Miˇkaˬ 1:13 - Akha

¹³ Laˬkiˇshaˆ meuˬ-ahˇ jawˇ-eu tsawˇ haˬ deuˬ-oˇ, mahˬ laˆ lawˬ lehˬ hmˬ-awˬ. Iˇsaˬleˬlaˆ miˇ kʼahˬ iˬ baˇ mˇ-euˬ gaˇ naw maꞈ dzaw geuꞈ-awˇ, Yeˬluˇsaˬlehˬ meuˬ iˬ baˇ mˇ ni naw maꞈ jahˇ-euˬ meh.

Miˇkaˬ 1:13 ပူးပေါင်းရင်းမြစ်များ

Aˇ dahˬ 19:17

“Naw maꞈ ya buˬ-iˇ ni cehˆ dzeuˇ tehˇ tehˬ-awˬ. Nahˇ gʼoꞈ taˬ paˇ gʼoꞈ haw. Deh ga heu maˬ cehˆ li kʼoeˇ keuˆ ni tiˬ gaˇ-iˬ taˬ naˬ. Naw maꞈ maˬ shiˇ-ehˇ ya dzeuˇ-iˇ ni, gawˬ jawˬ paw cehˆ daˆ leꞈ-awˬ” lehˇ, mˬ taˆ gʼaˬ kʼehˇ tiˬ gʼaˬ aˬ yawꞈ maꞈ-ahˇ ehˇ nehˬ-euˬ meh.

1 Sahˬpaˬ 14:16

Yeˬyawˇbamˬ mehˬ huˬ huˬ-eu mehˬ nah caw teh-awˇ, Iˇsaˬleˬlaˆ tsawˇ haˬ deuˬ iˬ baˇ mˇ-euˬ miˇ neh, Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ byehˇ dzeh tehꞈ-a.”

1 Sahˬpaˬ 16:31

Sahˬ paˬ Yeˬyawˇbamˬ neh mˇ-euˬ iˬ baˇ naˆ ni tehꞈ-ehˇ aˬ yawꞈ nui kʼahˇ maˬ shiˇ-ehˇ, kʼoeˇ naˆ maˬ tseˇ mˇ dzehˬ-eu laꞈ kʼoeˇ, Siˇdoˬ sahˬ paˬ Eˇdaˬbaˬlaˇ-euˬ aˬ buˇ Yeˬsaˬbeˬlaˇ-ahˇ sheuˬ-awˇ, Baˬlaˇ miˬ yehˇ-ahˇ uˬ duˬ tahˬ-euˬ meh.

1 Sahˬpaˬ 4:28

Miˇ kʼahˬ kʼahˬ zaˬ kʼoeˇ deuˬ kʼoeˇ taˆ haw luꞈ pyaˆ luꞈ-eu sahˬ paˬ sahˬ ma aˬ yawꞈ gʼaˬ yawꞈ, yawˬ ha-ahˇ kʼaˇ daˇ-eu loꞈ-ehˇ, laˆ lawˬ gʼeu-eu mahˬ deuˬ hawˇ-eu mahˬ nui deuˬ bi dzaˬ-eu gʼaˇ duˬ, kʼaˇ loˬ-eu tsahˇ-ahˇ lawˬ loeˇ hawˇ-eu gʼoˆ yoeˬ tawˬ ha nehˬ-euˬ meh.

2 Sahˬpaˬ 14:19

Yeˬluˇsaˬlehˬ meuˬ laꞈ kʼoeˇ, Aˬmaˬziˇ-ahˇ aˬ cawˬ sehꞈ kʼoeˬ-eu lehˇ lehˬ hmˬ luꞈ-eu miˇ neh, Laˬkiˇshaˆ meuˬ-ahˇ cehˆ-euˬ meh. Ehˇ kʼawꞈ, aˬ yawꞈ-ahˇ muiˇ-eu deuˬ kʼoeˇ gaˇ keuˆ ni caw teh-iˇ-awˇ, aˬ yawꞈ-ahˇ sehꞈ-euˬ meh.

2 Sahˬpaˬ 18:17

Aˬshuˇliˆ sahˬ paˬ kʼoeˇ gʼaˬ-aˬ, Yeˬluˇsaˬlehˬ meuˬ-ahˇ jawˇ-eu Heˬsaˬgiˇ-ahˇ guiˇ bi deuˆ-iˇ-eu gʼaˇ duˬ, myaˬ dui dui-eu guiˇ maꞈ tiˬ maꞈ Laˬkiˇshaˆ meuˬ-ahˇ neh pyehˬ gʼeh-euˬ meh. Aˬ yawꞈ-euˬ guiˇ maꞈ-ahˇ uˆ lahˇ-eu aˬ cawˬ naˆ maˬ tseˇ huiˬ dzehˬ-eu yaw huiˬ yaw mahˇ smˇ gʼaˬ-ahˇ aˬ yuiꞈ bi geuꞈ-awˇ, guiˇ maꞈ kʼoeˇ maꞈ-ahˇ bi sheuˬ gʼeh-euˬ meh. Yeˬluˇsaˬlehˬ meuˬ-ahˇ aˬ yawꞈ maꞈ le keuˆ ngeh, laꞈ taˆ paw jaˆ-eu lah-ahˇ neh meuˬ laꞈ kʼoeˇ iˇ pahˬ pahˬ ahˇ taˬ-euˬ dawˬ peh, saˬ nmˇ saˬ paˇ mˇ duˬ-ahˇ jaˆ-eu gaˇ ma-ahˇ guiˇ daˬ daˬ-euˬ meh.

