Ngoeˇ dawˬ 1:12 - Akha

¹² “Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.

Ngoeˇ dawˬ 1:12 ပူးပေါင်းရင်းမြစ်များ

Jaceuq 88:16

Nawˇ nui ma pehˇ-eu jeˬ ngaˬ-ahˇ ciˬ tahˬ ci tuˆ laˇ-awˇ, nawˇ laˆ coeˬ laˆ ciˆ-eu baˬ da neh ngaˇ ya cawˆ-iˇ miˇ-a.

Iˇsaˬyaˇ 13:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, ngaˬ-euˬ nui ma bi mawˇ ngeh nah, mˬ-ahˇ sheu nyeh nehˬ-awˇ, miˇ tsaˬ tahˬ kʼawˇ jawˇ duˬ bi cehˆ paˇ ma.

Yeˬlaˬmiˇ 10:19

Yeˬluˇsaˬlehˬ meuˬ laꞈ kʼoeˇ jawˇ-eu deuˬ ngoeˇ-awˇ ehˇ-eu, “Nga maꞈ-ahˇ coeˬ dui dui laˇ nya. Nga maꞈ-euˬ naˇ gawˇ maˬ paˇ taˬ leˇ nya miˇ-a. Nga maꞈ maˬ daˬ coeˇ gaˇ keuˆ ni maˬ pyeuꞈ laˇ-aˇ lehˇ noeˬ-euˬ ma.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Yeˬlaˬmiˇ 30:23

Haw yawˬ. Sahˬpaˬ Miˬyehˇ nui ma pehˇ-eu mˬ jeˬ jaˬ lehˇ, miˬ dzaˬ loꞈ-ehˇ luˬ doˆ laˇ-awˇ, haiˬ-eu tsawˇ haˬ deuˬ-euˬ uˬ duˬ uˬ taˆ, jaˬ lehˇ lehˇ zeuˆ loꞈ-ehˇ keuˆ le tehꞈ-a.

Yeˬlaˬmiˇ 30:24

Sahˬpaˬ Miˬyehˇ-euˬ nui ma pehˇ-eu jeˬ, guˆ dui dui laˇ paˬ-ehˇ gʼeh-awˇ, nui kʼahˇ maˬ mˇ li kʼoeˇ keuˆ ni, nui pehˇ shuꞈ-iˇ-eu maˬ baw-a. Mehˬ hu paw dehꞈ gʼeh-eu aˇ yamˬ laꞈ kʼoeˇ, aˬ yawꞈ-euˬ tsawˇ haˬ deuˬ gaˇ kawˆ heu ya siˬ duˬ tehꞈ-a.

Yeˬlaˬmiˇ 30:7

Guˆ laˇ paˬ-ehˇ gʼeh-eu aˇ nah keuˆ le luꞈ meh. Ngaˬ-euˬ tsawˇ haˬ shaˬ zahˬ naꞈ dui dui-eu, aˇ nah kʼoeˇ-ahˇ duˇ-eu yawˬ nah yawˬ maˬ jaˆ-a. Ehˇ kʼawꞈ, aˬ yawꞈ maꞈ ya buˬ-iˇ tehꞈ-a.”

Yeˬlaˬmiˇ 4:8

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ, Yuˇdaˆ miˇ kʼahˬ-ahˇ maˬ byehˇ-eu miˇ neh, guˬ daˇ pehˇ zeuˇ mehˬ tsoeˬ dm-awˇ ngoeˇ dui dui-awˬ.

Yeˬlaˬmiˇ 48:27

Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Daˬyeˬlaˇ 9:12

Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Yawˇlaˆ 2:2

Aˇ nah kʼoeˇ nah zahˇ dui dui-awˇ, juˬ kʼoeˬ tmˬ-awˇ naˆ dui dui meh. Gawˬ jawˬ kʼaˬ naˆ naˆ-eu loꞈ-ehˇ, nyehˇ bahˇ baˬ maꞈ laˇ gʼeh laꞈ meh. Kʼoeˇ naˆ naˆ-ehˇ gʼeh-eu gaˇ kawˆ, aˇ hu keuˆ le-euˬ maˬ jaˆ-ehˇ, aˬ kaˇ maˬ paˇ keuˆ le haw-aˇ.

Maꞈtehˬ 24:21

Aˬ jeˬ miˇ neh ehˇ naˇ, kʼoeˇ ngeh poˆ keuˆ le-eu guˆ-eu gaˆ-eu jeˬ kʼoeˇ-aˬ, miˇ tsaˬ tahˬ kʼawˇ heu aˇ dahˬ beh ngeh neh kʼaˇ keuˆ le dzeuˇ yaꞈ-euˬ jeˬ hawˇ-eu, aˬ kaˇ kʼaˇ keuˆ le-eu jeˬ dawˬ tawˆ luꞈ naˆ maˬ tseˇ, guˆ dui dui laˇ paˬ-ehˇ gʼeh-eu meh.