Ngoeˇ dawˬ 1:1 - Akha

¹ Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Ngoeˇ dawˬ 1:1 ပူးပေါင်းရင်းမြစ်များ

1 Sahˬpaˬ 4:21

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ-ahˇ keuˆ ni hawˇ-eu , Iˇjiˇtuˆ miˇ kʼahˬ-euˬ miˇ kaˬ-ahˇ keuˆ ni kʼaˇ jaˆ-eu miˇ kʼahˬ dawˬ tawˆ luꞈ, Sawˇlaˬmoˬ-euˬ miˇ kʼahˬ pyeuꞈ-eu meh. Aˬ yawꞈ-euˬ tiˬ ziˇ, aˬ yawꞈ maꞈ aˬ yawꞈ-ahˇ kawˬ doˆ nehˬ-awˇ, aˬ yawꞈ uˆ lahˇ-eu uˬ moˆ jawˇ-euˬ meh.

2 Sahˬpaˬ 23:33

Aˬ yawꞈ-ahˇ Yuˇdaˆ sahˬ paˬ maˬ bi geuꞈ ni, Iˇjiˇtuˆ sahˬ paˬ Neˬkawˇ neh aˬ yawꞈ-ahˇ nyehꞈ-awˇ, Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ nyehꞈ lahˇ-awˇ, Yuˇdaˆ miˇ kʼahˬ-ahˇ pyuˇ nyiˬ heˇ jawꞈ-i hawˇ-eu, shuiˇ nyiˬ tseˇ jawꞈ-i taꞈ-euˬ meh.

2 Sahˬpaˬ 23:35

Sahˬ paˬ Yeˬhawˇyaˬkmˬ-aˬ, Iˇjiˇtuˆ sahˬ paˬ-ahˇ kawˬ doˆ nehˬ-eu gʼaˇ duˬ aˬ yawꞈ-euˬ miˇ kʼahˬ zaˬ deuˬ-ahˇ pyuˇ taꞈ ngeh, smˇ muiˬ muiˬ-eu deuˬ-ahˇ taꞈ myaˬ dzehˬ-awˇ, iˇ shaˬ shaˬ-eu deuˬ-ahˇ taꞈ cuiˆ dzehˬ-euˬ meh.

2 Laˬsaˬbaˬ 9:26

Uˇpaˬlaˇ lawˇ baˬ-ahˇ neh Piˇliˇtiˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ keuˆ ni jaˆ-eu miˇ kʼahˬ deuˬ-ahˇ uˆ lahˇ-eu sahˬ paˬ dawˬ tawˆ luꞈ kʼoeˇ taˆ, huiˬ dzehˬ-eu sahˬ paˬ-aˬ, Sawˇlaˬmoˬ pyeuꞈ-eu meh.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.

Neˬhaˬmiˇ 5:4

Tiˬ deuˬ na paˇ ehˇ-eu, “Sahˬ paˬ-ahˇ, deh yaˇ kawˬ hawˇ-eu aˬ gaꞈ yaˇ kmˇ kawˬ doˆ nehˬ-eu gʼaˇ duˬ, aˬ cawˬ-ahˇ pyuˇ shaˇ paˇ-euˬ ma.

Neˬhaˬmiˇ 9:37

Miˇ kʼahˬ heu kʼahˬ-ahˇ nga maꞈ kʼaˇ mˇ za-euˬ jeˬ, nga maꞈ iˬ baˇ mˇ-euˬ miˇ neh nga maꞈ kʼoeˇ taˆ nawˬ neh bi uˆ lahˇ-euˬ sahˬ paˬ deuˬ-euˬ laꞈ-ahˇ le jiˇ-euˬ meh. Nga maꞈ hawˇ-eu nga maꞈ-euˬ jeˬ zaˬ deuˬ-ahˇ, sahˬ paˬ kʼoeˇ deuˬ kʼaˇ jahˇ mawˬ-eu jahˇ-eu miˇ neh, nga maꞈ nui ma cawˆ dui dui-eu ma.”

