Neˬhaˬmiˇ 9:17 - Akha

¹⁷ Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Neˬhaˬmiˇ 9:17 ပူးပေါင်းရင်းမြစ်များ

1 Sahˬpaˬ 6:13

Nawˇ tsoˆ luꞈ-eu Uˬ duˬ tahˬ nymˇ nymˇ ma heu nymˇ laꞈ kʼoeˇ, Iˇsaˬleˬlaˆ tsawˇ haˬ deuˬ nehˬ-ehˇ ngaˇ jawˇ-awˇ, aˬ yawꞈ maꞈ-ahˇ ngaˇ maˬ byehˇ dzeh.”

1 Sahˬpaˬ 8:57

Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ loꞈ-ehˇ, aˬ dui nehˬ-ehˇ kʼawꞈ jawˇ luꞈ-uˇ. Aˬ dui-ahˇ maˬ gʼawˬ-iˇ-eu uˬ taꞈ, aˬ dui-ahˇ maˬ byehˇ dzeh ni jawˇ luꞈ-uˇ.

2 Laˬsaˬbaˬ 36:13

Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.

Eˇzaˬlaˬ 9:9

Nga maꞈ aˬ cawˬ zaˬ kʼaˆ geuꞈ luꞈ kʼawꞈ, nawˇ nga maꞈ-ahˇ byehˇ dzeh-awˇ kʼoeˇ loꞈ-ehˇ tehꞈ-ehˇ maˬ bi dehꞈ laꞈ-aˬ. Paˇshaˇ sahˬ paˬ deuˬ nga maꞈ-ahˇ gʼawˬ shaˬ gaˬ-awˇ, cawˆ-iˇ taˬ-euˬ nawˬ-euˬ Uˬ duˬ tahˬ nymˇ nymˇ ma-ahˇ paˇ bi tsoˆ muiˬ leˇ nehˬ laꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ guˆ kʼaˇ maˬ za ni nga maꞈ ya dehꞈ ya jawˇ-eu gʼaˇ duˬ, aˬ yawꞈ maꞈ-euˬ nui ma-ahˇ nawˇ laˆ saˆ nehˬ-euˬ meh.

Neˬhaˬmiˇ 9:31

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, aˬ yawꞈ maꞈ-ahˇ nawˇ maˬ byehˇ dzeh-ehˇ, maˬ laˆ luˬ maˬ laˆ seˇ nehˬ-aˬ. Nawˇ-aˬ, gʼawˬ shaˬ gaˬ mya dui dui-eu Miˬyehˇ meh.

Jaceuq 106:13

Ehˇ kʼawꞈ, aˬ yawꞈ neh mˇ nehˬ-euˬ jeˬ-ahˇ, tiˬ kʼehˇ laˇ kʼehˬ laꞈ kʼoeˇ aˬ yawꞈ maꞈ ngehˇ jiˇ-awˇ, aˬ yawꞈ mehˬ nehˬ gaˇ maˬ dawˬ keuˆ ni dehꞈ-euˬ meh.

Jaceuq 106:7

Iˇjiˇtuˆ miˇ kʼahˬ-ahˇ jawˇ-euˬ nga maꞈ-euˬ aˬ poeˬ aˬ bawˇ deuˬ, Miˬyehˇ neh mˇ-euˬ kʼaˆ jeˬ-ehˇ gʼeh-eu jeˬ-ahˇ maˬ siˬ nya-a. Aˬ yawꞈ-euˬ gʼoeˇ-eu gaˬ-eu jeˬ tiˬ poˆ saˇ-iˬ tiˬ poˆ mehˬ nehˬ-euˬ gaˇ aˬ yawꞈ maꞈ ngehˇ-awˇ, Iˬ ma laˆ shaˆ yaw neˇ-euˬ lawˇ deh-ahˇ, Huiˬ dui mahˇ dui dui-eu Miˬyehˇ-ahˇ puiˬ-euˬ meh.

Jaceuq 130:4

Ehˇ kʼawꞈ nawˬ-euˬ mehˬ shi nga maꞈ guˆ-awˇ yawꞈ laˇ coeˇ ni, iˬ baˇ pyehˬ nehˬ laꞈ-awˬ.

Jaceuq 78:10

Miˬyehˇ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ maˬ ziꞈ-ehˇ, aˬ yawꞈ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-a.

Jaceuq 78:11

Aˬ yawꞈ neh mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu, aˬ yawꞈ neh mˇ-euˬ gaˇ deuˬ-ahˇ aˬ yawꞈ maꞈ ngehˇ-euˬ meh.

Jaceuq 78:38

Ehˇ kʼawꞈ, aˬ yawꞈ-euˬ tsawˇ haˬ deuˬ-ahˇ Miˬyehˇ gʼawˬ shaˬ gaˬ-awˇ, aˬ yawꞈ maꞈ-ahˇ iˬ baˇ pyehˬ nehˬ-eu laꞈ kʼoeˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ maˬ bi keuˆ le-a. Aˬ yawꞈ nui ma kʼaˇ pehˇ-eu loꞈ-ehˇ aˬ laꞈ maˬ bi keuˆ leˇ ni, gʼawˬ mya poˆ oˇ dzeuˇ nehˬ-euˬ meh.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Doˆ-iˇ 32:9

Tsawˇ haˬ heu deuˬ nui ma aˇ naˆ ni gʼahˇ-eu ngaˇ siˬ nya ma.

