Naˬhmˬ 3:15 - Akha

¹⁵ Nawˇ aˇ naˆ ni teuˆ dui dui kʼawꞈ, miˬ dzaˬ neh maˬ bi puiˆ sehꞈ naˇ, guiˇ deuˆ gaˇ bi deuˆ sehꞈ tehꞈ-a. Nyehˇ bahˇ sahˬ lahˬ teuꞈ-eu loꞈ-ehˇ, nawˬ-ahˇ teuꞈ cuˬ byoˆ jiˇ tehꞈ-a. Nyehˇ bahˇ loꞈ-ehˇ nawˇ behˇ laˇ-awˇ,

Naˬhmˬ 3:15 ပူးပေါင်းရင်းမြစ်များ

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Iˇsaˬyaˇ 66:16

Iˬ baˇ kʼaˇ ahˇ-eu miˇ tsaˬ zaˬ deuˬ-ahˇ, miˬ dzaˬ hawˇ-eu mi cehˇ neh kʼehˬ nehˬ-eu miˇ neh, tsawˇ haˬ gʼawˬ mya ni shiˇ tehꞈ-a.

Yeˬlaˬmiˇ 51:14

Sahˬpaˬ Miˬyehˇ neh heu loꞈ-ehˇ kamˬ tsehˆ taˬ-euˬ jaˆ meh. Baˬbuˇloˬ miˇ kʼahˬ-ahˇ nyehˇ bahˇ baˬ maꞈ loꞈ-ehˇ tsawˇ haˬ gʼawˬ mya ni guiˇ bi deuˆ le-awˇ, aˬ yawꞈ maꞈ guiˇ deuˆ gʼaˬ-awˇ guˇ-eu teˇ saˇ ya gaˬ tehꞈ-a.

Yawˇlaˆ 1:4

Myaˬ dui dui-eu nyehˇ bahˇ baˬ maꞈ, tiˬ maꞈ mehˬ nah tiˬ maꞈ oe-awˇ, tiˬ maꞈ neh maˬ dzaˬ jiˇ-euˬ jeˬ, tiˬ maꞈ paˇ teuꞈ byoˆ leꞈ-eu meh.

Yawˇlaˆ 2:25

Nyehˇ bahˇ baˬ maꞈ doˆ le ngeh kʼoꞈ, kʼaˇ dzaˬ cawˆ-euˬ jeˬ dawˬ tawˆ luꞈ, naw maꞈ-ahˇ ngaˇ tsoeˬ kʼoꞈ nehˬ ma. Nyehˇ bahˇ guiˇ maꞈ naw maꞈ jawˇ gaˇ pyehˬ leꞈ-euˬ yaw sahˇ gʼaˬ ngaˇ ma.

Aˬmoˆ 7:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-aˬ, yaw sahˇ laꞈ kʼoeˇ ngaˬ-ahˇ heu loꞈ-ehˇ bi mawˇ laꞈ-euˬ meh. Sahˬpaˬ-euˬ mahˬ dzaˇ yehˬ gʼaˬ-awˇ yaˇ moꞈ paˇ nmˬ doˆ laˇ-eu nehˬ-ehˇ, Sahˬpaˬ Miˬyehˇ nyehˇ bahˇ baˬ maꞈ beh gaˇ ngaˇ ya mawˇ-euˬ ma.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”

Naˬhmˬ 3:13

Nawˬ-euˬ yehˇ deuˬ nawˬ-euˬ mehˬ shi, zaˬ miˬ zaˬ loꞈ-ehˇ pyeuꞈ jiˇ-awˇ, miˇ kʼahˬ-ahˇ maˬ loꞈ piˇ nya-ehˇ, meuˬ-euˬ lahˇ kʼehˬ doˆ coˆ dahˇ-awˇ, lahˇ kʼehˬ gʼoˆ bahˬ gʼoˆ shoˆ dawˬ tawˆ, muiˇ-eu deuˬ dzah puiˆ dzeh tehꞈ-a.

Zeˬpaˬniˇ 2:13

Laꞈ taˆ paw aˬ laꞈ cawˬ ja-awˇ, Aˬsuˇliˆ meuˬ laˆ cawˆ tehꞈ-a. Niˇnaˬbeˬ meuˬ ciˬ cuˇ saˆ ni, kʼaˇ shuiꞈ deh ga pyeuꞈ-iˇ tehꞈ-a.