Ngoeˇ dawˬ 3:16 - Akha

¹⁶ Kʼaˬ lo neh seuˬ jeˬ juˆ jiˇ-awˇ, kʼaˬ lehˇ-ahˇ nawˬ pahˬ laꞈ-euˬ meh.

Ngoeˇ dawˬ 3:16 ပူးပေါင်းရင်းမြစ်များ

Yawˇbaˆ 2:8

Kʼoeˇ ngeh, Yawˇbaˆ kʼaˬ lehˇ lehˇ deh-ahˇ nuiˇ-awˇ, ciˬ cuˇ cuˇ pyehˬ tiˬ hmˬ neh maˇ naˇ kʼoeˇ deuˬ-ahˇ yaw dzuiˆ pyaˆ luꞈ-eu meh.

Yawˇbaˆ 4:10

Haiˬ dui dui-eu tsawˇ haˬ kʼoeˇ deuˬ, aˇ laˬ jaˬ shiˇ loꞈ-ehˇ joeˬ kʼawꞈ, Miˬyehˇ neh seuˬ bi diˬ juˆ-awˇ, ciˬ cuˇ ni bi pyeuꞈ-iˇ-eu meh.

Jaceuq 102:9

Kʼaˬ lehˇ-ahˇ hawˬ loꞈ-ehˇ ngaˇ dzaˬ-awˇ, myaˆ biˇ keuˬ-eu iˇ cuꞈ dawˇ luꞈ-eu ma.

Jaceuq 3:7

SahˬpaˬMiˬyehˇ-oˇ, oe-awˬ. Ngaˬ-euˬMiˬyehˇ-oˇ, ka kʼoꞈle-awˬ. Ngaˬ-ahˇkʼaˇmuiˇ-eu tsawˇhaˬ-ahˇ, baˬba-ahˇnawˇ tehˆkʼaˆleꞈ-awˇ, ngaˬ-ahˇ maˬ coeˬ maˬ ciˆ nya ni, seuˬdawˬtawˆluꞈ diˬjuˆnehˬ-awˬ.

Jaceuq 58:6

Miˬyehˇ-oˇ, guˆ laˇ paˬ-ehˇ gʼeh-eu aˇ laˬ jaˬ shiˇ heu deuˬ-euˬ juiˇ ngawˬ kʼehꞈ nehˬ-awˬ.

Dawqdaq 20:17

Kʼoeˬ dzaˇ dzaˬ-eu aˇ naˆ kuiˇ kʼawꞈ, kʼaˇ shuiꞈ jehˆ luˆ gaˇ duˇ-eu meh.

Yeˬlaˬmiˇ 6:26

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.

Yawˇnaˆ 3:6

Gaˇ kawˆ kʼoeˇ Niˇnaˬbeˬ sahˬ paˬ-ahˇ gaˬ keuˆ leˇ ngeh, aˬ yawꞈ-euˬ dzoeˬ dzaˬ nuiˇ mahˬ-ahˇ nuiˇ luꞈ-eu tuˇ laˇ-awˇ, sahˬ paˬ dm-eu pehˇ kʼahˬ pehˇ mahˇ lehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, lehˇ tsaˇ jaˆ gaˇ nuiˇ-euˬ meh.

Maꞈtehˬ 7:9

Naw maꞈ laꞈ kʼoeˇ, yawˬ ha-euˬ aˬ li kaˬ muˇ shaˇ dzaˬ gaˇ, kʼaˬ lo gʼoˆ nehˬ-eu aˬ da jawˇ meh loˇ.

Luˇkaꞈ 11:11

Naw maꞈ laꞈ kʼoeˇ, yawˬ ha-euˬ aˬ li ngaˬ shaˬ shaˇ dzaˬ gaˇ aˇ lawˇ nyehꞈ nehˬ-eu aˬ da jawˇ meh loˇ.