2 Sahˬpaˬ 8:18

Aˬ yawꞈ-euˬ miˬ zaˬ-aˬ, Aˬhaˆ-euˬ aˬ buˇ pyeuꞈ-awˇ, Aˬhaˆ-euˬ nymˇ jiˇ-ahˇ duˇ ni, Iˇsaˬleˬlaˆ sahˬ paˬ deuˬ neh mˇ-euˬ iˬ baˇ mehˬ nah aˬ yawꞈ caw teh-euˬ meh. Sahˬpaˬ Miˬyehˇ mehˬ shi yaw haiˬ jeˬ aˬ yawꞈ mˇ-euˬ meh.

2 Laˬsaˬbaˬ 11:9

Aˬdawˇleˬ meuˬ, Laˬkiˇshaˆ meuˬ, Aˬzeˬkaˬ meuˬ,

2 Laˬsaˬbaˬ 32:9

Aˇ nah aˇ yamˬ ui cuiˆ myahˇ laˇ-awˇ, Aˬshuˇliˆ sahˬ paˬ Saˬneˬkaˬliˇ hawˇ-eu aˬ yawꞈ-euˬ guiˇ maꞈ deuˬ Laˬkiˇshaˆ meuˬ-ahˇ jawˬ lahˇ-awˇ jawˇ luꞈ ngeh, Yuˇdaˆ sahˬ paˬ Heˬsaˬgiˇ hawˇ-eu Yeˬluˇsaˬlehˬ meuˬ-ahˇ jawˇ luꞈ-eu Yuˇdaˆ miˇ kʼahˬ zaˬ deuˬ jawˇ gaˇ aˬ yawꞈ-euˬ yaw huiˬ yaw mahˇ deuˬ pyehˬ gʼeh-awˇ, heu loꞈ-ehˇ bi tsaꞈ gaˬ leˇ-euˬ meh.

Yawˇbaˆ 39:10

Nehꞈ nyoˬ-ahˇ nawˇ aˇ caˆ paꞈ-awˇ deh yaˇ tsehˬ nya te loˇ. Maˬ ngeuˇ naˇ jehˆ kaˆ bi kaˆ nya te loˇ.

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

Iˇsaˬyaˇ 10:31

Maˬdaˬmeˬnahˬ meuˬ-ahˇ jawˇ-eu deuˬ nui ma ga ka-awˇ, Geˬbymˬ meuˬ-ahˇ jawˇ-eu deuˬ, uˬ kʼawˇ cehˆ piˇ luꞈ meh.

Iˇsaˬyaˇ 36:2

Kʼoeˇ naˇ, aˬ yawꞈ-euˬ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ-ahˇ, guiˇ maꞈ maꞈ ma sheuˬ-awˇ Laˬkiˇshaˆ meuˬ-ahˇ neh Yeˬluˇsaˬlehˬ meuˬ-ahˇ sahˬ paˬ Heˬsaˬgiˇ jawˇ gaˇ bi iˇ-euˬ meh. Laꞈ taˆ paw-euˬ lah-ahˇ neh meuˬ-ahˇ iˇ cuꞈ yuˇ ahˇ-euˬ uiˇ kʼehˬ dawˬ peh, saˬ nmˇ saˬ paˇ mˇ-eu jawˇ duˬ-ahˇ jaˆ-eu gaˇ jawˬ-ahˇ, yaw huiˬ yaw mahˇ kʼoeˇ gʼaˬ jawˇ naˬ-euˬ meh.

Iˇsaˬyaˇ 37:8

Aˬshuˇliˆ sahˬ paˬ Laˬkiˇshaˆ meuˬ-ahˇ byehˇ dzeh yaꞈ-awˇ, dawˬ peh jaˆ-eu Liˇbaˬnahˬ meuˬ-ahˇ guiˇ deuˆ luꞈ-eu gaˇ kawˆ, Aˬshuˇliˆ tsawˇ haˬ yaw huiˬ yaw mahˇ kʼoeˇ gʼaˬ ya siˬ-awˇ, sahˬ paˬ jawˇ gaˇ le-awˇ mehˬ bawˬ mˇ leˇ-euˬ meh.

