Naˬhmˬ 1:7 - Akha

⁷ Sahˬpaˬ Miˬyehˇ muiˬ dui dui meh. shaˬ zahˬ naꞈ-eu aˇ yamˬ laꞈ kʼoeˇ, yawꞈ-euˬ tsawˇ haˬ-ahˇ haw piˇ-awˇ, yawꞈ-ahˇ tahˬ shaˇ leˇ-eu deuˬ-ahˇ, bo saˆ ngehˬ gʼeh dah teˬ-eu meh.

Naˬhmˬ 1:7 ပူးပေါင်းရင်းမြစ်များ

1 Laˬsaˬbaˬ 16:34

Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ muiˬ dui dui-eu gʼaˬ meh. Aˬ yawꞈ-euˬ gʼoeˇ-eu gaˬ-eu jeˬ, mˬ maˬ maˬ byaˆ zaˇ ziˇ ziꞈ meh.

1 Laˬsaˬbaˬ 5:20

Aˬ yawꞈ maꞈ Miˬyehˇ-ahˇ jah-eu laꞈ kʼoeˇ “Caw ba nehˬ laꞈ-awˬ” lehˇ guiˬ lahˬ shaˇ-euˬ loꞈ-ehˇ, aˬ yawꞈ maꞈ-euˬ shaˇ dawˬ-ahˇ Miˬyehˇ naˇ haˬ nehˬ-awˇ, Haˬgaˬliˇ tsawˇ jeuˬ hawˇ-eu aˬ yawꞈ maꞈ nehˬ-ehˇ kʼaˇ gm leˇ-euˬ deuˬ kʼoeˇ taˆ guiˇ bi deuˆ gʼaˬ-euˬ meh.

2 Laˬsaˬbaˬ 13:18

Kʼoeˇ loꞈ-ehˇ, Yuˇdaˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ deuˆ gʼaˬ-euˬ meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-euˬ meh.

2 Laˬsaˬbaˬ 32:11

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, nga maꞈ-euˬ laꞈ-ahˇ neh naw maꞈ-ahˇ ka kʼoꞈ nehˬ laꞈ tehꞈ-a lehˇ Heˬsaˬgiˇ naw maꞈ-ahˇ ehˇ-eu meh. Ehˇ kʼawꞈ, naw maꞈ dzaˬ-eu dawˇ-eu jeˬ maˬ jaˆ-ehˇ pyeuꞈ laˇ-awˇ ya mehꞈ sehꞈ ni, aˬ yawꞈ naw maꞈ-ahˇ mehˇ shuiˇ shuiˇ-eu meh.

2 Laˬsaˬbaˬ 32:21

Sahˬpaˬ Miˬyehˇ neh mˬ taˆ gʼaˬ kʼehˇ pyehˬ gʼeh leꞈ-awˇ, Aˬshuˇliˆ guiˇ maꞈ-euˬ yehˇ deuˬ hawˇ-eu yaw huiˬ yaw mahˇ deuˬ-ahˇ bi sehꞈ-euˬ meh. Kʼoeˇ miˇ neh, Aˬshuˇliˆ sahˬpa kʼoeˇ gʼaˬ nui ma cawˆ-eu laꞈ kʼoeˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Kʼoeˇ naˇ, aˬ yawꞈ-euˬ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ jawˇ luꞈ-eu aˇ nah tiˬ nah-ahˇ, aˬ yawꞈ-euˬ aˬ li tiˬ deuˬ mi cehˇ yuˇ-awˇ aˬ yawꞈ-ahˇ sehꞈ-euˬ meh.

2 Laˬsaˬbaˬ 32:8

Aˬ yawꞈ-aˬ, tsawˇ haˬ zaˬ-euˬ baoˬ tehꞈ-ehˇ jaˆ-eu meh. Ehˇ kʼawꞈ, aˬ dui-aˬ, aˬ dui-ahˇ caw ba-awˇ guiˇ deuˆ-eu gʼaˇ duˬ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ ma.” Yuˇdaˆ sahˬ paˬ Heˬsaˬgiˇ kʼoeˇ loꞈ-ehˇ ehˇ ngeh, aˬ yawꞈ-euˬ tsawˇ haˬ deuˬ gʼaˬ ahˇ laˇ-euˬ meh.

