Ngoeˇ dawˬ 2:10 - Akha

¹⁰ Ziˇoˬ meuˬ-euˬ tsawˇ mawˬ tsawˇ kʼaˆ, uˬ duˬ kʼaˬ lehˇ jehˆ daˆ taˬ-awˇ, guˬ daˇ pehˇ zeuˇ mehˬ tsoeˬ dm-awˇ, miˇ tsa ciˬ cuˇ ni dzuˇ-eu meh. Ziˇoˬ-euˬ aˬ buˇ miˬ daꞈ deuˬ, miˇ tsa uˬ duˬ tahˬ moꞈ-eu meh.

Ngoeˇ dawˬ 2:10 ပူးပေါင်းရင်းမြစ်များ

2 Saˬmeuˬlaˆ 13:19

Aˬ yawꞈ-euˬ uˬ duˬ-ahˇ kʼaˬ lehˇ tawˆ daˆ-awˇ, aˬ yawꞈ-euˬ pehˇ kʼahˬ gʼeu pyaˬ gʼeu shaˇ-awˇ, aˬ yawꞈ-euˬ myaˆ pyawˬ-ahˇ laꞈ kʼawˆ kʼawˆ kaˬ-eu laꞈ kʼoeˇ, ngoeˇ ngoeˇ-ehˇ iˇ gʼeh-euˬ meh.

Iˇsaˬyaˇ 15:3

Meuˬ-euˬ gaˇ ma doe ni cah-eu deuˬ, guˬ daˇ pehˇ zeuˇ mehˬ tsoeˬ dm-awˇ, Nymˇ mˬ-ahˇ daˆ-eu deuˬ hawˇ-eu meuˬ-euˬ pu ka jawˇ-eu deuˬ, myaˆ biˇ ju ni tsawˇ ngoeˇ ngoeˇ luꞈ-eu meh.

Iˇsaˬyaˇ 3:24

Tsiˇ yaw saw jeˬ maˬ paˇ ya lehꞈ ni, uˬ nyawˬ behꞈ laꞈ tehꞈ-a. Joꞈ dzahˬ maˬ paˇ ya dzahˬ ni, aˇ caˆ caˆ pyehꞈ ya dzahˬ tehꞈ-a. Haw muiˬ dui dui-eu uˬ duˬ tsehˇ kahˇ maˬ paˇ tsoꞈ ni, uˬ duˬ buˇ coeˆ ni jaˆ tehꞈ-a. Muiˬ dui dui-eu pehˇ kʼahˬ pehˇ mahˇ maˬ paˇ ya dm ni, guˬ daˇ pehˇ zeuˇ ya tsahˇ lahˇ tehꞈ-a. Yaw beh aˇ gʼehˇ muiˬ-euˬ kʼawꞈ, shaꞈ dawˇ dui dui paˬ-ehˇ pyeuꞈ-iˇ tehꞈ-a.

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 36:22

Kʼoeˇ naˇ, Eˇliˇkmˬ, Sheˬbaˬnaˬ hawˇ-eu Yoˇaˬ aˬ ha smˇ gʼaˬ noeˬ shaˬ dui dui-eu laꞈ kʼoeˇ, yawˬ ha dm luꞈ-eu mehˬ tsoeˬ cehˬ pyaˬ-awˇ, Aˬshuˇliˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ neh ehˇ-euˬ dawˬ deuˬ, sahˬ paˬ Heˬsaˬgiˇ-ahˇ tsaꞈ gaˬ leˇ-euˬ meh.

Iˇsaˬyaˇ 47:1

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ-oˇ, dzoeˬ dzaˬ nuiˇ mahˬ kʼoeˇ taˆ zaꞈ ka le-awˇ, miˇ tsa kʼaˬ lehˇ tsahˬ-ahˇ nuiˇ-awˬ. Yaw beh nawˇ guiˇ maˬ bi deuˆ gʼaˬ haw-ehˇ, miˬ daꞈ daꞈ shuiꞈ-ahˇ duˇ-euˬ meh. Ehˇ kʼawꞈ, nawˇ nahˬ jawˆ ni maˬ paˇ gʼeh-ehˇ, nymˬ-mˇ aˬ cawˬ zaˬ kʼaˆ pyeuꞈ shaw-euˬ meh.

