Ngoeˇ dawˬ 2:15 - Akha

¹⁵ Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Ngoeˇ dawˬ 2:15 ပူးပေါင်းရင်းမြစ်များ

2 Sahˬpaˬ 19:21

Sahˬpaˬ Miˬyehˇ heu loꞈ-ehˇ ehˇ-eu meh. ‘Saˬneˬkaˬliˇ-oˇ, Yeˬluˇsaˬlehˬ meuˬ nawˬ ahˇ uiˇ-awˇ naˬ gʼaˬ luꞈ meh.

2 Laˬsaˬbaˬ 7:21

“Nymˬ-mˇ aˇ yamˬ laꞈ kʼoeˇ, Uˬ duˬ tahˬ nymˇ nymˇ ma heu nymˇ-ahˇ taˬ huiˬ taˬ mahˇ dui dui luꞈ meh. Ehˇ kʼawꞈ, aˬ kaˇ heu gaˇ kʼaˇ iˇ kʼaˇ laˇ tsehˆ-eu tsawˇ haˬ deuˬ zahˬ dui dui leˇ-eu laꞈ kʼoeˇ, ‘Aˬ jeˬ miˇ neh miˇ kʼahˬ heu kʼahˬ hawˇ-eu Uˬ duˬ tahˬ nymˇ nymˇ ma heu nymˇ-ahˇ Sahˬpaˬ Miˬyehˇ heu loꞈ-ehˇ jahˇ nehˬ-euˬ ta’ lehˇ ya ehˇ gaˇ keuˆ tehꞈ-a.

Jaceuq 109:25

Aˬ cawˬ ngaˬ-ahˇ mawˇ ngeh uiˇ-awˇ, uˬ duˬ dzuiꞈ-awˇ cehꞈ lehꞈ ka haw-eu meh.

Jaceuq 22:7

Kʼaˇmawˇle-eu deuˬnaˬgʼa-awˇ, mehˬlaˇcawˬdoˆmehˬnehˬlaꞈ-awˇ, uˬduˬjuiꞈmehˬnehˬlaꞈ-eu meh.

Jaceuq 48:2

Miˬyehˇ-euˬ Ziˇoˬ gawˬ jawˬ-aˬ, yaw goˇ-ahˇ jaˆ-awˇ haw muiˬ dui dui-eu meh. Huiˬ-eu sahˬ paˬ-euˬ meuˬ kʼoeˇ meuˬ, miˇ kʼahˬ dawˬ tawˆ luꞈ kʼoeˇ taˆ laˬ kʼaˬ cehˇ-eu jeˬ bi keuˆ le-eu meh.

Jaceuq 48:3

Meuˬ laꞈ kʼoeˇ ziꞈ dah ni jaˆ-euˬ aˬ yawꞈ-euˬ nymˇ laꞈ kʼoeˇ, guˆ-eu gaˆ-eu jeˬ-ahˇ dzeuˇ-eu gaˇ kawˆ, Miˬyehˇ bi siˬ bi mawˇ-eu meh.

Jaceuq 50:2

Haw muiˬ dui dui-eu Ziˇoˬ meuˬ-ahˇ neh, Miˬyehˇ-euˬ yaw shehꞈ bya doˆ laˇ-eu meh.

Jaceuq 64:8

Aˬ yawꞈ maꞈ ngehˬ-euˬ dawˬ kʼoeˇ deuˬ baˬ da neh, aˬ yawꞈ maꞈ-ahˇ Miˬyehˇ laˆ cawˆ tehꞈ-a. Aˬ yawꞈ maꞈ-ahˇ kʼaˇ ya mawˇ-eu tsawˇ haˬ deuˬ, uˬ duˬ juiꞈ gaˇ keuˆ tehꞈ-a.

Iˇsaˬyaˇ 28:21

Sahˬpaˬ Miˬyehˇ aˬ yawꞈ-euˬ nui kʼahˇ byah laˇ ni, Peˬlaˬzmˬ gawˬ jawˬ hawˇ-eu Giˇbyoˬ deh kʼawꞈ-ahˇ deuˆ-euˬ loꞈ-ehˇ, aˬ yawꞈ guiˇ paˇ deuˆ-awˇ, maˬ noeˬ miˇ coeˇ gaˇ keuˆ ni mˇ keuˆ-awˇ, maˬ noeˬ doˆ coeˇ-eu jeˬ mˇ byah tehꞈ-a.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Iˇsaˬyaˇ 64:11

