Naˬhmˬ 2:10 - Akha

¹⁰ Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

Naˬhmˬ 2:10 ပူးပေါင်းရင်းမြစ်များ

Aˇ dahˬ 1:2

Miˇ tsaˬ tahˬ kʼawˇ-aˬ, pyawˬ naˬ maˬ siˬ laˇ ni, yaw bahˬ yaw lahˇ-ehˇ ciˬ cuˇ ni jaˆ luꞈ-eu meh. Yawˬ jeˬ na luꞈ kʼoeˇ taˆ iˬ ma laˆ shaˆ iˇ cuꞈ dahˬ pymˬ taˬ-awˇ, zahˇ tsui ni jaˆ-euˬ meh. Kʼoeˇ ngeh, Miˬyehˇ-euˬ baoˬ iˇ cuꞈ kʼoeˇ taˆ cah luꞈ-eu meh.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Iˇsaˬyaˇ 14:23

Baˬbuˇloˬ meuˬ-ahˇ lah yaˬ bi yaˬ-iˇ-awˇ, kuiˬ siˆ zaˬ siˆ deuˬ kʼoeˇ gaˇ jawˇ tehꞈ-a. Baˬbuˇloˬ meuˬ laꞈ kʼoeˇ tiˬ jeˬ-iˬ maˬ bi dzeˇ yaꞈ ni, yaˆ pyawˇ yaˆ juiˇ-eu loꞈ-ehˇ laˆ cawˆ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.”

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Iˇsaˬyaˇ 24:1

Haw yawˬ. Miˇ tsaˬ tahˬ kʼawˇ-ahˇ Sahˬpaˬ Miˬyehˇ laˆ cawˆ-awˇ, ciˬ cuˇ ni byehˇ dzeh nehˬ tehꞈ-a. Miˇ tsaˬ tahˬ kʼawˇ-ahˇ poˆ laˆ sheu pyawˇ nehˬ-awˇ, miˇ tsaˬ zaˬ deuˬ bi jawˇ byaˆ jiˇ tehꞈ-a.

Yeˬlaˬmiˇ 30:6

Yaw muiˬ paˬ-ehˇ shaˇ noeˬ duˬ sheˇ. Kʼaˬ dzeˇ zaˬ zaˬ baw nya ta loˇ. Toˆ-ehˇ maˇ-iˬ, aˬ jeˬ miˇ neh kʼaˬ dzeˇ zaˬ deuˬ, zaˬ miˬ zaˬ zaˬ baw ngeh loꞈ-ehˇ, uꞈ maˆ-ahˇ dehˬ tehˬ-awˇ jawˇ ta. Aˬ jeˬ miˇ neh yawˬ gʼaˬ na luꞈ pyuˇ pya ni pyeuꞈ luꞈ ta.

Yeˬlaˬmiˇ 49:23

Daˬmaˬsehˇ meuˬ gaˇ kawˆ Sahˬpaˬ Miˬyehˇ heu loꞈ-ehˇ ehˇ-eu meh. “Haˬmaˆ meuˬ hawˇ-eu Aˬpaˆ meuˬ-ahˇ jawˇ-eu tsawˇ haˬ deuˬ, kʼahˬ lahˇ laˇ paˬ-ehˇ gʼeh-eu gaˇ kawˆ ya gaˬ-euˬ miˇ neh, noeˬ shaˬ luꞈ-eu meh. Noeˬ shaˬ noeˬ zahˬ-eu jeˬ iˬ ma laˆ shaˆ iˇ luˆ dzeh-eu loꞈ-ehˇ, aˬ yawꞈ maꞈ kʼoeˇ taˆ keuˆ le-eu miˇ neh, maˬ jawˇ tehˬ coeˇ-a.

Yeˬlaˬmiˇ 51:62

Kʼoeˇ naˇ, heu loꞈ-ehˇ guiˬ lahˬ shaˇ-awˬ. ‘Sahˬpaˬ Miˬyehˇ-oˇ, jawˇ duˬ heu tsahˇ-ahˇ nawˇ laˆ cawˆ-awˇ, tsawˇ haˬ zaˬ hawˇ-eu jeˬ zaˬ maˬ jawˇ-eu uˬ taꞈ, yaw dehꞈ kʼaˇ dehꞈ-eu tiˬ jeˬ-iˬ maˬ jawˇ-ehˇ, mˬ maˬ maˬ byaˆ zaˇ ziˇ kʼaˇ shuiꞈ deh ga bi pyeuꞈ-iˇ ma lehˇ, nawˬ neh ehˇ taˬ-euˬ meh’ lehˇ shaˇ-awˬ.

Yeˬlaˬmiˇ 8:21

Ngaˬ-euˬ tsawˇ jeuˬ shaˬ zahˬ naꞈ-eu miˇ neh, ngaˬ-euˬ nui ma shaˬ zahˬ naꞈ-eu miˇ-a. Shaˬ zahˬ maˬ mˇ coeˇ-eu miˇ neh, ngoeˇ dui dui luꞈ-eu ma.

