Naˬhmˬ 3:10 - Akha

¹⁰ Ehˇ kʼawꞈ, aˬ yawꞈ-ahˇ paꞈ tawꞈ-awˇ, bi nyehꞈ byoˆ-euˬ maˬ ngeuˇ-a loˇ. Gaˇ gʼoꞈ gaˇ tsmˇ kʼaˇ tsmˇ le gaˇ, aˬ yawꞈ-euˬ zaˬ bi diˬ sehꞈ-awˇ, aˬ yuiꞈ aˬ tsu bi geuꞈ-euˬ deuˬ, tiˬ paw tiˬ gʼaˬ shmˇ caˆ paꞈ-awˇ, bi tsahˇ byoˆ-euˬ maˬ ngeuˇ-a loˇ.

Naˬhmˬ 3:10 ပူးပေါင်းရင်းမြစ်များ

2 Sahˬpaˬ 8:12

“Nawˇ aˬ jeˬ miˇ neh ngoeˇ te” lehˇ, Eˇliˇshehˇ-ahˇ Haˬzeˬlaˇ naˇ haˬ ngeh, Eˇliˇshehˇ ehˇ-eu, “Iˇsaˬleˬlaˆ tsawˇ haˬ deuˬ-ahˇ nawˇ yaw haiˬ jeˬ mˇ nehˬ tehꞈ-a lehˇ ngaˇ siˬ nya-eu miˇ neh ngoeˇ-eu ma. Aˬ yawꞈ maꞈ neh ziꞈ dah ni tsoˆ taˬ-euˬ nymˇ-ahˇ nawˇ miˬ dzaˬ dzah-awˇ, aˬ yawꞈ maꞈ-euˬ zaˬ guˬ deuˬ-ahˇ nawˇ deuˆ sehꞈ-eu uˬ taꞈ, aˬ yawꞈ maꞈ-euˬ zaˬ yaw nyiˇ deuˬ-ahˇ miˇ tsa ciˬ jeˬ nehˬ-awˇ, aˬ nyiˇ pi luꞈ-eu zaˬ miˬ zaˬ deuˬ-ahˇ uˬ maˆ ceuꞈ paˆ nehˬ tehꞈ-a.”

Yawˇbaˆ 6:27

Muˇ coe aˬ nmˇ zaˬ kʼaˆ deuˬ-ahˇ naw maꞈ kʼehˬ-awˇ, naw maꞈ-ahˇ gʼoeˇ-eu cawˬ deuˬ kʼoeˇ taˆ gahˇ dzaˬ-eu meh.

Jaceuq 137:8

Baˬbuˇloˬ meuˬ-oˇ, nawˇ ya luˬ ya seˇ-iˇ tehꞈ-a. Nawˬ neh nga maꞈ-ahˇ jahˇ nehˬ laꞈ-euˬ loꞈ-ehˇ, nawˬ-ahˇ paˇ jahˇ kʼoꞈ nehˬ-eu tsawˇ haˬ guiˬ lahˬ huiˬ tehꞈ-a.

Jaceuq 137:9

Nawˬ-euˬ zaˬ yaw nyiˇ deuˬ-ahˇ nyehꞈ-awˇ, kʼaˬ lo-ahˇ ciˬ jeˬ nehˬ-eu tsawˇ haˬ guiˬ lahˬ huiˬ tehꞈ-a.

Jaceuq 149:8

aˬ yawꞈ maꞈ-euˬ sahˬ paˬ-ahˇ paꞈ-awˇ aˬ yuiꞈ aˬ tsu deuˬ-ahˇ shmˇ caˆ paꞈ-eu gʼaˇ duˬ,

Iˇsaˬyaˇ 13:16

Aˬ yawꞈ maꞈ myaˆ mawˇ gaˇ, aˬ yawꞈ maꞈ-euˬ zaˬ bi biˬ pyehˆ jiˇ-awˇ, aˬ yawꞈ maꞈ-euˬ myawˬ gahˬ bi yuˇ geuꞈ-eu uˬ taꞈ, aˬ yawꞈ maꞈ-euˬ miˬ zaˬ deuˬ-ahˇ yehˬ bawˬ-ehˇ, jahˇ nehˬ tehꞈ-a.”

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 19:4

Gʼawˬ shaˬ gaˬ-eu maˬ siˬ nya-eu gʼaˬ-euˬ aˬ laꞈ laꞈ kʼoeˇ, Iˇjiˇtuˆ tsawˇ haˬ deuˬ-ahˇ ngaˇ a nehˬ-awˇ, guˆ dui dui laˇ paˬ-ehˇ gʼeh-eu sahˬ paˬ, aˬ yawꞈ maꞈ-ahˇ bi uˆ lahˇ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 20:4

Miˇ kʼahˬ kʼoeˇ nyiˬ kʼahˬ laꞈ kʼoeˇ Aˬshuˇliˆ sahˬ paˬ neh kʼaˇ bi nyehꞈ-euˬ tsawˇ haˬ deuˬ, neˇ myawˆ ni bi sheuˬ byoˆ gʼeh tehꞈ-a. Zaˬ guˬ tsawˇ kʼaˆ maˬ ehˇ, mehˬ tsoeˬ maˬ dm sehˬ nawˆ maˬ nawˬ ni, dawˬ kʼmˬ mawˇ laˇ mawˇ laˇ-ehˇ ya cah-eu miˇ neh, Iˇjiˇtuˆ miˇ kʼahˬ kʼoeˇ taˆ shaꞈ dawˇ dui dui-eu jeˬ keuˆ le tehꞈ-a.

