Miˇkaˬ 7:18 - Akha

¹⁸ Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Miˇkaˬ 7:18 ပူးပေါင်းရင်းမြစ်များ

Aˇ dahˬ 4:7

Nawˇ dawˇ coe ni mˇ law nmˇ-aˬ, laˬ kʼaˬ ya cehˇ tehꞈ-a. Ehˇ kʼawꞈ, nawˇ yaw tsaˬ yaw dawˇ dawˇ-ehˇ maˬ mˇ-euˬ miˇ neh, nawˬ-euˬ nymˇ gʼoˆ kʼehˬ-ahˇ iˬ baˇ keuˆ le luꞈ meh. Iˬ baˇ kʼoeˇ nawˬ-ahˇ uˆ lahˇ mawꞈ-eu meh. Iˬ baˇ-ahˇ gʼaˬ leˇ ni nawˇ leh jeh-awˬ.”

1 Sahˬpaˬ 8:23

heu loꞈ-ehˇ guiˬ lahˬ shaˇ-euˬ meh. “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, mˬ hawˇ-eu miˇ kʼoeˇ taˆ nawˇ loꞈ-ehˇ gʼeh-eu miˬ yehˇ maˬ jawˇ-a. Nawˬ-euˬ tsawˇ haˬ deuˬ nui ma gʼawˇ mawˇ dawˬ tawˆ luꞈ nawˬ-euˬ ehˇ dawˬ naˇ haˬ-awˇ dehꞈ ngeh, aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ nawˇ ziꞈ-awˇ, nawˬ-euˬ gʼoeˇ-eu gaˬ-eu jeˬ aˬ yawꞈ maꞈ-ahˇ bi mawˇ-euˬ meh.

2 Laˬsaˬbaˬ 30:9

Naw maꞈ Sahˬpaˬ Miˬyehˇ jawˇ paw gʼoꞈ laˇ naˇ, naw maꞈ-euˬ aˬ yuiꞈ aˬ nyiˇ deuˬ-ahˇ nyehꞈ gʼeh-euˬ tsawˇ haˬ deuˬ naw maꞈ-euˬ aˬ yuiꞈ aˬ nyiˇ kʼoeˇ deuˬ-ahˇ gʼawˬ shaˬ haw gaˬ-awˇ, iˇ kʼahˇ-ahˇ bi gʼoꞈ laˇ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, gʼawˬ shaˬ gaˬ nya-awˇ, caw ba nya-eu miˇ neh, naw maꞈ aˬ yawꞈ jawˇ paw gʼoꞈ laˇ naˇ, aˬ yawꞈ naw maꞈ-ahˇ ha geuꞈ nehˬ laꞈ tehꞈ-a.”

2 Laˬsaˬbaˬ 6:21

Ngaˇ maˬ ehˇ, nawˬ-euˬ tsawˇ haˬ deuˬ maˬ ehˇ, jawˇ duˬ heu tsahˇ-ahˇ mehˬ shiˬ pyawˇ-awˇ guiˬ lahˬ shaˇ ngeh, nawˇ naˇ haˬ geuꞈ nehˬ laꞈ-awˬ. Mˬ kʼoeˇ taˆ jaˆ-eu nawˬ-euˬ nymˇ laꞈ kʼoeˇ nga maꞈ-euˬ shaˇ dawˬ-ahˇ naˇ haˬ-awˇ, nga maꞈ-ahˇ iˬ baˇ pyehˬ nehˬ laꞈ-awˬ.

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Jaceuq 103:13

Aˬ da zaˬ-ahˇ gaˬ-euˬ loꞈ-ehˇ, aˬ yawꞈ-ahˇ taˬ huiˬ-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh.

Jaceuq 130:4

Ehˇ kʼawꞈ nawˬ-euˬ mehˬ shi nga maꞈ guˆ-awˇ yawꞈ laˇ coeˇ ni, iˬ baˇ pyehˬ nehˬ laꞈ-awˬ.

Jaceuq 35:10

Ngaˬ-euˬpuˇnmꞈlaꞈkʼoeˇkeuˆni, SahˬpaˬMiˬyehˇ-ahˇehˇ-eu ma. “Nawˬ-ahˇduˇ-eu aˬsuˇjawˇta. Gʼaˬkʼaˆaˬda laꞈoˆshaˬ-eu, gʼaˬbaˬ-eu deuˬ-ahˇka kʼoꞈ-awˇ, nawˬdzaˬkʼaˆdzaˬgaˇdaˬluꞈ-eu, shaˬzaˬ-ahˇnawˇka kʼoꞈ-eu meh.”

