Naˬhmˬ 2:11 - Akha

¹¹ Aˇ hu Niˇnaˬbeˬ meuˬ heu meuˬ, aˇ laˬ jaˬ shiˇ byoe-ahˇ duˇ meh. Aˇ laˬ jaˬ shiˇ aˬ buˬ aˬ ma, aˇ mah kaˬ gaˇ gaˆ byoˆ gʼeh kʼawꞈ, zaˬ deuˬ maˬ byoˆ maˬ laˆ-iˇ ni, bo huiˬ cu huiˬ nehˬ nya-euˬ meh.

Naˬhmˬ 2:11 ပူးပေါင်းရင်းမြစ်များ

Aˇ dahˬ 49:9

Yuˇdaˆ-aˬ, aˇ laˬ jaˬ shiˇ-ahˇ duˇ-eu meh. Aˬ cawˬ-ahˇ kawꞈ sehꞈ dzaˬ gʼaˬ-awˇ, yawˬ ha-euˬ lo kʼahˬ-ahˇ paˇ gʼoꞈ yuꞈ laˇ-eu meh. Kʼaˇ cah mawꞈ gaˇ cah-awˇ, kʼaˇ yuꞈ mawꞈ gaˇ yuꞈ kʼawꞈ, aˬ yawꞈ-ahˇ tiˬ gʼaˬ-iˬ maˬ laˆ ciˆ peuˬ-a.

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Iˇsaˬyaˇ 31:4

Sahˬpaˬ Miˬyehˇ ngaˬ-ahˇ ehˇ-eu, “Yawˇ bo-eu deuˬ aˇ naˆ guˇ kʼawꞈ, yawˇ kawꞈ sehꞈ-eu aˇ laˬ jaˬ shiˇ, maˬ luˆ laˇ ni jawˇ-eu loꞈ-ehˇ, Ziˇoˬ gawˬ jawˬ-ahˇ haw piˇ-eu, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ tiˬ jeˬ-iˬ maˬ teh luˆ nya-a.

Iˇsaˬyaˇ 5:29

Aˬ yawꞈ maꞈ lmˬ-eu teˇ saˇ, aˇ laˬ jaˬ shiˇ jeˬ zaˬ baꞈ-awˇ, tiˬ gʼaˬ-iˬ maˬ teh ka peuˬ ni, lmˬ lmˬ-ehˇ cah gaˇ duˇ tehꞈ-a.

Yeˬlaˬmiˇ 2:15

Aˇ laˬ jaˬ shiˇ loꞈ-ehˇ aˬ yawꞈ maꞈ aˬ yawꞈ-ahˇ lmˬ-awˇ, aˬ yawꞈ-euˬ miˇ kʼahˬ kʼaˇ shuiꞈ deh yaˇ laˆ pyeuꞈ-awˇ, aˬ yawꞈ-euˬ meuˬ deuˬ cawˆ jiˇ-awˇ, meuˬ tsoeˬ tsoeˬ jiˇ-euˬ meh.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Yeˬlaˬmiˇ 50:44

“Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Baˬbuˇloˬ tsawˇ haˬ deuˬ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Yeˬsaˬgeˬlaˇ 32:2

“Tsawˇ haˬ zaˬ-oˇ, Iˇjiˇtuˆ sahˬ paˬ-ahˇ shaˇ noeˬ dui dui paˬ-ehˇ gʼeh-eu dawˬ heu deuˬ ehˇ nehˬ-awˬ. “Aˇ laˬ jaˬ shiˇ-ahˇ duˇ ma lehˇ, nawˇ yawˬ haˇ yawˬ ha noeˬ-eu kʼawꞈ, laˆ shaˆ laꞈ kʼoeˇ uˇ-eu laˆ shaˆ byaˆ yahˬ loˆ ni tehꞈ meh. Aˬ kuiˇ neh iˇ neˇ laˆ neˇ-awˇ, lawˇ baˬ-ahˇ nawˇ laˆ jawꞈ-eu meh.

Yawˇlaˆ 2:6

Aˬ yawꞈ maꞈ dawˬ peh oe peh ngeh, yawˬ gʼaˬ na luꞈ guˆ dui dui-awˇ, baˬ ba-ahˇ shiˬ maˬ paˇ dahˬ meh.

Miˇkaˬ 5:6

Guiˇ deuˆ-eu keu ka neh Aˬshuˇliˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬshuˇliˆ tsawˇ haˬ deuˬ aˬ dui-euˬ miˇ kʼahˬ-ahˇ uˇ le ngeh, Aˬshuˇliˆ tsawˇ jeuˬ-euˬ laꞈ-ahˇ neh aˬ dui maꞈ-ahˇ aˬ yawꞈ maꞈ ka kʼoꞈ tehꞈ-a.

Naˬhmˬ 2:12

Bawˇ tsahˬ jeˬ zaˬ-ahˇ kawꞈ sehꞈ-awˇ, shaˬ jiˇ cehˬ paˆ cehˬ shaˆ doˆ-awˇ, miˬ sawˇ zaˬ deuˬ bi dzaˬ-euˬ meh. Aˬ yawꞈ-euˬ lo kʼahˬ tiˬ byah ni, shaˬ jiˇ shaˬ jehꞈ sha byah-euˬ meh.

Naˬhmˬ 3:1

Tahˇ joe joe-awˇ smˇ muiˬ muiˬ-euˬ, mehˇ shuiˇ shuiˇ-awˇ tsawˇ haˬ sehꞈ-euˬ, meuˬ heu meuˬ guiˬ lahˬ doeˇ tehꞈ-a.

Zeˬpaˬniˇ 3:3

Aˬ yawꞈ-euˬ aˬ yuiꞈ aˬ tsu deuˬ, aˇ laˬ jaˬ shiˇ loꞈ-ehˇ lmˬ-awˇ, aˬ yawꞈ-euˬ yaˇ kʼaˬ daˇ-eu deuˬ, shaˬyoeˬ mˬ maˬ bi jaˆ bya-eu, uˬ ciꞈ kʼaˬ yehˇ-ahˇ duˇ-eu meh.

Bawˇtsahˬ 23:24

Iˇsaˬleˬlaˆ tsawˇ jeuˬ-aˬ, baoˬ huiˬ-eu aˇ laˬ jaˬ shiˇ-ahˇ duˇ-eu meh. Aˬ yawꞈ neh kawꞈ sehꞈ-euˬ jeˬ zaˬ-euˬ shiˬ dawˇ gʼaˬ-awˇ, shaˬ jiˇ maˬ kawꞈ dzaˬ jiˇ kʼoeˇ keuˆ ni aˬ yawꞈ maˬ naˬ-a.”