Yeˬlaˬmiˇ 3:8

Iˇsaˬleˬlaˆ ngaˬ-ahˇ byehˇ dzeh yaꞈ-awˇ, meh maˬ laˇ geuꞈ iˇ-euˬ baˬ da neh, aˬ yawꞈ-ahˇ ngaˇ kʼoꞈ-awˇ teh dzeh nehˬ-euˬ gaˇ, Yuˇdaˆ mawˇ duˬ taˬ-euˬ meh. Ehˇ kʼawꞈ, Iˇsaˬleˬlaˆ-euˬ aˬ nyiˇ gʼaˬ pyeuꞈ-eu saˇ jaˇ maˬ ziꞈ-eu Yuˇdaˆ-aˬ, guˆ-eu nui ma maˬ ahˇ-ehˇ, aˬ yawꞈ gʼaˬ kʼawꞈ meh maˬ laˇ paˇ geuꞈ-euˬ meh.

Yeˬlaˬmiˇ 34:7

Kʼoeˇ ngeh, Baˬbuˇloˬ sahˬ paˬ-euˬ guiˇ maꞈ deuˬ meuˬ kʼoeˇ meuˬ-ahˇ guiˇ deuˆ luꞈ-eu meh. Yuˇdaˆ meuˬ nui deuˬ laꞈ kʼoeˇ, aˬ cawˬ neh maˬ bi deuˆ gʼaˬ dah-ehˇ ziꞈ dah ni dzeˇ luꞈ-eu meuˬ-aˬ, Laˬkiˇshaˆ meuˬ hawˇ-eu Aˬzeˬkaˬ meuˬ kʼoeˇ nyiˬ meuˬ tehꞈ meh. Kʼoeˇ nyiˬ meuˬ-ahˇ kʼawꞈ, guiˇ maꞈ kʼoeˇ deuˬ guiˇ deuˆ luꞈ-eu meh.

Yeˬlaˬmiˇ 4:29

Mahˬ dziˬ-eu deuˬ hawˇ-eu kaˆ beuˆ-eu deuˬ luiˬ gʼa laˇ ngeh, yawˬ gʼaˬ na luꞈ cehˆ byoˆ tehꞈ-a. Tiˬ paˆ na deuˬ lo guˇ-ahˇ cehˆ daˆ leˇ tehꞈ-a. Meuˬ dawˬ tawˆ luꞈ yawꞈ ngehꞈ-ehˇ jaˆ yaꞈ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬsaˬgeˬlaˇ 23:11

“Aˬ nyiˇ gʼaˬ pyeuꞈ-eu Oˬhoˬliˇbaˬ-aˬ, aˬ yawꞈ-euˬ aˬ yuiꞈ kʼoeˇ loꞈ-ehˇ gʼeh-eu mawˇ-euˬ kʼawꞈ, kʼoeˇ naˆ maˬ tseˇ doeˇ dzehˬ-eu meh maˬ laˇ paˇ geuꞈ-euˬ meh.

Miˇkaˬ 1:5

Iˇsaˬleˬlaˆ tsawˇ haˬ deuˬ iˬ baˇ mˇ-awˇ Miˬyehˇ-ahˇ puiˬ-euˬ miˇ neh, gaˇ kawˆ heu deuˬ dawˬ tawˆ luꞈ pyeuꞈ laˇ tehꞈ-a. Aˬ suˇ gʼaˬ baˬ da neh Iˇsaˬ leˬlaˇ miˇ kʼahˬ Miˬyehˇ-ahˇ puiˬ ta. Saˬmaˬliˆ meuˬ baˬ da neh maˬ ngeuˇ-a loˇ. Aˬ suˇ gʼaˬ baˬ da neh Yuˇdaˆ miˇ kʼahˬ tahˬ pahˬ aˬ ma mawˇ kawˇ-ahˇ uˬ duˬ tahˬ ta.

Yawˇshuˆ 10:3

Kʼoeˇ miˇ neh, Heˬbyoˬ sahˬ paˬ Hoˬhamˬ, Jaˬmuˆ sahˬ paˬ Piˇlamˬ, Laˬkiˇshaˆ sahˬ paˬ Jaˬpiˇyaˬ hawˇ-eu, Eˇgaˬloˬ sahˬ paˬ Deˬbeuˬ heu deuˬ jawˇ gaˇ sahˬ paˬ Aˬdoˬniˇzeˬdehˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh.

Yawˇshuˆ 15:39

Laˬkiˇshaˆ meuˬ, Bawˇzaˬkaˇ meuˬ, Eˇgaˬloˬ meuˬ,

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.

Panmaeq 2:20

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yawˬ haˇ yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ ehˇ-eu zaˬ miˬ zaˬ tiˬ gʼaˬ pyeuꞈ-eu Yeˬsaˬbeˬlaˇ-ahˇ nawˇ tiˬ jeˬ-iˬ maˬ jahˇ ni kʼoeˇ loꞈ-ehˇ pyehˬ taˬ-euˬ meh. Aˬ yawꞈ mehˬ-eu tsoˆ-eu kʼoeˇ-aˬ, ngaˬ-euˬ zaˬ kʼaˆ deuˬ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ ni sheuˬ bahˬ-euˬ meh.