Ngoeˇ dawˬ 2:16 - Akha

¹⁶ Nawˬ-ahˇ kʼaˇ muiˇ-eu deuˬ dawˬ tawˆ, nawˬ-ahˇ bye-awˇ naˬ gʼa luꞈ meh. Aˬ yawꞈ maꞈ seuˬ tsehꞈ tehˬ taˬ-awˇ, nawˬ-ahˇ lmˬ lmˬ-ehˇ ehˇ luꞈ-eu, “Aˬ yawꞈ-ahˇ laˆ cawˆ gʼaˬ-euˬ ma. Aˇ nah heu nah bi yehꞈ laˇ ni, nga maꞈ dawˬ luꞈ-eu dza laˇ-euˬ, nymˬ-mˇ myaˆ ya mawˇ duˬ miˇ-a.”

Ngoeˇ dawˬ 2:16 ပူးပေါင်းရင်းမြစ်များ

Jaceuq 109:2

Jaˬ myawꞈ mehˇ shuiˇ deuˬ ngaˬ-ahˇ ja doeˇ-awˇ, maˬ ngeuˇ gaˇ keuˆ ni ja bu nehˬ laꞈ-eu meh.

Jaceuq 112:10

Haiˬ-eu tsawˇ haˬ deuˬ kʼoeˇ gaˇ mawˇ ngeh nui ma pehˇ-awˇ, seuˬ tsehꞈ tehꞈ-awˇ iˇ byoˆ-eu meh. Haiˬ-euˬ tsawˇ haˬ deuˬ noeˬ tmˬ duˬ byoˆ jiˇ-euˬ meh.

Jaceuq 124:3

aˬ yawꞈ maꞈ nui ma pehˇ dui dui-eu laꞈ kʼoeˇ, aˬ dui-ahˇ yaw dehꞈ-ehˇ myoꞈ ahˇ jiˇ tehꞈ-a.

Jaceuq 22:13

Shaˬjiˇmehꞈlaˇ-awˇjoeˬluꞈ-eu, haiˬ-eu aˇlaˬjaˬshiˇ loꞈ-ehˇ, kʼaˬmeh mˇnga-awˇloꞈ-eu meh.

Jaceuq 35:16

Kuiˇkuˆ-ahˇ naˬgʼa-eu loꞈ-ehˇ, ngaˬ-ahˇ mˇziˇhaw laˇ-eu meh.

Jaceuq 35:21

Aˬyawꞈmaꞈkʼaˬmeh gʼawˇpaˆ-awˇ, “Nawˇmˇ-eu jeˬ mawˇjiˇmaˬ” lehˇ, ngaˬ-ahˇyaw lehˬpoˆlaˇ-eu meh.

Jaceuq 35:25

“Nui kʼahˇshiˇtaˆni miˇ-a” lehˇ, muiˇ-eu deuˬneh taˬ bi ehˇlaꞈ. “Aˬyawꞈ-ahˇmyoꞈahˇ-euˬma” lehˇ, ngaˬ-ahˇ aˬjaꞈtaˬbi jaꞈlaꞈ.

Jaceuq 37:12

Tsawˇmuiˬ-ahˇyaw doeˇmˇ-eu lehˇ, yaw haiˬdeuˬseuˬtsehꞈtehˬ-eu meh.

Jaceuq 41:8

“Uˬkʼawˇdeuˬ-eu naˇgawˇbaˬda, maˬpaˇdehꞈtuˇlaˇnya meh” lehˇ, aˬyawꞈmaꞈja cawˬluꞈ-eu meh.

Jaceuq 56:2

Muiˇ-eu deuˬ nah ga-ehˇ ngaˬ-ahˇ tsawˬ nawˬ nawˬ-awˇ, ngaˬ-ahˇ dawꞈ laˇ-eu tsawˇ haˬ myaˬ dui dui meh.

Jaceuq 57:3

Mˬ kʼoeˇ taˆ jawˇ-awˇ ngaˬ-ahˇ ka kʼoꞈ le-eu laꞈ kʼoeˇ, ngaˬ-ahˇ kʼehˬ-eu tsawˇ haˬ deuˬ kʼoeˇ taˆ, shaꞈ dawˇ-eu jeˬ bi keuˆ le tehꞈ-a. Maˬ tsehˆ leˇ nya-eu aˬ yawꞈ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ, ngaˬ-euˬ kʼoeˇ taˆ aˬ yawꞈ bi keuˆ le tehꞈ-a.