Nga maꞈ-euˬ aˬ poeˬ aˬ bawˇ deuˬ nawˬ-ahˇ ja ceuˬ-euˬ jawˇ duˬ, muiˬ-eu shawˇ-eu Uˬ duˬ tahˬ nymˇ nymˇ ma kʼoeˇ nymˇ, miˬ dzaˬ neh bi puiˆ byoˆ-euˬ meh. Nga maꞈ nui ma saˇ-eu jawˇ duˬ dawˬ tawˆ, luˬ-iˇ seˇ-iˇ jiˇ taˬ-euˬ meh.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Yeˬlaˬmiˇ 19:8

Kʼaˇ iˇ kʼaˇ laˇ tsehˆ-eu deuˬ tsawˬ guˆ-iˇ-awˇ zahˬ leˇ paˬ-ehˇ, meuˬ heu meuˬ kʼoeˇ taˆ guˆ dui dui laˇ paˬ-ehˇ gʼeh-eu luˬ-iˇ seˇ-iˇ-eu jeˬ ngaˇ bi keuˆ le ma.

Yeˬlaˬmiˇ 25:18

Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ dawˬ tawˆ luꞈ, aˬ yawꞈ maꞈ-euˬ sahˬ paˬ hawˇ-eu sahˬ paˬ sahˬ ma kʼaˇ geuꞈ luꞈ-eu deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, kʼmˬ maˬ kʼoeˇ kʼmˬ ya ciˬ dawˇ-euˬ meh. Meuˬ kʼoeˇ deuˬ dawˬ tawˆ luꞈ, kʼaˇ shuiꞈ deh yaˇ bawˇ tsahˬ bawˇ dahˇ loꞈ-ehˇ pyeuꞈ-iˇ-awˇ, tsawˬ guˆ-iˇ paˬ-ehˇ jaˆ ni maˬ ehˇ, nymˬ-mˇ aˬ yawꞈ maꞈ yaˬ kʼehˇ yaˬ ngeh ehˇ-eu loꞈ-ehˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ zmˬ-awˇ yaˬ kʼehˇ yaˬ ni maˬ ehˇ, aˬ yawꞈ maꞈ kʼmˬ maˬ kʼoeˇ kʼmˬ ya ciˬ dawˇ-euˬ jeˬ pyeuꞈ-eu meh.

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 26:6

Naw maꞈ kʼoeˇ loꞈ-ehˇ maˬ naˇ haˬ ni jawˇ te lehˇ ngeuˇ naˇ, Shiˇloˬ meuˬ-ahˇ jahˇ nehˬ-euˬ loꞈ-ehˇ, Uˬ duˬ tahˬ nymˇ nymˇ ma heu nymˇ-ahˇ ngaˇ jahˇ nehˬ-awˇ, miˇ tsaˬ tsawˇ jeuˬ dawˬ tawˆ luꞈ yaˬ kʼehˇ kʼaˇ yaˬ ngeh, meuˬ heu meuˬ-euˬ tsawˇ myahˇ-ahˇ dawˬ daˬ daˬ-awˇ yaˬ gaˇ keuˆ tehꞈ-a.”

Yeˬlaˬmiˇ 29:18

Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ aˬ yawꞈ maꞈ-ahˇ ngaˇ ciˬ tehˬ nehˬ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, kʼoeˇ gaˇ ya mawˇ ngeh guˆ dui dui-iˇ tehꞈ-a. Aˬ yawꞈ maꞈ-ahˇ ngaˬ neh teh byaˆ-awˇ kʼaˇ bi jawˇ-euˬ jawˇ duˬ-ahˇ, aˬ yawꞈ maꞈ kʼoeˇ taˆ keuˆ le-euˬ jeˬ-ahˇ ya mawˇ ngeh, aˬ cawˬ laˇ baˇ-iˇ tehꞈ-a. Aˬ cawˬ aˬ yawꞈ maꞈ-ahˇ ja bu ja doeˇ-awˇ, yaˬ kʼehˇ yaˬ ngeh aˬ yawꞈ maꞈ-euˬ tsawˇ myahˇ kuˇ-awˇ yaˬ tehꞈ-a.

