Neˬhaˬmiˇ 10:29 - Akha

²⁹ nga maꞈ-euˬ aˬ yuiꞈ aˬ tsu deuˬ nehˬ-ehˇ tiˬ kawˆ loꞈ-ehˇ heu loꞈ-ehˇ saˇ jaˇ dzaˬ-euˬ ma. Miˬyehˇ neh aˬ yawꞈ-euˬ zaˬ kʼaˆ Moˇseˬ-ahˇ gʼoe-awˇ biꞈ laꞈ-euˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ dehꞈ-eu gʼaˇ duˬ maˬ ehˇ, Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ jeˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ deuˬ hawˇ-eu zahˇ sahˇ kʼoꞈ deuˬ-ahˇ aˬ myah luꞈ caw teh-awˇ dehꞈ-eu gʼaˇ duˬ maˬ ehˇ, nga maꞈ saˇ jaˇ dzaˬ-awˇ, kʼoeˇ loꞈ-ehˇ maˬ mˇ naˇ, kʼehˬ-eu kʼaˆ-eu jeˬ nga maꞈ-euˬ kʼoeˇ taˆ bi keuˆ le ma lehˇ kamˬ tsehˆ-euˬ ma.

Neˬhaˬmiˇ 10:29 ပူးပေါင်းရင်းမြစ်များ

2 Sahˬpaˬ 10:31

Ehˇ kʼawꞈ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ Yeˬhuˇ yaw muiˬ paˬ-ehˇ maˬ caw teh-ehˇ, Iˇsaˬleˬlaˆ tsawˇ haˬ deuˬ iˬ baˇ mˇ ni sheuˬ gʼeh-euˬ gʼaˬ pyeuꞈ-eu Yeˬyawˇbamˬ-ahˇ aˬ yawꞈ dzaw geuꞈ-awˇ yaw dehꞈ dehꞈ-euˬ meh.

2 Sahˬpaˬ 23:3

Sahˬpaˬ Miˬyehˇ-euˬ ehˇ dawˬ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ daw hawˇ-eu aˬ yawꞈ neh mehˬ nehˬ tsoˆ nehˬ-euˬ dawˬ deuˬ-ahˇ, nui ma gʼawˇ mawˇ dawˬ tawˆ luꞈ caw teh-eu gʼaˇ duˬ maˬ ehˇ, sahˬ boꞈ paˇ dmˬ kʼoeˇ dmˬ laꞈ kʼoeˇ boꞈ taˬ-euˬ loꞈ-ehˇ, dawˬ ma saˇ jaˇ dzaˬ-euˬ dawˬ deuˬ-ahˇ maˬ gʼawˬ-iˇ ni dehꞈ gʼeh-eu gʼaˇ duˬ maˬ ehˇ, kʼawˇ zeuˇ dawˬ peh aˬ yawꞈ yawꞈ-awˇ saˇ jaˇ dzaˬ-euˬ meh. Tsawˇ haˬ dawˬ tawˆ luꞈ kʼawꞈ, dawˬ ma saˇ jaˇ-ahˇ caw teh-awˇ dehꞈ ma lehˇ saˇ jaˇ dzaˬ-euˬ meh.

1 Laˬsaˬbaˬ 9:2

Yawˬ ha-euˬ nymˇ dahˬ myawˬ gahˬ jaˆ-eu yawˬ ha-euˬ meuˬ deuˬ laꞈ kʼoeˇ gʼoꞈ jawˇ laˇ beh beh-euˬ deuˬ laꞈ kʼoeˇ, Iˇsaˬleˬlaˆ tsawˇ haˬ miˇ kʼahˬ zaˬ deuˬ, piˇ ma deuˬ, Leˬbiˇ tsawˇ haˬ deuˬ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ ahˇ-eu meh.

