Naˬhmˬ 2:8 - Akha

⁸ Iˇ tsahˇ daˬ paˆ doˆ-euˬ loꞈ-ehˇ, Niˇnaˬbeˬ tsawˇ haˬ teuˆ byaˆ-awˇ, “Taˬ cehˆ. Taˬ cehˆ” lehˇ guˇ nehˬ kʼawꞈ, tiˬ gʼaˬ-iˬ maˬ ciˬ pyawˇ haw-aˇ.

Naˬhmˬ 2:8 ပူးပေါင်းရင်းမြစ်များ

Aˇ dahˬ 10:11

Kʼoeˇ gaˇ neh naˇ, Aˬshuˇliˆ miˇ kʼahˬ paw aˬ yawꞈ le-awˇ, Niˇnaˬbeˬ meuˬ, Leˬhawˇboˆiˇyaˆ meuˬ, Kaˬlaˬ meuˬ,

Iˇsaˬyaˇ 13:14

“Baˬbuˇloˬ miˇ kʼahˬ-ahˇ jawˇ-eu aˬ cawˬ tsawˇ jeuˬ deuˬ, ciˇ haˬ beuˆ lehˬ-awˇ bi cehˆ-euˬ loꞈ-ehˇ, bo-eu gʼaˬ maˬ jawˇ-ehˇ cehˆ-eu yawˇ maꞈ loꞈ-ehˇ, yawˬ ha miˇ kʼahˬ kʼaˇ jaˆ-eu paw cehˆ gʼoꞈ tehꞈ-a.

Iˇsaˬyaˇ 38:14

Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Iˇsaˬyaˇ 47:13

Nawˬ-ahˇ nui noeˬ nui duˇ biꞈ-eu jawˇ kʼawꞈ, nawˇ gʼaˬ tiˬ pawꞈ-iˬ maˬ ahˇ-a. Ja maw nya-eu deuˬ mehˬ shi kuˇ doˆ-awˇ, nawˬ-ahˇ bi ka kʼoꞈ-awˬ. Aˬ guiˇ gaˇ kawˆ dzaw nya taˬ-awˇ, mˬ-ahˇ daˇ dza dehˬ jiˇ nya-eu, ba la aˬ yawꞈ siˬ yawꞈ kʼaˇ pyeuꞈ laˇ-eu gaˇ kawˆ, nawˬ-ahˇ ehˇ mehˬ nya-eu tsawˇ haˬ kʼoeˇ deuˬ, nawˬ-ahˇ bi ka kʼoꞈ-awˬ.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Iˇsaˬyaˇ 59:11

Nga maꞈ guˆ-awˇ nui ma cawˆ luꞈ-eu ma. Kʼehˬ-eu kʼaˆ-eu jeˬ hawˇ-eu yaw lehˬ jeˬ laꞈ kʼoeˇ, Miˬyehˇ ka kʼoꞈ le gaˇ loꞈ kʼawꞈ, keuˆ le-eu maˬ baw-a.

Yeˬlaˬmiˇ 46:5

Sahˬpaˬ Miˬyehˇ heu loꞈ-ehˇ ehˇ-eu, “Ehˇ kʼawꞈ, ngaˇ heu loꞈ-ehˇ ya mawˇ-euˬ ma. Aˬ yawꞈ maꞈ guˆ-awˇ cehˆ gʼoꞈ leꞈ-euˬ meh. Aˬ yawꞈ maꞈ-euˬ yehˇ deuˬ bi deuˆ gʼaˬ-awˇ, laˇ baˇ-iˇ-euˬ miˇ neh nahˇ gʼoꞈ maˬ gʼoꞈ haw ni, cehˆ coeˬ coeˬ doˇ kʼoꞈ leꞈ-eu meh.

Yeˬlaˬmiˇ 47:3

Mahˬ pyehˬ oe-eu teˇ saˇ maˬ ehˇ, mahˬ laˆ lawˬ oe luꞈ-eu teˇ saˇ maˬ ehˇ, laˆ lawˬ aˇ beuˆ gahˇ-eu teˇ saˇ maˬ ehˇ, teu jeˬ heu jeˬ maˬ siˬ laˇ ni gaˬ le tehꞈ-a. Aˬ da zaˬ-ahˇ ngehˬ maˬ gʼeh nehˬ nya ni, aˬ laꞈ laꞈ shiˇ shiˇ jiˇ tehꞈ-a.