Jaceuq 65:3

Yawˬ ha-euˬ iˬ baˇ gaˇ kawˆ-ahˇ taꞈ leˇ-awˇ ya laˇ tehꞈ-a. Nga maꞈ-euˬ iˬ baˇ nga maꞈ-ahˇ gʼaˬ leˇ taˬ-euˬ kʼawꞈ, nawˇ iˬ baˇ pyehˬ nehˬ laꞈ-euˬ meh.

Jaceuq 65:4

Nawˬ-euˬ muiˬ-eu shawˇ-eu jawˇ duˬ-ahˇ bi jawˇ-euˬ, nawˬ neh tseˇ doˆ-euˬ tsawˇ haˬ kʼoeˇ deuˬ, laˬ kʼaˬ cehˇ luꞈ-uˇ. Nawˬ-euˬ nymˇ-euˬ muiˬ-eu jaˬ-eu jeˬ hawˇ-eu, muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-euˬ guiˬ lahˬ yaw dzahˇ-ahˇ, nga maꞈ nui kʼahˇ shiˇ-eu ma.

Jaceuq 71:19

Miˬyehˇ-oˇ, nawˬ-euˬ yaw tsaˬ yaw dawˇ jeˬ mˬ-ahˇ keuˆ ni tuˆ-awˇ, huiˬ-eu gaˇ deuˬ nawˇ mˇ yaꞈ-euˬ meh. Nawˬ-ahˇ duˇ-eu tiˬ gʼaˬ-iˬ maˬ jawˇ-a.

Jaceuq 86:15

Ehˇ kʼawꞈ Sahˬpaˬ Miˬyehˇ-oˇ, nawˇ-aˬ gʼawˬ shaˬ gaˬ nya-awˇ, gʼoeˇ-eu gaˬ-eu jeˬ byah-eu Miˬyehˇ pyeuꞈ-eu uˬ taꞈ, nui ma gʼawˬ mahˇ ni taˬ nya-awˇ gʼawˬ shaˬ gaˬ-eu laꞈ kʼoeˇ, saˇ jaˇ ziꞈ-eu meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Jaceuq 89:6

Sahˬpaˬ Miˬyehˇ-oˇ, mˬ kʼoeˇ taˆ nawˬ-ahˇ duˇ-eu tiˬ gʼaˬ-iˬ maˬ jawˇ-a. Mˬ taˆ zaˬ deuˬ nawˇ loꞈ-ehˇ tiˬ gʼaˬ-iˬ maˬ bym-a.

Jaceuq 89:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Doˆ-iˇ 34:9

Aˬ yawꞈ ehˇ-eu, “Sahˬpaˬ Miˬyehˇ-oˇ, nawˇ ngaˬ-ahˇ aˬ diˇ aˬ maˇ nui ma tsaˬ naˇ, nga maꞈ nehˬ-ehˇ tiˬ kawˆ loꞈ-ehˇ le nehꞈ laꞈ lehˇ shaˇ-eu ma. Tsawˇ haˬ heu deuˬ-aˬ, nui ma gʼahˇ dui dui-eu meh. Ehˇ kʼawꞈ, nga maꞈ-euˬ maˬ muiˬ maˬ jaˬ-eu jeˬ hawˇ-eu mˇ lehˬ laˆ lehˬ-euˬ deuˬ-ahˇ iˬ baˇ pyehˬ nehˬ laꞈ-awˇ, nawˬ-euˬ tsawˇ haˬ loꞈ-ehˇ nga maꞈ-ahˇ ha geuꞈ nehˬ laꞈ-awˬ.”

Iˇsaˬyaˇ 1:18

Sahˬpaˬ Miˬyehˇ ehˇ-eu, “Laˇ-awˬ tiˬ kawˆ loꞈ-ehˇ shaˇ noeˬ shaˇ sawˇ ma. Naw maꞈ-euˬ iˬ baˇ neˇ tseuˆ ni gʼeh kʼawꞈ, saˬ laˬ naˆ maˬ tseˇ pyuˇ laˇ tehꞈ-a. Naw maꞈ-euˬ iˬ baˇ shiˬ loꞈ-ehˇ neˇ kʼawꞈ, yawˇ zaˬ caꞈ hm loꞈ-ehˇ bi ba laˇ ma.