2 Laˬsaˬbaˬ 34:31

Sahˬpaˬ Miˬyehˇ-euˬ ehˇ dawˬ-ahˇ naˇ haˬ geuꞈ-eu gʼaˇ duˬ maˬ ehˇ, aˬ yawꞈ-euˬ zahˇ dawˬ kʼoꞈ dawˬ hawˇ-eu aˬ yawꞈ neh mehˬ nehˬ tsoˆ nehˬ-euˬ dawˬ deuˬ-ahˇ nui ma gʼawˇ mawˇ dawˬ tawˆ luꞈ caw teh-eu gʼaˇ duˬ maˬ ehˇ, sahˬ boꞈ paˇ dmˬ kʼoeˇ dmˬ boꞈ taˬ-euˬ loꞈ-ehˇ, dawˬ ma saˇ jaˇ dzaˬ taˬ-euˬ dawˬ deuˬ-ahˇ maˬ gʼawˬ-iˇ ni dehꞈ-eu jawˇ-eu gʼaˇ duˬ maˬ ehˇ, sahˬ paˬ-euˬ kʼawˇ zeuˇ dawˬ peh aˬ yawꞈ yawꞈ-awˇ saˇ jaˇ dzaˬ-euˬ meh.

2 Laˬsaˬbaˬ 6:16

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ zahˇ dawˬ kʼoꞈ dawˬ-ahˇ ngaˬ da yaw muiˬ paˬ-ehˇ caw teh-awˇ dehꞈ-euˬ loꞈ-ehˇ, aˬ yawꞈ-euˬ aˬ li deuˬ kʼawꞈ kʼoeˇ loꞈ-ehˇ dehꞈ naˇ, aˬ yawꞈ-euˬ zaˬ deuˬ uˆ deuˬ laꞈ kʼoeˇ Iˇsaˬleˬlaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-eu tiˬ gʼaˬ aˬ myah luꞈ doˆ laˇ tehꞈ-a lehˇ ngaˬ da-ahˇ nawˇ ehˇ nehˬ-awˇ saˇ jaˇ dzaˬ taˬ-euˬ dawˬ-ahˇ taˬ ngehˇ nehˬ laꞈ lehˇ, nymˬ-mˇ ngaˇ nawˬ-ahˇ shaˇ-eu ma.

Neˬhaˬmiˇ 13:25

Tsawˇ haˬ kʼoeˇ deuˬ-ahˇ ngaˇ dehˬ-awˇ, yaˬ kʼehˇ yaˬ-awˇ diˬ-euˬ uˬ taꞈ, uˬ duˬ tsehˇ kahˇ gʼawˇ doˆ nehˬ-euˬ ma. Kʼoeˇ naˇ, aˬ yawꞈ maꞈ maˬ ehˇ, aˬ yawꞈ maꞈ-euˬ zaˬ deuˬ maˬ ehˇ, aˬ cawˬ tsawˇ jeuˬ nehˬ-ehˇ maˬ paˇ bi sheuˬ dahˬ dzaˬ taꞈ ma lehˇ aˬ yawꞈ maꞈ-ahˇ Miˬyehˇ-euˬ tsawˇ myahˇ uˬ moꞈ saˇ jaˇ bi dzaˬ-euˬ ma.

Neˬhaˬmiˇ 7:46

Baˬbuˇloˬ miˇ kʼahˬ-ahˇ neh gʼoꞈ laˇ-euˬ Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu aˇ jeuˬ aˇ ca deuˬ-euˬ aˇ jeuˬ tsawˇ myahˇ-aˬ, heu loꞈ-ehˇ meh. Ziˇhaˬ, Haˬsuˇpaˬ, Taˬbaˬoˇ,

Neˬhaˬmiˇ 8:2

Kʼoeˇ miˇ neh, ba la shiꞈ siˬ tiˬ siˬ yaw beh nah-ahˇ, noeˬ siˬ nya laˇ-euˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ uiˬ leˇ taˬ-euˬ mehˬ shi, zahˇ dawˬ kʼoꞈ dawˬ sahˬ boꞈ kʼoeˇ dmˬ Eˇzaˬlaˬ yuˇ doˆ laꞈ-euˬ meh.