Iˇsaˬyaˇ 49:19

“Nawˬ-euˬ miˇ kʼahˬ cawˆ-iˇ-awˇ meuˬ tsoeˬ tsoeˬ-iˇ jiˇ-euˬ kʼawꞈ, jawˇ kʼoꞈ laˇ-eu tsawˇ haˬ myaˬ-eu miˇ neh, miˇ kʼahˬ nyiˇ-iˇ gaˇ duˇ tehꞈ-a. Nawˬ-ahˇ laˆ cawˆ yaꞈ-eu deuˬ-aˬ, gaˇ mahˇ kaˬ gaˇ bi teh byoˆ jiˇ tehꞈ-a.

Yeˬlaˬmiˇ 26:6

Naw maꞈ kʼoeˇ loꞈ-ehˇ maˬ naˇ haˬ ni jawˇ te lehˇ ngeuˇ naˇ, Shiˇloˬ meuˬ-ahˇ jahˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ-awˇ, miˇ tsaˬ tsawˇ jeuˬ dawˬ tawˆ luꞈ yaˬ kʼehˇ kʼaˇ yaˬ ngeh, meuˬ heu meuˬ-euˬ tsawˇ myahˇ-ahˇ dawˬ daˬ daˬ-awˇ yaˬ gaˇ keuˆ tehꞈ-a.”

Yeˬlaˬmiˇ 29:18

Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ aˬ yawꞈ maꞈ-ahˇ ngaˇ ciˬ tehˬ nehˬ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, kʼoeˇ gaˇ ya mawˇ ngeh guˆ dui dui-iˇ tehꞈ-a. Aˬ yawꞈ maꞈ-ahˇ ngaˬ neh teh byaˆ-awˇ kʼaˇ bi jawˇ-euˬ jawˇ duˬ-ahˇ, aˬ yawꞈ maꞈ kʼoeˇ taˆ keuˆ le-euˬ jeˬ-ahˇ ya mawˇ ngeh, aˬ cawˬ laˇ baˇ-iˇ tehꞈ-a. Aˬ cawˬ aˬ yawꞈ maꞈ-ahˇ ja bu ja doeˇ-awˇ, yaˬ kʼehˇ yaˬ ngeh aˬ yawꞈ maꞈ-euˬ tsawˇ myahˇ kuˇ-awˇ yaˬ tehꞈ-a.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 50:7

Kʼaˇ mawˇ le-eu deuˬ aˬ yawꞈ maꞈ-ahˇ kawꞈ sehꞈ dzaˬ-awˇ, aˬ yawꞈ maꞈ Sahˬpaˬ Miˬyehˇ-ahˇ mˇ bahˬ-euˬ miˇ neh, kʼoeˇ loꞈ-ehˇ jahˇ nehˬ-eu iˬ baˇ maˬ ahˇ-aˇ lehˇ, muiˇ-eu deuˬ ehˇ-eu meh. Aˬ yawꞈ maꞈ-euˬ aˬ poeˬ aˬ bawˇ deuˬ Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ maꞈ kʼawꞈ ziꞈ-eu tsaˬ tehꞈ-a lehˇ, muiˇ-eu deuˬ ehˇ-eu meh.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Ngoeˇ dawˬ 1:21

“Ngaˇ mahˇ luꞈ gaˇ naˇ haˬ le sheˇ. Haw cawˬ nehˬ le-eu maˬ jawˇ-a. Nawˬ neh ngaˬ-ahˇ bi shaˬ-euˬ gaˇ, muiˇ-eu deuˬ laˬ kʼaˬ cehˇ luꞈ meh. Nawˬ neh saˇ jaˇ dzaˬ-euˬ aˇ nah, yaw kawˇ ma-ehˇ bi keuˆ le-awˇ, Nymˬ-mˇ ngaˇ ya daˬ-eu loꞈ-ehˇ, muiˇ-eu deuˬ-ahˇ paˇ bi daˬ-awˬ.