Dawqdaq 1:24

Naw maꞈ-ahˇ ngaˇ kuˇ kʼawꞈ, tiˬ gʼaˬ-iˬ maˬ naˇ haˬ nehˬ laꞈ-ehˇ, ngaˇ laꞈ liˆ liˆ gaˇ tiˬ gʼaˬ-iˬ maˬ haw cawˬ nehˬ laꞈ-eu uˬ taꞈ,

Yeˬlaˬmiˇ 18:15

Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Yeˬlaˬmiˇ 19:15

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ Miˬyehˇ-euˬ dawˬ heu deuˬ, aˬ yawꞈ maꞈ-ahˇ ngaˇ ehˇ nehˬ-euˬ ma. “Meuˬ heu meuˬ hawˇ-eu dawˬ peh jaˆ-eu meuˬ dawˬ tawˆ luꞈ kʼoeˇ taˆ, ngaˬ neh kʼaˇ ehˇ taˬ-euˬ kʼehˬ-eu kʼaˆ-eu jeˬ dawˬ tawˆ luꞈ ngaˇ bi keuˆ le ma. Aˬ jeˬ miˇ neh ehˇ naˇ, naw maꞈ nui ma gʼahˇ dui dui-awˇ, ngaˬ-euˬ dawˬ-ahˇ maˬ naˇ haˬ geuꞈ-a.”

Yeˬlaˬmiˇ 7:26

Ehˇ kʼawꞈ, tsawˇ haˬ tiˬ gʼaˬ-iˬ naˬ bawˇ gaˬ leˇ gaˇ maˬ duˇ-ehˇ, naw maꞈ-euˬ aˬ poeˬ aˬ bawˇ deuˬ naˆ maˬ tseˇ naw maꞈ nui ma gʼahˇ-awˇ, ngaˬ-ahˇ puiˬ mawꞈ-eu jeˬ aˇ dzehˬ dzeuˇ meh.

Yeˬsaˬgeˬlaˇ 5:6

Ehˇ kʼawꞈ, Yeˬluˇsaˬlehˬ ngaˬ-euˬ zahˇ dawˬ kʼoꞈ dawˬ-ahˇ puiˬ-awˇ, aˬ cawˬ tsawˇ jeuˬ naˆ maˬ tseˇ haiˬ-awˇ aˬ yawꞈ-euˬ tiˬ jawˬ jaˆ-eu miˇ kʼahˬ deuˬ naˆ maˬ tseˇ naˬ bawˇ tuˇ-eu gaˇ kawˆ bi siˬ bi mawˇ laꞈ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ byehˇ dzeh-awˇ, ngaˬ-euˬ zahˇ sahˇ kʼoꞈ-ahˇ aˬ yawꞈ maˬ caw teh-a.

Daˬyeˬlaˇ 9:9

Nga maꞈ nawˬ-ahˇ puiˬ-euˬ kʼawꞈ, nawˇ gʼawˬ shaˬ gaˬ-awˇ iˬ baˇ pyehˬ nehˬ laꞈ-euˬ meh.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.

Uˬ duˬ 26:44

Ehˇ kʼawꞈ, aˬ yawꞈ maꞈ-ahˇ muiˇ-eu deuˬ-euˬ miˇ kʼahˬ-ahˇ aˬ yawꞈ maꞈ jawˇ luꞈ ngeh, aˬ yawꞈ maꞈ-ahˇ byehˇ tsehˆ tsehˆ-awˇ, laˆ cawˆ byoˆ nehˬ-eu jeˬ ngaˇ maˬ mˇ. Kʼoeˇ loꞈ-ehˇ jahˇ naˇ, ngaˬ neh aˬ yawꞈ maꞈ nehˬ-ehˇ saˇ jaˇ dzaˬ taˬ-euˬ jeˬ aˇ saˬ saˬ gaˇ duˇ tehꞈ-a. Ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Bawˇtsahˬ 14:41

Ehˇ kʼawꞈ, Moˇseˬ ehˇ-eu, “Aˬ jeˬ miˇ neh Sahˬpaˬ Miˬyehˇ-euˬ ehˇ dawˬ-ahˇ nymˬ-mˇ poˆ kʼawꞈ naw maꞈ maˬ naˇ haˬ te. Naw maꞈ noeˬ-euˬ loꞈ-ehˇ maˬ mˇ pyeuꞈ nya-a.

Bawˇtsahˬ 16:14

Deh ma hawˇ-eu aˬ gaꞈ yaˇ kmˇ baw baw-ehˇ ya jawˇ-eu miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ, nga maꞈ-ahˇ nawˇ maˬ sheuˬ uˇ nehˬ laꞈ-eu uˬ taꞈ, nga maꞈ-ahˇ nawˇ mehˇ shuiˇ paˇ shuiˇ-eu lehˇ gʼeh-eu nga. Teu miˇ neh nga maꞈ maˬ laˇ.”

Gʼaˬkʼehˇ 7:39

“Ehˇ kʼawꞈ, aˬ dui-euˬ aˬ poeˬ aˬ bawˇ deuˬ aˬ yawꞈ-euˬ ehˇ dawˬ maˬ naˇ haˬ ni, aˬ yawꞈ-ahˇ dehˬ dzeh-awˇ, Iˇjiˇtuˆ miˇ kʼahˬ-ahˇ gʼoꞈ-iˇ mawꞈ-eu nui ma ahˇ-eu meh.

Lormav 9:15

Aˬ jeˬ miˇ neh ehˇ naˇ, “Ngaˇ gʼawˬ shaˬ gaˬ mawꞈ-eu tsawˇ haˬ-ahˇ gʼawˬ shaˬ gaˬ-awˇ, ngaˇ ngehˬ gʼeh nehˬ mawꞈ-eu tsawˇ haˬ-ahˇ ngehˬ gʼeh-eu ma” lehˇ, Moˇseˬ-ahˇ aˬ yawꞈ ehˇ nehˬ-euˬ meh.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

1 Saˬmeuˬlaˆ 12:22

Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.