Naˬhmˬ 1:5 - Akha

⁵ Sahˬpaˬ Miˬyehˇ jawˇ-eu mehˬ shi, gawˬ jawˬ luˆ laˇ nyeh laˇ jiˇ-awˇ, gawˬ duˇ guiˇ ka byoˆ jiˇ-eu meh. Sahˬpaˬ Miˬyehˇ oe-eu mehˬ shi, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ yaw juˬ juˬ-eu meh.

Naˬhmˬ 1:5 ပူးပေါင်းရင်းမြစ်များ

2 Saˬmeuˬlaˆ 22:8

Aˬ yawꞈ nui ma pehˇ-eu miˇ neh, miˇ tsaˬ tahˬ kʼawˇ nyeh jiˇ laˇ-awˇ, mˬ-euˬ dawˬ pehˬ yaˇ laˇ-euˬ meh.

Yawˇbaˆ 26:11

Mˬ-ahˇ toˆ diˇ taˬ-euˬ kʼawˇ zeuˇ deuˬ-ahˇ aˬ yawꞈ lmˬ guˆ ngeh, kʼawˇ zeuˇ kʼoeˇ deuˬ yaw dzuˬ dzuˬ-eu meh.

Yawˇbaˆ 9:5

Maˬ siˬ laˇ mi naˆ-ehˇ gawˬ jawˬ-ahˇ aˬ yawꞈ ciˬ jiˆ-awˇ, nui ma pehˇ-eu laꞈ kʼoeˇ laˆ cawˆ nehˬ-eu meh.

Jaceuq 104:32

Miˇ tsaˬ tahˬ kʼawˇ-ahˇ aˬ yawꞈ haw ka gʼeh ngeh, miˇ tsaˬ tahˬ kʼawˇ yaw dzuˬ dzuˬ-eu meh. gawˬ jawˬ-ahˇ aˬ yawꞈ toeˬ ciˆ ngeh, uˬ kʼoeˬ tahˬ doˆ laꞈ-eu meh.

Jaceuq 114:4

Gawˬ jawˬ deuˬ ciꞈ myehꞈ loꞈ-ehˇ tsawˬ-awˇ, gawˬ duˇ deuˬ yawˇ zaˬ loꞈ-ehˇ teuˆ-eu meh.

Jaceuq 114:6

Gawˬ jawˬ deuˬ-oˇ, aˬ jeˬ miˇ neh ciꞈ myehꞈ loꞈ-ehˇ tsawˬ te. Gawˬ duˇ deuˬ-oˇ, aˬ jeˬ miˇ neh yawˇ zaˬ loꞈ-ehˇ teuˆ te.

Jaceuq 18:7

Aˬyawꞈnui ma pehˇlaˇ-euˬkʼoeˇ, miˇtsaˬtahˬkʼawˇgah nyeh nyeh-awˇ, gawˬjawˬduˬpuˇyaˇlaˇ-euˬmeh.

Jaceuq 18:8

Yawꞈ-euˬnaˇmehˇuˬkʼoeˬdoˆ-awˇ, nyehˆ-eu miˬlmˇhawˇ-eu miˬjiˆ, yawꞈ-euˬkʼaˬmeh-ahˇdoˆ-eu meh.

Jaceuq 46:6

Tsawˇ jeuˬ dawˬ tawˆ luꞈ laˇ baˇ-iˇ-awˇ, miˇ kʼahˬ dawˬ tawˆ luꞈ yaw dzuˬ dzuˬ-eu meh. Miˬyehˇ lmˬ laˇ ngeh, miˇ tsaˬ tahˬ kʼawˇ byaˆ-iˇ meuˇ-iˇ-eu meh.

Jaceuq 68:8

Miˇ tsaˬ tahˬ kʼawˇ nyeh laˇ-awˇ, mˬ kʼoeˇ taˆ uˬ yehˇ shehˆ dzeh leꞈ-euˬ meh. Siˇnaˆ gawˬ jawˬ-euˬ Miˬyehˇ oe luꞈ-eu miˇ neh, Iˇsaˬleˬlaˆ-euˬ Miˬyehˇ oe luꞈ-eu miˇ neh, kʼoeˇ loꞈ-ehˇ pyeuꞈ laˇ-euˬ meh.

