Ngoeˇ dawˬ 1:15 - Akha

¹⁵ “Gʼaˬ kʼaˆ-eu ngaˬ-euˬ yehˇ deuˬ-ahˇ, Sahˬpaˬ Miˬyehˇ naˬ gʼa haw-awˇ, guiˇ maꞈ tiˬ maꞈ pyehˬ gʼeh leꞈ-awˇ, zaˬ guˬ deuˬ-ahˇ bi sehꞈ-euˬ meh. Aˬ gaꞈ dzaˇ uiˇ nawˬ-eu loꞈ-ehˇ, Yuˇdaˆ miˇ kʼahˬ-euˬ miˬ daꞈ-ahˇ, Sahˬpaˬ Miˬyehˇ kʼehˬ nehˬ-euˬ meh.

Ngoeˇ dawˬ 1:15 ပူးပေါင်းရင်းမြစ်များ

2 Sahˬpaˬ 9:33

“Aˬ yawꞈ-ahˇ biˬ ka leꞈ-awˬ” lehˇ, aˬ yawꞈ maꞈ-ahˇ Yeˬhuˇ ehˇ nehˬ ngeh, aˬ yawꞈ maꞈ Yeˬsaˬbeˬlaˇ-ahˇ biˬ ka-awˇ, kaˇ pyawˇ hawˇ-eu mahˬ-ahˇ aˬ yawꞈ-euˬ shiˬ teuˆ lehꞈ-euˬ meh. Kʼoeˇ ngeh, Yeˬhuˇ mahˬ laˆ lawˬ teh-awˇ, aˬ yawꞈ-ahˇ lehˬ pyehˆ-euˬ meh.

Jaceuq 119:118

Nawˬ-euˬ zahˇ dawˬ kʼoꞈ dawˬ-ahˇ maˬ caw teh-eu deuˬ-ahˇ nawˇ byehˇ dzeh-awˇ, aˬ yawꞈ maꞈ-euˬ nui gʼoꞈ gaˇ dahˇ maˬ tsoeˬ leˇ-a.

Iˇsaˬyaˇ 28:18

Shiˇ-eu jeˬ nehˬ-ehˇ naw maꞈ saˇ jaˇ dzaˬ-euˬ cawˆ-iˇ-awˇ, shiˇ-eu miˇ kʼahˬ nehˬ-ehˇ ja tsaˬ taˬ-eu jeˬ pyaˆ-iˇ-eu miˇ neh, guˆ-eu gaˆ-eu jeˬ keuˆ le ngeh, naw maꞈ shaˬ zahˬ naꞈ tehꞈ-a.

Iˇsaˬyaˇ 41:2

“Guiˇ deuˆ gʼaˬ nya-eu gʼaˬ-ahˇ nahˇ ma doˆ kʼehˬ paw neh aˬ suˇ gʼaˬ neh sheuˬ ahˇ leꞈ-awˇ, guiˇ kʼaˇ deuˆ gaˇ gʼaˬ leˇ ni, aˬ suˇ gʼaˬ jahˇ nehˬ ta. Sahˬ paˬ hawˇ-eu miˇ kʼahˬ deuˬ-ahˇ aˬ yawꞈ gʼaˬ leˇ ni, aˬ suˇ gʼaˬ caw ba ta. Aˬ yawꞈ-euˬ mi cehˇ neh aˬ yawꞈ maꞈ-ahˇ, kʼaˬ lehˇ loꞈ-ehˇ byehˆ nmˆ nehˬ-awˇ, aˬ yawꞈ-euˬ kaˆ aˬ yawꞈ maꞈ-ahˇ, gʼoˆ yoeˬ jaˬ lehˇ baw byaˆ-eu loꞈ-ehˇ jahˇ nehˬ-euˬ meh.

Iˇsaˬyaˇ 5:5

Ngaˬ-euˬ aˬ gaꞈ yaˇ kmˇ-ahˇ ngaˇ jahˇ nehˬ-eu lehˇ gʼeh-eu gaˇ kawˆ, nymˬ-mˇ naw maꞈ-ahˇ ngaˇ ehˇ nehˬ nyaˇ. Aˬ gaꞈ baw duˆ mˇ lahˇ taˬ-euˬ pyaˆ dzeh nehˬ-awˇ, bawˇ tsahˬ jeˬ zaˬ neh bi dzaˬ jiˇ ma. Aˬ gaꞈ yaˇ kmˇ mˇ jawˬ taˬ-euˬ ngawˬ paˆ doˆ-awˇ, jeˬ zaˬ neh bi nawˬ byoˆ leꞈ ma.

