Ngoeˇ dawˬ 2:19 - Akha

¹⁹ Uˬ ciꞈ miˇ lah ni toˇ toˇ-ehˇ, Sahˬpaˬ Miˬyehˇ-ahˇ guˇ gaˬ-awˬ. Meuˬ-euˬ gʼahˇ ceh gaˇ ma doe ni, mehꞈ-eu shuꞈ-eu shiˇ leˇ luꞈ-eu, nawˬ-euˬ aˬ buˇ aˬ li deuˬ-ahˇ, Sahˬpaˬ Miˬyehˇ gʼawˬ shaˬ gaˬ ni, nawˬ-euˬ nui ma tahˬ kʼaˇ nehˬ-awˬ.

Ngoeˇ dawˬ 2:19 ပူးပေါင်းရင်းမြစ်များ

Yawˇbaˆ 3:24

Dzaˬ-eu dah zaˇ ngoeˇ-eu oꞈ-awˇ, ngoeˇ taˬ-euˬ maˬ baw miˇ-a.

Jaceuq 119:55

Sahˬpaˬ Miˬyehˇ-oˇ, uˬ ciꞈ paw nawˬ-ahˇ ngaˇ noeˬ mawˇ-awˇ, nawˬ-euˬ zahˇ dawˬ kʼoꞈ dawˬ gaˇ kawˆ shaˇ noeˬ-eu ma.

Jaceuq 134:2

Uˬ duˬ tahˬ nymˇ nymˇ ma-ahˇ aˬ laꞈ baꞈ diˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ-ahˇ ja ceuˬ-awˬ.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Jaceuq 142:2

Ngaˇ nui ma cawˆ-eu jeˬ dawˬ tawˆ luꞈ aˬ yawꞈ-ahˇ tsaꞈ gaˬ-awˇ, ngaˬ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-euˬ ma.

Jaceuq 142:3

Ngaˬ-euˬ nui ma gʼaˬ baˬ dui dui ngeh, ngaˇ aˬ joˆ-ehˇ mˇ paˬ-ehˇ gʼeh-eu aˬ yawꞈ siˬ nya-eu meh. Ngaˇ cah luꞈ-eu gaˇ ma-ahˇ, muiˇ-eu deuˬ ngaˬ-ahˇ lahˇ ju kʼmˇ taˬ-euˬ meh.

Jaceuq 28:2

Caw ba nehˬlaꞈlehˇngaˇguˇ-awˇ, nawˬ-euˬ muiˬ-eu shawˇ-eu nymˇpaw, aˬlaꞈ cawˬ ja-awˇngaˇshaˇngeh, ngaˬ-euˬshaˇdawˬnaˇhaˬnehˬlaꞈ.

Jaceuq 42:3

muiˇ-eu deuˬngaˇjawˇgaˇoe-awˇ, “Nawˬ-euˬMiˬyehˇaˬgaˇjawˇta”, maˬtsehˆleˇni naˇhaˬlaˇngeh, uˬciꞈnah gʼahˇmaˬtsehˆleˇni, myaˆbiˇngaˬ-euˬdzaˇgeuꞈ-euˬma.

Jaceuq 42:4

Miˬyehˇ-euˬUˬduˬtahˬnymˇ-ahˇ, tsawˇhaˬaˇmaꞈsheuˬawˇle-awˇ, laˬkʼaˬcehˇ-awˇguˇ-eu laꞈkʼoeˇ, Miˬyehˇguiˬlahˬ-ahˇja ceuˬ-euˬ, gaˇkawˆkʼoeˇdeuˬnoeˬmawˇlaˇngeh, ngaˬ-euˬnui ma tsawˬpaˆ-iˇnya.

Jaceuq 42:8

Uˬciꞈpaw ngaˇcaˇdawˬcaˇ-awˇ, ngaˬ-ahˇbi dehꞈ-eu gʼaˬpyeuꞈ-eu, Miˬyehˇ-ahˇguiˬlahˬshaˇnya ni, tiˬjawˇ-iˬmaˬtsehˆleˇnya-eu, SahˬpaˬMiˬyehˇ-euˬgaˬ-eu jeˬ, nah gʼahˇpaw mehˬnehˬlaꞈluꞈ-uˇ.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Jaceuq 63:4

Ngaˇ kʼaˇ dehꞈ-eu tiˬ ziˇ nawˬ-euˬ guiˬ lahˬ-ahˇ ja ceuˬ-eu ma. Ngaˇ aˬ laꞈ cawˬ ja-awˇ nawˬ-ahˇ guiˬ lahˬ shaˇ ma.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Yeˬlaˬmiˇ 14:18

Deh ga-ahˇ ngaˇ iˇ doˆ haw ngeh, guiˇ deuˆ sehꞈ-euˬ tsawˇ shiˇ deuˬ ga gaˇ ya mawˇ-awˇ, meuˬ laꞈ kʼoeˇ ngaˇ uˇ leˇ haw ngeh, hawˬ mehꞈ mehꞈ sehꞈ-euˬ tsawˇ shiˇ deuˬ-ahˇ ya mawˇ-euˬ ma. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ-aˬ, yawˬ ha-euˬ gaˇ yawˬ ha mˇ luꞈ-eu meh. Ehˇ kʼawꞈ yawˬ ha aˬ jeˬ mˇ luꞈ-eu yawˬ ha maˬ siˬ nya-a.”