Iˇsaˬyaˇ 47:5

Sahˬpaˬ Miˬyehˇ ehˇ-eu, “Baˬbuˇloˬ aˬ buˇ-oˇ, yaw zahˇ laꞈ kʼoeˇ ciˬ cuˇ ni gʼeh gaˇ dzuˇ-awˬ. Tsawˇ jeuˬ dawˬ tawˆ luꞈ-euˬ sahˬ paˬ ma meh lehˇ, aˬ cawˬ nawˬ-ahˇ maˬ paˇ kuˇ meh.

Yeˬlaˬmiˇ 8:14

Miˬyehˇ-euˬ tsawˇ haˬ deuˬ ehˇ-eu, “Aˬ jeˬ miˇ neh aˬ dui maꞈ dzuˇ dzuˇ-ehˇ jawˇ te. Ziꞈ dah ni gʼeh-eu meuˬ deuˬ-ahˇ cehˆ-awˇ, kʼoeˇ gaˇ shiˇ leˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ dui kʼoeˇ taˆ shiˇ-eu jeˬ bi keuˆ le-euˬ meh. Aˬ dui aˬ yawꞈ-ahˇ mˇ lehˬ-euˬ miˇ neh, aˬ dui-ahˇ dzaˇ doꞈ bi dawˇ laꞈ-euˬ meh.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Ngoeˇ dawˬ 1:4

Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Ngoeˇ dawˬ 3:28

Sahˬpaˬ Miˬyehˇ ciˬ pi-euˬ jeˬ, ciˬ cuˇ ni daˬ-eu muiˬ dzehˬ meh.

Ngoeˇ dawˬ 4:16

Sahˬpaˬ Miˬyehˇ aˬ yawꞈ maꞈ-ahˇ, myaˆ haw maˬ cawˬ nahˇ-eu miˇ neh, miˇ kʼahˬ-ahˇ teh byaˆ nehˬ-euˬ meh. Piˇ ma deuˬ-ahˇ maˬ taˬ huiˬ-a. Aˬ yuiꞈ deuˬ-ahˇ maˬ taˬ mahˇ-a.

Ngoeˇ dawˬ 4:5

Dzaˇ kuiˇ dzaˇ myehˇ dzaˬ-euˬ tsawˇ haˬ, gaˇ ma-ahˇ mehꞈ-eu ga luꞈ meh. Muiˬ-eu paˇ neˇ dm-euˬ tsawˇ haˬ, kʼaˬ lehˇ jehˆ bymˇ-ahˇ lah luꞈ meh.

Ngoeˇ dawˬ 5:12

Sahˬ paˬ sahˬ ma-ahˇ paꞈ gʼeu-awˇ, tsawˇ mawˬ tsawˇ kʼaˆ-ahˇ maˬ zeu-a.

Ngoeˇ dawˬ 5:14

Meuˬ-euˬ lahˇ kʼehˬ laˇ gʼoˆ dawˬ peh, tsawˇ mawˬ jawˇ zaˇ maˬ paˇ mawˇ-ehˇ, zaˬ guˬ dawˬ caˇ maˬ ya gaˬ-a.

Yeˬsaˬgeˬlaˇ 27:30

Uˬ duˬ-ahˇ kʼaˬ lehˇ tawˆ daˆ-awˇ, kʼaˬ lehˇ tsahˬ-ahˇ mahˬ poˆ poˆ-awˇ, nawˬ-euˬ gʼaˇ duˬ aˬ yawꞈ maꞈ neh, tsawˇ ngoeˇ ngoeˇ dui dui nehˬ-eu meh.

Yeˬsaˬgeˬlaˇ 27:31

Nawˬ-euˬ gʼaˇ duˬ uˬ jehˆ jehˆ-awˇ, guˬ daˇ pehˇ zeuˇ mehˬ tsoeˬ dm-awˇ, Aˬ yawꞈ maꞈ tsawˇ ngoeˇ ngoeˇ-eu kʼoeˇ nui ma shaˬ zahˬ mˇ dui dui meh.