Iˇsaˬyaˇ 63:3

Sahˬpaˬ Miˬyehˇ ehˇ kʼoꞈ-eu dawˬ heu loꞈ-ehˇ meh. “Miˇ kʼahˬ tsawˇ jeuˬ heu myaˆ ni-ahˇ, aˬ gaꞈ aˇ siˬ nawˬ-eu loꞈ-ehˇ, ngaˇ tiˬ gʼaˬ tehꞈ-ehˇ nawˬ-euˬ ma. Aˬ yawꞈ maꞈ-ahˇ nui ma pehˇ-awˇ nawˬ-euˬ miˇ neh, aˬ yawꞈ maꞈ-euˬ shiˬ teuˆ lehꞈ-awˇ, ngaˬ-euˬ mehˬ tsoeˬ neˇ tseuˆ ni gʼeh-eu meh.

Yeˬlaˬmiˇ 13:24

Kʼaˇ shuiꞈ deh ga paw neh oe-euˬ jaˬ lehˇ lehˇ ma, gʼo yoeˬ baw byoˆ gʼeh-eu loꞈ-ehˇ, Sahˬpaˬ Miˬyehˇ naw maꞈ-ahˇ byaˆ dzeh nehˬ tehꞈ-a.

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 18:21

Ehˇ kʼawꞈ, mehꞈ-eu shuꞈ-eu hawˇ-eu mi zaˬ mi cehˇ baˬ da, aˬ yawꞈ maꞈ-euˬ zaˬ deuˬ bi shiˇ jiˇ-awˬ. Kʼaˬ dzeˇ zaˬ deuˬ naˇ gawˇ gawˇ sehꞈ jiˇ-awˇ, zaˬ deuˬ mi zaˬ mi cehˇ laꞈ-ahˇ shiˇ-awˇ, zaˬ miˬ zaˬ deuˬ miˬ coeˬ bi coeˬ-iˇ-awˬ.

Yeˬlaˬmiˇ 37:10

Baˬbuˇloˬ guiˇ maꞈ deuˬ-ahˇ nawˇ deuˆ gʼaˬ-awˇ, bi deuˆ naˇ-euˬ tsawˇ haˬ deuˬ tehꞈ-ehˇ dzeuˇ-iˇ-awˇ sehˬ gʼawˆ laꞈ kʼoeˇ ga-eu kʼawꞈ, tsawˇ haˬ kʼoeˇ deuˬ paˇ tuˇ laˇ-awˇ, meuˬ heu meuˬ meuˬ lah-ehˇ kʼawˇ zeuˇ maˬ mawˇ laˇ-ehˇ pyeuꞈ-iˇ ni keuˬ puiˆ byoˆ leꞈ tehꞈ-a lehˇ ehˇ nehˬ-awˬ.”

Yeˬlaˬmiˇ 50:26

Yawˬ paw yawˬ coeˇ na luꞈ lehˬ hmˬ-awˇ, guiˇ deuˆ uˇ gʼeh-awˇ, cehˇ jeˬ hmˬ taˬ-euˬ jawˇ duˬ deuˬ ngawˬ pah dzeh jiˇ-awˇ, cehˇ pi cu taˬ-euˬ loꞈ-ehˇ, pyuˇ shuiˇ myawˬ gahˬ deuˬ yuˇ uiˬ geuꞈ-awˬ. Miˇ kʼahˬ kʼahˬ lah-ehˇ tiˬ jeˬ-iˬ maˬ bi jaˆ yaꞈ ni laˆ cawˆ nehˬ-awˬ.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Yeˬlaˬmiˇ 6:11

Sahˬpaˬ Miˬyehˇ nawˇ aˬ yawꞈ maꞈ-ahˇ nui ma pehˇ-eu jeˬ, ngaˬ-euˬ nui ma miˬ dzaˬ doꞈ-eu loꞈ-ehˇ, ngaˬ-ahˇ maˬ dzahˬ tehˬ coeˇ nya.” Sahˬpaˬ Miˬyehˇ ngaˬ-ahˇ ehˇ-eu, “Meuˬ-euˬ lehˆ kawˆ doe ni gʼa-eu zaˬ deuˬ hawˇ-eu, zaˬ guˬ deuˬ uiˬ leˇ bymˇ leˇ taˬ-euˬ gaˇ, ngaˬ-euˬ nui pehˇ shehˆ daˆ nehˬ-awˬ. Miˬ zaˬ yo zaˬ dawˬ tawˆ bi nyehꞈ byoˆ gʼeh jiˇ-awˇ, mawˬ dui dui-eu deuˬ kʼawꞈ maˬ dzeˇ yaꞈ ni pyeuꞈ-iˇ tehꞈ-a.