Yeˬlaˬmiˇ 9:20

Ngaˇ heu loꞈ-ehˇ ehˇ-euˬ ma. “Zaˬ miˬ zaˬ deuˬ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ maꞈ dawˬ ngehˬ gaˇ naˬ bawˇ ciˬ kʼmˇ-awˬ. Zaˬ miˬ deuˬ-ahˇ tsawˇ ngoeˇ dawˬ kawˬ mehˬ-awˇ, aˬ nmˇ deuˬ-ahˇ kuiˇ deuˇ gui-eu mehˬ-awˬ.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Yeˬsaˬgeˬlaˇ 5:16

Nawˇ jawˇ gaˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ-awˇ, bi mehꞈ bi shuꞈ ma. Naw maꞈ-ahˇ bi laˆ cawˆ-eu gʼaˇ duˬ pyehˬ gʼeh leꞈ-euˬ taˆ dui dui-eu kaˆ myaˬ loꞈ-ehˇ, mehꞈ-eu shuꞈ-eu jeˬ-euˬ shaˬ zahˬ naw maꞈ ya daˬ tehꞈ-a.

Miˇkaˬ 1:16

Yuˇdaˆ miˇ kʼahˬ zaˬ deuˬ-oˇ, naw maꞈ gaˬ-eu aˬ buˇ aˬ li deuˬ gʼaˇ duˬ tsawˇ ngoeˇ ngoeˇ-eu laꞈ kʼoeˇ naw maꞈ-euˬ uˬ duˬ tsehˇ kʼahˇ tehˬ cuˬ-awˇ, kʼaˬ dzeˇ jeˬ shiˇ loꞈ-ehˇ uˬ duˬ neˇ leuꞈ ni bi pyeuꞈ-iˇ-awˬ. Aˬ jeˬ miˇ neh ehˇ naˇ, naw maꞈ-euˬ aˬ buˇ aˬ li deuˬ aˬ cawˬ miˇ kʼahˬ-ahˇ bi nyehꞈ byoˆ gʼeh tehꞈ-a.

Naˬhmˬ 3:10

Ehˇ kʼawꞈ, aˬ yawꞈ-ahˇ paꞈ tawꞈ-awˇ, bi nyehꞈ byoˆ-euˬ maˬ ngeuˇ-a loˇ. Gaˇ gʼoꞈ gaˇ tsmˇ kʼaˇ tsmˇ le gaˇ, aˬ yawꞈ-euˬ zaˬ bi diˬ sehꞈ-awˇ, aˬ yuiꞈ aˬ tsu bi geuꞈ-euˬ deuˬ, tiˬ paw tiˬ gʼaˬ shmˇ caˆ paꞈ-awˇ, bi tsahˇ byoˆ-euˬ maˬ ngeuˇ-a loˇ.

Maꞈtehˬ 14:25

Ya poeˇ doeˇ taw paw Yeˬsuˇ iˇ cuꞈ kʼoeˇ taˆ cah-awˇ, zaˬ lahˇ deuˬ jawˇ gaˇ oe-euˬ meh.

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Maˬkuˆ 13:35

Nymˇ sahˇ gʼaˬ gʼoꞈ laˇ-eu aˇ yamˬ naw maꞈ maˬ siˬ nya-eu miˇ neh, noeˬ gahˇ-awˇ jawˇ-awˬ. Uˬ ciꞈ uˬ taw paw maˬ siˬ. Sehˇ gʼahˇ ceh laˇ ngeh maˬ siˬ.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.

Yaˇ kʼaˬ daˇ 7:19

Sehˇ gʼahˇ ceh laˇ mawꞈ-awˇ, taˆ-ahˇ loꞈ-eu tsawˇ haˬ deuˬ dzeˇ paˇ paˇ gʼaˬ-eu nehˬ-ehˇ, Giˇdoˬ hawˇ-eu aˬ yawꞈ-euˬ aˇ muˇ tiˬ yaˇ gʼaˬ, taˆ gaˇ dzeˇ oe keuˆ-euˬ meh. Kʼoeˇ ngeh, aˬ yawꞈ maꞈ daˇ heh baw-awˇ, aˬ yawꞈ maꞈ yuˇ luꞈ-eu ciˬ cuˇ kʼoˆ paˆ-euˬ meh.

1 Saˬmeuˬlaˆ 1:15

Haˬnahˬ ehˇ-eu, “Aˬ bawˇ piˇ ma-oˇ, ngaˇ aˬ gaꞈ dzaˇ uiˇ yehꞈ-eu maˬ ngeuˇ. Nui ma cawˆ dui dui-eu miˇ neh, ngaˬ-euˬ nui ma laꞈ kʼoeˇ shaˬ zahˬ kʼaˇ mˇ luꞈ-eu jeˬ dawˬ tawˆ luꞈ, guiˬ lahˬ shaˇ-eu laꞈ kʼoeˇ Sahˬpaˬ Miˬyehˇ-ahˇ dzawˇ nehˬ luꞈ-eu ma.

1 Saˬmeuˬlaˆ 7:6

Kʼoeˇ ngeh, aˬ yawꞈ maꞈ dawˬ tawˆ luꞈ Miˇzaˬpaˬ meuˬ-ahˇ uiˬ laˇ jiˇ-euˬ meh. Aˬ yawꞈ maꞈ iˇ cuꞈ kʼawꞈ-awˇ shehˆ-eu laꞈ kʼoeˇ, Sahˬpaˬ Miˬyehˇ-ahˇ lawˇ nehˬ-awˇ, maˬ dzaˬ maˬ dawˇ ni nah lah lah-euˬ meh. “Nga maꞈ Sahˬpaˬ Miˬyehˇ mehˬ shi iˬ baˇ mˇ-euˬ ma” lehˇ aˬ yawꞈ maꞈ ehˇ-eu meh. Saˬmeuˬlaˆ-aˬ, Miˇzaˬpaˬ meuˬ-ahˇ jawˇ-awˇ, Iˇsaˬleˬlaˆ tsawˇ haˬ yaw kaˬ ja dzaˬ gaˇ yaˇ kʼaˬ daˇ nehˬ-euˬ meh.