Iˇsaˬyaˇ 33:24

Ziˇoˬ meuˬ laꞈ kʼoeˇ jawˇ-eu tsawˇ haˬ deuˬ, tiˬ gʼaˬ-iˬ naˇ-eu gawˇ-eu maˬ baw-ehˇ, kʼoeˇ gaˇ jawˇ-eu tsawˇ haˬ deuˬ-euˬ iˬ baˇ, dawˬ tawˆ luꞈ pyehˬ nehˬ jiˇ tehꞈ-a.

Iˇsaˬyaˇ 38:17

Ngaˇ nui ma naˇ luꞈ-eu saˇ laˇ miˇ-a. Guˆ-eu gaˆ-eu jeˬ dawˬ tawˆ luꞈ laꞈ kʼoeˇ, ngaˬ-euˬ saꞈ laˇ-ahˇ nawˇ ka kʼoꞈ doˆ nehˬ laꞈ-awˇ, ngaˬ-euˬ iˬ baˇ dawˬ tawˆ pyehˬ dzeh nehˬ laꞈ-euˬ meh.

Iˇsaˬyaˇ 40:18

Miˬyehˇ-ahˇ aˬ geu gʼaˬ nehˬ-ehˇ shaˇ cehˆ haw nmˇ. Aˬ yawꞈ aˬ jeˬ-ahˇ duˇ-eu ehˇ nya ma loˇ.

Iˇsaˬyaˇ 40:25

Miˬyehˇ-ahˇ aˬ suˇ gʼaˬ nehˬ-ehˇ shaˇ cehˆ haw nmˇ. Aˬ yawꞈ-ahˇ duˇ-eu jawˇ meh loˇ.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Iˇsaˬyaˇ 57:10

Miˬ yehˇ nui deuˬ-ahˇ poˆ poˆ-ehˇ shaˬ sehꞈ leꞈ kʼawꞈ, maˬ paˇ poˆ ma lehˇ naw maꞈ maˬ noeˬ-a. Lawˇ ciꞈ zaˬ-euˬ tahˬ pahˬ aˬ ma mawˇ kawˇ gʼaˬ lahˬ lahˬ-eu miˇ neh, gʼaˬ maˬ ya baˬ-iˇ-aˇ lehˇ naw maꞈ noeˬ-eu meh.

Iˇsaˬyaˇ 57:16

Ngaˬ-euˬ tsawˇ haˬ deuˬ-ahˇ dehꞈ-eu saꞈ laˇ biꞈ-awˇ, aˬ yawꞈ maꞈ-ahˇ ngaˇ maˬ paˇ noeˬ doeˇ-ehˇ, tiˬ jawˇ-iˬ nui ma maˬ pehˇ ma.

Iˇsaˬyaˇ 62:5

Miˬ daꞈ zaˬ daꞈ sheuˬ dahˬ dzaˬ-eu loꞈ-ehˇ, nawˬ-ahˇ beh-euˬ gʼaˬ nawˬ-ahˇ sheuˬ dahˬ dzaˬ tehꞈ-a. Miˬ zaˬ yo zaˬ tiˬ gʼaˬ tiˇ gʼaˬ nui kʼahˇ jaˆ-eu loꞈ-ehˇ, nawˬ-euˬ Miˬyehˇ kʼawꞈ nawˬ-ahˇ nui kʼahˇ jaˆ tehꞈ-a.

Iˇsaˬyaˇ 64:9

Kʼoeˇ baˬ da neh nui ma pehˇ-eu aˇ dzehˬ taˬ dzeuˇ nehˬ laꞈ. Nga maꞈ-euˬ iˬ baˇ-ahˇ mˬ maˬ maˬ byaˆ zaˇ ziˇ taˬ paꞈ tawꞈ laꞈ. Nga maꞈ nawˬ-euˬ tsawˇ haˬ pyeuꞈ-eu miˇ neh, nga maꞈ-ahˇ gʼawˬ shaˬ gaˬ nehˬ laꞈ.

