Miˇkaˬ 4:10 - Akha

¹⁰ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Miˇkaˬ 4:10 ပူးပေါင်းရင်းမြစ်များ

2 Sahˬpaˬ 20:18

Nawˬ-euˬ aˬ li tiˬ deuˬ na-ahˇ kʼawꞈ nyehꞈ gʼeh-awˇ, shawꞈ-awˇ, Baˬbuˇloˬ sahˬ paˬ-euˬ nymˇ-ahˇ gaˇ mˇ-eu tsawˇ haˬ bi geuꞈ tehꞈ-a’ lehˇ ehˇ-eu meh.”

2 Sahˬpaˬ 25:4

Meuˬ meuˬ lahˇ laˆ pehꞈ-awˇ, Baˬbuˇloˬ tsawˇ haˬ deuˬ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ kʼoeˬ doˆ jiˇ-euˬ meh. Sahˬpaˬ-euˬ yaˇ kmˇ paw aˬ yawꞈ maꞈ iˇ-awˇ, meuˬ meuˬ lahˇ nyiˬ pyawˬ dzoeˇ le-euˬ laꞈ coeˇ-ahˇ jaˆ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

2 Laˬsaˬbaˬ 33:11

Kʼoeˇ miˇ neh, Aˬshuˇliˆ guiˇ maꞈ deuˬ-ahˇ Yuˇdaˆ miˇ kʼahˬ laꞈ kʼoeˇ Sahˬpaˬ Miˬyehˇ bi uˇ le-euˬ meh. Aˬ yawꞈ maꞈ Maˬnaˇseˬ-ahˇ nyehꞈ-awˇ, naˇ mehˇ-ahˇ shmˇ kuˆ seuˬ siˇ ceuˬ-awˇ, shmˇ caˆ paꞈ-eu laꞈ kʼoeˇ, Baˬbuˇloˬ meuˬ-ahˇ tsahˇ gʼeh-euˬ meh.

2 Laˬsaˬbaˬ 36:20

Maˬ shiˇ-ehˇ kʼaˇ dzeˇ-eu deuˬ-ahˇ Baˬbuˇloˬ miˇ kʼahˬ-ahˇ aˬ yawꞈ nyehꞈ kʼoꞈ gʼeh-awˇ, Paˇshaˇ miˇ kʼahˬ dzoeˬ dzaˬ-eu yamˬ maˬ keuˆ laˇ kʼoeˇ keuˆ ni, aˬ yawꞈ hawˇ-eu aˬ yawꞈ-euˬ zaˬ deuˬ uˆ deuˬ-euˬ zaˬ kʼaˆ bi geuꞈ-euˬ meh.

2 Laˬsaˬbaˬ 36:23

“Heu-aˬ, Paˇshaˇ sahˬpa Guˇluˆ-euˬ dawˬ pyeuꞈ-eu meh. Mˬ kʼoeˇ taˆ jawˇ-eu Miˬyehˇ pyeuꞈ-eu Sahˬpaˬ Miˬyehˇ-aˬ, miˇ tsaˬ heu dawˬ tawˆ luꞈ kʼoeˇ taˆ ngaˬ-ahˇ bi uˆ lahˇ laꞈ-awˇ, Yuˇdaˆ miˇ kʼahˬ Yeˬluˇsaˬlehˬ meuˬ-ahˇ aˬ yawꞈ gʼaˇ duˬ Uˬ duˬ tahˬ nymˇ tiˬ nymˇ tsoˆ-awˬ lehˇ aˬ yawꞈ ngaˬ-ahˇ kʼehˇ-eu meh. Nymˬ-mˇ, Miˬyehˇ-euˬ tsawˇ haˬ kʼaˇ ngeuˇ-eu naw maꞈ dawˬ tawˆ luꞈ kʼoeˇ gaˇ le-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ luꞈ-uˇ.”

Jaceuq 106:10

Aˬ yawꞈ maꞈ-ahˇ bye-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ muiˇ-eu deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ-euˬ meh.

Iˇsaˬyaˇ 43:14

Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, naw maꞈ-ahˇ ka kʼoꞈ-euˬ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ ka kʼoꞈ-eu gʼaˇ duˬ, Baˬbuˇloˬ miˇ kʼahˬ-ahˇ guiˇ deuˆ le-eu, guiˇ maꞈ tiˬ maꞈ ngaˇ pyehˬ leꞈ ma. Meuˬ lahˇ laˇ gʼoˆ deuˬ-ahˇ ngaˇ ngawˬ pyaˆ-awˇ, Baˬbuˇloˬ tsawˇ haˬ deuˬ guˇ-eu teˇ saˇ, tsawˇ ngoeˇ ngoeˇ-eu teˇ saˇ pyeuꞈ-iˇ tehꞈ-a.

Iˇsaˬyaˇ 45:13

Yaw tsaˬ yaw dawˇ jeˬ bi mˇ-eu gʼaˇ duˬ, Guˇluˆ-ahˇ ngaˇ gʼeu tuˇ-euˬ ma. Aˬ yawꞈ iˇ-eu gaˇ ma ngaˇ shaˇ dawˇ ma. Ngaˬ-euˬ Yeˬluˇsaˬlehˬ meuˬ aˬ yawˬ gawˬ muiˬ-awˇ, aˬ cawˬ miˇ kʼahˬ-ahˇ nyehꞈ gʼeh-euˬ ngaˬ-euˬ tsawˇ haˬ deuˬ-ahˇ, aˬ yawꞈ pyehˬ kʼoꞈ doˆ laꞈ tehꞈ-a. Ehˇ kʼawꞈ, laꞈ nmꞈ nmꞈ-awˇ aˇ poeˬ biꞈ-euˬ miˇ neh, aˬ yawꞈ kʼoeˇ loꞈ-ehˇ mˇ-eu maˬ ngeuˇ-a” lehˇ, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu meh.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Yeˬlaˬmiˇ 13:4

“Uˇpaˬlaˇ lawˇ baˬ-ahˇ iˇ-awˇ, joꞈ paꞈ teu kahˇ lo byoe-ahˇ yuˇ zaꞈ-iˇ-awˬ.”

