Ngoeˇ dawˬ 1:20 - Akha

²⁰ “Ngaˬ-euˬ nui ma shaˬ zahˬ naꞈ-awˇ, ngaˬ-euˬ saꞈ laˇ shaˬ zahˬ mˇ gaˇ, Sahˬpaˬ Miˬyehˇ nawˇ haw le sheˇ. Ngaˬ-euˬ iˬ baˇ-ahˇ shaˇ noeˬ-eu, nui ma tsawˬ paˆ-iˇ-euˬ miˇ-a. Lehˆ kawˆ doe ni tsawˇ haˬ sehꞈ-awˇ, iˇ kahˇ laꞈ kʼoeˇ kʼawꞈ shiˇ luꞈ meh.

Ngoeˇ dawˬ 1:20 ပူးပေါင်းရင်းမြစ်များ

Yawˇbaˆ 30:27

Noeˬ shaˬ-eu jeˬ hawˇ-eu naˇ-eu gawˇ-eu jeˬ ngaˬ-ahˇ cehˬ pyaˬ cehˬ shaˇ-awˇ, tiˬ nah saˇ-i tiˬ nah naˇ gawˇ kʼaˆ laˇ miˇ-a.

Yawˇbaˆ 33:27

Kʼoeˇ ngeh, tsawˇ haˬ aˇ maꞈ mehˬ shi aˬ yawꞈ heu loꞈ-ehˇ ehˇ tehꞈ-a. ‘Ngaˇ yaw tsaˬ yaw dawˇ jeˬ maˬ mˇ ni iˬ baˇ mˇ-euˬ ma. Ehˇ kʼawꞈ, Miˬyehˇ ngaˬ-ahˇ bi buˬ-iˇ laꞈ-euˬ meh.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Jaceuq 38:8

Maˬluˆmaˬlaˆnya ni ga-awˇ, nui ma -ahˇceh laˇ-eu miˇneh, maˬguˇ-ehˇmaˬdzahˬtehˬcoeˇnya.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Iˇsaˬyaˇ 16:11

Mawˇbaˆ miˇ kʼahˬ gʼaˇ duˬ ngaˇ tsawˇ ngoeˇ ngoeˇ-awˇ, Kiˇlaˆheˬyehˆ meuˬ gʼaˇ duˬ ngaˇ shaˬ zahˬ mˇ-eu ma.

Iˇsaˬyaˇ 38:14

Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Yeˬlaˬmiˇ 14:18

Deh ga-ahˇ ngaˇ iˇ doˆ haw ngeh, guiˇ deuˆ sehꞈ-euˬ tsawˇ shiˇ deuˬ ga gaˇ ya mawˇ-awˇ, meuˬ laꞈ kʼoeˇ ngaˇ uˇ leˇ haw ngeh, hawˬ mehꞈ mehꞈ sehꞈ-euˬ tsawˇ shiˇ deuˬ-ahˇ ya mawˇ-euˬ ma. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ-aˬ, yawˬ ha-euˬ gaˇ yawˬ ha mˇ luꞈ-eu meh. Ehˇ kʼawꞈ yawˬ ha aˬ jeˬ mˇ luꞈ-eu yawˬ ha maˬ siˬ nya-a.”

Yeˬlaˬmiˇ 14:20

Sahˬpaˬ Miˬyehˇ nawˬ-ahˇ nga maꞈ mˇ bahˬ-euˬ ma. Nga maꞈ mˇ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, lehˬ-eu miˇ-a lehˇ nga maꞈ ehˇ-eu ma.

Yeˬlaˬmiˇ 2:35

‘Ngaˇ tiˬ jeˬ-iˬ iˬ baˇ maˬ ahˇ. Sahˬpaˬ Miˬyehˇ ngaˬ-ahˇ nui ma maˬ pehˇ-a’ lehˇ, naw maꞈ ehˇ luꞈ-eu meh. Ehˇ kʼawꞈ, naw maꞈ iˬ baˇ maˬ ahˇ lehˇ myawꞈ-eu baˬ da neh, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ kʼehˬ ma.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:20

