Neˬhaˬmiˇ 10:38 - Akha

³⁸ Leˬbiˇ tsawˇ haˬ deuˬ tseˇ bymˇ tiˬ bymˇ taꞈ uiˬ gaˇ, Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ kʼawꞈ ya jawˇ-awˇ, Leˬbiˇ tsawˇ haˬ deuˬ-aˬ, aˬ yawꞈ maꞈ neh taꞈ uiˬ taˬ-euˬ tseˇ bymˇ tiˬ bymˇ laꞈ kʼoeˇ, Uˬ duˬ tahˬ nymˇ nymˇ ma gʼaˇ duˬ tseˇ bymˇ tiˬ bymˇ paˇ yuˇ doˆ-awˇ, Uˬ duˬ tahˬ nymˇ nymˇ ma-ahˇ jaˆ-eu myawˬ taˬ-eu lawˆ-ahˇ ya tawˬ taˬ leˇ meh.

Neˬhaˬmiˇ 10:38 ပူးပေါင်းရင်းမြစ်များ

1 Laˬsaˬbaˬ 9:26

Lahˇ kʼehˬ kʼoeˇ oeˬ kʼehˬ-ahˇ loꞈ-eu gaˇ-ahˇ taꞈ leˇ-awˇ, dawˬ tawˆ luꞈ kʼoeˇ taˆ huiˬ dzehˬ-eu oeˬ gʼaˬ-aˬ, Leˬbiˇ tsawˇ haˬ pyeuꞈ-awˇ, Uˬ duˬ tahˬ nymˇ nymˇ ma laꞈ kʼoeˇ jaˆ-eu aˇ lawˆ deuˬ hawˇ-eu, pyuˇ shuiˇ myawˬ gahˬ deuˬ-ahˇ kʼawꞈ ya haw piˇ-eu meh.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Uˬ duˬ 27:30

Dzaˬ la gʼo cehˇ maˬ ehˇ, aˇ siˬ aˇ lu maˬ ehˇ, miˇ tsaˬ-ahˇ kʼaˇ mˇ za-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ Sahˬpaˬ Miˬyehˇ-euˬ pyeuꞈ-eu meh.

Bawˇtsahˬ 15:19

Kʼoeˇ gaˇ kʼaˇ doˆ-eu dzaˬ-eu dawˇ-eu jeˬ naw maꞈ dzaˬ ngeh, dzaˬ-eu dawˇ-eu jeˬ kʼoeˇ ui cuiˆ yuˇ doˆ-awˇ Sahˬpaˬ Miˬyehˇ-ahˇ ya lawˇ meh.

Bawˇtsahˬ 15:21

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, naw maꞈ neh jahˇ-euˬ kaˬ muˇ Sahˬpaˬ Miˬyehˇ-ahˇ aˬ myah luꞈ kʼoeˇ loꞈ-ehˇ ya lawˇ meh.

Bawˇtsahˬ 18:21

Sahˬpaˬ Miˬyehˇ ehˇ-eu, “Leˬbiˇ tsawˇ haˬ deuˬ-ahˇ, Iˇsaˬleˬlaˆ tsawˇ haˬ deuˬ neh kʼaˇ yuˇ laꞈ-euˬ tseˇ bymˇ tiˬ bymˇ ngaˇ biꞈ-eu ma. Heu-aˬ, ngaˇ jawˇ-eu Sehˬ gʼawˆ laꞈ kʼoeˇ gaˇ mˇ-euˬ gʼaˬ gaˇ poeˬ pyeuꞈ-eu ma.

Bawˇtsahˬ 18:24

Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ neh yaw zawˇ muiˬ-eu damˬ-eu jeˬ loꞈ-ehˇ damˬ nehˬ laˇ-euˬ tseˇ bymˇ tiˬ bymˇ, aˬ yawꞈ maꞈ-ahˇ ngaˇ biꞈ nehˬ-eu ma. Kʼoeˇ miˇ neh, Iˇsaˬleˬlaˆ miˇ kʼahˬ laꞈ kʼoeˇ, aˬ yawꞈ maꞈ ya geuꞈ tsehˆ tsehˆ-eu jeˬ biˇ maˬ jaˆ-a lehˇ aˬ yawꞈ maꞈ-ahˇ ngaˇ ehˇ nehˬ-eu ma.”

Dawˬmehˬ 14:22

“Aˬ yawꞈ kʼoꞈ yawꞈ naw maꞈ neh kʼaˇ mˇ za-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ yuˇ doˆ taˬ-awˬ.