Jaceuq 98:7

Iˬ ma laˆ shaˆ hawˇ-eu kʼoeˇ gaˇ kʼaˇ uˇ-eu jeˬ dawˬ tawˆ luꞈ, teˇ saˇ mahˇ doˆ laˇ-awˬ. Miˇ tsaˬ tahˬ kʼawˇ hawˇ-eu kʼoeˇ gaˇ kʼaˇ jawˇ-eu deuˬ dawˬ tawˆ luꞈ, ja ceuˬ-eu caˇ dawˬ caˇ-awˬ.

Doˆ-iˇ 19:18

Siˇnaˆ gawˬ jawˬ tiˬ jawˬ jawˬ lah ni, miˬ dzaˬ uˬ kʼoeˬ uꞈ uꞈ-ehˇ jaˆ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, miˬ dzaˬ laꞈ kʼoeˇ gawˬ jawˬ kʼoeˇ jawˬ kʼoeˇ taˆ zaꞈ le-euˬ meh. Miˬ dzaˬ uˬ kʼoeˬ kʼoeˇ-aˬ, miˬ dzaˬ tsawˬ bu-ahˇ doˆ-eu miˬ dzaˬ uˬ kʼoeˬ loꞈ-ehˇ, kʼoeˇ taˆ paw le daˆ-awˇ, gawˬ jawˬ jawˬ lah-ehˇ, miˇ luˆ luˆ-eu meh.

Iˇsaˬyaˇ 24:1

Haw yawˬ. Miˇ tsaˬ tahˬ kʼawˇ-ahˇ Sahˬpaˬ Miˬyehˇ laˆ cawˆ-awˇ, ciˬ cuˇ ni byehˇ dzeh nehˬ tehꞈ-a. Miˇ tsaˬ tahˬ kʼawˇ-ahˇ poˆ laˆ sheu pyawˇ nehˬ-awˇ, miˇ tsaˬ zaˬ deuˬ bi jawˇ byaˆ jiˇ tehꞈ-a.

Iˇsaˬyaˇ 24:20

Jiˇ baˬ yehꞈ-eu tsawˇ haˬ gaˇ ma cah-eu loꞈ-ehˇ, miˇ tsaˬ tahˬ kʼawˇ maˬ ziꞈ-ehˇ pyeuꞈ-iˇ-awˇ, jaˬ lehˇ lehˇ ma zaw leˇ-euˬ yaˇ cmˇ loꞈ-ehˇ, yawꞈ lawꞈ gʼaˇ laˇ-ehˇ jaˆ tehꞈ-a. Miˇ tsaˬ tahˬ kʼawˇ iˬ baˇ maˬ pi coeˇ-eu miˇ neh, coˬ dzeh-awˇ maˬ paˇ tuˇ laˇ nya ni pyeuꞈ-iˇ tehꞈ-a.

Iˇsaˬyaˇ 5:25

Kʼoeˇ miˇ neh, aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui ma pehˇ-awˇ, aˬ yawꞈ maꞈ-ahˇ kʼehˬ-eu lehˇ aˬ laꞈ cawˬ doˆ ngeh, gawˬ jawˬ deuˬ luˆ luˆ-ehˇ pyeuꞈ laˇ-awˇ, meuˬ-euˬ lehˆ kawˆ doe ni aˬ yawꞈ maꞈ shiˇ uiˬ taˬ-awˇ, mˇ myawˬ yaw cehˇ byaˆ dzeh taˬ-euˬ loꞈ-ehˇ ga tehꞈ-a. Ehˇ kʼawꞈ, Sahˬpaˬ Miˬyehˇ nui ma pehˇ-eu maˬ taˬ leˇ-ehˇ, aˬ laꞈ maˬ cawˬ kʼoꞈ ni bi jaˆ tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 4:24

Gawˬ jawˬ deuˬ-ahˇ ngaˇ haw gʼeh ngeh, miˇ luˆ luˆ luꞈ gaˇ ya mawˇ-awˇ, gawˬ duˇ kʼaˇ ngeuˇ-eu nyeh laˇ taˬ-euˬ meh.

