Naˬhmˬ 1:6 - Akha

⁶ Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Naˬhmˬ 1:6 ပူးပေါင်းရင်းမြစ်များ

1 Sahˬpaˬ 19:11

Sahˬpaˬ Miˬyehˇ ehˇ-eu,“Gawˬ jawˬ uˬ du daˆ doˆ leˇ-awˇ, ngaˬ-euˬ mehˬ shi yawꞈ-awˬ.” Kʼoeˇ naˇ, Sahˬpaˬ Miˬyehˇ iˇ tsehˆ gʼeh ngeh jawˇ, guˆ laˇ paˬ-ehˇ gʼeh-eu jaˬ lehˇ tiˬ bahˬ baw laˇ-awˇ, gawˬ jawˬ lo guˇ deuˬ baw paˆ baw shaˆ dzeh-euˬ meh. Ehˇ kʼawꞈ, jaˬ lehˇ laꞈ kʼoeˇ Sahˬpaˬ Miˬyehˇ maˬ ahˇ-a. Jaˬ lehˇ baw-eu naˬ leˇ-awˇ, miˇ luˆ paˇ luˆ laˇ-euˬ meh. Ehˇ kʼawꞈ, miˇ luˆ luˆ-eu laꞈ kʼoeˇ Sahˬpaˬ Miˬyehˇ maˬ ahˇ-a.

Yawˇbaˆ 26:11

Mˬ-ahˇ toˆ diˇ taˬ-euˬ kʼawˇ zeuˇ deuˬ-ahˇ aˬ yawꞈ lmˬ guˆ ngeh, kʼawˇ zeuˇ kʼoeˇ deuˬ yaw dzuˬ dzuˬ-eu meh.

Yawˇbaˆ 40:11

Nawˬ-euˬ nui ma pehˇ-eu jeˬ pyehˬ doˆ gʼeh-awˇ, nui ma huiˬ-eu mahˇ-eu tsawˇ haˬ deuˬ-ahˇ zuiˆ gʼaˬ-awˬ.

Yawˇbaˆ 9:5

Maˬ siˬ laˇ mi naˆ-ehˇ gawˬ jawˬ-ahˇ aˬ yawꞈ ciˬ jiˆ-awˇ, nui ma pehˇ-eu laꞈ kʼoeˇ laˆ cawˆ nehˬ-eu meh.

Jaceuq 130:3

Nga maꞈ-euˬ iˬ baˇ-ahˇ nawˇ noeˬ taˬ naˇ, aˬ geu gʼaˬ dzeuˇ-iˇ nya nmˇ.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Jaceuq 76:8

Nawˇ mˬ kʼoeˇ taˆ neh yaˇ kʼaˬ daˇ-awˇ, miˇ tsaˬ zaˬ dawˬ tawˆ luꞈ guˆ-awˇ ciˬ cuˇ ni jawˇ-eu meh.

Jaceuq 90:11

Nawˇ nui ma pehˇ-eu baoˬ aˇ naˆ ni kʼaˆ-eu aˬ suˇ gʼaˬ yaw duˬ duˬ-ehˇ tahˬ puˬ haw-awˇ, nawˬ-euˬ nui pehˇ aˇ naˆ ni guˆ paˬ-ehˇ gʼeh-eu aˬ suˇ gʼaˬ siˬ duˬ ta.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Iˇsaˬyaˇ 13:13

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, ngaˬ-euˬ nui ma bi mawˇ ngeh nah, mˬ-ahˇ sheu nyeh nehˬ-awˇ, miˇ tsaˬ tahˬ kʼawˇ jawˇ duˬ bi cehˆ paˇ ma.

Iˇsaˬyaˇ 27:4

Yaˇ kmˇ kʼoeˇ-ahˇ ngaˇ nui ma maˬ pehˇ. Yaˇ moꞈ hawˇ-eu aˬ gah nawˆ laˇ gaˇ ngaˇ ceh gʼaˬ-awˇ, miˬ dzaˬ dzah puiˆ nehˬ-eu ma.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.

Ngoeˇ dawˬ 2:3

Aˬ yawꞈ nui ma pehˇ dui dui-awˇ, Iˇsaˬleˬlaˆ-euˬ gʼaˬ gʼaˬ siˬ, tuˆ paˆ dzeh-awˇ bi shaˬ-euˬ meh. Muiˇ-eu deuˬ-ahˇ ciˬ daˬ luꞈ ngeh, caw ba luꞈ-eu aˇ maˇ laꞈ-ahˇ, cawˬ kʼoꞈ nehˬ-awˇ bi shaˬ-euˬ meh. Miˬ dzaˬ puiˆ byoˆ jiˇ-euˬ loꞈ-ehˇ, kʼaˇ jaˆ-eu jeˬ dawˬ tawˆ luꞈ-ahˇ, aˬ yawꞈ laˆ cawˆ nehˬ jiˇ-euˬ meh.

