Naˬhmˬ 1:11 - Akha

¹¹ Sahˬpaˬ Miˬyehˇ-ahˇ ciˬ daˬ-awˇ, yaw haiˬ jeˬ mˇ mawꞈ-eu tiˬ gʼaˬ, Niˇnaˬbeˬ meuˬ-ahˇ jawˇ-eu meh.

Naˬhmˬ 1:11 ပူးပေါင်းရင်းမြစ်များ

2 Saˬmeuˬlaˆ 20:1

Giˇlaˇgaˬlaˇ meuˬ laꞈ kʼoeˇ, Beˬyaˬmiˬ tsawˇ jeuˬ Biˇkaˬliˇ-euˬ aˬ li Sheˬba lehˇ myahˇ-euˬ aˬ dzawˬ aˇ gah tiˬ gʼaˬ jawˇ-eu meh. Aˬ yawꞈ daˇ heh baw-awˇ, “Daˬbiˇ-ahˇ aˬ dui maꞈ maˬ taꞈ. Yeˬshehˇ-euˬ aˬ li nehˬ-ehˇ aˬ dui maꞈ nui ma maˬ gm. Iˇsaˬleˬlaˆ tsawˇ haˬ deuˬ-oˇ, yawˬ ha-euˬ nymˇ-ahˇ yawˬ ha gʼoꞈ-iˇ jiˇ-awˬ” lehˇ guˇ-eu meh.

2 Sahˬpaˬ 18:30

Sahˬpaˬ Miˬyehˇ-ahˇ gʼoe-awˬ lehˇ, aˬ yawꞈ naw maꞈ-ahˇ ehˇ gaˇ taˬ naˇ haˬ, Sahˬpaˬ Miˬyehˇ naw maꞈ-ahˇ ka kʼoꞈ-awˇ, Aˬshuˇliˆ guiˇ maꞈ deuˬ neh naw maꞈ-euˬ meuˬ heu meuˬ-ahˇ maˬ bi deuˆ gʼaˬ-aˇ lehˇ taˬ noeˬ,

2 Laˬsaˬbaˬ 13:7

Aˇ nah, gaˇ dahˇ maˬ tsoeˬ-eu haiˬ-eu tsawˇ haˬ deuˬ-ahˇ aˬ yawꞈ kuˇ uiˬ-awˇ, Sawˇlaˬmoˬ-euˬ aˬ li Leˬhawˇbamˬ-ahˇ yehˬ baw-ehˇ gʼeh-euˬ meh. Kʼoeˇ ngeh, Leˬhawˇbamˬ gʼaˬ aˇ kʼoꞈ nahˬ-awˇ maˬ mˇ maˬ shaˇ nya-euˬ miˇ neh, aˬ yawꞈ maꞈ-ahˇ maˬ ciˬ daˬ nya-aˬ.

Yeˬsaˬgeˬlaˇ 11:2

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, tsawˇ haˬ heu deuˬ yaw haiˬ jeˬ mˇ-eu lehˇ bawˬ uˇ luꞈ-awˇ, meuˬ heu meuˬ laꞈ kʼoeˇ maˬ muiˬ-eu nui noeˬ nui duˇ deuˬ biꞈ luꞈ-eu meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.

Naˬhmˬ 1:9

Sahˬpaˬ Miˬyehˇ-ahˇ bahˬ-eu jeˬ, nawˇ mˇ ma lehˇ noeˬ-eu ngeuˇ naˇ, yaw cawˆ jeˬ ya tahˬ puˬ tehꞈ-a. Aˬ yawꞈ-ahˇ bahˬ-eu jeˬ mˇ naˇ, tiˬ poˆ taꞈ-ehˇ maˬ mˇ dzeuˇ nya.

1 Saˬmeuˬlaˆ 2:12

Eˇliˆ-euˬ aˬ li deuˬ gaˇ dahˇ maˬ tsoeˬ-a. Aˬ yawꞈ maꞈ Sahˬpaˬ Miˬyehˇ-ahˇ yaw zeu maˬ baw-a.