Iˇsaˬyaˇ 65:19

Yeˬluˇsaˬlehˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ, ngaˬ-euˬ gʼawˇ mawˇ laˬ kʼaˬ ya cehˇ tehꞈ-a. Kʼoeˇ gaˇ noeˬ shaˬ noeˬ zahˬ-eu maˬ jaˆ-ehˇ, caw ba nehˬ laꞈ lehˇ ngoeˇ-eu maˬ paˇ ya gaˬ meh.

Yeˬlaˬmiˇ 3:12

Iˇsaˬleˬlaˆ-ahˇ heu loꞈ-ehˇ ehˇ nehˬ leˇ-awˬ lehˇ aˬ yawꞈ ngaˬ-ahˇ ehˇ-eu meh. “Saˇ jaˇ maˬ ziꞈ-eu Iˇsaˬleˬlaˆ-oˇ, ngaˇ jawˇ gaˇ gʼoꞈ laˇ-awˬ. Ngaˇ gʼawˬ shaˬ gaˬ nya-awˇ nui ma maˬ pehˇ. Mˬ maˬ maˬ byaˆ zaˇ ziˇ nawˬ-ahˇ nui ma maˬ paˇ pehˇ ma.

Yeˬlaˬmiˇ 3:5

Nawˇ nui ma pehˇ gʼaˬ-eu baw-awˇ, nui pehˇ shuꞈ-iˇ-eu baw tehꞈ-a.’ Iˇsaˬleˬlaˆ-oˇ, nawˇ kʼoeˇ loꞈ-ehˇ ehˇ kʼawꞈ, yaw haiˬ jeˬ-ahˇ nui kʼahˇ tiˬ shiˇ nawˇ mˇ-eu meh.”

Yeˬlaˬmiˇ 31:20

“Iˇsaˬleˬlaˆ nawˇ ngaˇ gaˬ dzehˬ-eu aˬ li ma. Aˬ cawˬ naˆ maˬ tseˇ gaˬ-euˬ gʼaˬ nawˇ ma. Nawˬ-euˬ tsawˇ myahˇ ngaˇ kʼaˇ kuˇ ngeh, nawˬ-ahˇ gaˬ-eu maˬ jiˇ leˇ-ehˇ, nawˬ-ahˇ noeˬ-eu maˬ byoˆ-iˇ nya. Nawˬ-ahˇ ngaˇ gʼawˬ shaˬ aˬ diˇ gaˬ nehˬ ma.

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 32:41

Aˬ yawꞈ maꞈ-ahˇ yaw muiˬ jeˬ mˇ nehˬ-eu gʼaˇ duˬ ngaˇ laˬ kʼaˬ cehˇ-awˇ, miˇ kʼahˬ heu kʼahˬ laꞈ kʼoeˇ ziꞈ dah ni bi dehꞈ ma.

Yeˬlaˬmiˇ 33:8

Aˬ yawꞈ maꞈ neh ngaˬ-ahˇ mˇ lehˬ-euˬ iˬ baˇ-ahˇ ngaˇ tsiˬ shawˇ nehˬ-awˇ, aˬ yawꞈ maꞈ-euˬ yaw lehˬ hawˇ-eu ngaˬ-ahˇ puiˬ-euˬ jeˬ-ahˇ, iˬ baˇ pyehˬ nehˬ ma.

Yeˬlaˬmiˇ 38:8

Eˇbehˆmeˬlehˆ sahˬ paˬ jawˇ gaˇ le-awˇ, heu loꞈ-ehˇ ehˇ nehˬ-euˬ meh.

Yeˬlaˬmiˇ 50:20

Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 9:24

Ngaˬ-euˬ gʼoeˇ-eu gaˬ-eu jeˬ aˬ myah luꞈ ziꞈ-awˇ, ngaˇ yaw tsaˬ yaw dawˇ jeˬ mˇ-eu miˇ neh, kʼahˬ sehˇ kʼaˇ jehˆ mawꞈ-eu tsawˇ haˬ, ngaˬ-ahˇ siˬ nya-eu jeˬ gaˇ kawˆ kʼahˬ sehˇ jehˆ-awˬ. Kʼoeˇ loꞈ-ehˇ mˇ gaˇ ngaˇ nui kʼahˇ shiˇ-eu ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 18:23

Haiˬ-eu tsawˇ haˬ shiˇ gaˇ ngaˇ laˬ kʼaˬ cehˇ meh lehˇ naw maꞈ noeˬ te loˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma. Maˬ ngeuˇ. Aˬ yawꞈ noeˬ poˆ noeˬ paˇ-awˇ yaw dehꞈ ya dehꞈ gaˇ ngaˇ mawˇ mawꞈ-eu ma.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 33:16

Aˬ yawꞈ neh mˇ-euˬ iˬ baˇ ngaˇ pyehˬ nehˬ-awˇ, yaw tsaˬ yaw dawˇ jeˬ hawˇ-eu yaw muiˬ jeˬ paˇ mˇ poˆ-euˬ baˬ da neh, aˬ yawꞈ ya dehꞈ tehꞈ-a.