Yeˬsaˬgeˬlaˇ 21:7

Aˬ jeˬ miˇ neh teu loꞈ-ehˇ mahˇ te lehˇ aˬ yawꞈ maꞈ nawˬ-ahˇ naˇ haˬ laˇ naˇ, gaˇ kawˆ gaˬ le-eu maˬ muiˬ-eu miˇ neh mahˇ-eu ma lehˇ ehˇ nehˬ-awˬ. Aˇ yamˬ kʼoeˇ keuˆ le ngeh, nui ma ga ka jiˇ-awˇ, aˬ laꞈ laꞈ shiˇ shiˇ jiˇ-eu uˬ taꞈ, nui ma cawˆ dui dui-awˇ pawˬ tsuiꞈ gʼaˬ maˬ ahˇ ni pyeuꞈ-iˇ tehꞈ-a. Aˇ yamˬ kʼoeˇ keuˆ le luꞈ meh. Aˬ diˇ aˬ maˇ keuˆ le meh lehˇ ehˇ nehˬ-awˬ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh,

Yeˬsaˬgeˬlaˇ 31:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ bawˇ kʼoeˇ bawˇ shiˇ-eu miˇ kʼahˬ-ahˇ iˇ keuˆ ngeh nah, miˇ tsaˬ dawˬ dah-euˬ iˇ cuꞈ neh bi dahˬ pymˬ-awˇ tsawˇ ngoeˇ bi ngoeˇ nehˬ ma. Lawˇ baˬ gawˆ ma deuˬ-ahˇ ngaˇ gʼeu tehˬ taˬ-awˇ, gawˆ zaˬ deuˬ kʼawꞈ yaw kʼaˆ-ehˇ maˬ yoeˇ ni bi pyeuꞈ-iˇ ma. Aˇ bawˇ kʼoeˇ shiˇ-euˬ miˇ neh, Leˬbaˬnoˬ gawˬ jawˬ kʼoeˇ taˆ zahˇ tsui ni gʼeh-eu jeˬ bi keuˆ le-awˇ, sahˬ kʼaˆ-ahˇ kʼaˇ dehꞈ-eu aˇ bawˇ deuˬ bi nyoeˬ-iˇ ma.

Daˬyeˬlaˇ 5:6

Aˬ yawꞈ-euˬ myaˆ pyawˬ pyuˇ pya ni pyeuꞈ-iˇ-awˇ, guˆ dui dui-iˇ-euˬ miˇ neh, aˬ kuiˇ pawˬ tsuiꞈ yaw dzuˬ dzuˬ-eu meh.

Yawˇlaˆ 2:6

Aˬ yawꞈ maꞈ dawˬ peh oe peh ngeh, yawˬ gʼaˬ na luꞈ guˆ dui dui-awˇ, baˬ ba-ahˇ shiˬ maˬ paˇ dahˬ meh.

Naˬhmˬ 2:2

Muiˇ-eu deuˬ neh laˆ cawˆ nehˬ-awˇ, uˬ pyaˬ uˬ laꞈ juˆ dzeh jiˇ-euˬ, Iˇsaˬleˬlaˆ tsawˇ jeuˬ-euˬ baoˬ, Yaˬkoˆ-euˬ yaw shehꞈ kʼahˬ sehˇ kʼoeˇ, Sahˬpaˬ Miˬyehˇ biꞈ kʼoꞈ tehꞈ-a.

Naˬhmˬ 3:7

Nawˬ-ahˇ kʼaˇ haw mawˇ le-euˬ deuˬ, kuiˇ toꞈ naˇ kʼah paw ciˬ kʼoꞈ-awˇ, ‘Niˇnaˬbeˬ meuˬ cawˆ jiˇ taˬ ngaˇ. Aˬ suˇ gʼaˬ gʼawˬ shaˬ gaˬ nehˬ nmˇ. Aˬ suˇ gʼaˬ ngehˬ gʼeh nehˬ nmˇ’ lehˇ, naˇ kʼah ciˬ pyawˇ-awˇ ehˇ tehꞈ-a.”

Zeˬpaˬniˇ 3:6

Sahˬpaˬ Miˬyehˇ ehˇ-eu, “Miˇ tsaˬ tsawˇ jeuˬ dawˬ tawˆ luꞈ-ahˇ, ngaˇ laˆ cawˆ byoˆ nehˬ jiˇ-euˬ ma. Meuˬ-euˬ gaˇ ma ciˬ cuˇ jaˆ-awˇ, iˇ tsehˆ laˇ tsehˆ-eu maˬ jawˇ-a. Meuˬ dawˬ tawˆ luꞈ ciˬ cuˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Yawˇshuˆ 2:11

Gaˇ kawˆ kʼoeˇ ya gaˬ-euˬ nehˬ-ehˇ nga maꞈ guˆ guˆ-ehˇ jawˇ-euˬ ma. Naw maꞈ baˬ da neh nga maꞈ nui ma gʼaˬ baˬ dui dui luꞈ-eu ma. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, uˆ lahˇ-eu Miˬyehˇ pyeuꞈ-eu meh.

Yawˇshuˆ 7:5

Aˬiˇ meuˬ-ahˇ jawˇ-eu tsawˇ haˬ deuˬ, meuˬ meuˬ lahˇ laˇ gʼoˆ-ahˇ neh Sheˬbaˬlmˬ lehˇ kuˇ-eu jawˇ duˬ-ahˇ keuˆ ni aˬ yawꞈ maꞈ-ahˇ teh-awˇ, gawˬ duˇ baˬ gʼa-ahˇ Iˇsaˬleˬlaˆ tsawˇ haˬ smˬ tseˇ koꞈ gʼaˬ bi sehꞈ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ nui ma baˬ laˇ-awˇ guˆ-euˬ meh.