Jaceuq 122:4

Sahˬpaˬ Miˬyehˇ-euˬ tsawˇ jeuˬ pyeuꞈ-eu, Iˇsaˬleˬlaˆ tsawˇ jeuˬ tsawˇ ca deuˬ heu gaˇ laˇ-awˇ, Sahˬpaˬ Miˬyehˇ neh ehˇ taˬ-euˬ dawˬ-ahˇ tsaˬ ni, aˬ yawꞈ-ahˇ ja ceuˬ laˇ-eu meh.

Iˇsaˬyaˇ 14:12

Shawˬ ga shawˬ muiˇ-ahˇ duˇ-eu Baˬbuˇloˬ sahˬ paˬ-oˇ, mˬ kʼoeˇ taˆ neh aˬ joˆ-ehˇ ga ka le teˬ. Dzeuˇ laˇ ngeh tsawˇ jeuˬ dawˬ tawˆ luꞈ kʼoeˇ taˆ nawˬ tehˬ-euˬ tsawˇ haˬ, aˬ joˆ-ehˇ miˇ tsaˬ kʼoeˇ taˆ bi biˬ ka teˬ.

Iˇsaˬyaˇ 22:2

Guˇ guˇ-ehˇ lawꞈ gʼa luꞈ-eu meuˬ-oˇ, bahˬ gʼa luiˬ gʼa luꞈ-eu meuˬ-oˇ, naw maꞈ tsawˇ haˬ mi cehˇ kʼehˬ-ahˇ shiˇ-euˬ maˬ ngeuˇ-a. guiˇ deuˆ-awˇ shiˇ-euˬ maˬ ngeuˇ-a.

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 49:21

Kʼoeˇ ngeh nawˇ yawˬ haˇ yawˬ ha heu loꞈ-ehˇ ehˇ tehꞈ-a. ‘Ngaˬ-euˬ gʼaˇ duˬ zaˬ heu deuˬ-ahˇ aˬ suˇ gʼaˬ neh puˬ byah taˬ ta. Ngaˬ-euˬ zaˬ deuˬ byoˆ-iˇ jiˇ-awˇ aˇ dzehˬ maˬ paˇ jawˇ ma. Ngaˬ-ahˇ aˬ cawˬ paꞈ-awˇ bi tsahˇ byoˆ gʼeh-euˬ ma. Zaˬ heu deuˬ-ahˇ aˬ suˇ gʼaˬ paˇ sheuˬ uiˬ laꞈ taˬ. Ngaˇ tiˬ gʼaˬ tehꞈ-ehˇ dzeˇ yaꞈ-euˬ maˬ ngeuˇ-a loˇ. Zaˬ heu deuˬ aˬ geu gaˇ paˇ doˆ le taˬ.’ ”

Iˇsaˬyaˇ 50:5

Sahˬpaˬ Miˬyehˇ ngaˬ-ahˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh. Aˬ yawꞈ-ahˇ ngaˇ maˬ puiˬ. Aˬ yawꞈ-ahˇ ngaˇ maˬ byehˇ.

Iˇsaˬyaˇ 52:2

Yeˬluˇsaˬlehˬ meuˬ-oˇ, kʼaˬ lehˇ byuˬ kʼaˇ dzeh-awˬ. Kʼaˬ lehˇ tsahˬ-ahˇ neh tuˇ laˇ-awˇ, dzoeˬ dzaˬ nuiˇ mahˬ kʼoeˇ taˆ nuiˇ-awˬ. Paꞈ tawꞈ taˬ-euˬ Ziˇoˬ meuˬ zaˬ deuˬ-oˇ, shmˇ caˆ tseuˆ puiˇ dzeh-awˬ.