Neˬhaˬmiˇ 8:3

Meuˬ lahˇ gʼoˆ kʼehˬ dawˬ peh jaˆ-eu pu kaˬ kʼoeˇ tsahˇ-ahˇ, gʼoˆ shaw nya laˇ-euˬ deuˬ pyeuꞈ-eu kʼaˬ dzeˇ zaˬ, zaˬ miˬ zaˬ hawˇ-eu zaˬ deuˬ-ahˇ, uˬ bya bya laˇ ngeh neh nah loˆ ceh laˇ ngeh keuˆ ni aˬ yawꞈ gui mehˬ ngeh, aˬ yawꞈ maꞈ nui ma keuˆ-eu laꞈ kʼoeˇ naˇ haˬ luꞈ-eu meh.

Neˬhaˬmiˇ 9:2

Iˇsaˬleˬlaˆ zaˬ deuˬ uˆ deuˬ-aˬ, aˬ cawˬ tsawˇ jeuˬ dawˬ tawˆ luꞈ nehˬ-ehˇ dehꞈ gʼawˬ jawˇ gʼawˬ-awˇ, yawˬ ha-euˬ jawˇ duˬ-ahˇ yawꞈ-awˇ, yawˬ ha-euˬ iˬ baˇ hawˇ-eu aˬ yawꞈ maꞈ-euˬ aˬ poeˬ aˬ bawˇ deuˬ neh mˇ-euˬ yaw haiˬ jeˬ gʼaˇ duˬ iˬ baˇ shaˇ pyehˬ-euˬ meh.

Neˬhaˬmiˇ 9:38

Pyeuꞈ laˇ-euˬ gaˇ kawˆ kʼoeˇ deuˬ baˬ da neh, nga maꞈ Iˇsaˬleˬlaˆ tsawˇ haˬ deuˬ bawˬ tsehˆ biˇ tsehˆ-euˬ gaˇ kawˆ boꞈ doˆ-awˇ, nga maꞈ-euˬ aˬ yuiꞈ aˬ tsu deuˬ, Leˬbiˇ tsawˇ haˬ deuˬ hawˇ-eu piˇ ma deuˬ, aˬ yawꞈ maꞈ-euˬ jmˬ diˬ-euˬ meh.

Jaceuq 105:45

Aˬ yawꞈ-euˬ tsawˇ haˬ deuˬ aˬ yawꞈ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-awˇ, aˬ yawꞈ mehˬ nehˬ tsoˆ nehˬ-euˬ dawˬ-ahˇ ziꞈ ni, kʼoeˇ loꞈ-ehˇ jahˇ nehˬ-euˬ meh. Sahˬpaˬ Miˬyehˇ-ahˇ ja ceuˬ-awˬ.

Jaceuq 119:106

Nawˇ mehˬ-eu tsoˆ-eu yaw tsaˬ yaw dawˇ jeˬ-ahˇ naˇ haˬ geuꞈ-eu gʼaˇ duˬ, ngaˇ saˇ jaˇ ziꞈ dah ni dzaˬ-eu ma.

Jaceuq 8:1

SahˬpaˬMiˬyehˇ-oˇ, Nga maꞈ-euˬSahˬpaˬ Miˬyehˇ-oˇ. miˇtsaˬheu dawˬtawˆluꞈkʼoeˇtaˆ, nawˬ-euˬtsawˇmyahˇ aˇnaˆmuiˬnga. Nawˬ-ahˇciˬhuiˬciˬmahˇ-eu dawˬ, mˬ-ahˇgaˬkeuˆleˇngeh keuˆni,

Jaceuq 8:9

Sahˬpaˬ Miˬyehˇ-oˇ. Nga maꞈ-euˬ Sahˬpaˬ Miˬyehˇ-oˇ, nawˇhuiˬdui mahˇdui dui-eu gaˇ, miˬtsaˬdawˬtawˆya mawˇluꞈmeh.