Eˇzaˬlaˬ 3:11

Aˬ yawꞈ maꞈ ja ceuˬ-eu caˇ dawˬ caˇ ngeh, “Sahˬpaˬ Miˬyehˇ muiˬ dui dui meh. Iˇsaˬleˬlaˆ-ahˇ gaˬ-eu jeˬ, mˬ maˬ maˬ byaˆ zaˇ ziˇ ziꞈ meh” lehˇ ehˇ-eu kʼoeˇ tsahˇ-ahˇ caˇ poˆ caˇ poˆ-ehˇ caˇ-euˬ meh. Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh-eu dawꞈ leˇ-euˬ miˇ neh, yawˬ gʼaˬ na luꞈ gʼaˬ kʼaˇ jaˆ-eu shaˇ shaˇ-ehˇ guˇ-eu laꞈ kʼoeˇ Sahˬpaˬ Miˬyehˇ-ahˇ ja ceuˬ-euˬ meh.

Jaceuq 1:6

Yaw tsaˬyaw dawˇ deuˬ-euˬgaˇma, SahˬpaˬMiˬyehˇ haw piˇtehꞈ-a. Maˬdawˇ-eu deuˬ-euˬ gaˇma-aˬ, luˬ-iˇ seˇ-iˇ gaˇ keuˆ tehꞈ-a.

Jaceuq 100:5

Sahˬpaˬ Miˬyehˇ-aˬ, muiˬ-eu jaˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ gmˬ-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 20:1

Nawˬ-euˬkʼoeˇtaˆshaˬzahˬoe ngeh, SahˬpaˬMiˬyehˇhaw cawˬluꞈ-uˇ. Yaˬkoˆ-euˬ Miˬyehˇ-euˬtsawˇmyahˇ, nawˬ-ahˇngehˬgʼeh dah teˬluꞈ-uˇ.

Jaceuq 25:8

Sahˬpaˬ Miˬyehˇmuiˬ-awˇjaˬ-awˇ, tsaˬdui dawˇdui dui-eu miˇneh, yaw tsaˬyaw dawˇgaˇma cah ni, Iˬbaˇzaˬ-ahˇmehˬnehˬ-eu meh.

Jaceuq 27:5

Guˆ-eu gaˆ-eu jeˬkeuˆle ngeh, aˬyawꞈ-euˬnymˇnymˇma laꞈkʼoeˇ, aˬyawꞈngaˬ-ahˇsheuˬpiˇtehꞈ-a. Sehˬgʼawˆnaˇshmˇbaˇzaꞈuˬmoˆ, aˬyawꞈngaˬ-ahˇsheuˬzaꞈtehꞈ-a. goˇdui dui-eu lo guˇ uˬ du, aˬyawꞈngaˬ-ahˇciˬdaˆtehꞈ-a.

Jaceuq 37:39

Yaw tsaˬyaw dawˇtsawˇhaˬdeuˬ-ahˇ, SahˬpaˬMiˬyehˇ ka kʼoꞈnehˬ-awˇ, shaˬ-eu zahˬ-eu jeˬkeuˆle ngeh, maˬbyehˇdzeh ni haw piˇ-eu meh.

Jaceuq 37:40

Aˬyawꞈmaꞈ-ahˇngehˬgʼeh nehˬ-awˇ, shaˬzahˬoe ngeh haw teˬ-eu meh. Aˬyawꞈ-ahˇtahˬshaˇ-eu miˇneh, haiˬ-eu deuˬ-euˬaˬlaꞈlaꞈkʼoeˇ, aˬyawꞈka kʼoꞈdoˆnehˬ-eu meh.

Jaceuq 46:2

Kʼoeˇ miˇ neh miˇ tsaˬ tahˬ kʼawˇ nyeh laˇ-awˇ, gawˬ jawˬ deuˬ iˬ ma laˆ shaˆ dawˬ dah byaˆ ahˇ jiˇ kʼawꞈ nga maꞈ maˬ guˆ.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 59:16

Ehˇ kʼawꞈ, nawˇ gʼaˬ huiˬ-eu gaˇ kawˆ ngaˇ caˇ ma. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu gaˇ kawˆ yawˬ shawˬ na luꞈ ngaˇ guˇ guˇ-ehˇ caˇ ma. Nawˇ ngaˬ-euˬ gʼoe duˬ lo guˇ pyeuꞈ-awˇ, shaˬ ngeh zahˬ ngeh tahˬ shaˇ duˬ pyeuꞈ-eu meh.

Jaceuq 71:3

Ngaˬ-euˬ gʼoe duˬ lo guˇ hawˇ-eu, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za-eu ziꞈ dah ni gʼeh-eu nymˇ nymˇ ma loꞈ-ehˇ, nawˇ ngaˬ-ahˇ haw piˇ nehˬ laꞈ.

Jaceuq 86:7

Ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh, shaˬ ngeh zahˬ ngeh nawˬ-ahˇ ngaˇ kuˇ-eu ma.

