Neˬhaˬmiˇ 6:19 - Akha

¹⁹ Tawˇbyaˬ neh mˇ-euˬ yaw muiˬ jeˬ gaˇ kawˆ ngaˬ-euˬ mehˬ shi aˬ cawˬ ja-awˇ, ngaˬ neh kʼaˇ ehˇ-euˬ jeˬ dawˬ tawˆ luꞈ Tawˇbyaˬ-ahˇ aˬ yawꞈ maꞈ dzawˇ nehˬ-iˇ-eu meh. Kʼoeˇ naˇ, aˬ yawꞈ ngaˬ-ahˇ laˆ guˆ-eu lehˇ sahˬ boꞈ boꞈ tehˇ tehˬ-eu meh.

Neˬhaˬmiˇ 6:19 ပူးပေါင်းရင်းမြစ်များ

Neˬhaˬmiˇ 6:13

Ngaˇ kʼoeˇ loꞈ-ehˇ mˇ-eu baˬ da neh iˬ baˇ doˆ laˇ-awˇ, ngaˬ-euˬ tsawˇ myahˇ cawˆ-iˇ-eu uˬ taꞈ shaꞈ dawˇ dui dui paˬ-ehˇ gʼeh-eu daˬ ga-eu jeˬ ngaˬ-euˬ kʼoeˇ taˆ keuˆ le ni, ngaˬ-ahˇ mehˇ shuiˇ bi shuiˇ-eu gʼaˇ duˬ, Sheˬmaˇyaˬ-ahˇ aˬ yawꞈ nyaꞈ kʼehˇ-euˬ meh.

Neˬhaˬmiˇ 6:18

Tawˇbyaˬ-euˬ aˬ mawˬ-aˬ Yuˇdaˆ tsawˇ jeuˬ Aˬlah-euˬ aˬ li Sheˬkaˬniˇ pyeuꞈ-eu miˇ neh, Yuˇdaˆ miˇ kʼahˬ zaˬ gʼawˬ mya ni Tawˇbyaˬ jawˇ paw nui ma ahˇ-eu meh. Kʼoeˇ uˬ taꞈ, aˬ yawꞈ-euˬ aˬ li Yeˬhawˇhaˬnaˬ-aˬ, Beˬleˬkiˇ-euˬ aˬ li Meˬshuˇlamˬ-euˬ aˬ buˇ-ahˇ sheuˬ-euˬ miˇ neh meh.

Neˬhaˬmiˇ 6:9

Aˬ yawꞈ maꞈ-aˬ, nga maꞈ-ahˇ ja guˆ-awˇ gaˇ maˬ mˇ ni bi byehˇ-eu lehˇ leh jeh luꞈ-eu meh. “Miˬyehˇ-oˇ, nymˬ-mˇ ngaˬ-ahˇ gʼaˬ biꞈ lahˬ laꞈ-awˬ” lehˇ, ngaˇ guiˬ lahˬ shaˇ-euˬ ma.

Neˬhaˬmiˇ 7:1

Nymˬ-mˇ poˆ jawˇ, meuˬ meuˬ lahˇ gawˬ muiˬ gʼaˬ-awˇ, lahˇ kʼehˬ laˇ gʼoˆ deuˬ kʼawꞈ jahˇ tsoꞈ gʼaˬ jiˇ-awˇ, Uˬ duˬ tahˬ nymˇ nymˇ ma-ahˇ loꞈ piˇ-eu deuˬ muiˬ-eu shawˇ-eu caˇ dawˬ caˇ-eu deuˬ hawˇ-eu, Leˬbiˇ tsawˇ haˬ nui deuˬ kʼawꞈ, yawˬ ha-euˬ gaˇ yawˬ ha mˇ luꞈ-eu meh.

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Yoˇhaˬ 15:19

Naw maꞈ miˇ tsaˬ heu-ahˇ taꞈ naˇ, miˇ tsaˬ heu naw maꞈ-ahˇ aˬ yawꞈ-euˬ zaˬ loꞈ-ehˇ gaˬ tehꞈ-a. Ehˇ kʼawꞈ, miˇ tsaˬ heu-euˬ laꞈ kʼoeˇ neh naw maꞈ-ahˇ ngaˇ tseˇ doˆ gʼaˬ-euˬ ma. Miˇ tsaˬ heu-ahˇ naw maꞈ maˬ paˇ taꞈ meh. Kʼoeˇ miˇ neh, miˇ tsaˬ zaˬ deuˬ naw maꞈ-ahˇ muiˇ-eu meh.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

1 Yoˇhaˬ 4:5

Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ miˇ tsaˬ heu-ahˇ taꞈ-eu gaˇ kawˆ ja gaˇ, miˇ tsaˬ zaˬ deuˬ naˇ haˬ geuꞈ-eu meh. Aˬ jeˬ miˇ neh ehˇ naˇ, aˬ yawꞈ maꞈ-aˬ, miˇtsaˬ heu-ahˇ taꞈ-eu tsawˇ haˬ deuˬ pyeuꞈ-eu meh.