Ngoeˇ dawˬ 1:5 - Akha

⁵ Iˬ baˇ mˇ dui dui-euˬ miˇ neh, Sahˬpaˬ Miˬyehˇ yawꞈ-ahˇ kʼehˬ-awˇ, muiˇ-eu deuˬ gʼaˬ bi kʼaˆ laˇ-awˇ, yawꞈ-euˬ kʼoeˇ taˆ bi dzoeˬ-euˬ meh. Yawꞈ-euˬ aˬ buˇ aˬ li deuˬ-ahˇ, muiˇ-eu deuˬ nyehꞈ byoˆ gʼeh-euˬ meh.

Ngoeˇ dawˬ 1:5 ပူးပေါင်းရင်းမြစ်များ

2 Sahˬpaˬ 21:15

Aˬ yawꞈ maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh tiˬ nah neh, iˬ nah keuˆ ni, ngaˬ-euˬ mehˬ shi aˬ yawꞈ maꞈ iˬ baˇ mˇ-awˇ, ngaˇ nui ma pehˇ ni jahˇ nehˬ laꞈ-euˬ miˇ neh, ngaˬ-euˬ tsawˇ haˬ deuˬ-ahˇ ngaˇ kʼoeˇ loꞈ-ehˇ jahˇ nehˬ ma.”

Jaceuq 80:6

Nga maꞈ-euˬ tiˬ jawˬ jawˇ-eu aˬ cawˬ tsawˇ jeuˬ deuˬ-ahˇ, nga maꞈ-euˬ miˇ kʼahˬ-ahˇ nawˇ bi deuˆ laˇ-awˇ, nga maꞈ-ahˇ muiˇ-eu tsawˇ haˬ kʼoeˇ deuˬ neh, nga maꞈ-ahˇ yehˬ bawˬ-ehˇ bi gʼeh laꞈ-euˬ meh.

Jaceuq 89:42

Muiˇ-eu deuˬ neh aˬ yawꞈ-ahˇ nawˇ bi gʼaˬ leˇ-awˇ, kʼoeˇ deuˬ-ahˇ nawˇ laˬ kʼaˬ bi cehˇ-euˬ meh.

Iˇsaˬyaˇ 22:5

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ, bi siˬ bi mawˇ-eu jeˬ-euˬ deh kʼawꞈ-ahˇ, shaˬ zahˬ guˆ gaˆ-eu jeˬ bi keuˆ le-eu aˇ yamˬ meh. Meuˬ meuˬ lahˇ bi laˆ byaˆ jiˇ-awˇ, ngoeˇ-eu teˇ saˇ gawˬ jawˬ-ahˇ tahˬ leˇ luꞈ meh.

Iˇsaˬyaˇ 63:18

Muiˬ-eu shawˇ-eu nawˬ-euˬ tsawˇ haˬ pyeuꞈ-eu nga maꞈ, muiˇ-eu deuˬ neh tiˬ kʼehˬ tiˬ yamˬ bi teh doˆ-awˇ, nawˬ-euˬ muiˬ-eu shawˇ-eu jawˇ duˬ kʼoeˇ-ahˇ, aˬ yawꞈ maꞈ tsawˬ nawˬ nawˬ-euˬ meh.

Yeˬlaˬmiˇ 10:20

Nga maꞈ-euˬ sehˬ gʼawˆ deuˬ coˬ pyaˆ jiˇ-awˇ, aˇ neˬ aˇ caˆ deuˬ tsehˆ-iˇ jiˇ-euˬ meh. Nga maꞈ-euˬ zaˬ iˇ byoˆ jiˇ-awˇ, sehˬ gʼawˆ paˇ ciˬ tuˇ-eu tsawˇ haˬ maˬ paˇ jawˇ-ehˇ, saˬ paˇ lawˆ kaˬ sheu taw-eu gʼaˬ maˬ paˇ jawˇ meh.”

