Naˬhmˬ 1:12 - Akha

¹² Sahˬpaˬ Miˬyehˇ ehˇ leꞈ-euˬ-aˬ, “Aˬshuˇliˆ tsawˇ haˬ gʼaˬ kʼaˆ-awˇ, tsawˇhaˬ myaˬ dui behˇ dui dui kʼawꞈ, bi laˆ cawˆ-awˇ byoˆ jiˇ tehꞈ-a. Naw maꞈ-ahˇ ngaˇ kʼehˬ dzeuˇ-euˬ kʼawꞈ, mehˬ hu paw maˬ paˇ kʼehˬ nehˬ ma.

Naˬhmˬ 1:12 ပူးပေါင်းရင်းမြစ်များ

2 Sahˬpaˬ 19:35

Kʼoeˇ ngeh miˇ, Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ, Aˬshuˇliˆ guiˇ maꞈ-euˬ taˆ-ahˇ le-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Uˬ bya bya laˇ ngeh, tsawˇ haˬ kʼoeˇ deuˬ yaw shiˇ-ehˇ ga-eu meh.

2 Sahˬpaˬ 19:37

Tiˬ nah-aˬ, aˬ yawꞈ-euˬ miˬ yehˇ pyeuꞈ-eu Niˇsaˬlawˇ miˬ yehˇ-euˬ uˬ duˬ tahˬ nymˇ laꞈ kʼoeˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬleˬmeˬlehˆ hawˇ-eu, Shaˬleˬzaˬ aˬ nyaꞈ nmˇ aˬ yawꞈ-ahˇ mi cehˇ deuˆ sehꞈ-awˇ Aˬyaˬyaˇ miˇ kʼahˬ paw cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇdaˬhaˬdoˬ gʼaˬ, aˬ yawꞈ-euˬ dah zaˇ sahˬ paˬ geuꞈ-euˬ meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Iˇsaˬyaˇ 17:14

Uˬ ciꞈ paw keuˆ le-eu guˆ-eu gaˆ-eu jeˬ, uˬ bya maˬ bya laˇ mi naˆ-ehˇ byoˆ jiˇ-eu meh. Aˬ dui miˇ kʼahˬ-ahˇ guiˇ deuˆ le-awˇ, myawˬ gahˬ ceh geuꞈ le-eu deuˬ-euˬ guiˬ lahˬ, kʼoeˇ naˆ ni doeˇ-eu meh.

Iˇsaˬyaˇ 30:19

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tiˬ jawˇ-iˬ noeˬ shaˬ-awˇ maˬ paˇ ya ngoeˇ meh. Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nehˬ laꞈ lehˇ naw maꞈ aˬ yawꞈ-ahˇ shaˇ ngeh, naw maꞈ-euˬ shaˇ dawˬ-ahˇ naˇ haˬ nehˬ laꞈ tehꞈ-a.

Iˇsaˬyaˇ 31:8

“Tsawˇ haˬ zaˬ neh maˬ tehˆ-euˬ mi cehˇ kʼehˬ-ahˇ, tsawˇ haˬ zaˬ neh maˬ deuˆ-euˬ mi cehˇ kʼehˬ-ahˇ, Aˬshuˇliˆ tsawˇ haˬ deuˬ ya shiˇ tehꞈ-a. Mi cehˇ kʼehˬ-ahˇ ya cehˆ byaˆ-awˇ, aˬ yawꞈ maꞈ-euˬ zaˬ yo aˬ cawˬ zaˬ kʼaˆ ya geuꞈ tehꞈ-a.

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 51:22

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, naw maꞈ-ahˇ kʼahˇ kʼoꞈ-awˇ heu loꞈ-ehˇ ehˇ-eu meh. “Ngaˇ nui ma pehˇ ngeh ciˬ nehˬ-euˬ, kʼmˬ maˬ kʼoeˇ ngaˇ ciˬ kʼoꞈ-eu ma. Nawˬ-ahˇ gaˇ ma maˬ cah gahˇ nya ni bi shaˬ-euˬ, kʼmˬ maˬ kʼoeˇ nawˇ tiˬ jawˇ-iˬ maˬ paˇ ya dawˇ meh.

Iˇsaˬyaˇ 7:20

“Aˇ nah aˇ yamˬ kʼoeˇ yamˬ keuˆ le ngeh, uˬ jehˆ jehˆ-eu tsawˇ haˬ tiˬ gʼaˬ kuˇ ahˇ leꞈ-eu loꞈ-ehˇ, Uˇpaˬlaˇ lawˇ baˬ nui baˬ paw jawˇ-eu Aˬshuˇliˆ sahˬ paˬ-ahˇ Sahˬpaˬ Miˬyehˇ kuˇ ahˇ leꞈ-awˇ, nawˬ-euˬ uˬ duˬ tsehˇ kahˇ maˬ ehˇ, mehˬ mahˬ maˬ ehˇ, mawˬ gʼaw caꞈ hm deuˬ maˬ ehˇ, nawˬ-euˬ gʼawˇ mawˇ-ahˇ kʼaˇ tsoꞈ-eu caꞈ hm dawˬ tawˆ luꞈ, aˬ yawꞈ neh bi jehˆ dzeh jiˇ tehꞈ-a.

Iˇsaˬyaˇ 8:8

Yuˇdaˆ miˇ kʼahˬ-ahˇ aˬ yawꞈ maꞈ iˇ jeuˬ jeuˬ ahˇ leꞈ-awˇ, kawˬ lahˇ-ahˇ keuˆ ni jeuˬ keuˆ laꞈ-awˇ, yawˬ jeˬ na luꞈ-ahˇ dahˬ pymˬ jiˇ tehꞈ-a. Iˇ jeuˬ kʼoeˇ miˇ kʼahˬ kʼoeˇ coeˇ heu coeˇ doˆ ni oe byah leꞈ tehꞈ-a.” Miˬyehˇ-oˇ, nga maꞈ nehˬ-ehˇ jawˇ nehˬ laꞈ.

Daˬyeˬlaˇ 11:10

“Suˇliˆ sahˬ paˬ-euˬ aˬ li deuˬ guiˇ maꞈ maꞈ ma laˆ uiˬ-awˇ, guiˇ deuˆ-eu gʼaˇ duˬ lehˬ hmˬ tehꞈ-a. Sahˬ paˬ-euˬ aˬ li tiˬ gʼaˬ iˇ jeuˬ jeuˬ-eu loꞈ-ehˇ iˇ gʼeh-awˇ, muiˇ-eu deuˬ-euˬ taꞈ-ahˇ deuˆ tehꞈ-a.

Yawˇlaˆ 2:19

Aˬ yawꞈ maꞈ-ahˇ aˬ yawꞈ ehˇ-eu, “Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ naw maꞈ-ahˇ ngaˇ biꞈ-awˇ, nui kʼahˇ tiˬ shiˇ bi dzaˬ dehˆ ma. Aˬ cawˬ tsawˇ jeuˬ deuˬ naw maꞈ-ahˇ, yehˬ bawˬ-ehˇ maˬ paˇ bi gʼeh ma.

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Panmaeq 7:16

Aˬ yawꞈ maꞈ hawˬ hawˇ-eu iˇ cuꞈ mehꞈ-eu maˬ paˇ baw-ehˇ, nahˇ tsaˇ hawˇ-eu lahˇ dui dui-eu jeˬ-ahˇ maˬ paˇ ya daˬ meh.