Ngoeˇ dawˬ 2:4

Muiˇ-eu deuˬ neh jahˇ-euˬ loꞈ-ehˇ, nga maꞈ-ahˇ kaˆ ngoꞈ daˆ taˬ-awˇ, nga maꞈ nui kʼahˇ shiˇ-eu deuˬ-ahˇ, aˬ yawꞈ neh sehꞈ dzeh jiˇ-euˬ meh. Yeˬluˇsaˬlehˬ meuˬ heu laꞈ kʼoeˇ, aˬ yawꞈ-euˬ nui ma pehˇ-eu jeˬ, miˬ dzaˬ loꞈ-ehˇ luˬ laˇ-euˬ meh.

Ngoeˇ dawˬ 4:11

Sahˬpaˬ Miˬyehˇ nui ma pehˇ-eu, dawˬ tawˆ luꞈ puiˇ pyehˬ ka leꞈ-awˇ, nui pehˇ miˬ dzaˬ shehˆ daˆ leꞈ ngeh, Ziˇoˬ meuˬ-ahˇ puiˆ dzaˬ-euˬ kʼoeˇ, ciˇ tahˬ puiˆ byoˆ gaˇ keuˆ-euˬ meh.

Yeˬsaˬgeˬlaˇ 21:31

Ngaˬ-euˬ nui pehˇ naw maꞈ kʼoeˇ taˆ miˬ dzaˬ miˬ lmˇ loꞈ-ehˇ pyehˬ gʼeh leꞈ ngeh, ngaˬ-euˬ nui ma naw maꞈ ya mawˇ duˬ tehꞈ-a. Kʼoeˇ naˇ, yaw cawˆ jeˬ mˇ-eu paw ehˇ kʼaˇ maˬ za-eu aˬ dzawˬ aˇ gah deuˬ-euˬ laꞈ-ahˇ, naw maꞈ bi ahˇ leˇ ma.

Yeˬsaˬgeˬlaˇ 30:16

Iˇjiˇtuˆ-ahˇ miˬ dzaˬ keuˬ ngeh, Peˬluˇsiˆ meuˬ ya gawˇ tehꞈ-a. Deˬbiˇ meuˬ lahˇ coˬ byaˆ dzeh-awˇ, meuˬ-ahˇ iˇ jeuˬ jeuˬ pymˬ tehꞈ-a.

Yeˬsaˬgeˬlaˇ 39:6

Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 7:8

“Gʼawˬ myahˇ maˬ gʼeh-ehˇ, ngaˇ nui ma pehˇ-eu jeˬ aˇ naˆ ni gʼeh-eu gaˇ kawˆ naw maꞈ-ahˇ siˬ laˇ tehꞈ-a. Naw maꞈ neh kʼaˇ mˇ kʼaˇ shaˇ-euˬ loꞈ-ehˇ, naw maꞈ-ahˇ ngaˇ yaˇ kʼaˬ daˇ-awˇ, naw maꞈ nui daˆ daˆ laˇ paˬ-ehˇ dehꞈ-eu aˇ poeˬ, ngaˇ paˇ biꞈ kʼoꞈ nehˬ ma.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Zeˬpaˬniˇ 2:2

kʼaˬ puiˬ loꞈ-ehˇ bi yaˇ dzeh-eu, aˇ nah maˬ keuˆ le mi naˆ-ehˇ, Sahˬpaˬ Miˬyehˇ nui ma pehˇ-eu, naw maꞈ maˬ ya daˬ mi naˆ-ehˇ, Sahˬpaˬ Miˬyehˇ nui ma daˆ-eu, naw maꞈ maˬ tahˬ puˬ mi naˆ-ehˇ, nui ma-ahˇ noeˬ-awˇ dehꞈ paˇ-awˬ.

Maˬlaˬkiˇ 3:2

Ehˇ kʼawꞈ, aˬ yawꞈ oe ngeh nah aˬ suˇ gʼaˬ daˬ coeˇ nmˇ, Aˬ yawꞈ doˆ le ngeh, maˬ shiˇ-ehˇ dzeuˇ-iˇ-eu aˬ suˇ gʼaˬ jawˇ nmˇ. Aˬ yawꞈ-aˬ, taˆ dui dui-eu shaˇ byaˬ hawˇ-eu, shmˇ baw guiˇ-eu miˬ dzaˬ-ahˇ duˇ-eu meh.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Panmaeq 16:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ-euˬ uˬ duˬ tahˬ nymˇ nymˇ ma laꞈ kʼoeˇ teˇ saˇ yaw kʼaˆ-ehˇ guˇ-eu laꞈ kʼoeˇ, “Miˬyehˇ nui ma pehˇ-eu jeˬ pyeuꞈ-eu naˬ bo kʼoeˇ shiꞈ bo miˇ tsaˬ kʼoeˇ taˆ shehˆ daˆ-iˇ-awˬ” lehˇ ehˇ gaˇ ngaˇ ya gaˬ-euˬ ma.

Panmaeq 16:8

Kʼoeˇ naˇ, mˬ taˆ gʼaˬ kʼehˇ oeˬ gʼaˬ tiˬ gʼaˬ, aˬ yawꞈ-euˬ naˬ bo nahˇ ma-ahˇ shehˆ daˆ nehˬ-awˇ, lahˇ dui dui-eu nahˇ ma-euˬ miˬ dzaˬ kʼoeˇ neh tsawˇ haˬ zaˬ-ahˇ bi lahˇ-eu aˬ kawˬ-aˬ biꞈ-euˬ meh.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”