Miˇkaˬ 7:20 - Akha

²⁰ Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Miˇkaˬ 7:20 ပူးပေါင်းရင်းမြစ်များ

Aˇ dahˬ 24:27

“Ngaˬ-euˬ baw leˬ Aˬbyaˬhaˬ-ahˇ saˇ jaˇ ziꞈ-eu aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ huiˬ luꞈ-uˇ. Sahˬpaˬ Miˬyehˇ-aˬ, ngaˬ-euˬ baw leˬ Aˬbyaˬhaˬ-euˬ aˬ yuiꞈ aˬ nyiˇ deuˬ jawˇ gaˇ, ngaˬ-ahˇ dawˇ coe ni sheuˬ ahˇ nehˬ laꞈ-euˬ nga” lehˇ ehˇ-eu meh.

Aˇ dahˬ 32:10

Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Dawˬmehˬ 7:12

“Zahˇ dawˬ kʼoꞈ dawˬ heu deuˬ-ahˇ naw maꞈ naˇ haˬ geuꞈ-awˇ maˬ byehˇ ni caw teh naˇ, naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ ziꞈ-awˇ, naw maꞈ-ahˇ aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ ni bi mawˇ laꞈ tehꞈ-a.

Dawˬmehˬ 7:8

Sahˬpaˬ Miˬyehˇ naw maꞈ-ahˇ gaˬ-awˇ, naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ ziꞈ luꞈ-eu meh. Teu baˬ da neh, aˬ yawꞈ-euˬ huiˬ-eu baoˬ-ahˇ gʼoe-eu laꞈ kʼoeˇ, naw maꞈ-ahˇ aˬ yawꞈ ka kʼoꞈ-awˇ, Iˇjiˇtuˆ sahˬ paˬ-euˬ zaˬ kʼaˆ ya geuꞈ-eu laꞈ kʼoeˇ naw maꞈ-ahˇ bi buˬ-iˇ laꞈ-euˬ meh.