Ngoeˇ dawˬ 2:11 - Akha

¹¹ Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Ngoeˇ dawˬ 2:11 ပူးပေါင်းရင်းမြစ်များ

Yawˇbaˆ 16:13

Yawˬ pyawˬ na luꞈ jawˇ jawˇ-ehˇ ngaˬ-ahˇ kaˆ myaˬ neh beuˆ-awˇ, kaˆ myaˬ deh byoe-awˇ beuˆ tahˬ beuˆ naˇ jiˇ kʼawꞈ, gʼawˬ shaˬ gaˬ nehˬ laꞈ-eu maˬ baw-a.

Yawˇbaˆ 30:27

Noeˬ shaˬ-eu jeˬ hawˇ-eu naˇ-eu gawˇ-eu jeˬ ngaˬ-ahˇ cehˬ pyaˬ cehˬ shaˇ-awˇ, tiˬ nah saˇ-i tiˬ nah naˇ gawˇ kʼaˆ laˇ miˇ-a.

Jaceuq 119:82

Nawˬ neh saˇ jaˇ dzaˬ-euˬ jeˬ-ahˇ ngaˇ myaˆ nuiˆ haw doˆ shaw-iˬ miˇ-a. Nawˇ ngaˬ-ahˇ aˬ myah caw ba le-eu gʼeh ta lehˇ ngaˇ ehˇ luꞈ-eu ma.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Jaceuq 31:9

Ngaˇshaˬzahˬnaꞈluꞈ-eu miˇneh, SahˬpaˬMiˬyehˇgʼawˬshaˬgaˬlaꞈ. Ngoeˇ-euˬmyaˆnuiˆgʼah dui dui-awˇ, nui ma gʼawˇmawˇjuˆdui dui nya.

Jaceuq 38:8

Maˬluˆmaˬlaˆnya ni ga-awˇ, nui ma -ahˇceh laˇ-eu miˇneh, maˬguˇ-ehˇmaˬdzahˬtehˬcoeˇnya.

Jaceuq 6:7

Ngaˬ-ahˇmuiˇ-eu deuˬbaˬda neh, myaˆnuiˆngoeˇpuˬngoeˇlu jiˇ-awˇ, myaˆmawˇ maˬpaˇshawˇlaˇmiˇ-a.

Jaceuq 69:3

Caw ba nehˬ laꞈ-awˬ lehˇ guˇ doeˇ guˇ gʼa-awˇ, kuˬ byahˬ kuˬ shuˇ guˇ shuˇ-euˬ ma. Nawˇ caw ba le gaˇ haw luꞈ-eu, myaˆ nui haw gʼah laꞈ-euˬ ma.

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Iˇsaˬyaˇ 38:14

Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 44:7

“Teu miˇ neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ-aˬ, aˬ jeˬ miˇ neh naw maꞈ yawˬ ha-ahˇ bi deuˬ laˇ-eu yaw haiˬ jeˬ mˇ te lehˇ naˇ haˬ-eu ma. Kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu, zaˬ yaw nyiˇ deuˬ-ahˇ keuˆ ni, naw maꞈ-euˬ tsawˇ haˬ tiˬ gʼaˬ-iˬ maˬ dzeˇ-ehˇ pyeuꞈ-iˇ ngeh keuˆ ni, dawˬ tawˆ luꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le mawꞈ te loˇ.

Yeˬlaˬmiˇ 8:19

Miˇ kʼahˬ kʼahˬ lah ni naˇ haˬ doe haw sheˇ. Ngaˬ-euˬ tsawˇ jeuˬ ngoeˇ-eu gaˬ laˇ miˇ-a. “Sahˬpaˬ Miˬyehˇ Ziˇoˬ-ahˇ maˬ paˇ jawˇ meh loˇ. Ziˇoˬ sahˬ paˬ cehˆ byoˆ mehˬ loˇ.” Sahˬpaˬ Miˬyehˇ heu loꞈ-ehˇ ehˇ-eu meh. “Aˬ jeˬ miˇ neh tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-awˇ, ngaˇ nui ma pehˇ laˇ ni naw maꞈ mˇ teˬ. Gaˇ dahˇ maˬ tsoeˬ leˇ-eu boeˇ miˬ siˬ kʼaˬ miˬ yehˇ mehˬ shi, aˬ jeˬ baˬ da neh awˆ byaˆ te.”

Ngoeˇ dawˬ 1:11

Yawꞈ-euˬ tsawˇ haˬ deuˬ mahˇ mahˇ-ehˇ, kʼaˬ meh-ahˇ dzaˬ-eu poˆ luꞈ meh. Aˬ yawꞈ maꞈ maˬ ya shiˇ tsehˆ ni, pyuˇ shuiˇ neh hawˬ paˇ dzaˬ-eu meh. “Ngaˬ-euˬ shaˬ zahˬ naꞈ dui dui gaˇ, Sahˬpaˬ Miˬyehˇ haw nehˬ laꞈ sheˇ.

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Ngoeˇ dawˬ 1:20

“Ngaˬ-euˬ nui ma shaˬ zahˬ naꞈ-awˇ, ngaˬ-euˬ saꞈ laˇ shaˬ zahˬ mˇ gaˇ, Sahˬpaˬ Miˬyehˇ nawˇ haw le sheˇ. Ngaˬ-euˬ iˬ baˇ-ahˇ shaˇ noeˬ-eu, nui ma tsawˬ paˆ-iˇ-euˬ miˇ-a. Lehˆ kawˆ doe ni tsawˇ haˬ sehꞈ-awˇ, iˇ kahˇ laꞈ kʼoeˇ kʼawꞈ shiˇ luꞈ meh.

Ngoeˇ dawˬ 5:17

Nui ma laꞈ kʼoeˇ gawˇ dui dui-awˇ, myaˆ biˇ yoeˇ-eu myaˆ maˬ mawˇ nya.

Luˇkaꞈ 23:29

Aˬ jeˬ miˇ neh ehˇ naˇ, ‘Maˬ baw aˬ ma hawˇ-eu aˬ nyiˇ maˬ pi haw-euˬ uˬ maˆ hawˇ-eu, zaˬ nahˬ neh tiˬ jawˇ-iˬ maˬ bi dawˇ haw-euˬ aˬ coeˇ deuˬ guiˬ lahˬ huiˬ-eu meh’ lehˇ ya ehˇ-eu aˇ nah keuˆ le luꞈ meh.

1 Saˬmeuˬlaˆ 30:4

Kʼoeˇ ngeh, Daˬbiˇ hawˇ-eu aˬ yawꞈ-euˬ tsawˇ haˬ deuˬ, gʼaˬ ngoeˇ jiˇ ngeh keuˆ ni maˬ naˬ leˇ ni ngoeˇ-euˬ meh.