Yeˬlaˬmiˇ 15:21

Maˬ tsaˬ maˬ dawˇ-eu tsawˇ haˬ yaw haiˬ deuˬ-euˬ baoˬ uˬ moˆ, nawˬ-ahˇ ngaˇ ka kʼoꞈ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 29:20

Ngaˬ neh Baˬbuˇloˬ miˇ kʼahˬ-ahˇ bi nyehꞈ gʼeh-euˬ naw maꞈ dawˬ tawˆ luꞈ, Sahˬpaˬ Miˬyehˇ pyeuꞈ-eu ngaˇ ehˇ gaˇ, yaw muiˬ paˬ-ehˇ naˇ haˬ geuꞈ-awˬ.’

Yeˬlaˬmiˇ 4:31

Zaˬ baw aˬ ma ngoeˇteˇ ngaˇ gaˬ-euˬ ma. Zaˬ nahˬ ciˬ ngeh naˇ-eu teˇ saˇ loꞈ-ehˇ, Yeˬluˇsaˬlehˬ shiˇ dehꞈ shiˇ teuˆ-awˇ, aˬ laꞈ cawˬ ja taˬ-awˇ ehˇ-eu, “Maˬ paˇ gʼeh nya miˇ-a. Aˬ cawˬ laꞈ-ahˇ ya shiˇ miˇ-a.”

Yeˬlaˬmiˇ 48:41

Meuˬ deuˬ hawˇ-eu taˆ deuˬ-ahˇ aˬ yawꞈ maꞈ deuˆ gʼaˬ tehꞈ-a. Kʼoeˇ ngeh, Mawˇbaˆ yehˇ deuˬ, zaˬ baw luꞈ-eu zaˬ miˬ zaˬ loꞈ-ehˇ guˆ dui dui tehꞈ-a.

Yeˬlaˬmiˇ 52:27

Yiˇbaˬlahˬ meuˬ-aˬ, Haˬmaˆ gahˬ kaˬ-ahˇ jaˆ-eu meh. Kʼoeˇ gaˇ, Baˬbuˇloˬ sahˬ paˬ aˬ yawꞈ maꞈ-ahˇ kʼehˬ-awˇ sehꞈ-euˬ meh. Kʼoeˇ loꞈ-ehˇ Yuˇdaˆ tsawˇ haˬ deuˬ aˬ cawˬ neh bi nyehꞈ byoˆ gʼeh-euˬ meh.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Hawˇseˬ 13:13

Dehꞈ doˆ le yamˬ keuˆ laˇ-euˬ kʼawꞈ, uˬ maˆ laꞈ nyiˇ maˬ doˆ le-euˬ, aˬ li zaˬ nahˬ tiˬ gʼaˬ loꞈ-ehˇ Iˇsaˬleˬlaˆ dehꞈ ziˇ oꞈ kʼawꞈ, aˬ dzawˬ aˇ gah gah-eu miˇ neh, dehꞈ ziˇ kʼoeˇ-ahˇ maˬ za nya-a.

Hawˇseˬ 2:14

Kʼoeˇ baˬ da neh aˬ yawꞈ-ahˇ ngaˇ, bawˇ tsahˬ bawˇ dahˇ-ahˇ sheuˬ gʼeh-awˇ, dawˬ nahˬ yu ni ngehˬ-eu laꞈ kʼoeˇ, ngaˬ-ahˇ gaˬ kʼoꞈ laˇ ni mˇ ma.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Miˇkaˬ 5:3

Kʼoeˇ miˇ neh, zaˬ ya ciˬ-eu zaˬ miˬ zaˬ kʼoeˇ gʼaˬ aˬ yawꞈ-euˬ aˬ li maˬ dehꞈ doˆ le kʼoeˇ keuˆ ni, Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ muiˇ-eu deuˬ-euˬ laꞈ-ahˇ byehˇ dzeh taˬ tehꞈ-a. Kʼoeˇ sahˇ miˇ tsa, aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ aˬ yawꞈ-euˬ tsawˇ jeuˬ Iˇsaˬleˬlaˆ tsawˇ haˬ deuˬ yawˬ ha-euˬ tsawˇjeuˬ nehˬ-ehˇ paˇ ya jawˇ taꞈ tehꞈ-a.

Panmaeq 12:14

Zaˬ miˬ zaˬ kʼoeˇ gʼaˬ, smˇ kʼoꞈ uˬ taꞈ tiˬ paˆ keuˆ ni byaˆ yahˬ kʼoeˇ mawˇ-euˬ laꞈ-ahˇ neh haw piˇ nehˬ-eu lehˇ lehˬ hmˬ nehˬ taˬ-euˬ bawˇ tsahˬ kʼoeˇ tsahˇ-ahˇ zaw kʼoꞈ gʼeh nya ni, kʼaˬ dzeˇ dzeˇ ma-euˬ aˬ dahˇ nyiˬ pyawˬ laˆ tsoꞈ nehˬ taˬ-euˬ meh.