Yeˬlaˬmiˇ 50:16

Miˇ kʼahˬ kʼoeˇ kʼahˬ laꞈ kʼoeˇ siˬ yoeˬ sehˬ-awˇ cehˇ yehˬ dzaˬ-eu jeˬ bi byoˆ tsehˆ-awˬ. Kʼoeˇ gaˇ kʼaˇ jawˇ-eu aˬ cawˬ tsawˇ jeuˬ dawˬ tawˆ luꞈ, guiˇ deuˆ le-euˬ guiˇ maꞈ kʼoeˇ deuˬ-ahˇ guˆ-iˇ-awˇ, yawˬ ha-euˬ miˇ kʼahˬ-ahˇ gʼoꞈ-iˇ jiˇ tehꞈ-a.”

Yeˬlaˬmiˇ 51:13

Miˇ kʼahˬ kʼoeˇ kʼahˬ lawˇ baˬ gʼawˬ mya gawˆ yoeˇ-awˇ, pyuˇ shuiˇ myawˬ gahˬ gʼawˬ mya ni jaˆ kʼawꞈ, aˬ yawꞈ-euˬ aˇ yamˬ jiˇ le-awˇ, shaꞈ gʼawˇ caˆ tsehˆ-iˇ-euˬ gaˇ duˇ-eu meh.

Yeˬlaˬmiˇ 51:30

Baˬbuˇloˬ yehˇ deuˬ guiˇ maˬ deuˆ ni naˬ leˇ-awˇ, aˬ yawꞈ maꞈ-euˬ taˆ laꞈ kʼoeˇ uˇ luꞈ-eu meh. Aˬ yawꞈ maꞈ nui ma baˬ dui dui-iˇ-awˇ, zaˬ miˬ zaˬ loꞈ-ehˇ pyeuꞈ laˇ taˬ-euˬ meh. Meuˬ lahˇ laˇ gʼoˆ deuˬ pyaˆ-iˇ jiˇ-awˇ, nymˇ deuˬ miˬ dzaˬ puiˆ luꞈ-eu meh.

Naˬhmˬ 1:1

Heu-aˬ, Eˇlaˬkawˇshaˆ meuˬ-ahˇ jawˇ-eu Naˬhmˬ neh, Niˇnaˬbeˬ meuˬ gaˇ kawˆ yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu meh.

Naˬhmˬ 3:17

Nawˬ-euˬ yaw huiˬ yaw mahˇ deuˬ-aˬ, yaw gaˆ gaˆ-eu aˇ nah tiˬ nah, kaˇ pyawˇ-ahˇ dawꞈ uiˬ laˇ taˬ-euˬ, nyehˇ bahˇ baˬ maꞈ-ahˇ duˇ-eu meh. Ehˇ kʼawꞈ nahˇ tsaˇ tsoꞈ laˇ ngeh nah, aˬ yawꞈ maꞈ zaw byoˆ jiˇ gʼeh-awˇ, iˇ zaˇ laˇ zaˇ maˬ paˇ siˬ meh.

Panmaeq 17:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, naˬ bo shiꞈ bo ahˇ-eu gʼaˬ ngaˇ jawˇ gaˇ oe-awˇ heu loꞈ-ehˇ ehˇ-eu meh. “Oe-awˬ, lawˇ baˬ baˬ ma gʼawˬ mya gawˆ dawˬ peh jaˆ-eu meuˬ meuˬ ma pyeuꞈ-eu tsawˇ myahˇ doˆ-eu meh maˬ laˇ kʼoeˇ gʼaˬ kʼehˬ-eu kʼaˆ-eu jeˬ-ahˇ aˬ joˆ-ehˇ ya daˬ gaˇ ngaˇ nawˬ-ahˇ sheuˬ mehˬ-iˇ nyaˇ.

Panmaeq 17:15

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ heu loꞈ-ehˇ paˇ ehˇ-eu meh. “Nawˬ neh ya mawˇ-euˬ meh maˬ laˇ kʼoeˇ gʼaˬ nuiˇ luꞈ-eu iˇ cuꞈ kʼoeˇ deuˬ-aˬ, miˇ tsaˬ tsawˇ jeuˬ tsawˇ ca deuˬ pyeuꞈ-eu meh.