Ngoeˇ dawˬ 2:19

Uˬ ciꞈ miˇ lah ni toˇ toˇ-ehˇ, Sahˬpaˬ Miˬyehˇ-ahˇ guˇ gaˬ-awˬ. Meuˬ-euˬ gʼahˇ ceh gaˇ ma doe ni, mehꞈ-eu shuꞈ-eu shiˇ leˇ luꞈ-eu, nawˬ-euˬ aˬ buˇ aˬ li deuˬ-ahˇ, Sahˬpaˬ Miˬyehˇ gʼawˬ shaˬ gaˬ ni, nawˬ-euˬ nui ma tahˬ kʼaˇ nehˬ-awˬ.

Ngoeˇ dawˬ 4:1

Yaw shehꞈ guiˇ nyiˬ ni bya-euˬ shuiˇ, yaw shehꞈ byoˆ-iˇ jiˇ shaw-euˬ meh. Muiˬ-eu shawˇ-eu kʼaˬ lo tsaˬ byaˆ, gaˇ ma doe ni ga luꞈ-eu meh.

Yeˬsaˬgeˬlaˇ 29:7

Aˬ yawꞈ maꞈ nawˬ-ahˇ kʼawˬ daˇ ngeh, nawˇ kʼehꞈ-iˇ-awˇ, aˬ yawꞈ maꞈ-euˬ dahˇ teˇ-ahˇ tsawˆ leˇ-awˇ, mˇ yeuꞈ mˇ yeuꞈ-ehˇ bi shaˬ-eu meh.

Hawˇseˬ 13:16

Ngaˬ-ahˇ puiˬ-euˬ jeˬ baˬ da neh, Saˬmaˬliˆ meuˬ-ahˇ ya kʼehˬ meh. Meuˬ laꞈ kʼoeˇ jawˇ-eu tsawˇ haˬ deuˬ, guiˇ deuˆ luꞈ ngeh bi deuˆ sehꞈ-awˇ, zaˬ nahˬ yaw nyiˇ deuˬ-ahˇ keuˆ ni, miˇ tsa dawˬ duˆ ka sehꞈ nehˬ-awˇ, aˬ nyiˇ pi-eu aˬ ma deuˬ-ahˇ, uˬ maˆ ceuꞈ paˆ nehˬ yaꞈ tehꞈ-a.”

Yawˇlaˆ 3:3

Ngaˬ-euˬ tsawˇ haˬ nyehꞈ mi taˬ-euˬ, shehˆ tsaˬ tsaˬ-awˇ biˇ geuꞈ-euˬ meh. Nyehꞈ taˬ-euˬ aˬ buˇ aˬ li deuˬ, zaˬ kʼaˆ zeuˇ laˇ gaˇ ahˬ dzaˬ-awˇ, za-euˬ pyuˇ neh jiˇ baˬ dawˇ-awˇ, meh maˬ laˇ-ahˇ byawˬ gʼa-euˬ meh.

Aˬmoˆ 1:13

Sahˬpaˬ Miˬyehˇ ehˇ-eu, “Aˬmoˬ tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ miˇ kʼahˬ bi jeˇ laˇ-eu lehˇ aˬ yawꞈ maꞈ guiˇ deuˆ ngeh, Giˇlaˆ miˇ kʼahˬ-ahˇ jawˇ-eu aˬ nyiˇ pi luꞈ-eu zaˬ miˬ zaˬ deuˬ-euˬ uˬ maˆ tsawˆ paˆ nehˬ-euˬ meh.

Aaˇbaˬdiˇ 1:11

Muiˇ-eu deuˬ Yeˬluˇsaˬlehˬ-euˬ, meuˬ lahˇ laˇ gʼoˆ deh pyaˆ ngeh nah, nawˇ yahˇ pawˇ-awˇ yawꞈ luꞈ-eu meh. Yeˬluˇsaˬlehˬ meuˬ-euˬ myawˬ gahˬ, baꞈ doˆ gʼeh-awˇ biˇ geuꞈ jiˇ-euˬ, boeˇ miˬ siˬ kʼaˬ kʼoeˇ deuˬ loꞈ-ehˇ, nawˇ kʼawꞈ doeˇ dui dui-eu gʼaˬ meh.