eu nga. Huiˬ dui mahˇ dui dui-eu Miˬyehˇ-oˇ, nawˬ-ahˇ taˬ huiˬ taˬ mahˇ-eu caˇ dawˬ caˇ-eu jeˬ aˇ naˆ ni jaˬ-eu nga.

Doˆ-iˇ 14:13

Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Doˆ-iˇ 14:14

Naw maꞈ tiˬ jeˬ-iˬ jahˇ-eu maˬ loˬ-a. Naw maꞈ gʼaˇ duˬ Sahˬpaˬ Miˬyehˇ guiˇ deuˆ tehꞈ-a.”

Iˇsaˬyaˇ 30:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ Miˬyehˇ heu loꞈ-ehˇ ehˇ-eu meh. “Ngaˇ jawˇ gaˇ gʼoꞈ laˇ-awˇ gʼaˬ naˬ naˬ laˇ-awˬ. Guˆ-eu gaˆ-eu jeˬ-ahˇ naw maꞈ dzeuˇ-iˇ tehꞈ-a. Ciˬ cuˇ ni jawˇ-awˇ ngaˬ-ahˇ gʼoe ngeh, naw maꞈ gʼaˬ ahˇ laˇ tehꞈ-a. Ehˇ kʼawꞈ, naw maꞈ kʼoeˇ loꞈ-ehˇ maˬ geuꞈ-a.

Iˇsaˬyaˇ 30:7

Iˇjiˇtuˆ miˇ kʼahˬ neh ngehˬ gʼeh-euˬ jeˬ, tiˬ pawꞈ-iˬ gaˇ dahˇ maˬ tsoeˬ-a. Kʼoeˇ miˇ neh, Iˇjiˇtuˆ miˇ kʼahˬ-ahˇ ngaˇ, doꞈ maˬ ahˇ-eu byaˆ yahˬ lehˇ kuˇ-eu ma.”

Iˇsaˬyaˇ 7:4

Nui noeˬ yaw beuˇ beuˇ-ehˇ jawˇ-awˇ, nui ma coꞈ ngehˇ ni taˬ-eu laꞈ kʼoeˇ, aˇ dzehˬ-ehˇ maˬ guˆ-ehˇ maˬ noeˬ shaˬ ni jawˇ-awˬ lehˇ ehˇ nehˬ-awˬ. Suˇliˆ sahˬ paˬ Leˬzeˬ hawˇ-eu Leˬmaˬliˇ-euˬ aˬ li sahˬ paˬ Peˬkah aˬ nyaꞈ-euˬ nui pehˇ-aˬ, miˬ dzaˬ doꞈ miˆ-euˬ kawˬ pyaˇ-ahˇ uˬ kʼoeˬ du-eu loˆ ni tehꞈ meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Ngoeˇ dawˬ 3:27

Nyiˇ ngeh oˇ dzaw daˬ dzaw-euˬ-aˬ, tsawˇ haˬ zaˬ gʼaˇ duˬ muiˬ-eu meh.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Gaˬlaˬtiˆ 4:18

Ngaˇ naw maꞈ nehˬ-ehˇ jawˇ ngeh tehꞈ-ehˇ maˬ ngeuˇ ni, yawˬ jawˇ na luꞈ yaw muiˬ jeˬ-ahˇ naw maꞈ nui ma keuˆ naˇ, muiˬ dui dui tehꞈ-a.

HeˬByehˇ 10:35

Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.

HeˬByehˇ 3:14

Aˬ jeˬ miˇ neh ehˇ naˇ, aˇ dahˬ beh ngeh neh aˬ dui ziꞈ dah ni jah-euˬ loꞈ-ehˇ, aˇ saˬ saˬ ngeh keuˆ ni ziꞈ naˇ, aˬ dui dawˬ tawˆ luꞈ Ka li-euˬ mˇ cawˬ shaˇ cawˬ deuˬ pyeuꞈ-eu ma.

1 Beˬtuˆluˆ 1:13

Kʼoeˇ miˇ neh, naw maꞈ-euˬ nui ma lehˬ hmˬ dah taˬ-awˬ. Yaw beuˇ beuˇ-ehˇ dehꞈ-awˇ, Yeˬsuˇ Ka li-ahˇ bya cehˆ ni ya mawˇ ngeh nah naw maꞈ-ahˇ biꞈ-eu lehˇ lehˬ hmˬ taˬ-euˬ guiˬ lahˬ yaw dzahˇ-ahˇ tehꞈ-ehˇ noeˬ tsoˆ taˬ-awˬ.