Naˬhmˬ 3:11 - Akha

¹¹ Niˇnaˬbeˬ nawˇ jiˇ baˬ yehꞈ-awˇ, nawˬ-ahˇ muiˇ-eu deuˬ maˬ mawˇ gaˇ, cehˆ zaꞈ-eu lehˇ leh jeh tehꞈ-a.

Naˬhmˬ 3:11 ပူးပေါင်းရင်းမြစ်များ

Jaceuq 75:8

Sahˬpaˬ Miˬyehˇ-euˬ aˬ laꞈ-ahˇ kʼmˬ maˬ tiˬ kʼmˬ ciˬ luꞈ-awˇ, aˬ yawꞈ-euˬ nui ma pehˇ-eu jeˬ pyeuꞈ-eu taˆ dui dui-eu aˬ gaꞈ dzaˇ uiˇ shehˆ ahˇ taˬ-euˬ meh. Aˬ gaꞈ dzaˇ uiˇ kʼoeˇ aˬ yawꞈ shehˆ kʼaˇ ngeh, haiˬ-eu tsawˇ haˬ dawˬ tawˆ luꞈ dawˇ-eu meh. Tiˬ dzaˆ-iˬ maˬ bi dzeˇ ni dawˇ jiˇ-eu meh.

Iˇsaˬyaˇ 2:10

Sahˬpaˬ Miˬyehˇ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo byoe doe ni cehˆ uˇ-awˇ, kʼaˬ lehˇ dawˬ dah siˇ byoˆ-awˬ.

Iˇsaˬyaˇ 2:19

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ-euˬ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ-eu lehˇ, tsawˇ haˬ zaˬ deuˬ lo byoe doe ni cehˆ uˇ-awˇ, duˬ kʼahˬ doe ni cehˆ zaꞈ tehꞈ-a.

Iˇsaˬyaˇ 29:9

Aˬ dzawˬ dzawˬ dzawˬ-ehˇ jawˇ-awˬ. Myaˆ behꞈ behꞈ behꞈ-ehˇ jawˇ-awˬ. Jiˇ baˬ maˬ dawˇ-euˬ gaˇ yehꞈ-awˇ, jiˇ huˬ maˬ shuˆ-euˬ gaˇ coˬ-awˬ.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 63:6

Nui ma pehˇ dui dui-eu miˇ neh, tsawˇ jeuˬ dawˬ tawˆ luꞈ-ahˇ nawˬ pyehˆ nehˬ-awˇ, aˬ yawꞈ maꞈ-euˬ saꞈ laˇ-euˬ shiˬ, miˇ tsaˬ-ahˇ bi yoeˇ kʼaˇ-euˬ ma.”

Yeˬlaˬmiˇ 4:5

Miˇ kʼahˬ doe ni daˇ heh baw-awˇ, yaw duˬ duˬ-ehˇ guˇ gaˬ nehˬ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-ahˇ, ziꞈ dah ni gʼeh-eu meuˬ deuˬ-ahˇ cehˆ uˇ leˇ-awˬ lehˇ guˇ nehˬ-awˬ.

Yeˬlaˬmiˇ 51:57

Aˬ yawꞈ maꞈ-euˬ sahˬ paˬ sahˬ ma hawˇ-eu, zaˬ siˬ tsawˇ gahˇ byah loꞈ-eu deuˬ, aˬ yuiꞈ aˬ tsu hawˇ-eu yehˇ deuˬ, jiˇ baˬ dawˇ yehꞈ ni ngaˇ jahˇ ma. Aˬ yawꞈ maꞈ yuꞈ kʼaˆ-awˇ maˬ paˇ noeˬ laˇ meh lehˇ, dzoeˬ dzaˬ sahˬ paˬ pyeuꞈ-eu ngaˇ ehˇ-eu ma. Ngaˇ-aˬ, Baoˬ huiˬ-eu Sahˬpaˬ Miˬyehˇ ma.

Yeˬlaˬmiˇ 8:14

Miˬyehˇ-euˬ tsawˇ haˬ deuˬ ehˇ-eu, “Aˬ jeˬ miˇ neh aˬ dui maꞈ dzuˇ dzuˇ-ehˇ jawˇ te. Ziꞈ dah ni gʼeh-eu meuˬ deuˬ-ahˇ cehˆ-awˇ, kʼoeˇ gaˇ shiˇ leˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ dui kʼoeˇ taˆ shiˇ-eu jeˬ bi keuˆ le-euˬ meh. Aˬ dui aˬ yawꞈ-ahˇ mˇ lehˬ-euˬ miˇ neh, aˬ dui-ahˇ dzaˇ doꞈ bi dawˇ laꞈ-euˬ meh.