“Iˇsaˬleˬlaˆ nawˇ ngaˇ gaˬ dzehˬ-eu aˬ li ma. Aˬ cawˬ naˆ maˬ tseˇ gaˬ-euˬ gʼaˬ nawˇ ma. Nawˬ-euˬ tsawˇ myahˇ ngaˇ kʼaˇ kuˇ ngeh, nawˬ-ahˇ gaˬ-eu maˬ jiˇ leˇ-ehˇ, nawˬ-ahˇ noeˬ-eu maˬ byoˆ-iˇ nya. Nawˬ-ahˇ ngaˇ gʼawˬ shaˬ aˬ diˇ gaˬ nehˬ ma.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 48:36

“Tsawˇ shiˇ baꞈ pahˬ-iˇ ngeh, aˬ cawˬ noeˬ shaˬ noeˬ shaˬ-ehˇ mehˬ liˇ baw-eu loꞈ-ehˇ duˇ ni, Mawˇbaˆ tsawˇ haˬ hawˇ-eu Kiˇlaˆheˬyehˆ tsawˇ haˬ deuˬ-euˬ gʼaˇ duˬ ngaˇ noeˬ shaˬ dui dui nya. Aˬ jeˬ miˇ neh ehˇ naˇ, aˬ yawꞈ maꞈ-euˬ myawˬ dawˬ tawˆ luꞈ byoˆ jiˇ-euˬ meh.

Ngoeˇ dawˬ 1:11

Yawꞈ-euˬ tsawˇ haˬ deuˬ mahˇ mahˇ-ehˇ, kʼaˬ meh-ahˇ dzaˬ-eu poˆ luꞈ meh. Aˬ yawꞈ maꞈ maˬ ya shiˇ tsehˆ ni, pyuˇ shuiˇ neh hawˬ paˇ dzaˬ-eu meh. “Ngaˬ-euˬ shaˬ zahˬ naꞈ dui dui gaˇ, Sahˬpaˬ Miˬyehˇ haw nehˬ laꞈ sheˇ.

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Ngoeˇ dawˬ 1:8

Yeˬluˇsaˬlehˬ iˬ baˇ mˇ-eu, aˇ dzehˬ dzeuˇ-awˇ jawꞈ dui dui meh. Yawꞈ-ahˇ taˬ huiˬ taˬ mahˇ-euˬ deuˬ, yawꞈ-ahˇ neˇ myawˆ ni haw mawˇ-awˇ, yawꞈ-ahˇ haw bye dui dui-euˬ meh. Yawˬ haˇ yawˬ ha paˇ noeˬ shaˬ-awˇ, myaˆ pyawˬ dehˬ kaˬ-awˇ toˇ-eu meh.

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Ngoeˇ dawˬ 5:16

Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.

Yeˬsaˬgeˬlaˇ 7:15

Meuˬ-euˬ gaˇ ma doe ni guiˇ deuˆ-awˇ, nymˇ laꞈ kʼoeˇ naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ byah tehꞈ-a. Meuˬ-euˬ laꞈ nyiˇ deh ga-ahˇ kʼaˇ jawˇ-eu deuˬ guiˇ bi deuˆ sehꞈ-awˇ, meuˬ laꞈ kʼoeˇ kʼaˇ jawˇ-eu tsawˇ haˬ deuˬ, naˇ gawˇ hawˇ-eu mehꞈ-eu shuꞈ-eu jeˬ baˬ da neh ya shiˇ tehꞈ-a.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Hawˇseˬ 11:8

“Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ gʼeh-awˇ byehˇ coeˇ nmˇ. Aˬdaˬmaˬ-ahˇ kʼehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ kʼehˬ nmˇ. Zeˬbymˬ-ahˇ jahˇ nehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ jahˇ nmˇ. Nawˬ-ahˇ gaˬ dui dui-eu miˇ neh, kʼoeˇ loꞈ-ehˇ jahˇ nehˬ-eu gʼaˇ duˬ, ngaˬ-euˬ nui ma maˬ gʼaˬ leˇ nya.

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Dawˬmehˬ 32:25

Pu ka mi cehˇ guiˇ mˇ le-awˇ, shaˆ shiˇ nymˇ-ahˇ uˇ keuˆ le-awˇ, zaˬ miˬ zaˬ yo deuˬ bi sehꞈ-awˇ, tsawˇ mawˬ zaˬ nahˬ maˬ bi dzeuˇ-iˇ.