Daˬyeˬlaˇ 9:9

Nga maꞈ nawˬ-ahˇ puiˬ-euˬ kʼawꞈ, nawˇ gʼawˬ shaˬ gaˬ-awˇ iˬ baˇ pyehˬ nehˬ laꞈ-euˬ meh.

Hawˇseˬ 14:2

Guiˬ lahˬ shaˇ dawˬ heu yuˇ laꞈ-awˇ, lawˇ-eu shehˇ-eu tiˬ jeˬ loꞈ-ehˇ, Sahˬpaˬ Miˬyehˇ-ahˇ damˬ nehˬ-awˬ. “Nga maꞈ-euˬ iˬ baˇ pyehˬ laꞈ-awˇ, nga maꞈ shaˇ dawˬ naˇ haˬ nehˬ laꞈ. Nga maꞈ saˇ jaˇ dzaˬ-euˬ loꞈ-ehˇ, nawˬ-ahˇ nga maꞈ ja ceuˬ-eu ma.

Hawˇseˬ 14:5

Miˇ tsaˬ gui-awˇ kʼoˆ dui dui gaˇ, uˬ yehˇ yehˇ shehˬ nehˬ-eu loꞈ-ehˇ, Iˇsaˬleˬlaˆ-ahˇ ngaˇ haw ma. Aˬ yawꞈ maꞈ aˇ yehˆ yehˆ laˇ-awˇ, Leˬbaˬnoˬ aˇ bawˇ deuˬ loꞈ-ehˇ, duˬ ciˇ ziꞈ dah ni jaˆ tehꞈ-a.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Aˬmoˆ 1:11

Sahˬpaˬ Miˬyehˇ ehˇ-eu, “Eˬdoˬ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˇ jeuˬ aˇ ca pyeuꞈ-eu Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ shaˬ teh teh-eu loꞈ-ehˇ teh -awˇ, gʼawˬ shaˬ gaˬ-eu nui ma tiˬ pawꞈ-iˬ maˬ ahˇ-a. Aˬ yawꞈ maꞈ nui ma pehˇ-eu yaw li maˬ baw-ehˇ, tiˬ jawˇ-iˬ pehˇ taˬ-euˬ maˬ baw-a.

Aˬmoˆ 7:8

“Aˬmoˆ-oˇ, nawˇ aˬ jeˬ mawˇ teˬ” lehˇ aˬ yawꞈ ngaˬ-ahˇ naˇ haˬ-eu miˇ neh, “Shmˇ siˬ caˆ dza mawˇ-euˬ ma” lehˇ ngaˇ ehˇ kʼoꞈ nehˬ-euˬ ma. Kʼoeˇ naˇ, aˬ yawꞈ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ-aˬ, dawˇ coe ni maˬ jaˆ-eu meuˬ lahˇ tiˬ lahˇ-ahˇ duˇ-eu gaˇ kawˆ bi siˬ-eu gʼaˇ duˬ, caˆ dza heu hmˬ ngaˇ tuˆ tehˬ luꞈ-eu ma. Heu poˆ jawˇ, ngaˇ nui ma maˬ paˇ ni aˬ yawꞈ maꞈ-ahˇ aˬ diˇ kʼehˬ nehˬ ma.

Aˬmoˆ 8:2

“Aˬmoˆ-oˇ, nawˇ aˬ jeˬ mawˇ teˬ” lehˇ, Sahˬpaˬ Miˬyehˇ ngaˬ-ahˇ naˇ haˬ-eu miˇ neh, “Aˇ siˬ kʼa sa tiˬ sa mawˇ-euˬ ma” lehˇ ngaˇ ehˇ kʼoꞈ nehˬ-eu ma. Sahˬpaˬ Miˬyehˇ ngaˬ-ahˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ gʼaˇ duˬ aˇ saˬ saˬ-eu aˇ yamˬ keuˆ le luꞈ meh. Ngaˇ nui ma maˬ paˇ ni aˬ yawꞈ maꞈ-ahˇ kʼehˬ nehˬ kʼaˆ nehˬ ma.