Yeˬsaˬgeˬlaˇ 7:18

Aˬ yawꞈ maꞈ guˬ daˇ pehˇ zeuˇ mehˬ tsoeˬ dm-awˇ, yaw dzuˬ dzuˬ tehꞈ-a. Aˬ yawꞈ maꞈ uꞈ jehˆ bi jehˆ dzeh jiˇ-awˇ, daˬ ga dui dui tehꞈ-a.

Yawˇlaˆ 1:8

Dahˬ dzaˬ-iˇ-eu lehˬ hmˬ taˬ-euˬ, zaˬ kʼaˬ shiˇ shaw-euˬ baˬ da neh, tsawˇ ngoeˇ ngoeˇ-eu zaˬ miˬ loꞈ-ehˇ, miˇ kʼahˬ zaˬ dawˬ tawˆ luꞈ ngoeˇ-awˬ.

Aˬmoˆ 5:13

Kʼoeˇ miˇ neh, heu loꞈ-ehˇ gʼeh-eu haiˬ-eu aˇ yamˬ laꞈ kʼoeˇ tiˬ jeˬ-iˬ maˬ ngehˬ maˬ tmˇ ni ciˬ cuˇ ni jawˇ-eu-aˬ, muiˬ dzehˬ meh.

Aˬmoˆ 8:13

Aˇ nah kʼoeˇ nah-ahˇ, aˬ lmˬ muiˬ dui dui-eu kʼaˬ dzeˇ zaˬ zaˬ guˬ hawˇ-eu zaˬ miˬ zaˬ zaˬ guˬ deuˬ iˇ cuꞈ mehꞈ dui dui-awˇ, coˬ dzeh tehꞈ-a.

Aˬmoˆ 8:3

Aˇ nah kʼoeˇ nah-ahˇ, sahˬ paˬ-euˬ nymˇ nymˇ ma laꞈ kʼoeˇ caˇ-eu dawˬ kawˬ maˬ paˇ ya gaˬ-ehˇ, tsawˇ ngoeˇ ngoeˇ-eu dawˬ kawˬ tehꞈ-ehˇ ya gaˬ tehꞈ-a. Yawˬ gaˇ na luꞈ tsawˇ haˬ shiˇ taˬ-awˇ ga gaˇ ya mawˇ-awˇ, ciˬ cuˇ ni baꞈ dzeh nehˬ tehꞈ-a.”

Yawˇnaˆ 3:6

Gaˇ kawˆ kʼoeˇ Niˇnaˬbeˬ sahˬ paˬ-ahˇ gaˬ keuˆ leˇ ngeh, aˬ yawꞈ-euˬ dzoeˬ dzaˬ nuiˇ mahˬ-ahˇ nuiˇ luꞈ-eu tuˇ laˇ-awˇ, sahˬ paˬ dm-eu pehˇ kʼahˬ pehˇ mahˇ lehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, lehˇ tsaˇ jaˆ gaˇ nuiˇ-euˬ meh.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

Panmaeq 18:19

Aˬ yawꞈ maꞈ uˬ duˬ-ahˇ kʼaˬ lehˇ tawˆ daˆ-awˇ, heu loꞈ-ehˇ dawˬ kawˬ kawˬ-awˇ ngoeˇ-eu meh. Aˬ huˇ-i, huiˬ-eu meuˬ-ahˇ haw sheˇ. Aˬ yawꞈ pyuˇ shuiˇ byehˬ-euˬ miˇ neh, laˆ shaˆ saˇ baoˬ kʼaˇ jaˆ-euˬ deuˬ, q3 smˇ muiˬ muiˬ laˇ-euˬ meh. Ehˇ kʼawꞈ naˬ liˬ tiˬ laꞈ laꞈ kʼoeˇ, aˬ yawꞈ piˬ le byoˆ le-euˬ meh.