Ngoeˇ dawˬ 1:9 - Akha9 Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.” အခန်းကိုကြည့်ပါ။ |
Ngoeˇ dawˬ 1:9
46 ပူးပေါင်းရင်းမြစ်များ
Miˬyehˇ-oˇ, Nga maꞈ-euˬ Miˬyehˇ-oˇ, nawˇ aˇ naˆ ni huiˬ-eu mahˇ-eu nga. Aˇ naˆ ni guˆ laˇ paˬ-ehˇ gʼeh-awˇ, aˇ naˆ ni baoˬ huiˬ-eu nga. Nawˬ-euˬ dawˬ ma saˇ jaˇ-ahˇ nawˇ ziꞈ-eu meh. Aˬshuˇliˆ sahˬ paˬ deuˬ nga maꞈ-ahˇ kʼehˬ ngeh neh iˬ nah keuˆ ni, nga maꞈ aˇ naˆ ni ya shaˬ ya zahˬ-euˬ nga. Nga maꞈ-euˬ sahˬ paˬ deuˬ, aˬ yuiꞈ aˬ tsu deuˬ, piˇ ma deuˬ hawˇ-eu, Miˬyehˇ gʼaˇ duˬ ngehˬ dah-eu deuˬ maˬ ehˇ, nga maꞈ-euˬ aˬ poeˬ aˬ bawˇ deuˬ hawˇ-eu nga maꞈ-euˬ tsawˇ haˬ dawˬ tawˆ luꞈ maˬ ehˇ, ya shaˬ ya zahˬ-euˬ ma. Nga maꞈ aˇ naˆ ni ya daˬ-euˬ gaˇ noeˬ keuˆ nehˬ laꞈ-awˬ.
Aˬ yawꞈ maꞈ-ahˇ aˬ cawˬ gʼawˬ shaˬ maˬ gaˬ ni, kʼaˇ jahˇ mawꞈ-eu jeˬ jahˇ nehˬ luꞈ-eu Iˇjiˇtuˆ miˇ kʼahˬ laꞈ kʼoeˇ neh, aˬ yawꞈ maꞈ-ahˇ ngaˇ sheuˬ doˆ-awˇ, miˇ tsaˬ miˇ muiˬ muiˬ dui dui-awˇ, baw le za le-eu (byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu) miˇ kʼahˬ pyeuꞈ-eu, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ-eu miˇ kʼahˬ kʼoeˇ kʼahˬ laꞈ kʼoeˇ, aˬ yawꞈ maꞈ-ahˇ sheuˬ gʼeh ma lehˇ, ngaˇ noeˬ tsehˆ taˬ-euˬ ma.
Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.
Nahˇ ma heu siˬ uˬ moˆ kʼehˬ-eu kʼaˆ-eu jeˬ dawˬ tawˆ luꞈ-ahˇ ngaˇ paˇ ya mawˇ-euˬ ma. Kʼehˬ-eu kʼaˆ-eu jeˬ-ahˇ ya daˬ luꞈ-eu tsawˇ haˬ deuˬ myaˆ biˇ yoeˇ luꞈ-awˇ, ngehˬ gʼeh nehˬ-eu gʼaˬ maˬ jawˇ-a. Aˬ yawꞈ maꞈ-ahˇ kʼehˬ luꞈ-eu deuˬ jawˇ paw gʼaˬ kʼaˆ-eu miˇ neh, tiˬ gʼaˬ-iˬ ngehˬ maˬ gʼeh nehˬ peuˬ-a.
Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”
Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.
“Kaˆ baꞈ-awˇ guiˇ deuˆ-eu deuˬ-ahˇ Baˬbuˇloˬ meuˬ-ahˇ deuˆ-awˬ lehˇ ehˇ nehˬ-awˬ. Kaˆ kʼaˇ beuˆ nya-eu deuˬ bi iˇ-awˬ. Tiˬ gʼaˬ-iˬ maˬ bi dzeuˇ-iˇ ni meuˬ-ahˇ loꞈ jawˬ-awˬ. Aˬ yawꞈ neh aˬ cawˬ-ahˇ kʼaˇ jahˇ nehˬ-euˬ jeˬ, aˬ yawꞈ-ahˇ paˇ jahˇ kʼoꞈ nehˬ-awˬ. Aˬ jeˬ miˇ neh ehˇ naˇ, aˬ yawꞈ nui ma huiˬ-eu laꞈ kʼoeˇ, Iˇsaˬleˬlaˆ-euˬ Muiˬ dui shawˇ dui dui-eu Gʼaˬ pyeuꞈ-eu ngaˬ-ahˇ jahˇ gʼeh haw-euˬ meh.
Kʼoeˇ ngeh, nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuˬ-eu Sahˬpaˬ Miˬyehˇ-ahˇ, caw ba le-awˬ lehˇ nga maꞈ guˇ-euˬ ma. Nga maꞈ guˇ-eu teˇ saˇ-ahˇ aˬ yawꞈ ya gaˬ-awˇ, nga maꞈ ya daˬ luꞈ-eu jeˬ-ahˇ maˬ ehˇ, ya shaˬ ya zahˬ luꞈ gaˇ maˬ ehˇ, noeˬ dui noeˬ duiˇ taˬ-euˬ gaˇ maˬ ehˇ, aˬ yawꞈ ya mawˇ-euˬ meh.
Haˬnahˬ heu loꞈ-ehˇ saˇ jaˇ dzaˬ-euˬ meh. “Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ-oˇ, nawˬ-euˬ zaˬ kʼaˆ pyeuꞈ-eu ngaˬ-ahˇ haw sheˇ. Ngaˇ shaˬ zahˬ naꞈ dui dui luꞈ gaˇ haw mawˇ-awˇ, ngaˬ-ahˇ maˬ ngehˇ ni noeˬ keuˆ nehˬ laꞈ-awˬ. Nawˇ ngaˬ-ahˇ aˬ li tiˬ li bi jawˇ le nehˬ laꞈ naˇ, aˬ li kʼoeˇ li-euˬ uˬ duˬ tsehˇ kahˇ tiˬ jawˇ-iˬ maˬ tehˬ ni bi jaˆ-awˇ, aˬ yawꞈ-euˬ gʼawˇ mawˇ maˬ shiˇ tiˬ ziˇ nawˬ-ahˇ a nehˬ ma lehˇ nawˬ nehˬ-ehˇ ngaˇ saˇ jaˇ dzaˬ ma.”
ကြော်ငြာတွေ