Yeˬlaˬmiˇ 12:7

Sahˬpaˬ Miˬyehˇ ehˇ-eu, “Iˇsaˬleˬlaˆ-ahˇ ngaˇ byehˇ dzeh-euˬ ma. Ngaˬ neh tseˇ doˆ-euˬ tsawˇ jeuˬ-ahˇ maˬ paˇ haw ma. Ngaˇ gaˬ-eu tsawˇ haˬ heu deuˬ-ahˇ, muiˇ-eu deuˬ aˬ laꞈ laꞈ kʼoeˇ a nehˬ-euˬ ma.

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Yeˬlaˬmiˇ 39:9

Aˇ saˬ saˬ laˇ jawˬ-ehˇ, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ-aˬ, meuˬ laꞈ kʼoeˇ kʼaˇ dzeˇ-eu tsawˇ haˬ deuˬ hawˇ-eu, aˬ yawꞈ jawˇ paw kʼaˇ cehˆ uˇ leˇ-euˬ tsawˇ haˬ deuˬ-ahˇ Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Yeˬlaˬmiˇ 5:29

Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, gaˇ kawˆ kʼoeˇ deuˬ baˬ da neh aˬ yawꞈ maꞈ-ahˇ kʼehˬ-awˇ, tsawˇ jeuˬ heu jeuˬ-ahˇ laꞈ poˆ poˆ nehˬ ma.

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Ngoeˇ dawˬ 1:8

Yeˬluˇsaˬlehˬ iˬ baˇ mˇ-eu, aˇ dzehˬ dzeuˇ-awˇ jawꞈ dui dui meh. Yawꞈ-ahˇ taˬ huiˬ taˬ mahˇ-euˬ deuˬ, yawꞈ-ahˇ neˇ myawˆ ni haw mawˇ-awˇ, yawꞈ-ahˇ haw bye dui dui-euˬ meh. Yawˬ haˇ yawˬ ha paˇ noeˬ shaˬ-awˇ, myaˆ pyawˬ dehˬ kaˬ-awˇ toˇ-eu meh.

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Ngoeˇ dawˬ 3:46

“Muiˇ-eu tsawˇ haˬ deuˬ dawˬ tawˆ luꞈ, nga maꞈ-ahˇ naˬ gʼa luꞈ-eu meh.

Yeˬsaˬgeˬlaˇ 9:10

Kʼoeˇ miˇ neh, aˬ yawꞈ maꞈ-ahˇ ngaˇ gʼawˬ shaˬ maˬ gaˬ nehˬ. Aˬ yawꞈ maꞈ neh aˬ cawˬ-ahˇ jahˇ nehˬ taˬ-euˬ jaˆ-eu loꞈ-ehˇ, aˬ yawꞈ maꞈ-ahˇ ngaˇ jahˇ nehˬ ma.”

Yeˬsaˬgeˬlaˇ 9:9

Miˬyehˇ ehˇ-eu, “Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu iˬ baˇ mˇ-euˬ meh. Miˇ kʼahˬ kʼahˬ lah ni tsawˇ haˬ sehꞈ-eu jeˬ aˬ yawꞈ maꞈ mˇ byah-awˇ, Yeˬluˇsaˬlehˬ meuˬ laꞈ kʼoeˇ yaw haiˬ jeˬ mˇ byah taˬ-euˬ meh. Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-euˬ miˇ kʼahˬ-ahˇ byehˇ dzeh-awˇ, ngaˇ aˬ yawꞈ maꞈ-ahˇ maˬ mawˇ nya-a lehˇ, aˬ yawꞈ maꞈ ehˇ-eu meh.

Dawˬmehˬ 31:29

Ngaˇ shiˇ dzeuˇ ngeh jawˇ, tsawˇ haˬ heu deuˬ yaw haiˬ jeˬ mˇ-awˇ, ngaˬ neh aˬ yawꞈ maꞈ-ahˇ mehˬ nehˬ tsoˆ nehˬ-euˬ jeˬ-ahˇ byehˇ dzeh tehꞈ-a. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, luˬ-iˇ seˇ-iˇ-eu jeˬ aˬ yawꞈ maꞈ ya tahˬ puˬ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh laˆ tsoeˬ taˬ-euˬ jeˬ aˬ yawꞈ maꞈ mˇ-eu laꞈ kʼoeˇ, aˬ yawꞈ nui ma pehˇ ni aˬ yawꞈ maꞈ jahˇ tehꞈ-a.”