Ngoeˇ dawˬ 2:21

Tsawˇ mawˬ zaˬ guˬ tiˬ gaˇ shiˇ-awˇ, meuˬ-euˬ gʼahˇ ceh gaˇ ma doe ni, kʼaˬ lehˇ tsahˬ-ahˇ ga luꞈ-eu meh. Aˬ li zaˬ guˬ aˬ buˇ zaˬ guˬ, mi cehˇ neh bi sehꞈ dzeh-euˬ meh. Nawˬ-euˬ nui ma pehˇ laˇ ngeh nah, gʼawˬ shaˬ gaˬ-eu jeˬ maˬ ahˇ ni, aˬ yawꞈ maꞈ-ahˇ sehꞈ dzeh-euˬ meh.

Ngoeˇ dawˬ 3:34

Tsawˇ haˬ zaˬ-ahˇ nyehꞈ-awˇ paꞈ-awˇ, aˬ kuiˇ neh nawˬ tehˬ-eu tiˬ jeˬ,

Daˬyeˬlaˇ 3:13

Kʼoeˇ ngeh, sahˬ paˬ nui ma pehˇ laˇ-awˇ, tsawˇ haˬ kʼoeˇ smˇ gʼaˬ-ahˇ aˬ yawꞈ mehˬ shi bi sheuˬ laꞈ-eu gʼaˇ duˬ dawˬ biꞈ-euˬ meh.

Yawˇlaˆ 3:13

Aˬ yawꞈ maꞈ haiˬ dui dui-eu meh. Cehˇ yehˬ ngeh pyehˆ tsehˆ-eu loꞈ-ehˇ, aˬ yawꞈ maꞈ-ahˇ pyehˆ tsehˆ nehˬ-awˬ. Nawˬ kʼmˬ byah kʼaˇ yoeˇ kaˇ ngeh keuˆ, aˬ gaꞈ dzaˇ uiˇ lehˬ-eu loꞈ-ehˇ, aˬ yawꞈ maꞈ-ahˇ lehˬ pyehˆ nehˬ-awˬ.”

Miˇkaˬ 7:10

Aˬ dui-ahˇ Sahˬpaˬ Miˬyehˇ ka kʼoꞈ nehˬ laꞈ gaˇ ya mawˇ ngeh, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ kʼoeˇ gʼaˬ aˬ lehˬ” lehˇ ehˇ ehˇ-ehˇ naˬ gʼa-eu aˬ dui-ahˇ muiˇ-eu tsawˇ haˬ kʼoeˇ deuˬ, ya shaꞈ dawˇ tehꞈ-a. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, gaˇ ma-ahˇ jaˆ-eu shaˬ jehˆ loꞈ-ehˇ bi nawˬ pyehˆ gaˇ aˬ dui ya mawˇ tehꞈ-a.

Maˬlaˬkiˇ 4:3

Ngaˇ luˆ laˇ ngeh nah, maˬ tsaˬ maˬ dawˇ-eu tsawˇ haˬ deuˬ-ahˇ naw maꞈ gʼaˬ leˇ-awˇ, aˬ yawꞈ maꞈ-aˬ, naw maꞈ-euˬ aˬ kuiˇ pehˬ zaˬ uˬ moˆ jaˆ-eu kʼaˬ lehˇ-ahˇ duˇ tehꞈ-a.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Yaˇ kʼaˬ daˇ 10:8

Yawˇdaˬ lawˇ baˬ nahˇ ma doˆ kʼehˬ paw Giˇlaˆ miˇ kʼahˬ laꞈ kʼoeˇ jaˆ-eu Aˬmawˇliˆ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ deuˬ-ahˇ, tseˇ yehꞈ kʼoꞈ keuˆ ni aˬ yawꞈ maꞈ kʼehˬ nehˬ kʼaˆ nehˬ-euˬ meh.