Naˬhmˬ 2:1 - Akha

¹ Niˇnaˬbeˬ nawˇ ya cawˆ-iˇ meh. Nawˬ-ahˇ deuˆ-eu lehˇ oe luꞈ meh. Taˆ laꞈ kʼoeˇ tsawˇ haˬ bi jawˇ-awˬ. Gaˇ ma-ahˇ yaw muiˇ bi loꞈ-awˬ. Guiˇ deuˆ-eu lehˬ hmˬ dah taˬ-awˬ.

Naˬhmˬ 2:1 ပူးပေါင်းရင်းမြစ်များ

2 Laˬsaˬbaˬ 25:8

Aˬ yawꞈ maꞈ-ahˇ sheuˬ gʼeh naˇ, nawˬ-euˬ guiˇ maꞈ gʼaˬ kʼaˆ dzehˬ tehꞈ-a lehˇ nawˇ noeˬ tehꞈ-a. Guiˇ deuˆ-eu gʼaˬ leˇ ni hawˇ-eu sm ni jahˇ-eu baoˬ Miˬyehˇ-euˬ aˬ laꞈ laꞈ kʼoeˇ jaˆ-eu meh. Nawˇ ya sm-iˇ ni Miˬyehˇ jahˇ tehꞈ-a.”

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Iˇsaˬyaˇ 14:6

Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Iˇsaˬyaˇ 29:7

Miˬyehˇ-euˬ lawˇ duˬ jaˆ-eu meuˬ-ahˇ guiˇ deuˆ le-euˬ, miˇ kʼahˬ tsawˇ jeuˬ-euˬ guiˇ maꞈ deuˬ hawˇ-eu, aˬ yawꞈ maꞈ-euˬ guiˇ deuˆ-eu keu ka ahˇ leˇ-ehˇ, uˬ ciꞈ yuꞈ maˆ mawˇ-awˇ myaˆ toˆ toˆ-euˬ loꞈ-ehˇ, yawˬ jeˬ na luꞈ ya cawˆ-iˇ jiˇ tehꞈ-a.

Iˇsaˬyaˇ 29:8

Yeˬluˇsaˬlehˬ meuˬ-ahˇ guiˇ deuˆ-eu lehˇ, kʼaˇ uiˬ laˇ-euˬ tsawˇ jeuˬ dawˬ tawˆ luꞈ, yuꞈ maˆ maˆ ngeh tiˬ dehˆ ya dzaˬ-euˬ kʼawꞈ, hawˬ mehꞈ mehꞈ-eu tsawˇ haˬ-ahˇ duˇ tehꞈ-a. Yuꞈ maˆ maˆ ngeh iˇ cuꞈ tiˬ dehˆ dawˇ-euˬ kʼawꞈ, iˇ cuꞈ mehꞈ-eu tsawˇ haˬ-ahˇ duˇ tehꞈ-a.

Iˇsaˬyaˇ 52:7

Laˬ kʼaˬ cehˇ-eu guiˬ lahˬ dawˬ deuˬ hawˇ-eu, nui saˇ oꞈ-eu dawˬ deuˬ biꞈ le-eu lehˇ, gawˬ jawˬ nyiˬ tsehˆ-ehˇ oe luꞈ-eu, Miˬyehˇ neh kʼehˇ leꞈ-euˬ gʼaˬ-euˬ kuiˇ toꞈ, aˇ naˆ ni muiˬ-eu nga. Gʼaˬ leˇ-eu gaˇ kawˆ aˬ yawꞈ dawˬ dzawˇ mˇ le-awˇ, “Nawˬ-euˬ Miˬyehˇ sahˬ paˬ meh” lehˇ, Ziˇoˬ meuˬ-ahˇ tsaꞈ le-euˬ meh.

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 50:23

Baˬbuˇloˬ miˇ kʼahˬ-aˬ, miˇ tsaˬ dawˬ tawˆ luꞈ-ahˇ diˬ puˬ neh kʼoˆ meuˇ jiˇ-euˬ meh. Nymˬ-mˇ poˆ jawˇ diˬ puˬ kʼoeˇ kʼehꞈ-iˇ kʼoeˆ-iˇ-awˇ, miˇ kʼahˬ kʼoeˇ kʼahˬ kʼoeˇ taˆ kʼoeˇ loꞈ-ehˇ keuˆ le-euˬ gaˇ, tsawˇ jeuˬ dawˬ tawˆ luꞈ tsawˬ guˆ-iˇ-eu meh.