Yawˇnaˆ 4:2

Kʼoeˇ miˇ neh, aˬ yawꞈ heu loꞈ-ehˇ guiˬ lahˬ shaˇ-euˬ meh. “Sahˬpaˬ Miˬyehˇ -oˇ, ngaˇ iˇ kahˇ-ahˇ neh ma gʼoˆ doˆ le mi naˆ-ehˇ nawˇ heu loꞈ-ehˇ jahˇ tehꞈ-a lehˇ ngaˇ ehˇ-euˬ maˬ ngeuˇ-a loˇ. Kʼoeˇ miˇ neh Saˬbeˬ miˇ kʼahˬ paw cehˆ byoˆ-eu lehˇ ngaˇ leh jeh-euˬ ma. Nawˇ-aˬ, gʼoeˇ-eu gaˬ-eu jeˬ byah-eu gʼawˬ shaˬ gaˬ nya-eu Miˬyehˇ pyeuꞈ-awˇ, aˬ myah luꞈ nui ma gʼawˬ mahˇ ni taˬ-awˇ gʼawˬ shaˬ gaˬ nehˬ nya-eu uˬ taꞈ, aˬ myah luꞈ nui ma paˇ laˇ nya-awˇ, maˬ kʼehˬ maˬ kʼaˆ nehˬ ni byehˇ-eu meh.

Miˇkaˬ 2:12

“Ehˇ kʼawꞈ, kʼaˇ dzeuˇ-iˇ-euˬ naw maꞈ Iˇsaˬleˬlaˆ tsawˇ haˬ deuˬ-ahˇ ngaˇ kuˇ uiˬ ma. Kuˆ-ahˇ gʼoꞈ uˇ laˇ-eu yawˇ deuˬ loꞈ-ehˇ naw maꞈ-ahˇ ngaˇ tiˬ gaˇ tehꞈ-ehˇ sheuˬ uiˬ ma. Gaˆ dzaˬ duˬ-ahˇ yawˇ tiˬ byah ni gaˆ luꞈ-eu loꞈ-ehˇ, naw maꞈ miˇ kʼahˬ laꞈ kʼoeˇ tsawˇ haˬ paˇ myaˬ laˇ tehꞈ-a.”

Miˇkaˬ 4:7

Aˬ yawꞈ maꞈ-aˬ, aˬ kuiˇ kuiˇ tawˆ bi dawˆ-awˇ, iˇ kahˇ-ahˇ gʼawˬ mahˇ kaˬ gaˇ jawˇ luꞈ meh. Ehˇ kʼawꞈ, dzeˇ yaꞈ-euˬ deuˬ-ahˇ ngaˇ yaw shuiꞈ shuiꞈ-ehˇ aˇ dahˬ paˇ beh nehˬ-awˇ, huiˬ-eu tsawˇ jeuˬ paˇ bi pyeuꞈ laˇ ma. Kʼoeˇ ngeh neh naˇ, Ziˇoˬ gawˬ jawˬ-ahˇ neh aˬ yawꞈ maꞈ-ahˇ ngaˇ mˬ maˬ maˬ byaˆ zaˇ ziˇ uˆ lahˇ ma.”

Miˇkaˬ 5:3

Kʼoeˇ miˇ neh, zaˬ ya ciˬ-eu zaˬ miˬ zaˬ kʼoeˇ gʼaˬ aˬ yawꞈ-euˬ aˬ li maˬ dehꞈ doˆ le kʼoeˇ keuˆ ni, Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ muiˇ-eu deuˬ-euˬ laꞈ-ahˇ byehˇ dzeh taˬ tehꞈ-a. Kʼoeˇ sahˇ miˇ tsa, aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ yawˬ ha-euˬ tsawˇjeuˬ nehˬ-ehˇ paˇ ya jawˇ taꞈ tehꞈ-a.