Iˇsaˬyaˇ 52:7

Laˬ kʼaˬ cehˇ-eu guiˬ lahˬ dawˬ deuˬ hawˇ-eu, nui saˇ oꞈ-eu dawˬ deuˬ biꞈ le-eu lehˇ, gawˬ jawˬ nyiˬ tsehˆ-ehˇ oe luꞈ-eu, Miˬyehˇ neh kʼehˇ leꞈ-euˬ gʼaˬ-euˬ kuiˇ toꞈ, aˇ naˆ ni muiˬ-eu nga. Gʼaˬ leˇ-eu gaˇ kawˆ aˬ yawꞈ dawˬ dzawˇ mˇ le-awˇ, “Nawˬ-euˬ Miˬyehˇ sahˬ paˬ meh” lehˇ, Ziˇoˬ meuˬ-ahˇ tsaꞈ le-euˬ meh.

Iˇsaˬyaˇ 54:4

Maˬ guˆ ni jawˇ-awˬ. Nawˇ ya shaꞈ dawˇ-eu jeˬ maˬ paˇ jaˆ meh. Maˬ noeˬ shaˬ ni dehꞈ-awˬ. Nawˇ daˬ maˬ paˇ ga meh. Miˬ daꞈ daꞈ ngeh nawˇ ya shaꞈ dawˇ-euˬ jeˬ hawˇ-eu, miˬ coeˬ miˬ ma pyeuꞈ ngeh daˬ ga-euˬ jeˬ dawˬ tawˆ, ya ngehˇ byoˆ jiˇ tehꞈ-a.

Yeˬlaˬmiˇ 31:7

Sahˬpaˬ Miˬyehˇ heu loꞈ-ehˇ ehˇ-eu meh. “Dawˬ tawˆ kʼoeˇ taˆ huiˬ-eu tsawˇ jeuˬ pyeuꞈ-eu, Iˇsaˬleˬlaˆ gʼaˇ duˬ laˬ kʼaˬ cehˇ-eu caˇ dawˬ caˇ-awˬ. Sahˬpaˬ Miˬyehˇ aˬ yawꞈ-euˬ tsawˇ jeuˬ ka kʼoꞈ-awˇ, kʼaˇ dzeˇ luꞈ-eu deuˬ-ahˇ sheuˬ kʼoꞈ laꞈ-euˬ meh lehˇ, ja ceuˬ-eu caˇ dawˬ caˇ-awˬ.

Yeˬlaˬmiˇ 40:9

Aˬ yawꞈ maꞈ-ahˇ Geˬdaˬliˇ heu loꞈ-ehˇ ehˇ nehˬ-euˬ meh. “Naw maꞈ Baˬbuˇloˬ tsawˇ haˬ deuˬ-ahˇ guˆ-awˇ aˬ yawꞈ maꞈ jawˇ paw cehˆ uˇ leˇ-eu maˬ loˬ-a. Miˇ kʼahˬ heu kʼahˬ laꞈ kʼoeˇ jawˇ-awˇ, Baˬbuˇloˬ sahˬ paˬ-euˬ gaˇ mˇ-awˬ. Naw maꞈ yaw muiˬ-ehˇ ya dehꞈ ya jawˇ tehꞈ-a.

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Yeˬlaˬmiˇ 44:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ kʼoeˇ taˆ, ngaˬ neh bi keuˆ le-euˬ luˬ-iˇ seˇ-iˇ-eu jeˬ-ahˇ naw maꞈ ya mawˇ gʼaˬ-euˬ meh. Nymˬ-mˇ keuˆ ni meuˬ kʼoeˇ deuˬ yaw cawˆ-ehˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 44:6

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni, ngaˇ nui ma pehˇ dui dui-eu jeˬ tahˬ kʼaˇ daˆ nehˬ-awˇ, miˬ dzaˬ bi doˆ laˇ-euˬ ma. Meuˬ kʼoeˇ deuˬ cawˆ-iˇ jiˇ-awˇ, iˬ nah kʼaˇ ya mawˇ-eu loꞈ-ehˇ, guˆ laˇ paˬ-ehˇ pyeuꞈ-iˇ-euˬ meh.