Hawˇseˬ 10:8

Iˇsaˬleˬlaˆ uˬ duˬ tahˬ-euˬ, tahˬ pahˬ aˬ ma kʼoeˇ deuˬ jaˆ-eu, Aˬbehˇ meuˬ-euˬ gawˬ duˇ uˬ du, jaˆ-eu uˬ duˬ tahˬ nymˇ kʼoeˇ deuˬ, ya luˬ ya seˇ-iˇ jiˇ tehꞈ-a. Lawˇ duˬ kʼoeˇ deuˬ jaˆ-eu kʼoeˇ taˆ, aˬ gah baw duˆ uˆ byoˆ tehꞈ-a. “Nga maꞈ-ahˇ byaˆ tehˬ le-awˬ” lehˇ, gawˬ jawˬ-ahˇ aˬ yawꞈ maꞈ guˇ-awˇ, “Nga maꞈ-ahˇ pymˬ tehˬ le-awˬ” lehˇ, gawˬ duˇ-ahˇ yawꞈ maꞈ guˇ tehꞈ-a.

Aˬmoˆ 9:3

Gaˬlaˬmeˬlaˇ gawˬ jawˬ uˬ du aˬ yawꞈ maꞈ cehˆ zaꞈ leˇ kʼawꞈ, aˬ yawꞈ maꞈ-ahˇ ngaˇ poˆ mawˇ-awˇ nyehꞈ ma. Iˬ ma laˆ shaˆ dawˬ dah aˬ yawꞈ maꞈ cehˆ zaꞈ kʼawꞈ, iˬ ma laˆ shaˆ laꞈ kʼoeˇ uˇ-eu byaˆ yahˬ yahˬ ma kʼoeˇ mawˇ-ahˇ ngaˇ dawˬ biꞈ-awˇ, aˬ yawꞈ maꞈ-ahˇ bi kawꞈ ma.

Miˇkaˬ 7:17

Aˇ lawˇ loꞈ-ehˇ kʼaˬ lehˇ tsahˬ-ahˇ aˬ yawꞈ maꞈ joe tehꞈ-a. Aˬ yawꞈ maꞈ guˆ-awˇ yaw dzuˬ dzuˬ-eu laꞈ kʼoeˇ, ziꞈ dah ni gʼeh-eu aˬ yawꞈ maꞈ-euˬ taˆ nymˇ laꞈ kʼoeˇ neh doˆ le tehꞈ-a. Aˬ yawꞈ maꞈ guˆ dui dui-eu laꞈ kʼoeˇ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ ahˇ tahˬ shaˇ laˇ tehꞈ-a.

Naˬhmˬ 1:10

Aˬ gah gʼoˆ yoeˬ jehˆ bymˇ loꞈ-ehˇ, keuˬ dzeh gaˇ nawˇ ya daˬ tehꞈ-a.

Naˬhmˬ 2:1

Niˇnaˬbeˬ nawˇ ya cawˆ-iˇ meh. Nawˬ-ahˇ deuˆ-eu lehˇ oe luꞈ meh. Taˆ laꞈ kʼoeˇ tsawˇ haˬ bi jawˇ-awˬ. Gaˇ ma-ahˇ yaw muiˇ bi loꞈ-awˬ. Guiˇ deuˆ-eu lehˬ hmˬ dah taˬ-awˬ.

Luˇkaꞈ 23:30

Kʼoeˇ ngeh jawˇ, gawˬ jawˬ-ahˇ ‘Nga maꞈ kʼoeˇ taˆ byaˆ tehˬ leꞈ-awˬ’ lehˇ ya ehˇ-awˇ, gawˬ duˇ-ahˇ ‘Nga maꞈ kʼoeˇ taˆ pymˬ tehˬ leꞈ-awˬ’ lehˇ ya ehˇ gaˇ keuˆ tehꞈ-a.

1 Saˬmeuˬlaˆ 13:6

Kʼoeˇ naˇ, kʼaˆ dui dui-eu guiˇ maꞈ pyehˬ gʼeh-awˇ, Iˇsaˬleˬlaˆ tsawˇ haˬ deuˬ-ahˇ teh byaˆ jiˇ-euˬ meh. Iˇsaˬleˬlaˆ tsawˇ haˬ tiˬ paˆ na deuˬ-aˬ, lo kʼahˬ lo byoe doe ni maˬ ehˇ, lo guˇ uˬ gʼmˬ-ahˇ maˬ ehˇ, lo guˇ kʼahˬ naꞈ kʼaˇ jaˆ gaˇ maˬ ehˇ, dzuˇ zaꞈ luꞈ-eu meh.

1 Saˬmeuˬlaˆ 14:11

Kʼoeˇ naˇ, Piˇliˇtiˆ tsawˇ haˬ deuˬ-ahˇ aˬ yawꞈ nyaꞈ-euˬ gʼawˇ mawˇ bi mawˇ-euˬ meh. Kʼoeˇ ngeh, “Haw sheˇ. Heˬbyehˇ tsawˇ haˬ tiˬ paˆ na deuˬ lo kʼahˬ-ahˇ dzuˇ zaꞈ luꞈ-eu cehˆ doˆ laˇ ngaˇ” lehˇ, Piˇliˇtiˆ tsawˇ haˬ deuˬ ehˇ-eu meh.