Miˇkaˬ 7:14

Sahˬpaˬ Miˬyehˇ-oˇ, yawˇ bo-eu yaw sahˇ yawˇ zaˬ deuˬ-ahˇ haw piˇ-eu loꞈ-ehˇ, nawˬ neh tseˇ doˆ-euˬ nawˬ-euˬ tsawˇ jeuˬ-ahˇ haw piˇ-awˬ. Aˬ yawꞈ maꞈ bawˇ tsahˬ-ahˇ jawˇ ceuˆ taˬ-euˬ kʼawꞈ, aˬ yawꞈ maꞈ-euˬ jawˬ jawˬ-ehˇ miˇ muiˬ muiˬ-eu miˇ tsaˬ jaˆ-eu meh. Aˇ hu ba aˬ yawꞈ maꞈ neh mˇ dzaˬ kʼawꞈ dawˇ yaꞈ-euˬ miˇ tsaˬ miˇ muiˬ muiˬ dui dui-eu Baˬshaˬ hawˇ-eu Giˇlaˆ gahˬ kaˬ-ahˇ, aˬ yawꞈ maꞈ-ahˇ bi mˇ dzaˬ bi kʼawꞈ dawˇ poˆ-iˇ-awˬ.

Zeˬpaˬniˇ 3:17

Sahˬpaˬ Miˬyehˇ nawˬ nehˇ jawˇ-awˇ, gʼaˬ leˇ-eu baoˬ biꞈ laꞈ tehꞈ-a. Aˬ yawꞈ nawˬ-ahˇ nui kʼahˇ shiˇ-awˇ, nawˬ-ahˇ gaˬ-eu jeˬ baˬ da neh, yaw shuiꞈ bi dehꞈ paˇ laꞈ tehꞈ-a. Aˬ yawꞈ nawˬ-ahˇ nui ma tsaˬ-eu, laˬ kʼaˬ cehˇ-eu caˇ dawˬ caˇ-awˇ,

Bawˇtsahˬ 23:21

Iˇsaˬleˬlaˆ tsawˇ haˬ deuˬ mehˬ hu paw dehꞈ daˆ leꞈ-eu gaˇ kawˆ ngaˇ heu loꞈ-ehˇ mawˇ-euˬ ma. Guiˬ lahˬ doeˇ-eu jeˬ hawˇ-eu shaˬ-eu zahˬ-eu jeˬ, aˬ yawꞈ maꞈ kʼoeˇ taˆ maˬ paˇ keuˆ le meh. Aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ nehˬ-ehˇ jawˇ-eu meh. Aˬ yawꞈ-aˬ, aˬ yawꞈ maꞈ-euˬ sahˬ paˬ ma lehˇ, aˬ yawꞈ maꞈ guˇ-eu meh.

Luˇkaꞈ 15:32

Laˬ kʼaˬ tiˬ cehˇ dzaˬ taꞈ dawˇ taꞈ-eu heu-aˬ, jahˇ paˬ-ehˇ gʼeh-eu tiˬ jeˬ meh. Aˬ jeˬ miˇ neh ehˇ naˇ, nawˬ-euˬ aˬ nyiˇ heu gʼaˬ shiˇ-euˬ kʼawꞈ, nymˬ-mˇ paˇ gʼoꞈ dehꞈ laˇ-euˬ meh. Aˬ yawꞈ byoˆ-iˇ-euˬ kʼawꞈ, nymˬ-mˇ paˇ mawˇ kʼoꞈ-euˬ ma.”’

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Lormav 11:4

Miˬyehˇ aˬ yawꞈ-ahˇ aˬ joˆ-ehˇ ehˇ kʼoꞈ nehˬ-euˬ ta. “Maˬ ngeuˇ-eu miˬyehˇ pyeuꞈ-eu Baˬlaˇ miˬ yehˇ-ahˇ pawˬ tsuiꞈ pawˬ dmˬ dmˬ-awˇ uˬ duˬ maˬ tahˬ-euˬ tsawˇ haˬ shiꞈ heˇ gʼaˬ ngaˬ-euˬ gʼaˇ duˬ bi dzeˇ-euˬ ma” lehˇ ehˇ kʼoꞈ nehˬ-euˬ meh.

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Yaˇ kʼaˬ daˇ 10:16

Kʼoeˇ naˇ, boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ aˬ yawꞈ maꞈ byehˇ dzeh-awˇ, Sahˬpaˬ Miˬyehˇ-ahˇ uˬ duˬ tahˬ ngeh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ haw gaˬ-euˬ meh.