Ngoeˇ dawˬ 3:46

“Muiˇ-eu tsawˇ haˬ deuˬ dawˬ tawˆ luꞈ, nga maꞈ-ahˇ naˬ gʼa luꞈ-eu meh.

Yeˬsaˬgeˬlaˇ 23:32

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ yuiꞈ neh dawˇ dzeuˇ-euˬ, huiˬ-eu naꞈ-eu kʼmˬ maˬ kʼoeˇ kʼmˬ, nawˇ ciˬ-awˇ paˇ dawˇ poˆ tehꞈ-a. Kʼmˬ maˬ tiˬ byah dahˬ-eu miˇ neh, aˬ cawˬ nawˬ-ahˇ naˬ gʼa tehꞈ-a.

Yeˬsaˬgeˬlaˇ 25:15

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. Piˇliˇtiˆ tsawˇ haˬ deuˬ-aˬ, aˇ hu ba neh muiˇ luꞈ-eu tsawˇ jeuˬ-ahˇ laꞈ poˆ poˆ kʼoꞈ nehˬ-awˇ, bye dui dui-eu laꞈ kʼoeˇ laˆ cawˆ nehˬ-euˬ meh.

Yeˬsaˬgeˬlaˇ 25:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ gaˇ naˇ haˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ. Ngaˬ-euˬ uˬ duˬ tahˬ nymˇ nymˇ ma jawꞈ-iˇ-euˬ gaˇ maˬ ehˇ, Iˇsaˬleˬlaˆ miˇ kʼahˬ cawˆ-iˇ-awˇ ciˬ cuˇ ni jaˆ gaˇ maˬ ehˇ, Yuˇdaˆ tsawˇ haˬ deuˬ aˬ cawˬ miˇ kʼahˬ-ahˇ bi nyehꞈ byoˆ gʼeh gaˇ maˬ ehˇ, naw maꞈ mawˇ ngeh laˬ kʼaˬ cehˇ-euˬ meh.

Yeˬsaˬgeˬlaˇ 25:6

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. Naw maꞈ laˬ kʼaˬ cehˇ-eu miˇ neh, laꞈ kʼawˆ tehˆ tehˆ-ehˇ tsawˬ-euˬ meh. Iˇsaˬleˬlaˆ miˇ kʼahˬ-ahˇ naw maꞈ yehˬ bawˬ-ehˇ naꞈ gʼa nehˬ-euˬ meh.

Yeˬsaˬgeˬlaˇ 36:3

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ gʼaˇ duˬ nawˇ ngehˬ dah-eu laꞈ kʼoeˇ, heu loꞈ-ehˇ ehˇ nehˬ-awˬ. Dawˬ peh jawˇ-eu aˬ cawˬ tsawˇ jeuˬ kʼoeˇ deuˬ Iˇsaˬleˬlaˆ gawˬ jawˬ deuˬ-ahˇ deuˆ gʼaˬ-awˇ, pyuˇ shuiˇ myawˬ gahˬ deuˬ ceh geuꞈ ngeh, aˬ yawꞈ maꞈ dawˬ tawˆ luꞈ Iˇsaˬleˬlaˆ miˇ kʼahˬ-ahˇ kʼaˇ ehˇ doeˇ mawꞈ-eu ehˇ doeˇ-euˬ meh.

Yeˬsaˬgeˬlaˇ 5:15

“Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Hawˇseˬ 8:8

Iˇsaˬleˬlaˆ-euˬ miˇ kʼahˬ kʼawꞈ, aˬ cawˬ-euˬ miˇ kʼahˬ deuˬ loꞈ-ehˇ, saˇ baoˬ yaw pehꞈ-ahˇ duˇ-eu meh.

Miˇkaˬ 4:11

Miˇ kʼahˬ gʼawˬ mya ni naw maꞈ-ahˇ guiˇ deuˆ-eu lehˇ uiˬ leˇ taˬ-awˇ, “Yeˬluˇsaˬlehˬ meuˬ-ahˇ laˆ cawˆ ma. Meuˬ teu meuˬ luˬ-iˇ seˇ-iˇ-euˬ gaˇ aˬ dui ya mawˇ tehꞈ-a” lehˇ, aˬ yawꞈ maꞈ lmˬ luꞈ meh.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.