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Yeˬlaˬmiˇ 26:4

“Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh. “Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ taˬ-euˬ jaˆ-eu ma. Ngaˬ neh naw maꞈ-ahˇ mehˬ nehˬ tsoˆ nehˬ taˬ-euˬ jeˬ mehˬ nah caw teh-awˇ, naw maꞈ jawˇ gaˇ maˬ tsehˆ leˇ ni pyehˬ gʼeh leꞈ-euˬ, Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ yaw zeu baw-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ ya naˇ haˬ geuꞈ meh lehˇ ehˇ taˬ-euˬ jaˆ-eu ma. Ehˇ kʼawꞈ, aˬ yawꞈ maꞈ neh ngehˬ-euˬ dawˬ-ahˇ naw maꞈ tiˬ jawˇ-iˬ maˬ naˇ haˬ-a.

Yeˬlaˬmiˇ 34:15

Dzeuˇ laˇ-euˬ heu myaˆ nah laꞈ kʼoeˇ, naw maꞈ nui ma noeˬ paˇ-awˇ, ngaˇ nui ma tsaˬ-eu jeˬ mˇ-euˬ meh. Yawˬ ha-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ zaˬ kʼaˆ deuˬ-ahˇ pyehˬ nehˬ ma lehˇ naw maꞈ nui ma tsaˬ-awˇ, ngaˬ-ahˇ uˬ duˬ tahˬ-eu Uˬ duˬ tahˬ nymˇ nymˇ ma laꞈ kʼoeˇ, ngaˬ-euˬ mehˬ shi naw maꞈ saˇ jaˇ dzaˬ-euˬ meh.

Yeˬsaˬgeˬlaˇ 36:27

Ngaˬ-euˬ yaw sahˇ naw maꞈ laꞈ kʼoeˇ bi jawˇ le-awˇ, ngaˬ-euˬ zahˇ dawˬ kʼoꞈ deuˬ hawˇ-eu ngaˬ neh biꞈ-euˬ dawˬ deuˬ-ahˇ naw maꞈ caw teh ni bi laˆ noeˬ ma.

Uˬ duˬ 20:26

Naw maꞈ-aˬ, ngaˬ-ahˇ tehꞈ-ehˇ taꞈ leˇ-eu muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, Sahˬpaˬ Miˬyehˇ pyeuꞈ-awˇ, yaw muiˬ yaw shawˇ ma. Naw maꞈ ngaˬ-ahˇ tehꞈ-ehˇ taꞈ-eu tsawˇ jeuˬ pyeuꞈ laˇ ni, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ ngaˇ tseˇ doˆ taˬ-euˬ ma.

Maˬlaˬkiˇ 4:4

“Iˇsaˬleˬlaˆ tsawˇ haˬ dawˬ tawˆ luꞈ bi naˇ haˬ geuꞈ-eu gʼaˇ duˬ, Siˇnaˆ gawˬ jawˬ-ahˇ ngaˬ-euˬ za kʼaˆ Moˇseˬ-ahˇ ngaˬ neh biꞈ-euˬ zahˇ dawˬ kʼoꞈ dawˬ pyeuꞈ-eu, Moˇseˬ neh mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ naw maꞈ taˬ ngehˇ.

Bawˇtsahˬ 5:21

nawˬ-euˬ tsawˇ haˬ deuˬ laꞈ kʼoeˇ nawˬ-euˬ tsawˇ myahˇ kʼoeˇ taˆ Sahˬpaˬ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ. Nawˬ-euˬ pyaˬ kaˬ liˬ-iˇ koˆ-iˇ-awˇ, nawˬ-euˬ uˬ maˆ puˬ laˇ-eu jeˬ nawˬ-euˬ kʼoeˇ taˆ Sahˬpaˬ Miˬyehˇ bi keuˆ le luꞈ-uˇ.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Yoˇhaˬ 7:19

Moˇseˬ neh naw maꞈ-ahˇ Zahˇ dawˬ kʼoꞈ dawˬ biꞈ yaꞈ-euˬ maˬ ngeuˇ-a loˇ. Ehˇ kʼawꞈ, naw maꞈ tiˬ gʼaˬ-iˬ Zahˇ dawˬ kʼoꞈ dawˬ-ahˇ maˬ caw teh-a. Aˬ jeˬ miˇ neh naw maꞈ ngaˬ-ahˇ sehꞈ-eu lehˇ leh jeh te.”

