Neˬhaˬmiˇ 13:17 - Akha

¹⁷ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ ngaˇ dehˬ-awˇ heu loꞈ-ehˇ ehˇ nehˬ-euˬ ma. “Naw maꞈ neh mˇ-euˬ maˬ muiˬ maˬ jaˬ-eu jeˬ-ahˇ haw sheˇ. Jawˇ nah-ahˇ maˬ muiˬ maˬ shawˇ ni naw maꞈ mˇ luꞈ-eu meh.

Neˬhaˬmiˇ 13:17 ပူးပေါင်းရင်းမြစ်များ

Neˬhaˬmiˇ 13:11

Uˬ duˬ tahˬ nymˇ nymˇ ma-ahˇ maˬ haw ni kʼoeˇ loꞈ-ehˇ byehˇ dzeh taˬ-euˬ miˇ neh, yaw huiˬ yaw mahˇ deuˬ-ahˇ ngaˇ dehˬ-awˇ, Leˬbiˇ tsawˇ haˬ deuˬ hawˇ-eu caˇ dawˬ caˇ-eu deuˬ-ahˇ Uˬ duˬ tahˬ nymˇ nymˇ ma-ahˇ paˇ sheuˬ kʼoꞈ laꞈ-awˇ, gaˇ bi mˇ-euˬ ma.

Neˬhaˬmiˇ 13:16

Duˇlu meuˬ-ahˇ jawˇ-euˬ tsawˇ haˬ tiˬ paˆ na deuˬ Yeˬluˇsaˬlehˬ meuˬ-ahˇ jawˇ luꞈ-awˇ, aˬ yawꞈ maꞈ ngaˬ shaˬ hawˇ-eu aˬ nah aˬ dzeˇ gʼawˬ mya jeˬ tawˬ laꞈ-awˇ, jawˇ nah-ahˇ nga maꞈ-euˬ tsawˇ haˬ deuˬ-ahˇ ahˬ nehˬ-eu lehˇ gʼeh-eu meh.

Neˬhaˬmiˇ 13:25

Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

Neˬhaˬmiˇ 5:7

Gaˇ kawˆ kʼoeˇ-ahˇ ngaˬ-euˬ nui ma laꞈ kʼoeˇ saˇ sawˇ haw-awˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ ngaˇ iˬ baˇ taˬ-awˇ, “Naw maꞈ, yawˬ ha tsawˇ jeuˬ kʼoeˇ taˆ kʼaˆ dzaˬ nga” lehˇ ehˇ nehˬ-euˬ ma. Gaˇ kawˆ kʼoeˇ hmˬ-ahˇ taꞈ leˇ-awˇ, tsawˇ haˬ dawˬ tawˆ luꞈ-ahˇ ngaˇ kuˇ uiˬ-eu laꞈ kʼoeˇ,

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Iˇsaˬyaˇ 1:10

Sawˇdoˬ meuˬ kʼoeˇ taˆ uˆ lahˇ-eu deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Gawˇmawˇlaˆ meuˬ-ahˇ jawˇ-eu tsawˇ haˬ deuˬ-oˇ, Miˬyehˇ mehˬ-eu tsoˆ-eu dawˬ-ahˇ naˬ bawˇ ciˬ kʼmˇ sheˇ.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Yeˬlaˬmiˇ 5:5

Aˬ yuiꞈ aˬ tsu geuꞈ luꞈ-eu deuˬ-ahˇ ngaˇ ngehˬ cawˬ-iˇ ma. Miˬyehˇ-euˬ zahˇ sahˇ kʼoꞈ hawˇ-eu aˬ yawꞈ-euˬ nui kʼahˇ-ahˇ, aˬ yawꞈ maꞈ siˬ nya-eu yaw duˬ baw meh.” Ehˇ kʼawꞈ aˬ yawꞈ maꞈ dawˬ tawˆ luꞈ gʼeh-awˇ, Sahˬpaˬ Miˬyehˇ uˆ lahˇ luꞈ-eu jeˬ-ahˇ puiˬ-awˇ, aˬ yawꞈ ehˇ dawˬ maˬ naˇ haˬ-a.

Yeˬsaˬgeˬlaˇ 20:13

Ehˇ kʼawꞈ, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ ngaˬ-ahˇ puiˬ-euˬ meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ puiˬ-awˇ, ngaˬ neh dawˬ biꞈ-euˬ gaˇ maˬ naˇ haˬ geuꞈ-a. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh. Jawˇ nah-ahˇ aˬ yawꞈ maꞈ laˆ jawꞈ-euˬ meh. Bawˇ tsahˬ bawˇ dahˇ kʼoeˇ tsahˇ-ahˇ, aˬ yawꞈ maꞈ-ahˇ ngaˬ-euˬ nui ma bi mawˇ-awˇ, laˆ cawˆ nehˬ ma lehˇ ngaˇ lehˬ hmˬ-euˬ ma.

Uˬ duˬ 19:17

“Aˬ cawˬ kʼoeˇ taˆ nui ma taˬ laˆ jaˆ. Ehˇ kʼawꞈ, aˬ cawˬ baˬ da neh yawˬ ha laꞈ kʼoeˇ iˬ baˇ maˬ ya doˆ laˇ ni, aˬ cawˬ nehˬ-ehˇ jahˇ tsaˬ geuꞈ-awˬ.

Miˇkaˬ 3:1

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-oˇ, ngaˇ ehˇ gaˇ naˇ haˬ sheˇ. Miˇ kʼahˬ zaˬ deuˬ yaw tsaˬ yaw dawˇ dawˇ-ehˇ dehꞈ ni naw maꞈ haw-eu tsaˬ meh.

Miˇkaˬ 3:9

Yaw tsaˬ yaw dawˇ jeˬ-ahˇ bye-awˇ, yaw tsaˬ jeˬ-ahˇ yaw lehˬ jeˬ laˆ pyeuꞈ-eu Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ.