Miˇkaˬ 6:1 - Akha

¹ Iˇsaˬleˬlaˆ tsawˇ jeuˬ nehˬ-ehˇ Sahˬpaˬ Miˬyehˇ ja gaˇ naˇ haˬ sheˇ. Sahˬpaˬ Miˬyehˇ-oˇ, tuˇ-awˇ nawˇ ja-eu lehˇ gʼeh-eu jeˬ pyehˬ kʼawˬ-awˬ. Nawˬ neh ja-euˬ dawˬ deuˬ gawˬ jawˬ gawˬ duˇ deuˬ-ahˇ bi gaˬ yawˬ.

Miˇkaˬ 6:1 ပူးပေါင်းရင်းမြစ်များ

Jaceuq 50:1

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ-awˇ, mˬ dzeˇ miˇ dzeˇ keuˆ ni keuˆ-eu meh.

Jaceuq 50:4

Aˬ yawꞈ-euˬ tsawˇ haˬ deuˬ-ahˇ aˬ yawꞈ yaˇ kʼaˬ daˇ gaˇ, mˬ hawˇ-eu miˇ-ahˇ saˇ kiˇ bi geuꞈ-euˬ meh.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 3:13

Sahˬpaˬ Miˬyehˇ yaˇ kʼaˬ daˇ duˬ-ahˇ zaꞈ le-awˇ, aˬ yawꞈ-euˬ tsawˇ haˬ-ahˇ yaˇ kʼaˬ daˇ-eu lehˇ tuˇ laˇ luꞈ meh.

Yeˬlaˬmiˇ 13:15

Iˇsaˬleˬlaˆ tsawˇ haˬ deuˬ-oˇ, nui nahˬ nui yu ahˇ-eu laꞈ kʼoeˇ, Sahˬpaˬ Miˬyehˇ ehˇ taˬ-euˬ dawˬ-ahˇ naˇ haˬ sheˇ.

Yeˬlaˬmiˇ 22:29

Oˇ miˇ kʼahˬ, oˇ miˇ kʼahˬ, oˇ miˇ kʼahˬ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬsaˬgeˬlaˇ 36:1

Sahˬpaˬ Miˬyehˇ ehˇ-eu, “Tsawˇ haˬ zaˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ.

Yeˬsaˬgeˬlaˇ 36:8

Ehˇ kʼawꞈ, ngaˬ-euˬ tsawˇ haˬ pyeuꞈ-eu Iˇsaˬleˬlaˆ tsawˇ jeuˬ-oˇ, Iˇsaˬleˬlaˆ gawˬ jawˬ deuˬ kʼoeˇ taˆ dehꞈ-eu aˇ bawˇ deuˬ baw nmˬ paˇ nmˬ laˇ-awˇ, naw maꞈ gʼaˇ duˬ aˇ siˬ siˬ le tehꞈ-a. Naw maꞈ gʼawˬ myahˇ maˬ gʼeh-ehˇ, iˇ kahˇ-ahˇ paˇ ya gʼoꞈ jawˇ laˇ tehꞈ-a.

Yeˬsaˬgeˬlaˇ 37:4

Aˬ yawꞈ ngaˬ-ahˇ heu loꞈ-ehˇ paˇ ehˇ-eu meh. “Shaˬ yoeˬ heu deuˬ-ahˇ ngaˬ-euˬ gʼaˇ duˬ ngehˬ dah nehˬ-awˇ, Sahˬpaˬ Miˬyehˇ-euˬ dawˬ-ahˇ naˇ haˬ-awˬ lehˇ ehˇ nehˬ-awˬ.

Yeˬsaˬgeˬlaˇ 6:3

Sahˬpaˬ Miˬyehˇ-euˬ ehˇ dawˬ naˇ haˬ-awˬ lehˇ, Iˇsaˬleˬlaˆ gawˬ jawˬ deuˬ-ahˇ ehˇ nehˬ-awˬ. Gawˬ jawˬ gawˬ duˇ, lo guˇ gʼaˬ lawˬ deuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ nehˬ gaˇ naˇ haˬ-awˬ lehˇ ehˇ nehˬ-awˬ. Tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ deuˬ-ahˇ bi laˆ cawˆ-eu gʼaˇ duˬ, ngaˇ mi cehˇ bi oe ma.

Aˬmoˆ 3:1

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ-oˇ, naˇ haˬ sheˇ. Naw maꞈ tsawˇ jeuˬ jeuˬ lah ni-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ gʼaˬ pyeuꞈ-eu Sahˬpaˬ Miˬyehˇ neh naw maꞈ-euˬ gaˇ kawˆ heu loꞈ-ehˇ ehˇ taˬ-euˬ meh.

Miˇkaˬ 1:2

Tsawˇ jeuˬ dawˬ tawˆ luꞈ naˇ haˬ sheˇ. Miˇ tsaˬ tsawˇ haˬ zaˬ dawˬ tawˆ luꞈ, naˬ bawˇ ciˬ kʼmˇ-awˇ naˇ haˬ sheˇ. Naw maꞈ yaw doeˇ mˇ-euˬ gaˇ kawˆ, Baoˬ huiˬ-eu Sahˬpaˬ Miˬyehˇ-aˬ, naw maꞈ-ahˇ saˇ kiˇ kamˬ tehꞈ-a. Naˇ haˬ sheˇ. Mˬ taˆ aˬ yawꞈ-euˬ nymˇ laꞈ kʼoeˇ, aˬ yawꞈ dawˬ ngehˬ gaˇ naˇ haˬ sheˇ.

Miˇkaˬ 1:4

Byaˬ shahˬ miˬ dzaˬ puiˆ-eu loꞈ-ehˇ, gawˬ jawˬ kʼoeˇ deuˬ aˬ yawꞈ uˬ moˆ, ya guiˇ byoˆ-iˇ jiˇ gaˇ keuˆ-awˇ, baˬ gʼa yoeˇ-eu iˇ cuꞈ loꞈ-ehˇ, lawˇ kʼmˬ-ahˇ yoeˇ ka le tehꞈ-a.

Miˇkaˬ 5:15

Ngaˬ-euˬ dawˬ-ahˇ maˬ naˇ haˬ geuꞈ-eu miˇ kʼahˬ deuˬ-ahˇ ngaˇ nui ma pehˇ dui dui-eu laꞈ kʼoeˇ laꞈ poˆ poˆ nehˬ ma.”

Miˇkaˬ 6:2

Gawˬ jawˬ deuˬ hawˇ-eu ziꞈ dah ni jaˆ-eu miˇ tsaˬ tahˬ kʼawˇ heu-euˬ zeuˇ dahˇ deuˬ-oˇ, Sahˬpaˬ Miˬyehˇ dawˬ ja ja gaˇ naˇ haˬ sheˇ. Sahˬpaˬ Miˬyehˇ Iˇsaˬleˬlaˆ tsawˇ haˬ nehˬ-ehˇ ja paˬ-ehˇ gʼeh-eu jeˬ jaˆ meh. Iˇsaˬleˬlaˆ tsawˇ jeuˬ nehˬ-ehˇ aˬ yawꞈ pyehˇ paˬ-ehˇ gʼeh-eu gaˇ kawˆ jaˆ-eu meh.

Luˇkaꞈ 19:40

Yeˬsuˇ ehˇ-eu, “Ngaˇ naw maꞈ-ahˇ ehˇ nehˬ nyaˇ. Tsawˇ haˬ heu deuˬ maˬ guˇ-ehˇ naˬ leˇ naˇ, kʼaˬ lo deuˬ guˇ laˇ tehꞈ-a.”

Dawˬmehˬ 32:1

“Mˬ-oˇ, ngaˬ-euˬ dawˬ naˇ haˬ-awˬ. Yaw duˬ duˬ-ehˇ naˇ haˬ duˬ-awˬ. Miˇ-oˇ, ngaˬ-euˬ teˇ saˇ gaˬ-awˬ.

Dawˬmehˬ 4:26

Mˬ hawˇ-eu miˇ-ahˇ tsawˇ kaˬ bi geuꞈ-awˇ, naw maꞈ-ahˇ iˬ nah ngaˇ heu loꞈ-ehˇ ehˇ-eu ma. Ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, miˇ kʼahˬ kʼoeˇ kʼahˬ laꞈ kʼoeˇ, tiˬ kʼehˇ laˇ kʼehˬ laꞈ kʼoeˇ tehꞈ-ehˇ naw maꞈ ya luˬ ya seˇ-iˇ tehꞈ-a. Naw maꞈ jawˇ leˇ-eu lehˇ gʼeh-eu Yawˇdaˬ lawˇ baˬ nui baˬ-ahˇ jaˆ-eu miˇ kʼahˬ kʼoeˇ kʼahˬ laꞈ kʼoeˇ, gʼawˬ myahˇ ni maˬ ya jawˇ-aˇ. Geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-eu jeˬ-ahˇ ya daˬ tehꞈ-a.

1 Saˬmeuˬlaˆ 12:7

Nymˬ-mˇ yawˬ ha-euˬ jawˇ duˬ-ahˇ yawˬ ha ciˬ cuˇ ni yawꞈ-awˬ. Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ-ahˇ ka kʼoꞈ-eu gʼaˇ duˬ, Sahˬpaˬ Miˬyehˇ neh mˇ-euˬ huiˬ-eu gaˇ deuˬ naw maꞈ-ahˇ ja mehˬ-eu laꞈ kʼoeˇ, Sahˬpaˬ Miˬyehˇ mehˬ shi ngaˇ naw maꞈ-ahˇ saˇ kiˇ kamˬ-eu ma.

1 Saˬmeuˬlaˆ 15:16

Saˬmeuˬlaˆ ehˇ-eu, “Tiˬ jeˬ-iˬ taˬ paˇ ja. Miˇ ciꞈ Sahˬpaˬ Miˬyehˇ ngaˬ-ahˇ ehˇ nehˬ laꞈ-euˬ gaˇ kawˆ ngaˇ nawˬ-ahˇ dzawˇ nehˬ nyaˇ.” Sawˇluˆ ehˇ-eu, “Dzawˇ nehˬ laꞈ-awˬ.”