Yeˬsaˬgeˬlaˇ 38:20

Ngaˬ shaˬ aˇ jiˇ dawˬ tawˆ luꞈ maˬ ehˇ, jeˬ zaˬ yaw huiˬ yaw nyiˇ yawˬ jeˬ na luꞈ maˬ ehˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ dawˬ tawˆ luꞈ maˬ ehˇ, ngaˬ-ahˇ guˆ-awˇ yaw dzuˬ dzuˬ tehꞈ-a. Gawˬ jawˬ coˬ le-awˇ, lo guˇ byaˆ-iˇ-eu uˬ taꞈ, meuˬ lahˇ kʼaˇ ngeuˇ-eu coˬ pyaˆ jiˇ tehꞈ-a.

Yawˇlaˆ 2:10

Aˬ yawꞈ maꞈ mehˬ hu paw le ngeh, miˇ tsaˬ tahˬ kʼawˇ miˇ luˆ luˆ-awˇ, mˬ nyeh nyeh-ehˇ pyeuꞈ laˇ-eu meh. Nahˇ ma ba la zahˇ-iˇ jiˇ-awˇ, aˬ guiˇ yaw shehꞈ maˬ paˇ bya meh.

Aˬmoˆ 9:5

Dawˬ tawˆ kʼoeˇ taˆ uˆ lahˇ luꞈ-eu, Baoˬ huiˬ-eu Sahˬpaˬ Miˬyehˇ neh, miˇ tsaˬ tahˬ kʼawˇ-ahˇ toeˬ ciˆ ngeh, miˇ tsaˬ tahˬ kʼawˇ miˇ luˆ luˆ-awˇ, miˇ tsaˬ zaˬ dawˬ tawˆ ngoeˇ-eu meh. Miˇ tsaˬ dawˬ tawˆ luꞈ luˆ laˇ-awˇ, Niˬlaˇ iˇ cuꞈ lawˇ baˬ loꞈ-ehˇ, goˇ awˆ baw-ehˇ gʼeu nyeh-eu meh.

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Haˬbaˬkuˆ 3:10

Gawˬ jawˬ deuˬ nawˬ-ahˇ ya mawˇ ngeh, guˆ dui dui-awˇ yaw dzuˬ dzuˬ meh. Mˬ-ahˇ iˇ cuꞈ shehˆ dzeh leꞈ-awˇ, miˇ oˆ iˇ cuꞈ teˇ saˇ mahˇ-awˇ, iˇ luˆ dzeh goˇ daˆ leꞈ-eu meh.

Zaˬkaˬliˇ 4:7

Nawˬ-euˬ mehˬ shi gawˬ jawˬ jawˬ ma kaˬ luꞈ kʼawꞈ, byoˆ-iˇ jiˇ tehꞈ-a. Uˬ duˬ tahˬ nymˇ nymˇ ma nawˇ paˇ tsoˆ gʼaˬ nya-awˇ, aˇ saˬ saˬ-eu kʼaˬ lo kʼoeˇ siˬ ciˬ daˆ-awˇ gawˬ ngeh, miˇ kʼahˬ zaˬ deuˬ ‘ Guiˬ lahˬ huiˬ dui dui ngaˇ. Guiˬ lahˬ huiˬ dui dui ngaˇ’ lehˇ guˇ tehꞈ-a.”

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 27:51

Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Maꞈtehˬ 28:2

Ja pyuˬ ni miˇ luˆ yaw kʼaˆ-ehˇ luˆ laˇ-awˇ, SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ mˬ kʼoeˇ taˆ neh zaꞈ le-awˇ, kʼaˬ lo lo ma kʼoeˇ siˬ ngawˬ dzeh-awˇ, kʼaˬ lo kʼoeˇ siˬ kʼoeˇ taˆ nuiˇ le-euˬ meh.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 6:14

Mˬ-aˬ, sahˬ boꞈ paˇ yoˆ lehˬ yoˆ kʼoꞈ-eu loꞈ-ehˇ byoˆ-iˇ-awˇ, gawˬ jawˬ yawˬ jawˬ na luꞈ hawˇ-eu iˇ jaw lahˇ yawˬ lahˇ na luꞈ, jawˇ duˬ bi jiˆ paˇ jiˇ-euˬ meh.

Yaˇ kʼaˬ daˇ 5:5

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi, Siˇnaˆ gawˬ jawˬ-euˬ Sahˬpaˬ Miˬyehˇ mehˬ shi, gawˬ jawˬ deuˬ miˇ luˆ luˆ-eu meh.