Yeˬlaˬmiˇ 48:27

Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Yeˬlaˬmiˇ 51:37

Miˇ kʼahˬ kʼoeˇ kʼahˬ-aˬ, yaw cawˆ jeˬ-euˬ duˬ gahˬ pyeuꞈ-iˇ-awˇ, bawˇ tsahˬ jeˬ zaˬ deuˬ-euˬ jawˇ duˬ pyeuꞈ-iˇ tehꞈ-a. Kʼoeˇ-aˬ, guˆ laˇ paˬ-ehˇ gʼeh-eu jawˇ duˬ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, kʼaˇ le mawˇ-euˬ tsawˇ haˬ deuˬ tsawˬ guˆ dui dui iˇ tehꞈ-a.

Ngoeˇ dawˬ 1:21

“Ngaˇ mahˇ luꞈ gaˇ naˇ haˬ le sheˇ. Haw cawˬ nehˬ le-eu maˬ jawˇ-a. Nawˬ neh ngaˬ-ahˇ bi shaˬ-euˬ gaˇ, muiˇ-eu deuˬ laˬ kʼaˬ cehˇ luꞈ meh. Nawˬ neh saˇ jaˇ dzaˬ-euˬ aˇ nah, yaw kawˇ ma-ehˇ bi keuˆ le-awˇ, Nymˬ-mˇ ngaˇ ya daˬ-eu loꞈ-ehˇ, muiˇ-eu deuˬ-ahˇ paˇ bi daˬ-awˬ.

Ngoeˇ dawˬ 1:8

Yeˬluˇsaˬlehˬ iˬ baˇ mˇ-eu, aˇ dzehˬ dzeuˇ-awˇ jawꞈ dui dui meh. Yawꞈ-ahˇ taˬ huiˬ taˬ mahˇ-euˬ deuˬ, yawꞈ-ahˇ neˇ myawˆ ni haw mawˇ-awˇ, yawꞈ-ahˇ haw bye dui dui-euˬ meh. Yawˬ haˇ yawˬ ha paˇ noeˬ shaˬ-awˇ, myaˆ pyawˬ dehˬ kaˬ-awˇ toˇ-eu meh.

Ngoeˇ dawˬ 2:16

Nawˬ-ahˇ kʼaˇ muiˇ-eu deuˬ dawˬ tawˆ, nawˬ-ahˇ bye-awˇ naˬ gʼa luꞈ meh. Aˬ yawꞈ maꞈ seuˬ tsehꞈ tehˬ taˬ-awˇ, nawˬ-ahˇ lmˬ lmˬ-ehˇ ehˇ luꞈ-eu, “Aˬ yawꞈ-ahˇ laˆ cawˆ gʼaˬ-euˬ ma. Aˇ nah heu nah bi yehꞈ laˇ ni, nga maꞈ dawˬ luꞈ-eu dza laˇ-euˬ, nymˬ-mˇ myaˆ ya mawˇ duˬ miˇ-a.”

Ngoeˇ dawˬ 2:6

Kmˇ cehˇ ngawˬ pyaˆ dzeh-eu loꞈ-ehˇ, yawꞈ-euˬ Uˬ duˬ tahˬ nymˇ nymˇ ma, yawꞈ ngawˬ pyaˆ-awˇ laˆ cawˆ-euˬ meh. Yawꞈ neh bawˬ-iˬ bi gʼeh-euˬ jawˇ duˬ, yawꞈ laˆ luˬ laˆ seˇ nehˬ-euˬ meh. Bawˬ-iˬ deuˬ hawˇ-eu jawˇ nah tawˬ-eu, yawꞈ neh laˆ byoˆ jiˇ nehˬ-euˬ meh. Sahˬ paˬ maˬ ehˇ, piˇ ma maˬ ehˇ, yawꞈ-euˬ nui pehˇ zaw leˇ-euˬ meh.

Yeˬsaˬgeˬlaˇ 16:13

Pyuˇ hawˇ-eu shuiˇ myawˬ guˇ deuˬ nawˇ geuꞈ byah luꞈ-awˇ, shawˇ jehˆ ni gʼeh-eu saˬ paˇ neh guꞈ-awˇ, aˇ boꞈ aˇ yehˆ yehˆ taˬ-euˬ muiˬ dui dui-eu mehˬ tsoeˬ hawˇ-eu, boeˬ kahˇ neh zaꞈ taˬ-euˬ mehˬ tsoeˬ tehꞈ-ehˇ aˬ myah luꞈ nawˇ dm-euˬ meh. Muiˬ dui dui-eu cehˇ meu neh jahˇ taˬ-euˬ kaˬ muˇ nawˇ ya dzaˬ-awˇ, byaˬ byaˬ uiˇ hawˇ-eu saˬ loˬ tsiˇ tiˬ jawˇ-iˬ maˬ tsehˆ-iˇ haw-aˬ. Nawˇ aˇ dzehˬ dzeuˇ ni aˇ gʼehˇ muiˬ-awˇ, sahˬpaˬ-euˬ miˬ zaˬ loꞈ-ehˇ keuˆ leˇ taˬ-euˬ meh.

