Ngoeˇ dawˬ 1:22 - Akha

²² “Aˬ yawꞈ maꞈ-euˬ yaw lehˬ dawˬ tawˆ, nawˬ-euˬ mehˬ shi bi keuˆ le-awˇ, ngaˬ neh mˇ-euˬ iˬ baˇ baˬ da, nawˬ neh ngaˬ-ahˇ kʼehˬ-euˬ loꞈ-ehˇ, aˬ yawꞈ maꞈ-ahˇ kʼawꞈ kʼehˬ nehˬ-awˬ. Shaˬ zahˬ naꞈ-awˇ mahˇ luꞈ-eu heu, nui ma shiˇ tsehˆ shaw-iˬ miˇ-a.”

Ngoeˇ dawˬ 1:22 ပူးပေါင်းရင်းမြစ်များ

Jaceuq 143:7

Sahˬpaˬ Miˬyehˇ-oˇ, ngaˬ-euˬ shaˇ dawˬ naˇ haˬ nehˬ laꞈ. Noeˬ tmˬ kʼaˇ maˬ za miˇ-a. Shiˇ-eu miˇ kʼahˬ-ahˇ iˇ dzeuˇ-euˬ tsawˇ haˬ deuˬ jawˇ gaˇ, ngaˇ ya iˇ-eu keuˆ laˇ taˬ-euˬ miˇ neh, nawˬ-euˬ myaˆ pyawˬ taˬ ciˬ zaꞈ nehˬ laꞈ.

Jaceuq 79:10

Naw maꞈ-euˬ Miˬyehˇ aˬ gaˇ jawˇ ta lehˇ, aˬ cawˬ tsawˇ jeuˬ nga maꞈ-ahˇ aˬ jeˬ gʼeh bi naˇ haˬ laˇ ta. Nawˬ-euˬ zaˬ kʼaˆ deuˬ-ahˇ shiˬ laˆ doˆ nehˬ-eu tsawˇ jeuˬ kʼoeˇ deuˬ-ahˇ nawˇ kʼehˬ nehˬ gaˇ, nga maꞈ-ahˇ bi mawˇ laꞈ.

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Yeˬlaˬmiˇ 10:25

Nawˬ-ahˇ uˬ duˬ maˬ tahˬ-eu tsawˇ jeuˬ deuˬ jawˇ paw, nawˬ-ahˇ byehˇ dzeh-euˬ tsawˇ haˬ deuˬ jawˇ paw, nawˬ-euˬ nui pehˇ sheu pyawˇ nehˬ-awˬ. Aˬ yawꞈ maꞈ nawˬ-euˬ tsawˇ haˬ deuˬ-ahˇ sehꞈ-euˬ meh. Aˬ yawꞈ maꞈ nga maꞈ-ahˇ laˆ byoˆ laˆ laˆ yaꞈ-awˇ, nga maꞈ miˇ kʼahˬ laˆ cawˆ-awˇ byehˇ dzeh yaꞈ-euˬ meh.

Yeˬlaˬmiˇ 18:23

Ehˇ kʼawꞈ, aˬ yawꞈ maꞈ ngaˬ-ahˇ sehꞈ-eu lehˇ gʼeh-eu gaˇ kawˆ, Sahˬpaˬ Miˬyehˇ nawˇ mawˇ jiˇ luꞈ-eu meh. Aˬ yawꞈ maꞈ-ahˇ iˬ baˇ maˬ pyehˬ nehˬ-ehˇ, aˬ yawꞈ maꞈ-euˬ yaw lehˬ taˬ byehˇ byoˆ nehˬ. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, nawˇ nui ma pehˇ ngeh aˬ yawꞈ maꞈ-ahˇ kʼehˬ nehˬ-awˬ.

Yeˬlaˬmiˇ 30:16

Ehˇ kʼawꞈ, naw maꞈ-ahˇ kawꞈ dzaˬ-euˬ tsawˇ haˬ kʼoeˇ deuˬ, aˬ cawˬ neh kawꞈ dzaˬ gaˇ paˇ ya daˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a. Naw maꞈ-ahˇ kʼaˇ kʼaˆ dzaˬ-euˬ tsawˇ haˬ, aˬ cawˬ neh kʼaˆ dzaˬ gaˇ ya daˬ-awˇ, naw maꞈ-euˬ mˇ myawˬ-ahˇ ceh geuꞈ-euˬ deuˬ, aˬ cawˬ neh mˇ myawˬ bi ceh geuꞈ tehꞈ-a.

Yeˬlaˬmiˇ 51:35

Nga maꞈ-ahˇ yaw doeˇ jahˇ taˬ-euˬ iˬ baˇ, Baˬbuˇloˬ kʼoeˇ taˆ keuˆ le luꞈ-uˇ” lehˇ, Ziˇoˬ tsawˇ haˬ deuˬ ehˇ luꞈ-uˇ. “Nga maꞈ-ahˇ shaˬ zahˬ laˆ naꞈ-euˬ iˬ baˇ, Baˬbuˇloˬ kʼoeˇ taˆ keuˆ le luꞈ-uˇ” lehˇ, Yeˬluˇsaˬlehˬ tsawˇ haˬ deuˬ ehˇ luꞈ-uˇ.

Yeˬlaˬmiˇ 8:18

Ngaˇ noeˬ shaˬ-eu maˬ byoˆ-iˇ nya miˇ-a. Nui ma shaˬ zahˬ mˇ-eu maˬ jiˇ miˇ-a.

Ngoeˇ dawˬ 1:13

“Mˬ-ahˇ neh miˬ dzaˬ pyehˬ leꞈ-awˇ, shaˬ yoeˬ-ahˇ bi puiˆ keuˆ leꞈ-awˇ, aˬ kuiˇ-ahˇ lahˇ ju kʼmˇ paꞈ-awˇ, sehˇ pyaˆ-ehˇ bi coˬ-iˇ laꞈ-awˇ, naˇ dui dui-awˇ myaꞈ leˇ-euˬ gaˇ, nah lah-ehˇ byehˇ dzeh laꞈ-euˬ meh.

Ngoeˇ dawˬ 5:17

Nui ma laꞈ kʼoeˇ gawˇ dui dui-awˇ, myaˆ biˇ yoeˇ-eu myaˆ maˬ mawˇ nya.

Luˇkaꞈ 23:31

Aˬ jeˬ miˇ neh ehˇ naˇ, aˇ bawˇ yaw jmˬ-ahˇ aˬ yawꞈ maꞈ heu naˆ ni jahˇ nehˬ naˇ, aˇ bawˇ yaw gui-ahˇ aˇ naˆ ni paˇ jahˇ nehˬ nmˇ.”

Eˇpeˇsu 3:13

Kʼoeˇ miˇ neh, naw maꞈ nui ma taˬ baˬ lehˇ ngaˇ shaˇ-eu ma. Aˬ jeˬ miˇ neh ehˇ naˇ, ngaˇ ya daˬ luꞈ-eu heu-aˬ, naw maꞈ-euˬ gʼaˇ duˬ ma. Naw maꞈ-euˬ yaw shehꞈ kʼahˬ sehˇ gʼaˇ duˬ daˬ luꞈ-eu ma.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.