Yeˬlaˬmiˇ 50:23

Baˬbuˇloˬ miˇ kʼahˬ-aˬ, miˇ tsaˬ dawˬ tawˆ luꞈ-ahˇ diˬ puˬ neh kʼoˆ meuˇ jiˇ-euˬ meh. Nymˬ-mˇ poˆ jawˇ diˬ puˬ kʼoeˇ kʼehꞈ-iˇ kʼoeˆ-iˇ-awˇ, miˇ kʼahˬ kʼoeˇ kʼahˬ kʼoeˇ taˆ kʼoeˇ loꞈ-ehˇ keuˆ le-euˬ gaˇ, tsawˇ jeuˬ dawˬ tawˆ luꞈ tsawˬ guˆ-iˇ-eu meh.

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Ngoeˇ dawˬ 1:19

“Nui ma gm-euˬ deuˬ-ahˇ kuˇ kʼawꞈ, ngaˬ-ahˇ byehˇ dzeh nehˬ laꞈ-euˬ meh. Piˇ ma deuˬ hawˇ-eu aˬ yuiꞈ deuˬ, yawˬ ha maˬ shiˇ tiˬ pyaˬ jeuˬ-awˇ, dzaˬ-eu dawˇ-eu jeˬ poˆ poˆ-ehˇ, meuˬ-euˬ laꞈ kʼoeˇ shiˇ jiˇ-euˬ meh.

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Ngoeˇ dawˬ 2:10

Ziˇoˬ meuˬ-euˬ tsawˇ mawˬ tsawˇ kʼaˆ, uˬ duˬ kʼaˬ lehˇ jehˆ daˆ taˬ-awˇ, guˬ daˇ pehˇ zeuˇ mehˬ tsoeˬ dm-awˇ, miˇ tsa ciˬ cuˇ ni dzuˇ-eu meh. Ziˇoˬ-euˬ aˬ buˇ miˬ daꞈ deuˬ, miˇ tsa uˬ duˬ tahˬ moꞈ-eu meh.

Ngoeˇ dawˬ 4:1

Yaw shehꞈ guiˇ nyiˬ ni bya-euˬ shuiˇ, yaw shehꞈ byoˆ-iˇ jiˇ shaw-euˬ meh. Muiˬ-eu shawˇ-eu kʼaˬ lo tsaˬ byaˆ, gaˇ ma doe ni ga luꞈ-eu meh.

Ngoeˇ dawˬ 5:16

Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Yeˬsaˬgeˬlaˇ 26:2

“Tsawˇ haˬ zaˬ-oˇ, Duˇlu meuˬ-ahˇ jawˇ-eu tsawˇ haˬ deuˬ laˬ kʼaˬ cehˇ-awˇ, heu loꞈ-ehˇ guˇ luꞈ meh. ‘Yeˬluˇsaˬlehˬ meuˬ pyaˆ-iˇ gʼaˬ meh. Aˬ yawꞈ jeˬ gaꞈ jeˬ ka maˬ paˇ gʼeh nya ehˇ, aˬ dui tehꞈ-ehˇ nui kʼahˇ tiˬ shiˇ ya gaꞈ ya ka-eu ngaˇ’ lehˇ guˇ luꞈ meh.

Yeˬsaˬgeˬlaˇ 5:5

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ haw sheˇ. Aˬ yawꞈ-ahˇ ngaˇ miˇ tsaˬ-euˬ gʼahˇ ceh bi jaˆ-awˇ, aˬ cawˬ miˇ kʼahˬ deuˬ aˬ yawꞈ-euˬ tiˬ jawˬ bi jaˆ-euˬ ma.

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Panmaeq 18:7

Aˬ yawꞈ yaw shehꞈ kʼahˬ sehˇ huiˬ-awˇ, byawˬ gʼa mo gʼa dehˆ-euˬ kʼoeˇ-ahˇ, shaˬ zahˬ gʼaˬ di di kʼoꞈ nehˬ-awˬ. ‘Sahˬ ma geuꞈ-awˇ ngaˇ nuiˇ luꞈ ma. Miˬ coeˬ miˬ ma pyeuꞈ-eu maˬ ngeuˇ. Shaˬ zahˬ tiˬ jawˇ-iˬ maˬ mˇ’lehˇ, aˬ yawꞈ ehˇ taˬ-euˬ jaˆ-eu meh.