Gʼaˬkʼehˇ 11:23

Aˬ yawꞈ kʼoeˇ gaˇ le keuˆ-awˇ, Miˬyehˇ neh tsawˇ haˬ kʼoeˇ deuˬ-ahˇ guiˬ lahˬ biꞈ-euˬ gaˇ ya mawˇ ngeh, laˬ kʼaˬ cehˇ dui dui-eu laꞈ kʼoeˇ, Sahˬ paˬ Yeˬsuˇ-ahˇ nui ma laꞈ kʼoeˇ keuˆ ni saˇ jaˇ ziꞈ-eu gʼaˇ duˬ aˬ yawꞈ maꞈ dawˬ tawˆ luꞈ-ahˇ gʼaˬ biꞈ nehˬ-euˬ meh.

Gʼaˬkʼehˇ 17:34

Tsawˇ haˬ tiˬ paˆ na deuˬ aˬ yawꞈ nehˬ-ehˇ nui ma gm-awˇ jah-euˬ meh. Jah laˇ-euˬ tsawˇ haˬ kʼoeˇ deuˬ laꞈ kʼoeˇ, meuˬ kʼoeˇ meuˬ-ahˇ uˆ lahˇ-eu baꞈ dzah aˇ muˇ-ahˇ ahˇ-eu Daˬyawˇnaˬsiˇ hawˇ-eu Daˬmaˬliˇ lehˇ myahˇ-euˬ zaˬ miˬ zaˬ tiˬ gʼaˬ uˬ taꞈ, nui deuˬ kʼawꞈ ahˇ-eu meh.

Gʼaˬkʼehˇ 23:21

Ehˇ kʼawꞈ, aˬ yawꞈ maꞈ ehˇ gaˇ taˬ naˇ haˬ. Aˬ jeˬ miˇ neh ehˇ naˇ, tsawˇ haˬ oeˬ tseˇ gʼaˬ dzehˬ ni dzuˇ zaꞈ-awˇ loꞈ luꞈ-eu meh. Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ aˬ yawꞈ maꞈ saˇ jaˇ dzaˬ tsehˆ taˬ-euˬ meh. Nymˬ-mˇ aˬ yawꞈ maꞈ lehˬ hmˬ dah jiˇ taˬ-awˇ nawˬ neh ngehˬ tsehˆ ehˇ tsehˆ-euˬ dawˬ-ahˇ loꞈ luꞈ-eu tehꞈ meh.”

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

Dawˬmehˬ 33:4

Moˇseˬ neh aˬ dui-ahˇ biꞈ-euˬ, aˬ dui gʼaˇ duˬ poeˬ dui dui-eu, Zahˇ dawˬ kʼoꞈ dawˬ-ahˇ caw teh ma.

Dawˬmehˬ 5:1

Iˇsaˬleˬlaˆ tsawˇ haˬ dawˬ tawˆ luꞈ-ahˇ Moˇseˬ kuˇ uiˬ-awˇ ehˇ nehˬ-eu, “Iˇsaˬleˬlaˆ tsawˇ haˬ deuˬ-oˇ, iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ dawˬ tawˆ luꞈ-ahˇ naˇ haˬ-awˇ dzaw geuꞈ-eu laꞈ kʼoeˇ, yaw muiˬ paˬ-ehˇ caw teh-awˬ.

Dawˬmehˬ 5:32

“Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ, yawˬ jeˬ na luꞈ maˬ ngehˇ ni mˇ-awˬ. Aˬ yawꞈ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ ni tiˬ dawˬ-iˬ taˬ byehˇ.