Jaceuq 9:10

Nawˬ-ahˇsiˬnya-eu tsawˇhaˬdeuˬ, SahˬpaˬMiˬyehˇ nawˬ-ahˇgʼoe-awˇ, nawˬ-ahˇtahˬshaˇ-eu tsawˇhaˬ-ahˇ, nawˇbyehˇdzeh nehˬ-eu maˬbaw-a.

Jaceuq 91:15

Aˬ yawꞈ maꞈ ngaˬ-ahˇ kuˇ ngeh ngaˇ naˇ haˬ nehˬ ma. Aˬ yawꞈ maꞈ shaˬ ngeh zahˬ ngeh ngaˇ aˬ yawꞈ maꞈ nehˬ-ehˇ jawˇ-awˇ, ka kʼoꞈ-awˇ ciˬ huiˬ ciˬ mahˇ nehˬ ma.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Yeˬlaˬmiˇ 17:17

Ngaˬ-ahˇ taˬ bi guˆ laꞈ. Guˆ-eu gaˆ-eu aˇ yamˬ laꞈ kʼoeˇ, ngaˬ-euˬ gʼoe duˬ nawˇ meh.

Yeˬlaˬmiˇ 24:5

“Iˇsaˬleˬlaˆ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ heu loꞈ-ehˇ sawˇ taˬ-euˬ ma. Baˬbuˇloˬ miˇ kʼahˬ-ahˇ bi nyehꞈ doˆ gʼeh-euˬ tsawˇ haˬ deuˬ-aˬ, muiˬ-eu siˬ guˬ aˇ siˬ kʼoeˇ deuˬ-ahˇ duˇ-awˇ, aˬ yawꞈ maꞈ-ahˇ ngaˇ gʼawˬ shaˬ gaˬ-eu laꞈ kʼoeˇ ngehˬ gʼeh nehˬ ma.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 3:25

Aˬ dui-euˬ Sahˬpaˬ Miˬyehˇ-aˬ, yawꞈ-ahˇ noeˬ tmˬ-eu deuˬ hawˇ-eu, yawꞈ-ahˇ poˆ-eu deuˬ-euˬ gʼaˇ duˬ, yaw muiˬ jeˬ biꞈ nehˬ-eu gʼaˬ meh.

Daˬyeˬlaˇ 3:28

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ ja ceuˬ-awˬ. Aˬ yawꞈ-ahˇ gʼoe-awˇ aˬ yawꞈ-euˬ nui kʼahˇ mˇ-eu tsawˇ haˬ heu smˇ gʼaˬ-ahˇ, aˬ yawꞈ-euˬ mˬ taˆ gʼaˬ kʼehˇ pyehˬ leꞈ-awˇ bi ka kʼoꞈ le-euˬ meh. Aˬ yawꞈ maꞈ-euˬ Miˬyehˇ-ahˇ maˬ ngeuˇ naˇ miˬ yehˇ nui gʼaˬ-ahˇ uˬ duˬ maˬ tahˬ lehˇ, shiˇ gaˇ maˬ guˆ ni ngaˬ-euˬ ehˇ dawˬ-ahˇ puiˬ-euˬ meh.

Daˬyeˬlaˇ 6:23

Sahˬ paˬ laˬ kʼaˬ cehˇ dui dui-awˇ, Daˬyeˬlaˇ-ahˇ aˇ laˬ jaˬ shiˇ kuˆ-ahˇ neh gʼeu doˆ-eu gʼaˇ duˬ dawˬ biꞈ-euˬ meh. Aˬ yawꞈ maꞈ aˬ yawꞈ-ahˇ gʼeu doˆ ngeh, aˬ yawꞈ Miˬyehˇ-ahˇ jah-eu miˇ neh tiˬ jeˬ-iˬ maˬ gʼeh ni jawˇ gaˇ ya mawˇ-euˬ meh.

Yawˇlaˆ 3:16

Ziˇoˬ gawˬ jawˬ kʼoeˇ taˆ jawˇ-awˇ, Sahˬpaˬ Miˬyehˇ lmˬ doˆ laˇ ngeh, Yeˬluˇsaˬlehˬ meuˬ-ahˇ jawˇ-awˇ, mˬ jeˬ jeˬ-eu loꞈ-ehˇ lmˬ ngeh, mˬ hawˇ miˇ tsaˬ yaw dzuˬ dzuˬ meh. Ehˇ kʼawꞈ aˬ yawꞈ-euˬ tsawˇ jeuˬ-ahˇ, Sahˬpaˬ Miˬyehˇ haw piˇ tehꞈ-a.

Zeˬpaˬniˇ 3:12

Nui nahˬ nui yu ahˇ-eu laꞈ kʼoeˇ, ngaˬ-ahˇ gʼoe-eu tsawˇ haˬ tiˬ deuˬ, naw maꞈ nehˬ-ehˇ ngaˇ bi jawˇ ma.