Yeˬsaˬgeˬlaˇ 16:14

Nawˬ-ahˇ ngaˬ neh laˆ muiˬ nehˬ-euˬ miˇ neh, miˇ kʼahˬ yawˬ kʼahˬ na luꞈ laꞈ kʼoeˇ nawˇ aˇ gʼehˇ muiˬ-eu tsawˇ myahˇ doˆ dui dui meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 23:32

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ yuiꞈ neh dawˇ dzeuˇ-euˬ, huiˬ-eu naꞈ-eu kʼmˬ maˬ kʼoeˇ kʼmˬ, nawˇ ciˬ-awˇ paˇ dawˇ poˆ tehꞈ-a. Kʼmˬ maˬ tiˬ byah dahˬ-eu miˇ neh, aˬ cawˬ nawˬ-ahˇ naˬ gʼa tehꞈ-a.

Yeˬsaˬgeˬlaˇ 25:6

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. Naw maꞈ laˬ kʼaˬ cehˇ-eu miˇ neh, laꞈ kʼawˆ tehˆ tehˆ-ehˇ tsawˬ-euˬ meh. Iˇsaˬleˬlaˆ miˇ kʼahˬ-ahˇ naw maꞈ yehˬ bawˬ-ehˇ naꞈ gʼa nehˬ-euˬ meh.

Yeˬsaˬgeˬlaˇ 5:15

“Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Daˬyeˬlaˇ 9:16

Nga maꞈ lehˬ-iˇ-euˬ miˇ-a. Dzeuˇ laˇ ngeh, nga maꞈ-ahˇ nawˇ haw piˇ nehˬ laꞈ-euˬ meh. Kʼoeˇ miˇ neh, Yeˬluˇsaˬlehˬ meuˬ-ahˇ nui ma taˬ pehˇ nehˬ laꞈ. Kʼoeˇ-aˬ, nawˬ-euˬ meuˬ meh. Nawˬ-euˬ muiˬ-eu shawˇ-eu gawˬ jawˬ meh. Nga maꞈ-euˬ iˬ baˇ hawˇ-eu nga maꞈ-euˬ aˬ poeˬ aˬ bawˇ deuˬ neh mˇ-euˬ yaw lehˬ jeˬ baˬ da neh, dawˬ peh jaˆ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, Yeˬluˇsaˬlehˬ meuˬ hawˇ-eu nawˬ-euˬ tsawˇ haˬ deuˬ-ahˇ ja bu luꞈ meh.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Naˬhmˬ 3:19

Nawˬ-euˬ maˇ kʼehˬ maˇ naˇ yaw naꞈ, tiˬ jeˬ-iˬ maˬ laˆ taˬ nya-a. Nawˬ neh kʼehˬ nehˬ kʼaˆ nehˬ-euˬ gaˇ, maˬ daˬ haw ni dehꞈ dzeuˇ nya-euˬ, tiˬ gʼaˬ-iˬ maˬ jawˇ-eu miˇ neh, nawˬ-euˬ guiˬ lahˬ doeˇ-eu gaˇ kawˆ, kʼaˇ ya gaˬ-euˬ tsawˇ haˬ dawˬ tawˆ, laꞈ kʼawˆ tehˆ-awˇ cehˇ gʼa tehꞈ-a.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Maꞈtehˬ 27:39

Iˇ tsehˆ laˇ tsehˆ-eu deuˬ uˬ duˬ juiꞈ-awˇ, Yeˬsuˇ-ahˇ yehˬ bawˬ sehˇ lu-ehˇ ehˇ-eu meh.

Maˬkuˆ 15:29

Kʼaˇ iˇ kʼaˇ laˇ tsehˆ-eu tsawˇ haˬ deuˬ uˬ duˬ juiꞈ juiꞈ-ehˇ naˬ gʼa-eu, “Aˬ heuˇ. Uˬ duˬ tahˬ nymˇ nymˇ ma deh pyaˆ dzeh-awˇ smˬ nah laꞈ kʼoeˇ paˇ tsoˆ kʼoꞈ nya-eu gʼaˬ-oˇ,