Maꞈtehˬ 27:43

Aˬ yawꞈ Miˬyehˇ-ahˇ jah-awˇ, Miˬyehˇ-euˬ Zaˬmaˇ ma lehˇ yawˬ haˇ yawˬ ha ehˇ-eu meh. Miˬyehˇ aˬ yawꞈ-ahˇ ka kʼoꞈ nehˬ mawꞈ ngaˇ-a loˇ lehˇ haw kaˇ-euˇ.”

Maꞈtehˬ 7:23

Kʼoeˇ ngeh, ‘Naw maꞈ-ahˇ ngaˇ maˬ siˬ. Miˬyehˇ nui ma maˬ tsaˬ-eu jeˬ mˇ-euˬ tsawˇ haˬ deuˬ-oˇ, ngaˇ maˬ mawˇ gaˇ iˇ byoˆ-awˬ’ lehˇ, aˬ yawꞈ maꞈ-ahˇ ngaˇ ehˇ nehˬ ma.

Yoˇhaˬ 10:14

Ngaˇ-aˬ, muiˬ-eu yawˇ bo-eu yaw sahˇ ma. Aˬda ngaˬ-ahˇ siˬ nya-awˇ, ngaˇ kʼawꞈ Aˬda-ahˇ siˬ nya gaˇ duˇ ni, ngaˬ-euˬ yawˇ deuˬ-ahˇ ngaˇ siˬ nya-awˇ, ngaˬ-euˬ yawˇ deuˬ kʼawꞈ ngaˬ-ahˇ siˬ nya-eu meh. Aˬ yawꞈ maꞈ gʼaˇ duˬ ngaˇ shiˇ dah peuˬ-eu ma.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Lormav 11:22

Miˬyehˇ gʼawˬ shaˬ gaˬ-eu jeˬ hawˇ-eu zuiˆ-eu jeˬ heu nyiˬ hmˬ-ahˇ, heu gaˇ aˬ dui ya mawˇ-euˬ ma. Iˬ baˇ mˇ-eu tsawˇ haˬ deuˬ-ahˇ aˬ yawꞈ zuiˆ-awˇ, aˬ yawꞈ gʼawˬ shaˬ haw gaˬ paˬ-ehˇ kʼaˇ dehꞈ kʼoeˇ keuˆ ni naw maꞈ-ahˇ aˬ yawꞈ gʼawˬ shaˬ gaˬ tehꞈ-a. Ehˇ kʼawꞈ, aˬ yawꞈ gʼawˬ shaˬ gaˬ paˬ-ehˇ maˬ dehꞈ naˇ, naw maꞈ-ahˇ kʼawꞈ deuˆ tsehˆ dzeh tehꞈ-a.

Gaˬlaˬtiˆ 4:9

Nymˬ-mˇ poˆ jawˇ-aˬ, naw maꞈ Miˬyehˇ-ahˇ siˬ nya laˇ-euˬ meh. Maˬ ngeuˇ naˇ, Miˬyehˇ naw maꞈ-ahˇ siˬ nya-euˬ meh lehˇ kʼawꞈ ehˇ-awˬ. Gʼaˬ baˬ dui dui-awˇ tiˬ jeˬ-iˬ maˬ jahˇ nya-eu yaw sahˇ kʼoeˇ deuˬ jawˇ paw naw maꞈ aˬ joˆ-ehˇ paˇ gʼoꞈ pyawˇ-iˇ mawꞈ-eu nya. Aˬ jeˬ miˇ neh aˬ yawꞈ maꞈ-euˬ zaˬ kʼaˆ paˇ geuꞈ poˆ mawꞈ-eu nya.

2 Tiˆmoˇseˬ 2:19

Ehˇ kʼawꞈ, Miˬyehˇ neh dawˬ pehˬ ziꞈ dah ni gawˬ taˬ-euˬ jeˬ-ahˇ aˬ yawꞈ maꞈ maˬ laˆ luˆ nya-a. Dawˬ pehˬ kʼoeˇ-euˬ kʼoeˇ taˆ, “Yawˬ ha-euˬ tsawˇ haˬ deuˬ-ahˇ Sahˬpaˬ Miˬyehˇ siˬ nya meh” lehˇ boꞈ taˬ-awˇ, “Sahˬpaˬ Miˬyehˇ-euˬ tsawˇ haˬ ma lehˇ kʼaˇ ehˇ-eu deuˬ maˬ tsaˬ maˬ dawˇ-eu jeˬ maˬ mˇ ni ya byehˇ dzeh meh” lehˇ boꞈ taˬ-euˬ meh.